Slene 1
1
Sefəa Shala nya meɗeyi nda Yɛsə ke ka ghwene ta ŋkɛ
1Mcɛ ɗa Tɛyofile, mbe kwa ghate ta palepa ta ɗa ne, nahe 'ya kegezemte ghena ta wəshi nyi se Yɛsə kamene le nyi tekete nda ŋkɛ ke mbeli se te kwa ghate, 2hwa'a te veci nya slənyɛ ŋkɛ kadzeme ghweme. Ma nda teslə ŋkɛ kadzeme ghweme ne, nahe ŋkɛ kegezave nda ghena ta ŋkɛ ke mbeli nyi tsehave ŋkɛ kaka ghwene ta ŋkɛ le berete ta Sefəa Shala. 3Kwetere wəmbəa mte ta ŋkɛ ne, pa ncɛte nda geva ke hɛ. Kwele kwele wəshi nyi menete ŋkɛ yitea ncɛ nda ke hɛ le mpi ŋkɛ zhɛkwa. Hɛ wəfaɗemsə mbe ncɛ nda geva ŋkɛ ke hɛ. Ghena ta Meghea Shala yagezete nda ŋkɛ ke hɛ te vecia shɛ. 4Te kwete hɛ, mbe ŋkɛ kazeme ɗafa le hɛ. Ma ke meɗekɛ hɛ: «Mba yɛ keslə mbe Zhɛrəzalɛm, ama neghete mə wəsə nya meɗeyi ŋayɛ Yiteyɛ ɗa kala nya gezete ŋayɛ 'ya kaghate. 5Va nya nza ŋkɛ le yɛmə menete nda batɛme Zhaŋe ke mbeli, ama te kwete veci ne, katekemave batɛme yɛ le Sefəa Shala.»
Yɛsə kadzeme ghweme
6Ma ke mbeli nyi ketsenete geva tagha yitea Yɛsə 'yɛwete ve: «Nde sleke ŋkwa, vəa ŋkwa shɛ teve nda meghe na ke ka Israyɛl nda sleke ghəa nci hɛ na?» 7Ma ke Yɛsə sha hɛ: «Berete va gheyɛ yitea ɗepe vecia shɛ le vəa shɛ we, va nya nza ŋkɛ Shala nde veyi le ghəa ŋkɛ. 8Ama gheyɛ ne, katekemave berete yɛ kese Sefəa Shala kadzeghəa gheyɛ. Katenza yɛ kaka negha fete yitea 'ya mbe Zhɛrəzalɛm, te hɛɗia ka Zhəwdɛ le ŋa ka Samari, pa te ŋkwa nya zhigə hɛɗi.» 9Ma kwa gezete ghena shɛ ŋkɛ ne, cape ŋkɛ kadzeme ghweme kanewe newe hɛ. Ma mbe dzeme ŋkɛ ne, pa ləmbə zhiɓəaghe geva kənə, shaŋe hɛ kanewe ɓiyitsa.
10Mba hɛ dɛzlɛ dɛzlɛ le ntsə dzeme yitea ghweme kanewe Yɛsə kadzeme, pɛkwe kweci mbeli bake mbe lekwesa kwa tɛawetɛa. 11Ma ke hɛ sha hɛ: «A zhilia ka Galilɛ, wa raberə ghereŋe ŋayɛ yɛ teke kanewe ŋkwa nya dzeme yitea ghweme wa? Ma Yɛsə nya keslənyɛ nya hwa gheyɛ kadzeme ghweme ne, tsagha shɛ tesawa ŋkɛ pelɛ kala nya nakɛ yɛ kadzeme ŋkɛ.»
