Хосталыышкын 15

Моисейниң болгаш Мариамның Кызыл далай чанынга ырлары

1«Дээрги-Чаяакчыны алгап ырлаайн, Ол өндүр улуун көргүстү#Иса. 12:5:

аътты-даа, ону мунган кижини-даа#Ыд. ыр. 75:7 далайже киир октапты.

2Дээрги-Чаяакчы – мээң күчү-күжүм-дүр, Ону алгап ырлаар мен.

Ол – мээң Камгалакчым болду#Ыд. ыр. 117:13; Иса. 12:2.

Ол – мээң Бурганым, Ону кымдан арттыр мактаар мен,

Ол – мээң ачамның Бурганы, Ону кымдан арттыр мактаар мен.

3Дээрги-Чаяакчы – өндүр улуг дайынчы#Ыд. ыр. 23:8,

Ооң ады – Дээрги-Чаяакчы!

4Ол фараоннуң аг-шериин, дайынчы тергелерин

далайга дүжүрүптү;

фараоннуң шериг баштыңчылары Кызыл далайга дүжүп өлдү.

5Оларны далай ээреми ажырыпты,

ханы дүпче даш дег дүжүп кире бердилер.

6Дээрги-Чаяакчы, Сээң холуң күчү-күжү-биле алдаржыды#Ыд. ыр. 117:15,

ооң-биле дайзынны чылча шаптың.

7Алдарыңның өндүр бедии-биле

Сеңээ удур тура халаан улусту базып кагдың,

Сээң ыткан чалбыыштыг килеңиң

оларны сиген-саваң дег өрттедипти.

8Сээң килеңниг тыныжың#15:8, 10 Тыныш – еврей дылда «руах» деп сөс «хат», «тыныш», «сүлде», «сеткил» дээн ышкаш хөй утканы илередир. үрүптерге,

суг ийи чара чайлып, чалгыглар ханалаштыр турупту#Ыд. ыр. 77:13,

далайның ханы ээремнери кадыг апарды#2 Хаан. 22:16.

9Дайзын: „Оларны ызыртыр сүрүп чедейн,

олча-тывыштыг болуйн, мага хандыр үптеп алыйн,

хылыжымны хынындан уштуйн,

мээң холум оларны кыргып-хыдызын“ – деп турду.

10А Сен оларже тыныжың#15:10 15:8-те немелде тайылбырны көр. үрүптериңге,

далай оларны ажырыпты,

олар терең сугларже коргулчун дег дүжүп кире бердилер.

11Дээрги-Чаяакчы, бурганнар аразында Сээң-биле эннежир кым барыл?!

Сен дег ындыг – ыдыктыы-биле өндүр бедик,

макталга төлептиг база кайгамчык чүүлдер чаяап турар –

өске кым барыл?!#Ы. х. к. 3:24; 33:26; 1 Хаан. 2:2; 2 Хаан. 7:22; 3 Хаан. 8:23; 2 Чыл. 6:14; Ыд. ыр. 85:8; 88:7-9; Иса. 45:5-6; Иер. 10:6

12Сен холуңну сунуптарыңга,

чер дайзыннарны хөөп алды.

13Бодуңнуң камгалап кааның чонну

энерелдииң-биле эдертип аппар чыдыр сен –

ыдыктыг чериңче Бодуңнуң күчү-күжүң-биле

чедирип бар чыдыр сен.

14Ону дыңнааш, өске чоннар сүрээдеп тур:

филистим черниң чурттакчылары коргуушкунга алзыпты,

15Эдом черниң нояннары коргуп дүвүреди,

моав черниң баштыңчылары сириледи,

Ханаанның бүгү чурттакчылары корга берди#Сан. 14:14; 22:2-4; Иис. 2:9.

16Олар аажок коргуп-сүртезин.

Сээң өндүр улуг күчү-күжүңден

олар көжээлештир көжүй берзиннер,

Дээрги-Чаяакчының чону чаны-биле эртип турда,

Сээң чаяап кааның чон чаны-биле эртип турда,

ыыт-шимээн чок барзыннар.

17Чонуңну эдерткеш, Сеңээ хамааржыр дагга тургузуп каар сен,

ол дээрге Сээң өргээң турар кылдыр шилип алган чериң-дир,

Дээрги-Чаяакчы;

ол дээрге Сээң тургузуп каарың ыдыктыг чер-дир, Дээрги!#Ыд. ыр. 77:54

18Дээрги-Чаяакчы кезээ мөңгеде хааннаар!#Ыд. ыр. 9:37; 28:10; 145:10»

19Фараоннуң аъттары, дайынчы тергелери болгаш аъттыг шерии далайлап кежип бар чыдырда, Дээрги-Чаяакчы оларже далайның чалгыгларын хөме аксыпкан, а израиль чон далайны кургаг черлеп кеже берген.

20Мариам#Хост. 2:4-8; Сан. 12:1-15; 20:1; 26:59; Ы. х. к. 24:9; Мих. 6:4 – Аароннуң өттүр билип медеглээр угбазы тимпан#15:20 Тимпан – дүңгүрге дөмейлешкек хөгжүм херексели. тудуп алган, херээженнер шуптузу тимпаннар туткаш, ооң-биле кады самнап эгелээннер#Башт. 11:34; 21:21; 1 Хаан. 18:6. 21Мариам израильчилерге ырлап эгелээн:

«Дээрги-Чаяакчыны алгап ырлаңар,

Ол өндүр улуун көргүстү:

аътты-даа, ону мунган кижини-даа#Ыд. ыр. 75:7

далайже киир октапты».

Марада болгаш Элимде суг баштары

22Моисей израильчилерни Кызыл далайдан эдертип алгаш чорупкан. Олар Сур деп ээн кургаг ховуга келгеш#Э. д. 16:7, аңаа үш хонук дургузунда чоруп-чоруп#Сан. 33:8, суг тыппааннар. 23Марага чедип кээрге, ооң суу ажыг болган – ону ижип шыдавааннар, ынчангаш ол черни Мара#15:23 Мара – «Ажыг» дээн уткалыг ат (Руф 1:20 көр). деп адап каан турган. 24Чон Моисейге хорадап: «Ам чүнү ижер улус бис?» – деп хыйланып турган. 25Моисей Дээрги-Чаяакчыдан дуза дилеп кыйгырарга, Ол аңаа ыяш айтып берген. Моисей ол ыяштың будуун сугже киир октаптарга, сугну ижип болур апарган. Бурган шак ол черге чонга хоойлу биле дүрүмнү берген, оларның бүзүрелин шенээн. 26Ол: «Дээрги-Чаяакчы Бурганыңарның сөзүнге чагыртып, Меңээ таарымчалыг чүүлдерни кылыр болзуңарза база Мээң айтыышкыннарымны тооп дыңнап, бүгү дүрүмнеримни сагыыр болзуңарза, Египетче салган аарыгларымның чаңгызын-даа силерже салбас мен. Силерни экиртип турар Дээрги-Чаяакчы#Ыд. ыр. 102:3 – Мен-дир мен!» – деп чонга чугаалаан.

27Израильчилер оон Элим дээр черге келген. Ында он ийи суг бажы болгаш чеден пальма ыяш бар болган; олар суг чанынга турлагжып алганнар#Сан. 33:9.

Currently Selected:

Хосталыышкын 15: TUV

Highlight

Copy