Juan 8
8
1Qalaxayi so Jesús tashiguemec aso qasoxonaxa mayi nanqa' ana olivos. 2Qaq so ña nte'etom so lÿa na'a'q, nachi somayi qaltaq ÿi'iguelaxau'a aso n'onaxanaxaqui. Nachi 'enauac na shiÿaxauapi nquigueu'a somayi, nachi somayi nso'ooñi, nachi quetot da dapaxaguenataxaatac. 3Nachi nam dapaxaguenataxaatapeguec na nqataxacpi qataq na fariseopi nauegueu'a somayi aso 'alo mayi qaÿauanalec da ncachitapegue' ca sa lhua. Nachi qanachaalataxaangui na laiñi som shiÿaxauapi mayi hueta'asop somayi. 4Nachi qoÿinapego' so Jesús, qoÿiita':
–'Am mayi 'auapaxaguenataxaatac, ada'ada 'alo, adamayi qaÿauanalec da ncachitapegue' ca sa lhua. 5Qaq naua lqataxaco so Moisés qomi' ÿamaxalguete da sauoqta'a na coma' da salauataq na 'alpi, da huo'otaq 'eeta'am adamayi. Qaq 'am ¿huá'ague ca 'eetec ca 'ad'aqtac?
6Qaq somayipi 'enapec de'eda, da chochi ÿi'iguen so Jesús, da yaqto' ishit da qaÿauo'o ca lasouaxashit. Nachi so Jesús nqollimñi, nachi ÿittac ana 'alhua, huota'a ana llaxaata. 7Qalaxayi somayipi nachi queto'ot da denataxaatac. Nachi somayi nqollimshiguem, nachi 'enapega somayipi, 'eeta':
–Da huo'o ca 'oonolec da qoñiita da qaica ca lasouaxashit, qaq nachica qome ca l'auaxanec da ÿasaq ca coma' adamayi.
8Nachi qaltaq ÿi'iguelaxalec da nqollimñi, nachi qaltaq ÿittac ana 'alhua. 9Qalaxayi somayipi co'ollaq hua'axaÿa de'eda, nachi ÿataqta 'aloxogui yi lauel, nachi nqonaxattauec, hua'auchiguiñi na ÿi'axaiquipi. Qaq co'ollaq 'enauac somayipi da jec, nachi so Jesús nda'aguet aso 'alo mayi n'onaña yim qanayiuta'a. 10Nachi so Jesús namatashiguem. Qaq co'ollaq qaica ca ila'a, chaqasota aso 'alo, nachi inattac asomayi, 'eeta':
–'Am 'alo, ¿huéta'ague cam ÿauotaique da ÿauo'o ca 'anhuaxanaguec? ¿Qaica peta'a ca ÿañoxot da 'am ÿalauat?
11Nachi asomayi 'enapeco':
–'A'i, qaica, 'am ÿataxala'.
Nachi so Jesús 'enapego' asomayi, 'eeta':
–Aÿim nataq'en sa ishit da 'am salauat. Nagui 'am qojec. Qalaxayi sa ishit qome da qaltaq 'auauo'o ca 'adasouaxashit.
So Jesús nachiso so lcoÿadaqte ana 'alhua
12Nachi so Jesús qaltaq 'enapega so shiÿaxauapi, 'eeta':
–Aÿim nachaÿim lcoÿadaqte ana 'alhua. Ca aÿim ca'ategue, nachi camayi huo'o aca lcoÿadaxanaqte mayi i'ot da lca'alaxa camayi. Huaña, nachi camayi sa nauane' da huetaigui ca napalaxa.
13Nachi na fariseopi 'eetega somayi, 'eeta':
–'Am maichi 'an'axattapeguela't, qaq de'eda 'ad'aqtaxanaxac, damayi sa ishit da 'en.
