Хосталыышкын 24

Чагыг-керээни хан-биле быжыглап доктаатканы

1Дээрги-Чаяакчы Моисейге мынча дээн: «Сен, Аарон, Надав болгаш Авиуд#Хост. 6:23 база Израильдиң баштыңнарындан чеден кижи#Сан. 11:16 Мээң турар даамче үнүп келгеш, Меңээ ырактан мөгейиңер. 2Моисей чааскаан Менче чоокшулазын, а арткан улус чоокшулавазын; чон олар-биле кады дагже үнмезин».

3Моисей чонга келгеш, Дээрги-Чаяакчының хамык сөстерин болгаш дүрүм-хоойлуларын оларга дамчыдып чугаалаан. Бүгү чон чаңгыс үн-биле: «Дээрги-Чаяакчының чугаалаан бүгү чүвезин күүседир бис#Хост. 19:8» – деп харыылаан. 4Моисей Дээрги-Чаяакчының хамык сөстерин бижип алган, а даартазында эртежик тургаш, даг эдээнге өргүл салыр бедигээшти база Израильдиң он ийи аймаан көргүскен он ийи даш көжээни тургузуп каан. 5Ооң соонда ол израиль чоннуң аныяк эрлерин чорудуптарга, олар бүрүн өрттедир өргүл малдарын эккелгеннер, а оон Дээрги-Чаяакчыга салыр эп-найырал өргүлүнүң бугажыктарын дөгергеннер. 6Моисей малдың ханының чартыын тавактарга кудуп каан, а өске чартыын өргүл салыр бедигээшче төккен. 7Оон чагыг-керээни бижээн дүрүг-номну ап алгаш, чонга дыңналдыр номчуп бээрге, израильчилер: «Дээрги-Чаяакчының чугаалаан бүгү чүвезин күүседир бис, дыңнангыр болур бис» – дээннер. 8Моисей ынчан өргүл малының ханын узуп алгаш, чонче бызай чажып: «Бо бүгү сөстерге хамаарыштыр Дээрги-Чаяакчының силер-биле чарган чагыг-керээзиниң ханы бо-дур#Зах. 9:11; Мк. 14:24; Евр. 9:20» – деп турган.

9Ооң соонда Моисей, Аарон, Надав болгаш Авиуд олар база Израильдиң чеден баштыңы дагже үне бергеннер. 10Олар аңаа Израильдиң Бурганын көрүп кааннар#Э. д. 32:30; Хост. 33:20; Ин. 1:18. Ооң турар чери дээр ышкаш аяс, сапфир дашка дөмей болган#Иез. 1:26. 11Бурган израиль чоннуң шилиттинген бо улузун узуткаваан; олар Бурганны көргеннер база аштанып-чемненип дойлааннар.

Моисейниң даг кырынга дөртен хонук турганы

12Дээрги-Чаяакчы Моисейге: «Менче, даг бажынче үнүп келгеш, орта тур#3 Хаан. 19:11; Мен сеңээ улусту өөредир кылдыр хоойлу болгаш айтыышкыннар бижип кааным калбак даштарны бээр мен#Хост. 31:18» – деп чугаалаан. 13Моисей бодунуң дузалакчызы Иисусту#Сан. 11:28; 14:6; 27:18 эдертип алгаш, Бурганның даанче үне берген. 14А баштыңнарга ол: «Бис силерже ээп келгижевиске чедир маңаа туруңар; Аарон болгаш Хур силер-биле артып калзын – кандыг-бир кижи херээн шиитпирледир дей берзе, оларга барып шиитпирлетсин» – деп чугаалаан.

15Моисей дагже үне бээрге, булут дагны бүргей апкан; 16Дээрги-Чаяакчының чайынналчак чырыы Синай дагже дүжүп келген; булут дагны алды хүн дургузунда шыва ап келген, а чедиги хүнде Дээрги-Чаяакчы булут аразындан Моисейни кый дээн. 17Даг кырында Дээрги-Чаяакчының чайынналчак чырыы израиль чоннуң карактарынга чалбырааштыг от дег көстүп турган#Хост. 24:1; Ы. х. к. 4:24; Евр. 12:29. 18Моисей булуттуң ортузунче кирип, дагже улам бедидир үне берген; даг бажынга ол дөртен хүн, дөртен дүн дургузунда турган#Хост. 34:28; 3 Хаан. 19:8.

Currently Selected:

Хосталыышкын 24: TUV

Highlight

Copy