Slene 2
2
Se ta Sefəa Shala
1Ma kwa se vecia gəsəkə Pantekote ne, pa ka zele Yɛsə tsenete geva te ŋkwa nya kwetɛŋe pɛtɛ. 2Tewə ketemə, kafa gaka ta kwete wəsə mbeli sawa pelɛ ghweme kala sefə nya wəba le berete, mpɛafe viɗikɛ cɛ nya nza hɛ mbe. 3Newe ke hɛ ne, deremə deremə wəsə kala ghɛnia ghwə ncake nca, pa neheyi geva, ntare ntare kwa ghə va hɛ pɛtɛ nci. 4Mpɛafe hɛ va Sefəa Shala, ntake hɛ kageze kweci ghena, kala berete nya ndeke nda Sefəa Shala ke hɛ kezha geze.
5Kwele kwele ka Zhəwif nyi kezele Shala mbe Zhɛrəzalɛm. Se te hɛɗi keghə keghə se hɛ pɛtɛ. 6Ma kwa fate gaka shɛ mbeli nyighɛ ne, pɛtɛ hɛ tseneke geva kwele kwele. Hehake hɛ pɛtɛ kwa fa hɛ hɛ kageze ghena le yayata ghena ta nci. 7Hehake hɛ va ghena shɛ, ma ke hɛ: «Ashɛ ka Galilɛ mbeli nyi kegeze ghena nyi pɛtɛ wəka? 8Tsema se ŋkɛ nda fa yayata wəndə le ghena ta ŋkɛ wa? 9Ma hwa ghen'yɛ ne, mbeli nyi kese te hɛɗia Parte, Mɛdi, Ɛlam, Mɛzopotami, Zhəwdɛ, Kapadose, Poŋe ba'a sla ta hɛɗia Azi, 10Frizhi, Pamfili, Ɛzhipte, Libi nya takwa takwa yitea Sirɛne, Rome, Krɛte ba'a ŋa Arabi. 11Nyi keya kaka Zhəwif le nyi kezhɛrenji kaka Zhəwif, le ka Krɛte, le ka Arabi, pɛtɛ mə kafa zlape nya zlape wəshi nyi kwele nyi menete Shala hɛ.» 12Hehake hɛ pɛtɛ va ghena shɛ, keɗepe wəshi nyi zəzə hɛ hɛ we, ma ke hɛ kwelɛ ghəa nci: «Wa yaɗe ŋkɛ kageze wa?» 13Kaŋ'wəshi hɛ kweci, ma ke hɛ: «Nahe hɛ keghwəyi fate fate.»
Piyɛre kageze nda ghena ke mbeli
14Pa Piyɛre sate le kweci ka ghwene ta Yɛsə Kriste nyi meŋe kwetɛŋeghəmbe. Ntake kazlape nda ghena ke mbeli, ma ke: «Gheyɛ ka Zhəwif le mbeli nyi teke mbe Zhɛrəzalɛm, fa mə ndeɗekə wəshi nyi kemenete geva, veyite mə sleme yitea ghena ta ɗa. 15Ma mbeli nyi ne, keghwəyi hɛ kala nya zəzə nya yɛ we, tewəmbəreke mba ŋkwa te kwəsərə. 16Ghena nyi gezete nde mɛ ŋkwa ta Shala Zhowɛl nde mene geva ɓeshi:
17Ma ke Shala: Te kwa keɗaŋe ta və ne,
katepele Sefəa ɗa 'ya kadzeghəa mbeli pɛtɛ,
kategeze ghena kelɛŋəa Shala ŋwale tezhilia ŋayɛ
ba'a ŋwalea kwɛa ŋayɛ,
katenewe wəshi ka mempɛhwetɛtia ŋayɛ laka kelɛŋə,
kateshiwə ka meha mehɛɗia ŋayɛ.
18Tsagha ne, kateve Sefəa ɗa 'ya
kənə ka mavashia ɗa ba'a ka kwaterashia ɗa.
Vəa ŋkwa shɛ, kategeze ghena kelɛŋəa Shala hɛ.
19Katemene wəshi meŋele 'ya
pelɛ ghweme ba'a wəshi kencɛ wəshi kwake te hɛɗi:
mimi, ghwə ba'a geɗeɗe ta meləkwə ləkwə.
20Katezhɛre veci ngərə ngərə
ba'a tere kamimi,
nda tese vecia Mahwətə,
veci nya wəba ba'a nya nza zləvə te.