14Nachi so Jesús 'enapeco':
–De'eda i'aqtaxanaxac, damayi ÿataqta 'eesa, nai'ctaxa da huo'otaq aÿim maichi ñi'axattapeguela't. Cha'ayi saÿateeta yi sachigoqchiguiña, qataq dam sata'ague. Qami', qalaxayi sa ishit da qauaÿajñi ca sachigoqta'ague, qataq cam sata'ague. 15Qami' da qanmichi ca nasouaxashit, qalaq qaupaquiichigui ca maichi lhuennataxac na yi'oqchigui shiÿaxauapi. Aÿim, qalaxayi sa ishit da ñimit ca nasouaxashit. 16Qalaxayi da huo'otaq ñimit ca nasouaxashit, qalaq ca imitaxanaxac ÿataqta ÿashicteec, cha'ayi sa ishit da ñidoteec da huo'o ca ñimit. Cha'ayi ñim ita'a mayi aÿim namaq, ñimayi aÿim itauan da huo'o ca ñimit nasouaxashit. 17Nam nqataxacpi mayi qami' qoÿanema co'ollaxa nanettañi da huo'otaq huo'oi caua dos da huo'otaq huo'o ca i'axa't da nateeta't ca l'aqtaxanaxac, nachi caamayi ishit da qai'amaqte'n. 18Qaq aÿim maichi ñi'axattapeguela't, qataq ñim ita'a mayi aÿim namaq, ñimayi nataq'en aÿim i'axattac.
19Nachi qainattac somayi, qoÿiita':
–¿Huá'ague ca neta'ague ca 'adta'a?
Nachi so Jesús 'enapeco':
–Qami' sa ishit da aÿim qauauattoñi, qaq nachi 'en'am ñi ita'a sa ishit da qauauattoñi. Cha'ayíctaxa da aÿim qauauattoñi, nachi nataq'en ishit da qauauattoñi ñi ita'a.
20Qaq so Jesús 'enapec de'eda co'olla ñaq huetaigui aso n'onaxanaxaqui da dapaxaguenataxaatac, hueta'a yim naña aso laÿi' ana nachitaqtaxanaqte. Qalaxayi sa ishit da huo'o ca ÿañoxot da ÿaconeu'a somayi da icoñi', cha'ayi somayi saxanaxa da ivita ca laloqo'.
“Cam sataigue, qami' sa ishit da qauañoxochi da qaviyiÿa'a”
21So Jesús qaltaq ÿi'iguelaxalec da detaqa, 'eeta':
–Aÿim ashic, qaq qami' qome aÿim qanmichiitaique, qalaxayi qami' qaulliviitañito qome naua qadasouaxashi'chilli'. Cha'ayi cam aÿim sataigue, qalaq qami' sa ishit da qauañoxochi da qaviyiÿa'a.
22Nachi na judiopi 'enapeco':
–¿Peta'a maichi nalajla't damayi qome, ÿoqo'oyi 'enapec da sa ishit da ñoqo'onaxa cam taÿa?
23Nachi so Jesús 'enapega somayipi, 'eeta':
–Qami' qauachigoqoitelec ne'ena npa'aguiñi; aÿim, qalaxayi sachigoqta'ague da pa'ashiguem. Qami' maichi qadmayi ana 'alhua; aÿim, qalaxayi sa ishit da ima' ana'ana 'alhua. 24Qaq ÿoqo'oyi aÿim shinapec da qami' qaulliviitañito qome naua qadasouaxashi'chilli'. Cha'ayi da sa ishit da qau'amaqchiñi da aÿim mayi nachaÿimta, nachi qami' qaulliviitañito naua qadasouaxashi'chilli'.
25Nachi qainattac somayi, qoÿiita':
–¿Négue't 'am?
Nachi so Jesús 'enapeco':
–Mashi sogote mque' da qami' sa'aqtaxaatapeguema so hua'auchiguiñi. 26Aÿim ÿataqta ña qalota na i'aqtacpi da qami' shinapegalo qataq da ñimit na qadasouaxashichi. Qalaxayi ñim aÿim namaq, ñimayi ÿataqta 'eesa dam l'aqtac, qaq 'enauac nam sa'axatem nam huetalec ana 'alhua, nachina na sa'aqchigui l'aqtacpi ñimayi.
27Qalaxayi namayipi sa ishit da ÿaÿajneguet da somayi nachiñi ñim lta'a ñim detaqtega. 28Qaq ÿoqo'oyi so Jesús 'enapego' somayipi, 'eeta':
–Qami' qom ivita da qanauaxaÿaxañiishiguem nam shiÿaxaua llalec, nachi huaña qome, qaq ishit da qauaÿajñi da aÿim mayi nachaÿimta, qataq da sa ishit da chochi maichi ñalligoxottela't ca so'ot, chaqdata da aÿim sa'axat cam aÿim ÿapaxaguenec ñi ita'a. 29Cha'ayi ñim aÿim namaq, ñimayi aÿim hueta'aguet; ñim ita'a sa ishit da aÿim ndoqteeteec, cha'ayi aÿim sa i'atai' da so'ot cam ÿaÿamaxadeeta ñimayi.