Mbeli kave Matiyas te ŋkwa Zhəwdas
12Zhɛne ka ghwene ta Yɛsə Kriste zhɛneke geva kadzembe Zhɛrəzalɛm sawa pelɛ ghweme ta Bekele. Takwa takwa ghwemea shɛ yitea meleme, gare kilemɛtre kwetɛŋe. 13Ma kwa dzeme mbe Zhɛrəzalɛm hɛ ne, tarame hɛ pelɛ kwete cɛ nya pelɛ ghəa cɛ kala nya mene hɛ ghalanza. Ma mbeli nyi mbe cɛa shɛ ne, yɛ Piyɛre, Zhaŋe, Zhake le Andrɛ, yɛ Filipe le Tomas, yɛ Bartɛlemi le Matiye, pa Zhake, wəzege ta Alfɛ, yɛ Simon nde mpa yitea hɛɗia ŋkɛ le Zhəwde, wəzege ta Zhake. 14Te ŋkwa nya kwetɛŋe hɛ jikə kasəkwə ghə keveci keveci, le mi hwa hɛ, le Mari meghekɛa Yɛsə, le ka menəhɛnyɛa Yɛsə.
15Ma te kwete hɛa shɛ ne, pelɛhetɛme Piyɛre sate hwa ka kesaka ma nyi ketsenete geva gare gwəmsə ba'a bakemsə, ma ke sha hɛ: 16«Ka kesaka meyɛ ɗa, nda ghena nya gezete Sefəa Shala mbe Ghena ta Shala kamenete geva, laka mɛa David, nahe kegezete ghena kala nde kelɛŋə te Zhəwdas, wəndə nya kebeghakɛ mbeli nyi kekeseve Yɛsə. 17Kawəndə nya hwa ghen'yɛ se Zhəwdas kaghate, ghen'yɛ ka ghwene ta Yɛsə Kriste, nahe kekemave ŋa ŋkɛ bela hwa slene ta n'yɛ.
18Ma le cɛdɛ nya kemave Zhəwdas mbe mene fete ta ŋkɛ ne, nahe kepave wəve. Pa ŋkɛ teɗe mejiŋə te wəvea shɛ, pa hwəa ŋkɛ wəteslənyɛ sawa te tepe ba'a pa helia ŋkɛ shavenji te ŋwela. 19Nahe pɛtɛa ka Zhɛrəzalɛm kefate ghena shɛ, pa hɛ hekate nda slə ke wəvea shɛ le ghena ta nci kaHakɛldama, geze ta ŋkɛ, Wəvea mimi.
20Kwa nza ŋkɛ ma ke rafete geva mbe palepa ta Cimə:
Kakwəfi tenza ghɛa ŋkɛ, yagha wəndə kanza ki.
Ma ke gezete geva zhɛkwa:
Ma slene nya dapave nda mbeli,
pa kwete wəndə kelete.
21-22Ma kwa nza ŋkɛ kala nya ne, nahe ŋkɛ kehite geva kezha dzehwa gheɓəmə kwete wəndə kezha negha fete yitea same ta Nde sleke ŋkwa Yɛsə kwa kwele. Katenta ŋkɛ gheɓəmə hwa mbeli nyi kese kadzeghwa le gheɓəmə keveci keveci vəa ŋkwa dzeghwamte dzeghwa Nde sleke ŋkwa Yɛsə le gheɓəmə, ghala se te və nya menete batɛme Zhaŋe hwa'a te veci nya slənyɛ ŋkɛ kadzeme ghweme.» 23Pa mbeli veyi mbeli bake, Zhozɛf Barsabas kwete, nya heka mbeli kaYəstəs ɓiyitsa ba'a Matiyas. 24Ntake hɛ kasəkwə ghə kanya kwetɛŋe, ma ke hɛ: «Nde sleke ŋkwa, nahe na keɗepe wənəa mbeli pɛtɛ, ncɛte n'yɛ wəndə nya ntave na hwa mbeli nyi bake nyi, 25kezha kele slene ta Zhəwdas, kanza kande ghwene ta Yɛsə Kriste, kanza te ŋkwa ŋkɛ.» 26Pa hɛ slate kwasheghediɗi kezha nta wəndə kwetɛŋe hwa hɛ. Pa Matiyas kelete kwa sheghea shɛ, pa mbeli shɛ hwa mbeli nyi ketene meŋe kwetɛŋeghəmbe kaka ghwene ta Yɛsə Kriste.
