Juan 9
9
So Jesús nataden som nacteueegue' da lqanamaxa
1Qaq co'ollaq queta so Jesús, nachi natenalec so shiÿaxaua mayi nacteueegue' da lqanamaxa. 2Nachi soua lapaxaguenataqa inatta'pe somayi, 'eeta':
–'Am mayi 'auapaxaguenataxaatac, ¿chaq tá'ainco' ñi'iñi shiÿaxaua yi nacteueegue' da lqanamaxa? ¿Peta'a souaxat da huo'o ca lasouaxashi't caua lta'al, loqo' chaq souaxat ca maichi lasouaxashit ñimayi?
3Nachi so Jesús 'enapegalo soomayi, 'eeta':
–Sa ishit da ÿasouaxat ca maichi lasouaxashit ñimayi, huo'otaq ca lasouaxashi't caua lta'al. Cha'ayi damayi nachi qoÿina'ac, yaqto' ishit da qaila'a cam i'ot ñi Dios da chigoqchigui ñimayi. 4Cha'ayi llaxatemallaxa nagui da ñaq huo'o na na'a'q, nachi aÿim ishit da so'ot da l'onataxanaxac ñim aÿim namaq. Cha'ayi anata cam pe mayi huaigui da sa ishit da huo'o ca qai'ot. 5Nagui da aÿim ñaq soota'a na 'alhua, qalaq aÿim mayi nachaÿim lcoÿadaqte ana 'alhua.
6Qaq co'ollaq ime da 'enapec de'eda, nachi so Jesús nqaigoxoña na 'alhua, nachi i'ot so nshaxa, nachi i'ameelguete naua l'ai'te som qanamaic. 7Nachi 'enapega somayi, 'eeta':
–'Aue qome, 'anÿo, 'anqo'onaxaama añi laÿi' na 'etaxat l'enaxat Siloé –de'eda n'enaxat Siloé naigui da Namaxashic.
Nachi se'eso qanamaic jec da nÿo. Qaq co'ollaq ñi'iguelaq, nachi nauaachiguiñi. 8Nachi nam lauodeuapi qataq nam ÿauana somayi co'ollaxa da sa nauaañi, namayipi 'eeta':
–¿Sa ishito' peta'a da nachida de'eda dam nso'ootañicnaxa da dashilaxaatac?
9Nachi huo'o na 'eeta':
–Aja', nachida.
Qataq huo'o na 'eeta':
–'A'i, sa ishit da nachida, damayi chochi lashiquiaxaua.
Qalaxayi som shiÿaxaua maichi n'aqtaxaala't, 'eeta':
–Aja', nachaÿim.
10Nachi qainattac, qoÿiita':
–¿Huá'ago' ca 'eetec yi 'am mashi ishit da 'anauaañi?
11Nachi somayi 'enapeco':
–Som shiÿaxaua mayi l'enaxat Jesús, somayi i'ot so nshaxa. Ime, qaq i'ameelguete naua i'ai'te. Nachi aÿim 'enapega, 'eeta': “'Anqo'onaxaama qome añi laÿi' na 'etaxat, l'enaxat Siloé, nachi 'anÿo.” Nachi aÿim ashic, qaq can ime da ñiÿo, nachi ishit da ñauaañi.
12Nachi qainattac somayi, qoÿiita':
–¿Huá'ague ca hueta'ague que'eca shiÿaxaua?
Nachi somayi 'enapeco':
–Aque'.
Na fariseopi inattac so qanamaic mayi qanataden
13Nachi qaÿauegueu'a na fariseopi se'eso shiÿaxaua mayi qanamaic co'ollaxa. 14Cha'ayi souaxat da mataxaqui se'eso na'a'q mayi huetoigui da i'ot so nshaxa so Jesús da nataden se'eso qanamaic, 15nachi na fariseopi qaltaq ÿi'iguelaxalec da inattac so shiÿaxaua da chaq hua'ague ca 'eetec da ishit da nauaañi. Nachi somayi 'enapeco':
–Somayi i'ameelguete naua i'ai'te so nshaxa. Ime, nachi ñiÿo, nachi nagui ishit da ñauaañi.