30Nachi co'ollaq 'enapec de'eda so Jesús, nachi ÿataqta qalota na i'amaqten somayi.
Nam llalaqpi ñi Dios qataq nam l-latacpi da ñi'itaxaloxo
31Nachi so Jesús 'enapego' nam judiopi mayi i'amaqten somayi, 'eeta':
–Qami' qom ÿataqta qau'ochi de'eda qami' sa'axatema, nachi ÿoqta 'eesa qome da qami' ÿapaxaguenataqa. 32Nachi qami' qome ÿataqta qauauattoñiita da 'eesa lataxac, qaq de'eda 'eesa lataxac, nachida da ÿataqta qami' huesochiyiñi naq'en.
33Nachi somayipi 'enapeco':
–Qomi' maichi qomi' llalaqpi so Abraham, qaq ÿataqta sa ÿauango' da huo'o ca qomi' l-lataqa. Qalaq ¿tá'ainco' da 'am qonapec da ishit qome da qomi' huesochiyiñi?
34Nachi so Jesús 'enapega somayipi, 'eeta':
–Ÿataqta 'eesa de'eda qami' sa'axatema, da 'enauac nam i'ottac da lli'itaxaloxo, namayipi 'eeta'am da l-latacpi de'eda ñi'itaxaloxo. 35Qaq cam chochi nlatac, camayi sa ishit da nachi 'eetai' da ÿalectaigui cam ñalaqpi. Qaq cam ñalec, qalaxayi nachi 'eetai' da ÿalectaigui cam ñalaqpi. 36Qaq ÿoqo'oyi ne'ena ñalec da qami' huesochiyiñi naq'en, nachi ÿataqta 'eesa da qami' huesochiyiñi. 37Aÿim mashi sogote da saÿaten da maichi qami' llalqa so Abraham. Qalaxayi chaq ta'ainec da qanshiitaique da aÿim qaualauachi souaxat da sa qau'amaqchiñi dam shinapec. 38Aÿim sa'axatta'pe naua aÿim ÿachaxanalo ñi ita'a. Qaq qami' nachi 'en'am qau'ochiita'pe naua l'aqtaqa so qadta'ai.
39Nachi somayipi 'enapeco':
–Qomi' qadta'a so Abraham.
Nachi so Jesús 'enapega somayipi, 'eeta':
–Qami' da ÿoqta 'eesáctaxa da qadta'ai so Abraham, nachi ishíttaxa da qau'ochi nam i'otpi somayi. 40Qalaxayi qami', nai'ctaxa da huo'otaq qami' sa'axattapeguema nam 'eesa lataxacpi mayi aÿim ÿapaxaguenec ñi ita'a Dios, qalaq ñaqaiyita qanshiitaique da aÿim qaualauachi. ¡Qamaq so Abraham ÿataqta sa ÿauango' da huo'o ca i'ot da 'eeta'am de'eda! 41Qami', qalaxayi nachi qau'enaxachiichigui nam i'otpi so qadta'ai.
Nachi somayipi 'enapeco':
–Qomi' sa ishit da chochi qomi' n'aalec ñalqa; qomi' 'oonolec ñi qadta'a Dios.
