wandījo 38
38
Bitūnja ba ng'wa Yuda
1Ū mu shikū jenījo, ū Yuda akabaleka a biye ūja kwikala na ngosha ūmò muna Adulamu, lina lyakwe Hiila. 2Ū Yuda ūbona ko nkīma, nshīke wa ngosha nebe muna Kanaani, witanagwa Shua; ūntoola ū nkīma ng'wenūyo ūbiza nke wakwe. 3Hūna ū mayū ng'wenūyo ūbūūcha nda, ūbyala ng'wana ngosha, ū ise ūng'wilīka Eeli. 4Ūbūūcha nda yīngī, ūbyala ng'wana ngosha hangī, ū nina ūng'wilīka ī lina lyakwe Onani. 5Ūbyala na ūngī, nang'hwe ngosha, lina lyakwe Sheela; nū ng'wene akilīkwa na nina. Aho alīmyala baalī Kezibu. 6Ū Yuda ūntooja ū Eeli, ū ng'witūnja wakwe ū wa kwandya; ū nkīma witanagwa Tamali. 7Gwike ū Eeli, ū ng'witūja wa kwandya wa ng'wa Yuda, walī na nhūngwa jabūbi ū mu miso ga ng'wa SEEBA; na lūūlū ū SEEBA ūmūlaga. 8Hūna ū Yuda ūng'wīla ū Onani gīkī, “Ng'wingīlage ū nke wa nkūlūyo, ūng'wītīle ū nkwelayo ūmo shilī shīmīle, ūmūkīje būbyīle ū nkūlūyo.” 9Alīyo ū Onani walī amanile gīkī ū būbyīle būtūbiza bokwe, na lūūlū būlī ikanza ūlū walaala nū nkwelaye, ī mbīyū wajiitīlaga ha būlīīlī, gīkī atizūmūkīja būbyīle ū nkūlūye. 10Ū mhayo ūyo wagwītaga gwenūyo gwalī gwabūbi no ū mu miso ga ng'wa SEEBA, na lūūlū nū ng'wene ūmūlaga. 11Hūna ū Yuda ūng'wīla ū ng'wīnga wakwe ū Tamali gīkī, “Jaga kū ng'wing'we,#38:11 Kū ng'wing'we: Nūūlū, kū kaya ya ng'wa so. ūkikale ūmo bakikalīga bachīlwa, kūshisha ū ng'witūnja wane ū Sheela akūle.” Ū gwenūyo akagūhaya nguno wiganikaga gīkī, “Atizūcha nū ng'wenūyū gītī bakūlūye.” Ng'hana ū Tamali ūja kū ng'wawe ūkikala kwenūko.
Yuda na Tamali
12Jūbīta shikū ningī, kwimanīla wazumalīka ū nke wa ng'wa Yuda, ū nshīke wa ng'wa Shua. Aho lyabīta ī likanza lya kūnīla ū nke, ū Yuda ūbūūka nū nwani ng'wiye ū Hiila ū muna Adulamu, būja Timna kūlola banhū babutīlaga ng'holo jakwe booya. 13Ū Tamali ūwīlwa gīkī, “Ū so būkwi akūbīta ajile Timna, kūbutīla ng'holo jakwe booya.” 14Ū nshīke akabona gīkī, nūūlū īkī ū Sheela walī wakūla, alīyo walī atinhagwa ū kūlī we bitoole; hūna lūūlū ūshizuula ī shizwalo shakwe ī sha būchīīlwa, wigubba ng'wenda ū kū būshū gīkī ajimīīlīke; ūūkigasha ha mita gwa Enaimu, gwalī haho nī nzīla ya kūja Timna. 15Ū Yuda aho wamona igashije, wiganika gīkī wabona malahya, nguno walī wigubbanīja ng'wenda ū kū būshū. 16Ūliga hoi, atūmanaga gīkī hū ng'wene ū ng'wīnga wakwe. Aho wang'wegeela ūng'wīla, “Bebe mayū, nalikūmva kūlaala nang'ho!” Nang'hwe ūnshokeja, “Ūlīhaya kūlaala nane, ūkūninha kī?” 17Ūhaya, “Nakūkūtūmīla kagulyati ka mbūli kūfuma kwidaale lya mitugo jane.” Ū nkīma ūng'wīla, “Ūleega shikolo kī ī sha kūnilekela kūshisha aho ūlanenhele?” 