16Nachi huo'o na fariseopi na 'eeta':
–Se'eso shiÿaxaua mayi i'ot de'eda, somayi sa ishit da chigoqtot ñi Dios, cha'ayi sa ishit da huo'o ca ÿanaigui yi na'a'q mataxaqui.
Qalaxayi huo'o na 'eeta':
–¿Huá'ago' ca 'eetec da ishit da i'ot de'eda n'anec mayi sa qaÿauanapega, da huo'otaq somayi 'itaxaloxoic?
Huaña, nachi nÿodacachi da lhuennataxac se'eso shiÿaxauapi. 17Nachi qaltaq qaÿi'iguelaxalec da qainattac se'eso shiÿaxaua mayi qanamaic co'ollaxa, qoÿiita':
–Qaq 'am, ¿huá'ague ca 'eetec ca 'ad'aqtac som shiÿaxaua mayi ÿauo'oi naua 'ad'ai'te?
Nachi somayi 'enapeco':
–Qomyi aÿim shinapec da somayi l'aqtaxanaxanec ñi Dios.
18Qalaxayi na judiopi sa ishit da i'amaqten se'eso shiÿaxaua da qanamaic co'ollaxa qalaq nagui ishit da nauaañi. Nachi ivida'a da qaiÿaxaneugalo som lta'al som qanamaic co'ollaxa mayi qanataden. 19Nachi qainatta'pe soomayi, qoÿiita':
–¿Peta'a nachida da qai'alqui de'eda, dam qoñiitega da nacteueegue' da sa nauaañi? ¿Chaq huá'ague ca 'eetec damayi da ishit da nauaañi nagui?
20Nachi soua lta'al 'ena'po':
–Qomi' saÿajnaq damayi, da nachida da qoyalec mayi nacteueegue' co'ollaxa da sa nauaañi. 21Qalaxayi qomi' sa ishit da saÿajnaq chaq hua'ague ca 'eetec da nauaañi nagui, qataq sa ishit da saÿajnaq chaq negue't cam natade'n naua l'ai'te damayi. Qaq no'on da qaunachii damayi, cha'ayi damayi mashi ÿi, damayi ishit da maichi qami' da'aqtaxanema.
22Qaq 'enapec de'eda soua lta'al, souaxat da huo'o da lcolanqa', cha'ayi na judiopi mashi sogote da qanmachigui da ishit da qai'odauec da huo'otaq huetaigui aca laponaxaqui namayipi ca camachaqca shiÿaxaua da huo'otaq 'eetega so Jesús da nachiso so nta'a nca'alaxaqui. 23Qaq nachida da huo'o mshi soua lta'al 'ena'po': “Qaunachi damayi, cha'ayi damayi mashi ÿi.”
24Nachi na judiopi qaltaq ÿi'iguelaxalec da iÿaxaneuga so shiÿaxaua mayi qanamaic co'ollaxa. Nachi qoÿiitega, qoÿiita':
–Nagui qomi' ÿauaachiguilo ñi Dios, ña qomi' 'au'aqtaxaatema, cha'ayi qomi' saÿajnaqta da se'eso shiÿaxaua, somayi 'itaxaloxoic.
25Nachi somayi 'enapeco':
–Aÿim sa ishit da saÿaten da somayi 'itaxaloxoic, huo'otaq jegatai'. Chaqdata da aÿim saÿaten da sa ñauaañi co'ollaxa, qalaxayi nagui ñauaañi.
26Qaltaq qaÿi'iguelaxalec da qainattac, qoÿiita':
–¿Chaq huá'ago' co'ollaxa ca 'eetec naq'en 'am? qataq ¿chaq huá'ague ca 'eetec co'ollaq ÿauo'oi naua 'ad'ai'te?