42Nachi so Jesús 'enapega somayipi, 'eeta':
–Da ÿoqta 'eesáctaxa da qadta'ai ñi Dios, nachi qamí'ctaxa ÿataqta aÿim qauauochiic. Cha'ayi aÿim nachi sachigoqtot ñimayi, qaq nagui qami' sootaiguilo. Aÿim sa ishit da maichi ñalligoxottela't da ñanac, cha'ayi ñimayi aÿim namaq. 43Qaq ¿tá'ainco' qami' yi sa ishit da qauaÿajñi da qami' sa'axattapeguema? Cha'ayi souaxat peta'a da sa ishit da qan'axaÿaxañiÿa dam i'aqtaxanaxac. 44Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac. 45Qaq cha'ayi aÿim sa'axattac dam 'eesa lataxac, nachi qami' sa ishit da aÿim qau'amaqchiñi. 46¿Négue't ca 'oonolec da qoñiita da ishit da i'axat da huo'otaq huo'o ca ÿasouaxashit? Cha'ayi da huo'otaq sa'axattac dam 'eesa lataxac, qalaq ¿tá'ainco' yi sa ishit da aÿim qau'amaqchiñi? 47Ca chigoqtot ñi Dios, camayi n'axaÿaxanalo naua l'aqtaqa ñimayi. Qalaxayi qami' yi sa ishit da qauachigoqoitot ñimayi, ÿoqo'oyi sa ishit da qan'axaÿaxañi.
So Cristo nachi 'eetai' da huo'o co'ollaq saxanaqca so Abraham
48Nachi na judiopi 'eetega somayi, 'eeta':
–Qomi' ÿataqta 'eesa de'eda qad'aqtac co'ollaq shinaqtac da chochi 'am Samaria l'ec qataq huo'o ñi 'ad'ec leguemaxaic.
49Nachi so Jesús 'enapeco':
–Aÿim sa ishit da huo'o ca i'ec leguemaxaic. Cha'ayi dam so'ottac, shi'oxodeetac ñi ita'a, qalaxayi qami' sa ishit da aÿim qavi'oxoyiñi. 50Aÿim sa ishit da ñishitaique da aÿim qaÿi'oxoden, qalaxayi huo'o ñim nshitaique da aÿim qaÿi'oxoden, qaq nachiñi ñim i'ot ca nhuaxanaguec ca shiÿaxaua. 51Qaq ÿataqta 'eesa de'eda qami' sa'axatema, da ca ÿalaxaguet dam shinapec, nachi camayi sa nauane' da ileu.
52Nachi na judiopi 'enapego' somayi, 'eeta':
–Qomi' nagui saÿajnaqta da 'am huo'o ñi 'ad'ec leguemaxaic. Cha'ayi so Abraham qataq 'enauac so l'aqtaxanaxanecpi ñi Dios, somayipi co'ollaxa ileu, qalaq 'am qonapec: “Da ca ÿalaxaguet cam shinapec, nachi camayi sa ishit da nauane' da ileu.” 53'Am ¿peta'a 'anapacalec so qadta'a Abraham? Somayi co'ollaxa ileu, qataq 'enauac som l'aqtaxanaxanecpi ñi Dios. Qalaq ¿négue't 'am?
54Nachi so Jesús 'enapeco':
–Da aÿim maichi ñi'oxodeetapeguela't, nachi de'eda ñi'oxonnaxac, damayi qaica ca naigui. Qalaxayi ñim aÿim ÿi'oxodeetac, nachiñi ñi ita'a ñi qami' qoñiitega nataq'en da qadta'ai Dios. 55Qalaxayi qami' sa ishit da qauauattoñi ñimayi; aÿim, qalaxayi sauatton ñimayi. Cha'ayi da aÿim shinapec da sa sauatton, nachi aÿim chochi satenataxaatac, qaq nachi shiita'ama qami'. Qalaxayi aÿim ÿataqta sauattoota ñimayi, qataq salaxaguet cam 'enapec. 56Som Abraham mayi qadta'ai, somayi co'ollaxa ÿataqta huo'o da ntonaxac da ilogui ca na'a'q mayi ÿaloxoqui. Qaq co'ollaq ilogui, nachi somayi ÿataqta nlaqchigui da ntonaxac.
57Nachi na judiopi 'enapego' so Jesús, 'eeta':
–'Am saxanaxa da 'avi' caua cincuenta vi'iyi, qalaq ¿qonetega da 'auauana so Abraham?
58Nachi so Jesús 'enapeco':
–Aÿim ÿataqta 'eesa de'eda qami' sa'axatema, da co'ollaq saxanaqca da huo'o so Abraham, qalaq nal'ena da aÿim huo'o.
59Huaña, nachi qaÿacona na coma' da qaÿauotaique da qaÿasaq so Jesús. Qalaxayi somayi nqañoxojñi, ca'ai aso n'onaxanaxaqui, taigui se'eso shiÿaxauapi, nachi jec.
Currently Selected:
Juan 8: TBSNT
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.