18Nang'hwe ūbūja, “Ūlītogwa neege shikolo kī?” Ū nshīke ūshosha, “Ninhage ī limeng'helo#38:18 Limeng'helo: Ka shikolo ka kūmeng'hela mitugo ja basabi bamò na bamò. Ī kale bakatungaga ha ngufu, bakanungeleja mu nhingo; bayūyeela nako. lyako lyenīlo, nū ngufu gwalyo, nū nang'ha ūyo ūlīnago mu nkono.” Ūng'winha ī shikolo shenīsho, hūna ūlaala nang'hwe; ūngeta nda. 19Aho wīnga dūhū a henaho ū nkīma ng'wenūyo, ūkagwīnja ū ng'wenda ūyo walī wigubba, ūzwala hangī ī myenda yakwe ī ya nyachīīlwa. 20Ū Yuda atadīlile, ūng'winha a kagulyati ka mbūli ū nwani ng'wiye ū muna Adulamu, ūntūma akatwale ū kūlī nkīma ng'wenūyo, akashikomoole ī shikolo shakwe; alīyo atampandīkile. 21Ūgema kūbabūja bagosha bamò na bamò ba ng'wenūmo gīkī, “Bing'we bagosha, alī halī ū malahya ūyo walikalaga igashije bbihī na nzīla ha mita gwa Enaimu?” Būng'wīla, “Atīmo malahya ū ng'wenūmu!” 22Ūkalīla kūshoka dūhū ū kūlī Yuda, ūkang'wīla gīkī, “Nangayiwa nīyo na a bagosha ba ng'wenūmo bahaya, ‘Atīnilonga malahya ū ng'wenūmu!’” 23Ū Yuda ūhaya, “I, yene shacha būjikū, nekage atwale ī shikolo shenīsho, tūkūgookela midūhū. Ū nene natogilwe ū kūng'winha a kagulyati; h'ī chene naalī nakwinha ūntwalīle, alīyo wakangayiwa!”
Pelezi na Zeela kūbyalwa
24Aho yabīta myeji idatū ūwīlwa ū Yuda gīkī, “Ū ng'wīnga wako wandije būmalahya, nīyo ī haha wagetilwe na nda.” Ū Yuda ūhaya, “Nfunyagi hanze, abūlagwe bo kūpemva mu moto!” 25Ū nkīma ng'wenūyo aho alīfunyiwa, ūntūmīla nhūng'wa ū nkwīye ūhaya gīkī, “Ū ng'wenekīlī shikolo īshi, hū ng'wene wanigetile ī nda.” Ongeja na gīkī, “Nalīlomba ūlīlole ī limeng'helo īlī nū ngufu gwalyo, nū nang'ha ūyū, ūlū ūkūng'witegeleja ū ng'wenesho.” 26Ū Yuda ūshideeba; hūna ūhaya gīkī, “Ū wei ntūngīlīja kūtinda ū nene, nguno natang'winhile ū kūlī ng'witūnja wane ū Sheela.” Atalaalile nang'hwe hangī.
27Lyahayūshika ī likanza lya kūbyala kwakwe, yīīlonga gīkī walī na mabasa. 28Aho alībyala, ū ng'wana ū wa kwandya akafunya nkono, ū ng'witūūja ūsola būlūba waza ūgūtunga ū nkono alīhaya, “Ū ntongi ū kūfuma ūūyū.” 29Alīyo kwimanīla wagūshokeja ū nkono gwakwe, ū ng'wiye h'ūyo ūfuma; ū ng'witūūja ng'wenūyo ūhaya, “Ni kinehe hangī ū bebe nang'ho wachiibīlīja gīko?” Na lūūlū ī lina lyakwe witanwa Pelezi.#38:29 Pelezi: Īlī na mūkūlū ga kūchiibya, kwingīla, nūūlū kūfuma haanhū bo kūtūmamīla nguzu. Ūlū ni Nsukuma ni witanwa Machiibya. 30Hūna nū ng'wiye, ūyo walī nū būlūba ū waza ūfuma; ū ng'wene winhwa lina lya Zeela.#38:30 Zeela: Būlabangīzu, nūūlū būūza (gītī shikolo shaza).