27Nachi somayi 'enapeco':
–Mashi ime mque' da qami' sa'axattapeguema, qalaq sa ishit da aÿim qau'amaqchiñi. Qalaq ¿tá'ainco' yi qanshiitaique da qaltaq qami' sa'aqtaxanema? ¿Qalqo' nataq'en qami' qanshiitaique da qoquiigue somayi?
28Nachi somayipi ÿi'inai' somayi, nachi qoÿiitega, qoÿiita':
–'Am peta'a qoquetague' se'eso shiÿaxaua; qomi', qalaxayi soqolaqtague' so Moisés. 29Cha'ayi qomi' saÿajnaqta da so Moisés detaxaÿapegue' co'ollaxa ñi Dios; qaq se'eso shiÿaxaua, qalaxayi qomi' sa ishit da chochi saÿajnaq cam chigaqa'ague.
30Nachi se'eso shiÿaxaua 'enapeco':
–¡Ÿataqta ÿoxosa'a de'eda! ¡Qachi qami' sa ishito' da qauaÿajñi ca chigaqa'ague somayi! ¡Qalaq somayi yi ishito' da ÿauo'oi naua i'ai'te! 31Qomi' saÿajnaqta da ñi Dios sa ishit da hua'axaÿa na 'itaxaloxoicpi; chaqnata nam ÿi'oxodeetac qataq i'ot cam 'eetapeguec ñimayi, qaq nachina na hua'axaÿa. 32Cha'ayi ÿataqta sa ÿauango' da huo'o ca qai'axaÿapeguelec da huo'otaq nauaañi naq'en ca shiÿaxaua da huo'otaq nacteueegue' da sa nauaañi. 33Qaq se'eso shiÿaxaua da huo'otaq saq chigoqtot ñi Dios, nachi sa ishíttaxa da huo'o ca i'ot.
34Nachi qoÿinapego' somayi, qoÿiita':
–'Am mayi ÿataqta 'ananacteueegue' na 'adasouaxashitpi, qalaq ¿tá'ainco' yi 'anshitaique da qomi' 'auapaxague'n?
Huaña, nachi qaÿamaqhuec somayi asom laponaxaqui namayipi.
Nam saq cha'a da lqanamaxa
35Qaq so Jesús l'axaÿaxac da qaÿamaqhuec som qanamaic co'ollaxa. Nachi co'ollaq nauane', nachi 'eetega, 'eeta':
–¿'Am peta'a 'au'amaqten so llalec ñi Dios?
36Nachi so shiÿaxaua 'enapeco':
–'Am ÿataxala', ñaq aÿim 'au'aqtaxanem chaq negue't camaxa, yaqto' ishit da sa'amaqten camayi.
37Nachi so Jesús 'enapeco':
–Mashi sogote da 'auloto'ot namayi. Nachaÿim, mayi aÿim 'autaqtague'.
38Nachi se'eso shiÿaxaua i'adoto naua l-llicte so Jesús, nachi 'enapega, 'eeta':
–'Am ÿataxala', 'am sa'amaqten.
39Ime, nachi so Jesús 'enapeco':
–Aÿim ñanaÿa ana 'alhua, da yaqto' ishit da qaÿauo'o ca lasouaxashit ca shiÿaxaua, yaqto' cam sa nauaañi, qalaq ishit da nauaañi, qataq cam nauaachiguiñi, qalaq sa nauaañi qanqoÿin.
40Qaq huo'o na fariseopi na ÿalectauo, nachi hua'aqchigui de'eda, nachi denataxaatac, 'eeta':
–¿Qomi' peta'a nataq'en sa ishit da ñauanaxañi?
41Nachi so Jesús 'enapeco':
–Qamí'ctaxa da sa qanauañiiñi, nachi qaica ca qadasouaxashichi. Qalaxayi qami' qoñiitega da qanauañiichiguiñi, qaq ÿoqo'oyi huo'o da qadasouaxashichi.