Juan 8
8
1Qalaxayi so Jesús tashiguemec aso qasoxonaxa mayi nanqa' ana olivos. 2Qaq so ña nte'etom so lÿa na'a'q, nachi somayi qaltaq ÿi'iguelaxau'a aso n'onaxanaxaqui. Nachi 'enauac na shiÿaxauapi nquigueu'a somayi, nachi somayi nso'ooñi, nachi quetot da dapaxaguenataxaatac. 3Nachi nam dapaxaguenataxaatapeguec na nqataxacpi qataq na fariseopi nauegueu'a somayi aso 'alo mayi qaÿauanalec da ncachitapegue' ca sa lhua. Nachi qanachaalataxaangui na laiñi som shiÿaxauapi mayi hueta'asop somayi. 4Nachi qoÿinapego' so Jesús, qoÿiita':
–'Am mayi 'auapaxaguenataxaatac, ada'ada 'alo, adamayi qaÿauanalec da ncachitapegue' ca sa lhua. 5Qaq naua lqataxaco so Moisés qomi' ÿamaxalguete da sauoqta'a na coma' da salauataq na 'alpi, da huo'otaq 'eeta'am adamayi. Qaq 'am ¿huá'ague ca 'eetec ca 'ad'aqtac?
6Qaq somayipi 'enapec de'eda, da chochi ÿi'iguen so Jesús, da yaqto' ishit da qaÿauo'o ca lasouaxashit. Nachi so Jesús nqollimñi, nachi ÿittac ana 'alhua, huota'a ana llaxaata. 7Qalaxayi somayipi nachi queto'ot da denataxaatac. Nachi somayi nqollimshiguem, nachi 'enapega somayipi, 'eeta':
–Da huo'o ca 'oonolec da qoñiita da qaica ca lasouaxashit, qaq nachica qome ca l'auaxanec da ÿasaq ca coma' adamayi.
8Nachi qaltaq ÿi'iguelaxalec da nqollimñi, nachi qaltaq ÿittac ana 'alhua. 9Qalaxayi somayipi co'ollaq hua'axaÿa de'eda, nachi ÿataqta 'aloxogui yi lauel, nachi nqonaxattauec, hua'auchiguiñi na ÿi'axaiquipi. Qaq co'ollaq 'enauac somayipi da jec, nachi so Jesús nda'aguet aso 'alo mayi n'onaña yim qanayiuta'a. 10Nachi so Jesús namatashiguem. Qaq co'ollaq qaica ca ila'a, chaqasota aso 'alo, nachi inattac asomayi, 'eeta':
–'Am 'alo, ¿huéta'ague cam ÿauotaique da ÿauo'o ca 'anhuaxanaguec? ¿Qaica peta'a ca ÿañoxot da 'am ÿalauat?
11Nachi asomayi 'enapeco':
–'A'i, qaica, 'am ÿataxala'.
Nachi so Jesús 'enapego' asomayi, 'eeta':
–Aÿim nataq'en sa ishit da 'am salauat. Nagui 'am qojec. Qalaxayi sa ishit qome da qaltaq 'auauo'o ca 'adasouaxashit.
So Jesús nachiso so lcoÿadaqte ana 'alhua
12Nachi so Jesús qaltaq 'enapega so shiÿaxauapi, 'eeta':
–Aÿim nachaÿim lcoÿadaqte ana 'alhua. Ca aÿim ca'ategue, nachi camayi huo'o aca lcoÿadaxanaqte mayi i'ot da lca'alaxa camayi. Huaña, nachi camayi sa nauane' da huetaigui ca napalaxa.
13Nachi na fariseopi 'eetega somayi, 'eeta':
–'Am maichi 'an'axattapeguela't, qaq de'eda 'ad'aqtaxanaxac, damayi sa ishit da 'en.