Currently Selected:
wandījo 38: SUKBI15
Highlight
Share
Copy
Want to have your highlights saved across all your devices? Sign up or sign in
Sukuma Bible © Bible Society of Tanzania, 2019.
wandījo 38
38
Bitūnja ba ng'wa Yuda
1Ū mu shikū jenījo, ū Yuda akabaleka a biye ūja kwikala na ngosha ūmò muna Adulamu, lina lyakwe Hiila. 2Ū Yuda ūbona ko nkīma, nshīke wa ngosha nebe muna Kanaani, witanagwa Shua; ūntoola ū nkīma ng'wenūyo ūbiza nke wakwe. 3Hūna ū mayū ng'wenūyo ūbūūcha nda, ūbyala ng'wana ngosha, ū ise ūng'wilīka Eeli. 4Ūbūūcha nda yīngī, ūbyala ng'wana ngosha hangī, ū nina ūng'wilīka ī lina lyakwe Onani. 5Ūbyala na ūngī, nang'hwe ngosha, lina lyakwe Sheela; nū ng'wene akilīkwa na nina. Aho alīmyala baalī Kezibu. 6Ū Yuda ūntooja ū Eeli, ū ng'witūnja wakwe ū wa kwandya; ū nkīma witanagwa Tamali. 7Gwike ū Eeli, ū ng'witūja wa kwandya wa ng'wa Yuda, walī na nhūngwa jabūbi ū mu miso ga ng'wa SEEBA; na lūūlū ū SEEBA ūmūlaga. 8Hūna ū Yuda ūng'wīla ū Onani gīkī, “Ng'wingīlage ū nke wa nkūlūyo, ūng'wītīle ū nkwelayo ūmo shilī shīmīle, ūmūkīje būbyīle ū nkūlūyo.” 9Alīyo ū Onani walī amanile gīkī ū būbyīle būtūbiza bokwe, na lūūlū būlī ikanza ūlū walaala nū nkwelaye, ī mbīyū wajiitīlaga ha būlīīlī, gīkī atizūmūkīja būbyīle ū nkūlūye. 10Ū mhayo ūyo wagwītaga gwenūyo gwalī gwabūbi no ū mu miso ga ng'wa SEEBA, na lūūlū nū ng'wene ūmūlaga. 11Hūna ū Yuda ūng'wīla ū ng'wīnga wakwe ū Tamali gīkī, “Jaga kū ng'wing'we,#38:11 Kū ng'wing'we: Nūūlū, kū kaya ya ng'wa so. ūkikale ūmo bakikalīga bachīlwa, kūshisha ū ng'witūnja wane ū Sheela akūle.” Ū gwenūyo akagūhaya nguno wiganikaga gīkī, “Atizūcha nū ng'wenūyū gītī bakūlūye.” Ng'hana ū Tamali ūja kū ng'wawe ūkikala kwenūko.
Yuda na Tamali
12Jūbīta shikū ningī, kwimanīla wazumalīka ū nke wa ng'wa Yuda, ū nshīke wa ng'wa Shua. Aho lyabīta ī likanza lya kūnīla ū nke, ū Yuda ūbūūka nū nwani ng'wiye ū Hiila ū muna Adulamu, būja Timna kūlola banhū babutīlaga ng'holo jakwe booya. 13Ū Tamali ūwīlwa gīkī, “Ū so būkwi akūbīta ajile Timna, kūbutīla ng'holo jakwe booya.” 14Ū nshīke akabona gīkī, nūūlū īkī ū Sheela walī wakūla, alīyo walī atinhagwa ū kūlī we bitoole; hūna lūūlū ūshizuula ī shizwalo shakwe ī sha būchīīlwa, wigubba ng'wenda ū kū būshū gīkī ajimīīlīke; ūūkigasha ha mita gwa Enaimu, gwalī haho nī nzīla ya kūja Timna. 15Ū Yuda aho wamona igashije, wiganika gīkī wabona malahya, nguno walī wigubbanīja ng'wenda ū kū būshū. 16Ūliga hoi, atūmanaga gīkī hū ng'wene ū ng'wīnga wakwe. Aho wang'wegeela ūng'wīla, “Bebe mayū, nalikūmva kūlaala nang'ho!” Nang'hwe ūnshokeja, “Ūlīhaya kūlaala nane, ūkūninha kī?” 17Ūhaya, “Nakūkūtūmīla kagulyati ka mbūli kūfuma kwidaale lya mitugo jane.” Ū nkīma ūng'wīla, “Ūleega shikolo kī ī sha kūnilekela kūshisha aho ūlanenhele?” 