Currently Selected:
Juan 9: TBSNT
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.
Juan 9
9
So Jesús nataden som nacteueegue' da lqanamaxa
1Qaq co'ollaq queta so Jesús, nachi natenalec so shiÿaxaua mayi nacteueegue' da lqanamaxa. 2Nachi soua lapaxaguenataqa inatta'pe somayi, 'eeta':
–'Am mayi 'auapaxaguenataxaatac, ¿chaq tá'ainco' ñi'iñi shiÿaxaua yi nacteueegue' da lqanamaxa? ¿Peta'a souaxat da huo'o ca lasouaxashi't caua lta'al, loqo' chaq souaxat ca maichi lasouaxashit ñimayi?
3Nachi so Jesús 'enapegalo soomayi, 'eeta':
–Sa ishit da ÿasouaxat ca maichi lasouaxashit ñimayi, huo'otaq ca lasouaxashi't caua lta'al. Cha'ayi damayi nachi qoÿina'ac, yaqto' ishit da qaila'a cam i'ot ñi Dios da chigoqchigui ñimayi. 4Cha'ayi llaxatemallaxa nagui da ñaq huo'o na na'a'q, nachi aÿim ishit da so'ot da l'onataxanaxac ñim aÿim namaq. Cha'ayi anata cam pe mayi huaigui da sa ishit da huo'o ca qai'ot. 5Nagui da aÿim ñaq soota'a na 'alhua, qalaq aÿim mayi nachaÿim lcoÿadaqte ana 'alhua.
6Qaq co'ollaq ime da 'enapec de'eda, nachi so Jesús nqaigoxoña na 'alhua, nachi i'ot so nshaxa, nachi i'ameelguete naua l'ai'te som qanamaic. 7Nachi 'enapega somayi, 'eeta':
–'Aue qome, 'anÿo, 'anqo'onaxaama añi laÿi' na 'etaxat l'enaxat Siloé –de'eda n'enaxat Siloé naigui da Namaxashic.
Nachi se'eso qanamaic jec da nÿo. Qaq co'ollaq ñi'iguelaq, nachi nauaachiguiñi. 8Nachi nam lauodeuapi qataq nam ÿauana somayi co'ollaxa da sa nauaañi, namayipi 'eeta':
–¿Sa ishito' peta'a da nachida de'eda dam nso'ootañicnaxa da dashilaxaatac?
9Nachi huo'o na 'eeta':
–Aja', nachida.
Qataq huo'o na 'eeta':
–'A'i, sa ishit da nachida, damayi chochi lashiquiaxaua.
Qalaxayi som shiÿaxaua maichi n'aqtaxaala't, 'eeta':
–Aja', nachaÿim.
10Nachi qainattac, qoÿiita':
–¿Huá'ago' ca 'eetec yi 'am mashi ishit da 'anauaañi?
11Nachi somayi 'enapeco':
–Som shiÿaxaua mayi l'enaxat Jesús, somayi i'ot so nshaxa. Ime, qaq i'ameelguete naua i'ai'te. Nachi aÿim 'enapega, 'eeta': “'Anqo'onaxaama qome añi laÿi' na 'etaxat, l'enaxat Siloé, nachi 'anÿo.” Nachi aÿim ashic, qaq can ime da ñiÿo, nachi ishit da ñauaañi.
12Nachi qainattac somayi, qoÿiita':
–¿Huá'ague ca hueta'ague que'eca shiÿaxaua?
Nachi somayi 'enapeco':
–Aque'.
Na fariseopi inattac so qanamaic mayi qanataden
13Nachi qaÿauegueu'a na fariseopi se'eso shiÿaxaua mayi qanamaic co'ollaxa. 14Cha'ayi souaxat da mataxaqui se'eso na'a'q mayi huetoigui da i'ot so nshaxa so Jesús da nataden se'eso qanamaic, 15nachi na fariseopi qaltaq ÿi'iguelaxalec da inattac so shiÿaxaua da chaq hua'ague ca 'eetec da ishit da nauaañi. Nachi somayi 'enapeco':
–Somayi i'ameelguete naua i'ai'te so nshaxa. Ime, nachi ñiÿo, nachi nagui ishit da ñauaañi.