14Nachi so Jesús 'enapeco':
–De'eda i'aqtaxanaxac, damayi ÿataqta 'eesa, nai'ctaxa da huo'otaq aÿim maichi ñi'axattapeguela't. Cha'ayi saÿateeta yi sachigoqchiguiña, qataq dam sata'ague. Qami', qalaxayi sa ishit da qauaÿajñi ca sachigoqta'ague, qataq cam sata'ague. 15Qami' da qanmichi ca nasouaxashit, qalaq qaupaquiichigui ca maichi lhuennataxac na yi'oqchigui shiÿaxauapi. Aÿim, qalaxayi sa ishit da ñimit ca nasouaxashit. 16Qalaxayi da huo'otaq ñimit ca nasouaxashit, qalaq ca imitaxanaxac ÿataqta ÿashicteec, cha'ayi sa ishit da ñidoteec da huo'o ca ñimit. Cha'ayi ñim ita'a mayi aÿim namaq, ñimayi aÿim itauan da huo'o ca ñimit nasouaxashit. 17Nam nqataxacpi mayi qami' qoÿanema co'ollaxa nanettañi da huo'otaq huo'oi caua dos da huo'otaq huo'o ca i'axa't da nateeta't ca l'aqtaxanaxac, nachi caamayi ishit da qai'amaqte'n. 18Qaq aÿim maichi ñi'axattapeguela't, qataq ñim ita'a mayi aÿim namaq, ñimayi nataq'en aÿim i'axattac.
19Nachi qainattac somayi, qoÿiita':
–¿Huá'ague ca neta'ague ca 'adta'a?
Nachi so Jesús 'enapeco':
–Qami' sa ishit da aÿim qauauattoñi, qaq nachi 'en'am ñi ita'a sa ishit da qauauattoñi. Cha'ayíctaxa da aÿim qauauattoñi, nachi nataq'en ishit da qauauattoñi ñi ita'a.
20Qaq so Jesús 'enapec de'eda co'olla ñaq huetaigui aso n'onaxanaxaqui da dapaxaguenataxaatac, hueta'a yim naña aso laÿi' ana nachitaqtaxanaqte. Qalaxayi sa ishit da huo'o ca ÿañoxot da ÿaconeu'a somayi da icoñi', cha'ayi somayi saxanaxa da ivita ca laloqo'.
“Cam sataigue, qami' sa ishit da qauañoxochi da qaviyiÿa'a”
21So Jesús qaltaq ÿi'iguelaxalec da detaqa, 'eeta':
–Aÿim ashic, qaq qami' qome aÿim qanmichiitaique, qalaxayi qami' qaulliviitañito qome naua qadasouaxashi'chilli'. Cha'ayi cam aÿim sataigue, qalaq qami' sa ishit da qauañoxochi da qaviyiÿa'a.
22Nachi na judiopi 'enapeco':
–¿Peta'a maichi nalajla't damayi qome, ÿoqo'oyi 'enapec da sa ishit da ñoqo'onaxa cam taÿa?
23Nachi so Jesús 'enapega somayipi, 'eeta':
–Qami' qauachigoqoitelec ne'ena npa'aguiñi; aÿim, qalaxayi sachigoqta'ague da pa'ashiguem. Qami' maichi qadmayi ana 'alhua; aÿim, qalaxayi sa ishit da ima' ana'ana 'alhua. 24Qaq ÿoqo'oyi aÿim shinapec da qami' qaulliviitañito qome naua qadasouaxashi'chilli'. Cha'ayi da sa ishit da qau'amaqchiñi da aÿim mayi nachaÿimta, nachi qami' qaulliviitañito naua qadasouaxashi'chilli'.
25Nachi qainattac somayi, qoÿiita':
–¿Négue't 'am?
Nachi so Jesús 'enapeco':
–Mashi sogote mque' da qami' sa'aqtaxaatapeguema so hua'auchiguiñi. 26Aÿim ÿataqta ña qalota na i'aqtacpi da qami' shinapegalo qataq da ñimit na qadasouaxashichi. Qalaxayi ñim aÿim namaq, ñimayi ÿataqta 'eesa dam l'aqtac, qaq 'enauac nam sa'axatem nam huetalec ana 'alhua, nachina na sa'aqchigui l'aqtacpi ñimayi.
27Qalaxayi namayipi sa ishit da ÿaÿajneguet da somayi nachiñi ñim lta'a ñim detaqtega. 28Qaq ÿoqo'oyi so Jesús 'enapego' somayipi, 'eeta':
–Qami' qom ivita da qanauaxaÿaxañiishiguem nam shiÿaxaua llalec, nachi huaña qome, qaq ishit da qauaÿajñi da aÿim mayi nachaÿimta, qataq da sa ishit da chochi maichi ñalligoxottela't ca so'ot, chaqdata da aÿim sa'axat cam aÿim ÿapaxaguenec ñi ita'a. 29Cha'ayi ñim aÿim namaq, ñimayi aÿim hueta'aguet; ñim ita'a sa ishit da aÿim ndoqteeteec, cha'ayi aÿim sa i'atai' da so'ot cam ÿaÿamaxadeeta ñimayi.