Currently Selected:
Slene 1: BEK12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Slene 1
1
Sefəa Shala nya meɗeyi nda Yɛsə ke ka ghwene ta ŋkɛ
1Mcɛ ɗa Tɛyofile, mbe kwa ghate ta palepa ta ɗa ne, nahe 'ya kegezemte ghena ta wəshi nyi se Yɛsə kamene le nyi tekete nda ŋkɛ ke mbeli se te kwa ghate, 2hwa'a te veci nya slənyɛ ŋkɛ kadzeme ghweme. Ma nda teslə ŋkɛ kadzeme ghweme ne, nahe ŋkɛ kegezave nda ghena ta ŋkɛ ke mbeli nyi tsehave ŋkɛ kaka ghwene ta ŋkɛ le berete ta Sefəa Shala. 3Kwetere wəmbəa mte ta ŋkɛ ne, pa ncɛte nda geva ke hɛ. Kwele kwele wəshi nyi menete ŋkɛ yitea ncɛ nda ke hɛ le mpi ŋkɛ zhɛkwa. Hɛ wəfaɗemsə mbe ncɛ nda geva ŋkɛ ke hɛ. Ghena ta Meghea Shala yagezete nda ŋkɛ ke hɛ te vecia shɛ. 4Te kwete hɛ, mbe ŋkɛ kazeme ɗafa le hɛ. Ma ke meɗekɛ hɛ: «Mba yɛ keslə mbe Zhɛrəzalɛm, ama neghete mə wəsə nya meɗeyi ŋayɛ Yiteyɛ ɗa kala nya gezete ŋayɛ 'ya kaghate. 5Va nya nza ŋkɛ le yɛmə menete nda batɛme Zhaŋe ke mbeli, ama te kwete veci ne, katekemave batɛme yɛ le Sefəa Shala.»
Yɛsə kadzeme ghweme
6Ma ke mbeli nyi ketsenete geva tagha yitea Yɛsə 'yɛwete ve: «Nde sleke ŋkwa, vəa ŋkwa shɛ teve nda meghe na ke ka Israyɛl nda sleke ghəa nci hɛ na?» 7Ma ke Yɛsə sha hɛ: «Berete va gheyɛ yitea ɗepe vecia shɛ le vəa shɛ we, va nya nza ŋkɛ Shala nde veyi le ghəa ŋkɛ. 8Ama gheyɛ ne, katekemave berete yɛ kese Sefəa Shala kadzeghəa gheyɛ. Katenza yɛ kaka negha fete yitea 'ya mbe Zhɛrəzalɛm, te hɛɗia ka Zhəwdɛ le ŋa ka Samari, pa te ŋkwa nya zhigə hɛɗi.» 9Ma kwa gezete ghena shɛ ŋkɛ ne, cape ŋkɛ kadzeme ghweme kanewe newe hɛ. Ma mbe dzeme ŋkɛ ne, pa ləmbə zhiɓəaghe geva kənə, shaŋe hɛ kanewe ɓiyitsa.
10Mba hɛ dɛzlɛ dɛzlɛ le ntsə dzeme yitea ghweme kanewe Yɛsə kadzeme, pɛkwe kweci mbeli bake mbe lekwesa kwa tɛawetɛa. 11Ma ke hɛ sha hɛ: «A zhilia ka Galilɛ, wa raberə ghereŋe ŋayɛ yɛ teke kanewe ŋkwa nya dzeme yitea ghweme wa? Ma Yɛsə nya keslənyɛ nya hwa gheyɛ kadzeme ghweme ne, tsagha shɛ tesawa ŋkɛ pelɛ kala nya nakɛ yɛ kadzeme ŋkɛ.»