21Ma vəa ŋkwa shɛ ne, pələsə tenza
yayata wəndə nya ketehekɛme sləa Mahwətə.
22Ka Israyɛl, veyite mə sleme yitea ghena ta ɗa nya tegeze ŋayɛ 'ya: Yɛsə nde Nazarɛt, wəndə nya ghweneke ŋayɛ Shala. Nahe ŋkɛ kencɛte geva laka wəshi meŋele le wəshi nyi ketencɛ wəshi nyi menete ŋkɛ kwa nza ŋkɛ hwa gheyɛ, kala nya ɗepe yɛ. 23Pa mbeli dapave ŋayɛ kala nya ɗete Shala vəashi, pa yɛ baŋate te sheghwə, pa yɛ peslekɛ laka dzeve ta ka ndiremia mehele. 24Ama nahe Shala kekelakame same kwa kwele le mpi, pələsə ŋkɛ va yaka ta mte, va nya nza ŋkɛ dzawe nda nza mte kakeseyi Yɛsə. 25Ma ke David gezete ghena te ghəa Yɛsə:
Nahe 'ya kenakɛ Mahwətə te kema ta ɗa kevə kevə,
kənəa 'ya nza ŋkɛ yitea ya ɗa yagha 'ya kabare bare.
26Vatse zlama wənəa ɗa, vatse gha cimə 'ya,
ya berete ta ɗa dewə,
katezhɛne mpi 'ya le zəzə nya neghe mbeli,
27kwa nza ŋkɛ katewəfə ɗa na kwa ghɛa mbelia kwahɛɗi we,
katesərə wəndə nya kenza dɛŋe dɛŋe te gha na kadaɗə kwa kwele we.
28Nahe na kencɛte ɗa hweŋkwa nyi kelə kadzete ŋkwa mpi.
Katebehe ɗa na le zlama va nya nza na le 'ya.
29Ka kesaka meyɛ ɗa, waɗe hweŋkwa va 'ya kageze ŋayɛ ghena. Nahe shia ɓəmə David kemte, nahe mbeli kelamte, mba kwele ta ŋkɛ teke hwa gheɓəmə pa tsetsenya. 30Kande mɛ ŋkwa ta Shala ŋkɛ, nahe ŋkɛ keɗepe, ma ke Shala gezete nda gheci gheci: Kateve kwete wəndə nya hwa hwelefe ta ŋa 'ya kezha ve ŋkɛ pelɛ pasla ta ŋa.
31Nahe David keɗepe warakenyɛ kanza Kriste kwa kwele we,
ghena ta ŋkɛ yagezete ŋkɛ, ma ke:
Kese kanza kwa ghɛa mbelia kwahɛɗi we,
kese geva ta ŋkɛ kadaɗə we.
32Nahe Shala kekelakame same kwa kwele, pɛtɛ n'yɛ kaka negha fete ta same ta ŋkɛ. 33Pa Shala veyi zləvə te Yɛsə, kaveyi laka bela kwa zeme ta ŋkɛ. Nahe ŋkɛ kekemave Sefəa Shala kala nya meɗeyi nda Yita. Pa ghwenaghe kənəa ghen'yɛ, kala nya newe yɛ le nya fa yɛ. 34Kwa nza ŋkɛ ne, kese David pelɛ ghweme le ghəa ŋkɛ we, ama ma ke:
Ma ke Mahwətə sha Nde sleke ɗa:
Nde ntishɛ ŋa te kwa zeme ta ɗa,
35nda teŋkambe ka jaga ta ŋa 'ya mbe hwə seɗa ta ŋa.
36Ɗepete mə ghena nya fəyitekeghə gheyɛ ka Israyɛl, Yɛsə nya baŋate nya yɛ te sheghwə kwa zleŋkwa, gheŋkɛ yaveyi Shala kaKriste Nde sleke ŋkwa.»
37Ma kwa fate ghena shɛ hɛ, wətiɗike helia nci slanyɛ. Ma ke hɛ sha Piyɛre le kweci ka ghwene ta Yɛsə Kriste: «Ka kesaka ma, tsema temene n'yɛ wa?» 38Ma ke Piyɛre sha hɛ: «Zhɛre mə geva kalə sha Shala, nda mene ŋayɛ batɛme mbeli, nya kejikə ŋayɛ le sləa Yɛsə baŋe Shala kelemte jaɗafa ta ŋayɛ te wənə, nda ve ŋayɛ wəsə gəməa ŋkɛ ŋkɛ le Sefəa ŋkɛ. 39Kwa nza ŋkɛ kaŋa ŋayɛ meɗe mɛa Shala ba'a kaŋa ŋwalea ŋayɛ, tsagha kaŋa mbeli nyi cakeɗa cakeɗa, kaŋa mbeli nyi teheka Mahwətə Shala ta ɓəmə.»