30Nachi co'ollaq 'enapec de'eda so Jesús, nachi ÿataqta qalota na i'amaqten somayi.
Nam llalaqpi ñi Dios qataq nam l-latacpi da ñi'itaxaloxo
31Nachi so Jesús 'enapego' nam judiopi mayi i'amaqten somayi, 'eeta':
–Qami' qom ÿataqta qau'ochi de'eda qami' sa'axatema, nachi ÿoqta 'eesa qome da qami' ÿapaxaguenataqa. 32Nachi qami' qome ÿataqta qauauattoñiita da 'eesa lataxac, qaq de'eda 'eesa lataxac, nachida da ÿataqta qami' huesochiyiñi naq'en.
33Nachi somayipi 'enapeco':
–Qomi' maichi qomi' llalaqpi so Abraham, qaq ÿataqta sa ÿauango' da huo'o ca qomi' l-lataqa. Qalaq ¿tá'ainco' da 'am qonapec da ishit qome da qomi' huesochiyiñi?
34Nachi so Jesús 'enapega somayipi, 'eeta':
–Ÿataqta 'eesa de'eda qami' sa'axatema, da 'enauac nam i'ottac da lli'itaxaloxo, namayipi 'eeta'am da l-latacpi de'eda ñi'itaxaloxo. 35Qaq cam chochi nlatac, camayi sa ishit da nachi 'eetai' da ÿalectaigui cam ñalaqpi. Qaq cam ñalec, qalaxayi nachi 'eetai' da ÿalectaigui cam ñalaqpi. 36Qaq ÿoqo'oyi ne'ena ñalec da qami' huesochiyiñi naq'en, nachi ÿataqta 'eesa da qami' huesochiyiñi. 37Aÿim mashi sogote da saÿaten da maichi qami' llalqa so Abraham. Qalaxayi chaq ta'ainec da qanshiitaique da aÿim qaualauachi souaxat da sa qau'amaqchiñi dam shinapec. 38Aÿim sa'axatta'pe naua aÿim ÿachaxanalo ñi ita'a. Qaq qami' nachi 'en'am qau'ochiita'pe naua l'aqtaqa so qadta'ai.
39Nachi somayipi 'enapeco':
–Qomi' qadta'a so Abraham.
Nachi so Jesús 'enapega somayipi, 'eeta':
–Qami' da ÿoqta 'eesáctaxa da qadta'ai so Abraham, nachi ishíttaxa da qau'ochi nam i'otpi somayi. 40Qalaxayi qami', nai'ctaxa da huo'otaq qami' sa'axattapeguema nam 'eesa lataxacpi mayi aÿim ÿapaxaguenec ñi ita'a Dios, qalaq ñaqaiyita qanshiitaique da aÿim qaualauachi. ¡Qamaq so Abraham ÿataqta sa ÿauango' da huo'o ca i'ot da 'eeta'am de'eda! 41Qami', qalaxayi nachi qau'enaxachiichigui nam i'otpi so qadta'ai.
Nachi somayipi 'enapeco':
–Qomi' sa ishit da chochi qomi' n'aalec ñalqa; qomi' 'oonolec ñi qadta'a Dios.