16Nachi huo'o na fariseopi na 'eeta':
–Se'eso shiÿaxaua mayi i'ot de'eda, somayi sa ishit da chigoqtot ñi Dios, cha'ayi sa ishit da huo'o ca ÿanaigui yi na'a'q mataxaqui.
Qalaxayi huo'o na 'eeta':
–¿Huá'ago' ca 'eetec da ishit da i'ot de'eda n'anec mayi sa qaÿauanapega, da huo'otaq somayi 'itaxaloxoic?
Huaña, nachi nÿodacachi da lhuennataxac se'eso shiÿaxauapi. 17Nachi qaltaq qaÿi'iguelaxalec da qainattac se'eso shiÿaxaua mayi qanamaic co'ollaxa, qoÿiita':
–Qaq 'am, ¿huá'ague ca 'eetec ca 'ad'aqtac som shiÿaxaua mayi ÿauo'oi naua 'ad'ai'te?
Nachi somayi 'enapeco':
–Qomyi aÿim shinapec da somayi l'aqtaxanaxanec ñi Dios.
18Qalaxayi na judiopi sa ishit da i'amaqten se'eso shiÿaxaua da qanamaic co'ollaxa qalaq nagui ishit da nauaañi. Nachi ivida'a da qaiÿaxaneugalo som lta'al som qanamaic co'ollaxa mayi qanataden. 19Nachi qainatta'pe soomayi, qoÿiita':
–¿Peta'a nachida da qai'alqui de'eda, dam qoñiitega da nacteueegue' da sa nauaañi? ¿Chaq huá'ague ca 'eetec damayi da ishit da nauaañi nagui?
20Nachi soua lta'al 'ena'po':
–Qomi' saÿajnaq damayi, da nachida da qoyalec mayi nacteueegue' co'ollaxa da sa nauaañi. 21Qalaxayi qomi' sa ishit da saÿajnaq chaq hua'ague ca 'eetec da nauaañi nagui, qataq sa ishit da saÿajnaq chaq negue't cam natade'n naua l'ai'te damayi. Qaq no'on da qaunachii damayi, cha'ayi damayi mashi ÿi, damayi ishit da maichi qami' da'aqtaxanema.
22Qaq 'enapec de'eda soua lta'al, souaxat da huo'o da lcolanqa', cha'ayi na judiopi mashi sogote da qanmachigui da ishit da qai'odauec da huo'otaq huetaigui aca laponaxaqui namayipi ca camachaqca shiÿaxaua da huo'otaq 'eetega so Jesús da nachiso so nta'a nca'alaxaqui. 23Qaq nachida da huo'o mshi soua lta'al 'ena'po': “Qaunachi damayi, cha'ayi damayi mashi ÿi.”
24Nachi na judiopi qaltaq ÿi'iguelaxalec da iÿaxaneuga so shiÿaxaua mayi qanamaic co'ollaxa. Nachi qoÿiitega, qoÿiita':
–Nagui qomi' ÿauaachiguilo ñi Dios, ña qomi' 'au'aqtaxaatema, cha'ayi qomi' saÿajnaqta da se'eso shiÿaxaua, somayi 'itaxaloxoic.
25Nachi somayi 'enapeco':
–Aÿim sa ishit da saÿaten da somayi 'itaxaloxoic, huo'otaq jegatai'. Chaqdata da aÿim saÿaten da sa ñauaañi co'ollaxa, qalaxayi nagui ñauaañi.
26Qaltaq qaÿi'iguelaxalec da qainattac, qoÿiita':
–¿Chaq huá'ago' co'ollaxa ca 'eetec naq'en 'am? qataq ¿chaq huá'ague ca 'eetec co'ollaq ÿauo'oi naua 'ad'ai'te?