40Kweci ghena kwele kwele yagezete nda Piyɛre ke hɛ kezha ɗepe hɛ, kezha mtsehe nda berete ke hɛ, ma ke sha hɛ: «Mbelemte mə ghəa ŋayɛ. Shave ŋayɛ mə hwa ka beze ghena nyi tsetsenya nyi.» 41Ma nyi keyɛhwe ghena nya gezete Piyɛre, pa mbeli menete nda batɛme ke hɛ. Ma vəa ŋkwa shɛ, gare 3.000 mbeli nyi kembakete geva yitea hɛ.
Jikə ta ka Kriste nyi kaghate
42Mbe ve sleme hɛ le mehele yitea ghena nya tekete ka ghwene ta Yɛsə ke hɛ, kamene wəshia nci hɛ jikə kala ka mama, zlaɓe le hɛ zeme geva ta Yɛsə hɛ, zlaɓe səkwə ghə hɛ. 43Hehake mbeli pɛtɛ va wəshi meŋele kwele kwele le wəshi kencɛ wəshi nyi mene ka ghwene ta Yɛsə. 44Pɛtɛ mbelia Yɛsə keɗepe ghəa nci kala ka mama, jikə wəshia nci pɛtɛ. 45Pɛtɛ hɛ pamte wəvea nci le pɛtɛa wəshi nyi va hɛ, pa hɛ neheve cɛdɛa shɛ kwelɛ ghəa nci, yipə yipə le ghena nya te wəndə. 46Keveci keveci tsene geva hɛ mbe ghɛa Shala, kanya kwetɛŋe zeme ɗafa hɛ ki ghɛa nci, le zlama zeme wəshia nci hɛ, le wənə kwetɛŋe. 47Katsahe Shala hɛ, pɛtɛ mbeli kaɗe hɛ. Keveci keveci mbake nda mbeli Nde sleke ŋkwa ke hɛ, mbeli nyi kekemave mbele.
Currently Selected:
Slene 2: BEK12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Slene 2
2
Se ta Sefəa Shala
1Ma kwa se vecia gəsəkə Pantekote ne, pa ka zele Yɛsə tsenete geva te ŋkwa nya kwetɛŋe pɛtɛ. 2Tewə ketemə, kafa gaka ta kwete wəsə mbeli sawa pelɛ ghweme kala sefə nya wəba le berete, mpɛafe viɗikɛ cɛ nya nza hɛ mbe. 3Newe ke hɛ ne, deremə deremə wəsə kala ghɛnia ghwə ncake nca, pa neheyi geva, ntare ntare kwa ghə va hɛ pɛtɛ nci. 4Mpɛafe hɛ va Sefəa Shala, ntake hɛ kageze kweci ghena, kala berete nya ndeke nda Sefəa Shala ke hɛ kezha geze.
5Kwele kwele ka Zhəwif nyi kezele Shala mbe Zhɛrəzalɛm. Se te hɛɗi keghə keghə se hɛ pɛtɛ. 6Ma kwa fate gaka shɛ mbeli nyighɛ ne, pɛtɛ hɛ tseneke geva kwele kwele. Hehake hɛ pɛtɛ kwa fa hɛ hɛ kageze ghena le yayata ghena ta nci. 7Hehake hɛ va ghena shɛ, ma ke hɛ: «Ashɛ ka Galilɛ mbeli nyi kegeze ghena nyi pɛtɛ wəka? 8Tsema se ŋkɛ nda fa yayata wəndə le ghena ta ŋkɛ wa? 9Ma hwa ghen'yɛ ne, mbeli nyi kese te hɛɗia Parte, Mɛdi, Ɛlam, Mɛzopotami, Zhəwdɛ, Kapadose, Poŋe ba'a sla ta hɛɗia Azi, 10Frizhi, Pamfili, Ɛzhipte, Libi nya takwa takwa yitea Sirɛne, Rome, Krɛte ba'a ŋa Arabi. 11Nyi keya kaka Zhəwif le nyi kezhɛrenji kaka Zhəwif, le ka Krɛte, le ka Arabi, pɛtɛ mə kafa zlape nya zlape wəshi nyi kwele nyi menete Shala hɛ.» 12Hehake hɛ pɛtɛ va ghena shɛ, keɗepe wəshi nyi zəzə hɛ hɛ we, ma ke hɛ kwelɛ ghəa nci: «Wa yaɗe ŋkɛ kageze wa?» 13Kaŋ'wəshi hɛ kweci, ma ke hɛ: «Nahe hɛ keghwəyi fate fate.»