42Nachi so Jesús 'enapega somayipi, 'eeta':
–Da ÿoqta 'eesáctaxa da qadta'ai ñi Dios, nachi qamí'ctaxa ÿataqta aÿim qauauochiic. Cha'ayi aÿim nachi sachigoqtot ñimayi, qaq nagui qami' sootaiguilo. Aÿim sa ishit da maichi ñalligoxottela't da ñanac, cha'ayi ñimayi aÿim namaq. 43Qaq ¿tá'ainco' qami' yi sa ishit da qauaÿajñi da qami' sa'axattapeguema? Cha'ayi souaxat peta'a da sa ishit da qan'axaÿaxañiÿa dam i'aqtaxanaxac. 44Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac. 45Qaq cha'ayi aÿim sa'axattac dam 'eesa lataxac, nachi qami' sa ishit da aÿim qau'amaqchiñi. 46¿Négue't ca 'oonolec da qoñiita da ishit da i'axat da huo'otaq huo'o ca ÿasouaxashit? Cha'ayi da huo'otaq sa'axattac dam 'eesa lataxac, qalaq ¿tá'ainco' yi sa ishit da aÿim qau'amaqchiñi? 47Ca chigoqtot ñi Dios, camayi n'axaÿaxanalo naua l'aqtaqa ñimayi. Qalaxayi qami' yi sa ishit da qauachigoqoitot ñimayi, ÿoqo'oyi sa ishit da qan'axaÿaxañi.
So Cristo nachi 'eetai' da huo'o co'ollaq saxanaqca so Abraham
48Nachi na judiopi 'eetega somayi, 'eeta':
–Qomi' ÿataqta 'eesa de'eda qad'aqtac co'ollaq shinaqtac da chochi 'am Samaria l'ec qataq huo'o ñi 'ad'ec leguemaxaic.
49Nachi so Jesús 'enapeco':
–Aÿim sa ishit da huo'o ca i'ec leguemaxaic. Cha'ayi dam so'ottac, shi'oxodeetac ñi ita'a, qalaxayi qami' sa ishit da aÿim qavi'oxoyiñi. 50Aÿim sa ishit da ñishitaique da aÿim qaÿi'oxoden, qalaxayi huo'o ñim nshitaique da aÿim qaÿi'oxoden, qaq nachiñi ñim i'ot ca nhuaxanaguec ca shiÿaxaua. 51Qaq ÿataqta 'eesa de'eda qami' sa'axatema, da ca ÿalaxaguet dam shinapec, nachi camayi sa nauane' da ileu.
52Nachi na judiopi 'enapego' somayi, 'eeta':
–Qomi' nagui saÿajnaqta da 'am huo'o ñi 'ad'ec leguemaxaic. Cha'ayi so Abraham qataq 'enauac so l'aqtaxanaxanecpi ñi Dios, somayipi co'ollaxa ileu, qalaq 'am qonapec: “Da ca ÿalaxaguet cam shinapec, nachi camayi sa ishit da nauane' da ileu.” 53'Am ¿peta'a 'anapacalec so qadta'a Abraham? Somayi co'ollaxa ileu, qataq 'enauac som l'aqtaxanaxanecpi ñi Dios. Qalaq ¿négue't 'am?
54Nachi so Jesús 'enapeco':
–Da aÿim maichi ñi'oxodeetapeguela't, nachi de'eda ñi'oxonnaxac, damayi qaica ca naigui. Qalaxayi ñim aÿim ÿi'oxodeetac, nachiñi ñi ita'a ñi qami' qoñiitega nataq'en da qadta'ai Dios. 55Qalaxayi qami' sa ishit da qauauattoñi ñimayi; aÿim, qalaxayi sauatton ñimayi. Cha'ayi da aÿim shinapec da sa sauatton, nachi aÿim chochi satenataxaatac, qaq nachi shiita'ama qami'. Qalaxayi aÿim ÿataqta sauattoota ñimayi, qataq salaxaguet cam 'enapec. 56Som Abraham mayi qadta'ai, somayi co'ollaxa ÿataqta huo'o da ntonaxac da ilogui ca na'a'q mayi ÿaloxoqui. Qaq co'ollaq ilogui, nachi somayi ÿataqta nlaqchigui da ntonaxac.
57Nachi na judiopi 'enapego' so Jesús, 'eeta':
–'Am saxanaxa da 'avi' caua cincuenta vi'iyi, qalaq ¿qonetega da 'auauana so Abraham?
58Nachi so Jesús 'enapeco':
–Aÿim ÿataqta 'eesa de'eda qami' sa'axatema, da co'ollaq saxanaqca da huo'o so Abraham, qalaq nal'ena da aÿim huo'o.
59Huaña, nachi qaÿacona na coma' da qaÿauotaique da qaÿasaq so Jesús. Qalaxayi somayi nqañoxojñi, ca'ai aso n'onaxanaxaqui, taigui se'eso shiÿaxauapi, nachi jec.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.