Mbeli kave Matiyas te ŋkwa Zhəwdas
12Zhɛne ka ghwene ta Yɛsə Kriste zhɛneke geva kadzembe Zhɛrəzalɛm sawa pelɛ ghweme ta Bekele. Takwa takwa ghwemea shɛ yitea meleme, gare kilemɛtre kwetɛŋe. 13Ma kwa dzeme mbe Zhɛrəzalɛm hɛ ne, tarame hɛ pelɛ kwete cɛ nya pelɛ ghəa cɛ kala nya mene hɛ ghalanza. Ma mbeli nyi mbe cɛa shɛ ne, yɛ Piyɛre, Zhaŋe, Zhake le Andrɛ, yɛ Filipe le Tomas, yɛ Bartɛlemi le Matiye, pa Zhake, wəzege ta Alfɛ, yɛ Simon nde mpa yitea hɛɗia ŋkɛ le Zhəwde, wəzege ta Zhake. 14Te ŋkwa nya kwetɛŋe hɛ jikə kasəkwə ghə keveci keveci, le mi hwa hɛ, le Mari meghekɛa Yɛsə, le ka menəhɛnyɛa Yɛsə.
15Ma te kwete hɛa shɛ ne, pelɛhetɛme Piyɛre sate hwa ka kesaka ma nyi ketsenete geva gare gwəmsə ba'a bakemsə, ma ke sha hɛ: 16«Ka kesaka meyɛ ɗa, nda ghena nya gezete Sefəa Shala mbe Ghena ta Shala kamenete geva, laka mɛa David, nahe kegezete ghena kala nde kelɛŋə te Zhəwdas, wəndə nya kebeghakɛ mbeli nyi kekeseve Yɛsə. 17Kawəndə nya hwa ghen'yɛ se Zhəwdas kaghate, ghen'yɛ ka ghwene ta Yɛsə Kriste, nahe kekemave ŋa ŋkɛ bela hwa slene ta n'yɛ.
18Ma le cɛdɛ nya kemave Zhəwdas mbe mene fete ta ŋkɛ ne, nahe kepave wəve. Pa ŋkɛ teɗe mejiŋə te wəvea shɛ, pa hwəa ŋkɛ wəteslənyɛ sawa te tepe ba'a pa helia ŋkɛ shavenji te ŋwela. 19Nahe pɛtɛa ka Zhɛrəzalɛm kefate ghena shɛ, pa hɛ hekate nda slə ke wəvea shɛ le ghena ta nci kaHakɛldama, geze ta ŋkɛ, Wəvea mimi.
20Kwa nza ŋkɛ ma ke rafete geva mbe palepa ta Cimə:
Kakwəfi tenza ghɛa ŋkɛ, yagha wəndə kanza ki.
Ma ke gezete geva zhɛkwa:
Ma slene nya dapave nda mbeli,
pa kwete wəndə kelete.
21-22Ma kwa nza ŋkɛ kala nya ne, nahe ŋkɛ kehite geva kezha dzehwa gheɓəmə kwete wəndə kezha negha fete yitea same ta Nde sleke ŋkwa Yɛsə kwa kwele. Katenta ŋkɛ gheɓəmə hwa mbeli nyi kese kadzeghwa le gheɓəmə keveci keveci vəa ŋkwa dzeghwamte dzeghwa Nde sleke ŋkwa Yɛsə le gheɓəmə, ghala se te və nya menete batɛme Zhaŋe hwa'a te veci nya slənyɛ ŋkɛ kadzeme ghweme.» 23Pa mbeli veyi mbeli bake, Zhozɛf Barsabas kwete, nya heka mbeli kaYəstəs ɓiyitsa ba'a Matiyas. 24Ntake hɛ kasəkwə ghə kanya kwetɛŋe, ma ke hɛ: «Nde sleke ŋkwa, nahe na keɗepe wənəa mbeli pɛtɛ, ncɛte n'yɛ wəndə nya ntave na hwa mbeli nyi bake nyi, 25kezha kele slene ta Zhəwdas, kanza kande ghwene ta Yɛsə Kriste, kanza te ŋkwa ŋkɛ.» 26Pa hɛ slate kwasheghediɗi kezha nta wəndə kwetɛŋe hwa hɛ. Pa Matiyas kelete kwa sheghea shɛ, pa mbeli shɛ hwa mbeli nyi ketene meŋe kwetɛŋeghəmbe kaka ghwene ta Yɛsə Kriste.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.