27Nachi somayi 'enapeco':
–Mashi ime mque' da qami' sa'axattapeguema, qalaq sa ishit da aÿim qau'amaqchiñi. Qalaq ¿tá'ainco' yi qanshiitaique da qaltaq qami' sa'aqtaxanema? ¿Qalqo' nataq'en qami' qanshiitaique da qoquiigue somayi?
28Nachi somayipi ÿi'inai' somayi, nachi qoÿiitega, qoÿiita':
–'Am peta'a qoquetague' se'eso shiÿaxaua; qomi', qalaxayi soqolaqtague' so Moisés. 29Cha'ayi qomi' saÿajnaqta da so Moisés detaxaÿapegue' co'ollaxa ñi Dios; qaq se'eso shiÿaxaua, qalaxayi qomi' sa ishit da chochi saÿajnaq cam chigaqa'ague.
30Nachi se'eso shiÿaxaua 'enapeco':
–¡Ÿataqta ÿoxosa'a de'eda! ¡Qachi qami' sa ishito' da qauaÿajñi ca chigaqa'ague somayi! ¡Qalaq somayi yi ishito' da ÿauo'oi naua i'ai'te! 31Qomi' saÿajnaqta da ñi Dios sa ishit da hua'axaÿa na 'itaxaloxoicpi; chaqnata nam ÿi'oxodeetac qataq i'ot cam 'eetapeguec ñimayi, qaq nachina na hua'axaÿa. 32Cha'ayi ÿataqta sa ÿauango' da huo'o ca qai'axaÿapeguelec da huo'otaq nauaañi naq'en ca shiÿaxaua da huo'otaq nacteueegue' da sa nauaañi. 33Qaq se'eso shiÿaxaua da huo'otaq saq chigoqtot ñi Dios, nachi sa ishíttaxa da huo'o ca i'ot.
34Nachi qoÿinapego' somayi, qoÿiita':
–'Am mayi ÿataqta 'ananacteueegue' na 'adasouaxashitpi, qalaq ¿tá'ainco' yi 'anshitaique da qomi' 'auapaxague'n?
Huaña, nachi qaÿamaqhuec somayi asom laponaxaqui namayipi.
Nam saq cha'a da lqanamaxa
35Qaq so Jesús l'axaÿaxac da qaÿamaqhuec som qanamaic co'ollaxa. Nachi co'ollaq nauane', nachi 'eetega, 'eeta':
–¿'Am peta'a 'au'amaqten so llalec ñi Dios?
36Nachi so shiÿaxaua 'enapeco':
–'Am ÿataxala', ñaq aÿim 'au'aqtaxanem chaq negue't camaxa, yaqto' ishit da sa'amaqten camayi.
37Nachi so Jesús 'enapeco':
–Mashi sogote da 'auloto'ot namayi. Nachaÿim, mayi aÿim 'autaqtague'.
38Nachi se'eso shiÿaxaua i'adoto naua l-llicte so Jesús, nachi 'enapega, 'eeta':
–'Am ÿataxala', 'am sa'amaqten.
39Ime, nachi so Jesús 'enapeco':
–Aÿim ñanaÿa ana 'alhua, da yaqto' ishit da qaÿauo'o ca lasouaxashit ca shiÿaxaua, yaqto' cam sa nauaañi, qalaq ishit da nauaañi, qataq cam nauaachiguiñi, qalaq sa nauaañi qanqoÿin.
40Qaq huo'o na fariseopi na ÿalectauo, nachi hua'aqchigui de'eda, nachi denataxaatac, 'eeta':
–¿Qomi' peta'a nataq'en sa ishit da ñauanaxañi?
41Nachi so Jesús 'enapeco':
–Qamí'ctaxa da sa qanauañiiñi, nachi qaica ca qadasouaxashichi. Qalaxayi qami' qoñiitega da qanauañiichiguiñi, qaq ÿoqo'oyi huo'o da qadasouaxashichi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.