Piyɛre kageze nda ghena ke mbeli
14Pa Piyɛre sate le kweci ka ghwene ta Yɛsə Kriste nyi meŋe kwetɛŋeghəmbe. Ntake kazlape nda ghena ke mbeli, ma ke: «Gheyɛ ka Zhəwif le mbeli nyi teke mbe Zhɛrəzalɛm, fa mə ndeɗekə wəshi nyi kemenete geva, veyite mə sleme yitea ghena ta ɗa. 15Ma mbeli nyi ne, keghwəyi hɛ kala nya zəzə nya yɛ we, tewəmbəreke mba ŋkwa te kwəsərə. 16Ghena nyi gezete nde mɛ ŋkwa ta Shala Zhowɛl nde mene geva ɓeshi:
17Ma ke Shala: Te kwa keɗaŋe ta və ne,
katepele Sefəa ɗa 'ya kadzeghəa mbeli pɛtɛ,
kategeze ghena kelɛŋəa Shala ŋwale tezhilia ŋayɛ
ba'a ŋwalea kwɛa ŋayɛ,
katenewe wəshi ka mempɛhwetɛtia ŋayɛ laka kelɛŋə,
kateshiwə ka meha mehɛɗia ŋayɛ.
18Tsagha ne, kateve Sefəa ɗa 'ya
kənə ka mavashia ɗa ba'a ka kwaterashia ɗa.
Vəa ŋkwa shɛ, kategeze ghena kelɛŋəa Shala hɛ.
19Katemene wəshi meŋele 'ya
pelɛ ghweme ba'a wəshi kencɛ wəshi kwake te hɛɗi:
mimi, ghwə ba'a geɗeɗe ta meləkwə ləkwə.
20Katezhɛre veci ngərə ngərə
ba'a tere kamimi,
nda tese vecia Mahwətə,
veci nya wəba ba'a nya nza zləvə te.
21Ma vəa ŋkwa shɛ ne, pələsə tenza
yayata wəndə nya ketehekɛme sləa Mahwətə.
22Ka Israyɛl, veyite mə sleme yitea ghena ta ɗa nya tegeze ŋayɛ 'ya: Yɛsə nde Nazarɛt, wəndə nya ghweneke ŋayɛ Shala. Nahe ŋkɛ kencɛte geva laka wəshi meŋele le wəshi nyi ketencɛ wəshi nyi menete ŋkɛ kwa nza ŋkɛ hwa gheyɛ, kala nya ɗepe yɛ. 23Pa mbeli dapave ŋayɛ kala nya ɗete Shala vəashi, pa yɛ baŋate te sheghwə, pa yɛ peslekɛ laka dzeve ta ka ndiremia mehele. 24Ama nahe Shala kekelakame same kwa kwele le mpi, pələsə ŋkɛ va yaka ta mte, va nya nza ŋkɛ dzawe nda nza mte kakeseyi Yɛsə. 25Ma ke David gezete ghena te ghəa Yɛsə:
Nahe 'ya kenakɛ Mahwətə te kema ta ɗa kevə kevə,
kənəa 'ya nza ŋkɛ yitea ya ɗa yagha 'ya kabare bare.
26Vatse zlama wənəa ɗa, vatse gha cimə 'ya,
ya berete ta ɗa dewə,
katezhɛne mpi 'ya le zəzə nya neghe mbeli,
27kwa nza ŋkɛ katewəfə ɗa na kwa ghɛa mbelia kwahɛɗi we,
katesərə wəndə nya kenza dɛŋe dɛŋe te gha na kadaɗə kwa kwele we.
28Nahe na kencɛte ɗa hweŋkwa nyi kelə kadzete ŋkwa mpi.
Katebehe ɗa na le zlama va nya nza na le 'ya.
29Ka kesaka meyɛ ɗa, waɗe hweŋkwa va 'ya kageze ŋayɛ ghena. Nahe shia ɓəmə David kemte, nahe mbeli kelamte, mba kwele ta ŋkɛ teke hwa gheɓəmə pa tsetsenya. 30Kande mɛ ŋkwa ta Shala ŋkɛ, nahe ŋkɛ keɗepe, ma ke Shala gezete nda gheci gheci: Kateve kwete wəndə nya hwa hwelefe ta ŋa 'ya kezha ve ŋkɛ pelɛ pasla ta ŋa.