18Nang'hwe ūbūja, “Ūlītogwa neege shikolo kī?” Ū nshīke ūshosha, “Ninhage ī limeng'helo#38:18 Limeng'helo: Ka shikolo ka kūmeng'hela mitugo ja basabi bamò na bamò. Ī kale bakatungaga ha ngufu, bakanungeleja mu nhingo; bayūyeela nako. lyako lyenīlo, nū ngufu gwalyo, nū nang'ha ūyo ūlīnago mu nkono.” Ūng'winha ī shikolo shenīsho, hūna ūlaala nang'hwe; ūngeta nda. 19Aho wīnga dūhū a henaho ū nkīma ng'wenūyo, ūkagwīnja ū ng'wenda ūyo walī wigubba, ūzwala hangī ī myenda yakwe ī ya nyachīīlwa. 20Ū Yuda atadīlile, ūng'winha a kagulyati ka mbūli ū nwani ng'wiye ū muna Adulamu, ūntūma akatwale ū kūlī nkīma ng'wenūyo, akashikomoole ī shikolo shakwe; alīyo atampandīkile. 21Ūgema kūbabūja bagosha bamò na bamò ba ng'wenūmo gīkī, “Bing'we bagosha, alī halī ū malahya ūyo walikalaga igashije bbihī na nzīla ha mita gwa Enaimu?” Būng'wīla, “Atīmo malahya ū ng'wenūmu!” 22Ūkalīla kūshoka dūhū ū kūlī Yuda, ūkang'wīla gīkī, “Nangayiwa nīyo na a bagosha ba ng'wenūmo bahaya, ‘Atīnilonga malahya ū ng'wenūmu!’” 23Ū Yuda ūhaya, “I, yene shacha būjikū, nekage atwale ī shikolo shenīsho, tūkūgookela midūhū. Ū nene natogilwe ū kūng'winha a kagulyati; h'ī chene naalī nakwinha ūntwalīle, alīyo wakangayiwa!”
Pelezi na Zeela kūbyalwa
24Aho yabīta myeji idatū ūwīlwa ū Yuda gīkī, “Ū ng'wīnga wako wandije būmalahya, nīyo ī haha wagetilwe na nda.” Ū Yuda ūhaya, “Nfunyagi hanze, abūlagwe bo kūpemva mu moto!” 25Ū nkīma ng'wenūyo aho alīfunyiwa, ūntūmīla nhūng'wa ū nkwīye ūhaya gīkī, “Ū ng'wenekīlī shikolo īshi, hū ng'wene wanigetile ī nda.” Ongeja na gīkī, “Nalīlomba ūlīlole ī limeng'helo īlī nū ngufu gwalyo, nū nang'ha ūyū, ūlū ūkūng'witegeleja ū ng'wenesho.” 26Ū Yuda ūshideeba; hūna ūhaya gīkī, “Ū wei ntūngīlīja kūtinda ū nene, nguno natang'winhile ū kūlī ng'witūnja wane ū Sheela.” Atalaalile nang'hwe hangī.
27Lyahayūshika ī likanza lya kūbyala kwakwe, yīīlonga gīkī walī na mabasa. 28Aho alībyala, ū ng'wana ū wa kwandya akafunya nkono, ū ng'witūūja ūsola būlūba waza ūgūtunga ū nkono alīhaya, “Ū ntongi ū kūfuma ūūyū.” 29Alīyo kwimanīla wagūshokeja ū nkono gwakwe, ū ng'wiye h'ūyo ūfuma; ū ng'witūūja ng'wenūyo ūhaya, “Ni kinehe hangī ū bebe nang'ho wachiibīlīja gīko?” Na lūūlū ī lina lyakwe witanwa Pelezi.#38:29 Pelezi: Īlī na mūkūlū ga kūchiibya, kwingīla, nūūlū kūfuma haanhū bo kūtūmamīla nguzu. Ūlū ni Nsukuma ni witanwa Machiibya. 30Hūna nū ng'wiye, ūyo walī nū būlūba ū waza ūfuma; ū ng'wene winhwa lina lya Zeela.#38:30 Zeela: Būlabangīzu, nūūlū būūza (gītī shikolo shaza).
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sukuma Bible © Bible Society of Tanzania, 2019.