31Nahe David keɗepe warakenyɛ kanza Kriste kwa kwele we,
ghena ta ŋkɛ yagezete ŋkɛ, ma ke:
Kese kanza kwa ghɛa mbelia kwahɛɗi we,
kese geva ta ŋkɛ kadaɗə we.
32Nahe Shala kekelakame same kwa kwele, pɛtɛ n'yɛ kaka negha fete ta same ta ŋkɛ. 33Pa Shala veyi zləvə te Yɛsə, kaveyi laka bela kwa zeme ta ŋkɛ. Nahe ŋkɛ kekemave Sefəa Shala kala nya meɗeyi nda Yita. Pa ghwenaghe kənəa ghen'yɛ, kala nya newe yɛ le nya fa yɛ. 34Kwa nza ŋkɛ ne, kese David pelɛ ghweme le ghəa ŋkɛ we, ama ma ke:
Ma ke Mahwətə sha Nde sleke ɗa:
Nde ntishɛ ŋa te kwa zeme ta ɗa,
35nda teŋkambe ka jaga ta ŋa 'ya mbe hwə seɗa ta ŋa.
36Ɗepete mə ghena nya fəyitekeghə gheyɛ ka Israyɛl, Yɛsə nya baŋate nya yɛ te sheghwə kwa zleŋkwa, gheŋkɛ yaveyi Shala kaKriste Nde sleke ŋkwa.»
37Ma kwa fate ghena shɛ hɛ, wətiɗike helia nci slanyɛ. Ma ke hɛ sha Piyɛre le kweci ka ghwene ta Yɛsə Kriste: «Ka kesaka ma, tsema temene n'yɛ wa?» 38Ma ke Piyɛre sha hɛ: «Zhɛre mə geva kalə sha Shala, nda mene ŋayɛ batɛme mbeli, nya kejikə ŋayɛ le sləa Yɛsə baŋe Shala kelemte jaɗafa ta ŋayɛ te wənə, nda ve ŋayɛ wəsə gəməa ŋkɛ ŋkɛ le Sefəa ŋkɛ. 39Kwa nza ŋkɛ kaŋa ŋayɛ meɗe mɛa Shala ba'a kaŋa ŋwalea ŋayɛ, tsagha kaŋa mbeli nyi cakeɗa cakeɗa, kaŋa mbeli nyi teheka Mahwətə Shala ta ɓəmə.»
40Kweci ghena kwele kwele yagezete nda Piyɛre ke hɛ kezha ɗepe hɛ, kezha mtsehe nda berete ke hɛ, ma ke sha hɛ: «Mbelemte mə ghəa ŋayɛ. Shave ŋayɛ mə hwa ka beze ghena nyi tsetsenya nyi.» 41Ma nyi keyɛhwe ghena nya gezete Piyɛre, pa mbeli menete nda batɛme ke hɛ. Ma vəa ŋkwa shɛ, gare 3.000 mbeli nyi kembakete geva yitea hɛ.
Jikə ta ka Kriste nyi kaghate
42Mbe ve sleme hɛ le mehele yitea ghena nya tekete ka ghwene ta Yɛsə ke hɛ, kamene wəshia nci hɛ jikə kala ka mama, zlaɓe le hɛ zeme geva ta Yɛsə hɛ, zlaɓe səkwə ghə hɛ. 43Hehake mbeli pɛtɛ va wəshi meŋele kwele kwele le wəshi kencɛ wəshi nyi mene ka ghwene ta Yɛsə. 44Pɛtɛ mbelia Yɛsə keɗepe ghəa nci kala ka mama, jikə wəshia nci pɛtɛ. 45Pɛtɛ hɛ pamte wəvea nci le pɛtɛa wəshi nyi va hɛ, pa hɛ neheve cɛdɛa shɛ kwelɛ ghəa nci, yipə yipə le ghena nya te wəndə. 46Keveci keveci tsene geva hɛ mbe ghɛa Shala, kanya kwetɛŋe zeme ɗafa hɛ ki ghɛa nci, le zlama zeme wəshia nci hɛ, le wənə kwetɛŋe. 47Katsahe Shala hɛ, pɛtɛ mbeli kaɗe hɛ. Keveci keveci mbake nda mbeli Nde sleke ŋkwa ke hɛ, mbeli nyi kekemave mbele.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.