Эге дөс 25
25
Авраамның амыдыралының төнчүзү
1Авраам катап база кадайланып алган. Ооң Хеттура деп чаа кадайы аңаа 2Зимран, Иокшан, Медан, Мадиан, Ишбак болгаш Шуах деп оолдарны божуп берген. 3Иокшандан Шева биле Дедан төрүттүнген. Деданның үре-салгалы ашшур, летуш база леюм аймактар чүве-дир. 4Мадианның оолдары: Эфа, Эфер, Энох, Авида база Элдага. Олар шупту Хеттураның үре-салгалы чүве-дир#1 Чыл. 1:32-33.
5Авраам Исаакка бодунуң шупту өнчү-хөреңгизин берипкен. 6А кул-кадайларындан төрүттүнген оолдарынга Авраам белек-селекти бергеш, боду дириг тургаш-ла, оларны чөөн чүкче – чөөн талакы черлерже Исаактан аңгылап чорудупкан.
7Авраам 175 чыл чурттаан. Ооң назыны ол хире болган. 8Амыдыралды мага хандыр чурттап алгаш, кыраан назынында ол өлүп калган, өгбелериниң соондан өске оранче чоруй барган. 9Оолдары Исаак биле Измаил ону Мамрениң чанында Цохарның оглу хет Эфроннуң шөлүнде турар Махпела куюнга орнукшудуп кааннар. 10Авраамны хет чондан садып алган шөлге, ооң кадайы Сарраның чанынга ажаап кааннар#Э. д. 23:16-20. 11Авраамның өлгениниң соонда, Бурган Исаакка ачы-буян хайырлаан. Ол өйде Исаак Беэр-Лахай-Рои чанынга чурттап турган.
Измаилдиң үре-салгалы
12Авраамның оглу Измаилдиң болгаш ооң үре-салгалының дугайында чугаа бо-дур.
Сарраның египет кулу Агар Авраамга Измаилди божуп берген. 13А Измаилдиң оолдарының улуундан бичезинге чедир аттары: дун оглу Навайот, Кедар, Адбеел, Мивсам, 14Мишма, Дума, Масса, 15Хадад, Фема, Иетур, Нафиш болгаш Кедма#1 Чыл. 1:29-31. 16Измаилдиң он ийи оглунуң аттары-биле суурлар, черлер адаттынган – олар он ийи аймактың он ийи баштыңы болганнар. 17Измаил 137 чыл чурттааш, өлүп калган, өгбелериниң соондан өске оранче чоруй барган. 18Ооң үре-салгалы ха-дуңма аймактарынга удурланып, Хавиладан Сурга чедир, Египеттен Ассирияже углай девискээрге чурттап чорааннар#1 Хаан. 15:7.
Исав биле Иаков ийистерниң төрүттүнгени
19Авраамның оглу Исаактың болгаш ооң үре-салгалының дугайында чугаа бо-дур.
Авраамдан Исаак деп оол төрүттүнген. 20Паддан-Арам#25:20 Паддан-Арам – соңгу Месопотамия. чурттуг арамей Батуилдиң уруу Ревекканы кадай кылып алганда, Исаак дөртен харлыг турган. Ревекка арамей Лаванның дуңмазы турган чүве-дир. 21Кадайы дээш Исаак Дээрги-Чаяакчыга мөргээн, чүге дээрге ол саатталбайн турган чүве-дир. Дээрги-Чаяакчы ооң дилээн дыңнап каан, ынчангаш кадайы Ревекка иштели берген. 22Ооң хырнының иштинде оолдары бот-боттарын тепкилежип эгелээрге, Ревекка: «Бир эвес олар ынчаар болза, мен канчаар мен ам?» деп бодааш, Дээрги-Чаяакчыдан айтырар дээш чорупкан. 23Дээрги-Чаяакчы аңаа мынча деп харыылаан: «Сээң хырныңда ийи төрел бөлүктүң төлээлери бар-дыр. Олардан ийи аңгы чон бодарап тыптыр-дыр. Бирээзи өскезинден артык күштүг болур, улуу бичезинге чагыртыр-дыр#Сан. 24:18; 2 Хаан. 8:14; 1 Чыл. 8:13; Рим. 9:12».
24Ревекканың божуур үези чедип кээрге, ийистер төрүттүнген. 25Баштайгызы бүгү боду алгы дег кызыл-сарыг дүктүг болган. Ону Исав деп адап кааннар. 26Ооң соонда Исавтың ээжээнден холу-биле туттунуп алган оол үнүп келген, ону Иаков#25:26 Еврей дылда «Иаков» деп ат «ээжек», «ээжектен туттунар» азы «ажып эртер» деп уткалыг сөстерге дөмейлешкек. деп адап кааннар. Оолдары төрүттүнүп турда, Исаак алдан харлыг турган.
Исавтың бодунуң улуу болур эргезин садыпканы
27Исаактың оолдары өзүп келген. Исав хову кезиир аңчы болган, а Иаков өгден үнмес оожум кижи болган. 28Исаак оглу Исавка ынак турган, чүге дээрге ооң эккелгени аң эъдин чииринге ол ынак. А Ревекка Иаковка ынак болган.
29Иаков быдаа хайындырып алган турда, Исав ховудан пат турупкан чедип келген. 30Исав Иаковка мынча дээн: «Меңээ бо хайындырып алган кызыл чүвеңни берем, ижиптейн. Мен туруптум». (Ынчангаш ону Эдом#25:30 Еврей дылда «Эдом» деп ат «кызыл, кызыл-сарыг» деп сөске дөмейлешкек (25:25 көр). деп шолалап каан.)
31Иаков: «Мурнай төрүттүнгеш, улуу болган эргеңни ам дораан меңээ садывыт» – дээн#Ы. х. к. 21:17.
32Исав: «Улуу болурга, меңээ ооң херээ чүү боор? Мен аштааш, өлүр деп бардым, ол эргем меңээ дуза кадар бе ынчаш?» – деп харыылаан.
33«Баштай меңээ даңгырагла» – деп, Иаков негээн. Исав даңгыраан бергеш, улуу болур эргезин Иаковка садыпкан. 34Иаков Исавка хлеб база чочак-тараадан хайындырган быдаазын берген. Исав ижип-чип алгаш, туруп чорупкан. Ынчалдыр ол улуу болур эргезин херекке албайн барган#Евр. 12:16.
Currently Selected:
Эге дөс 25: TUV
Highlight
Share
Copy
Want to have your highlights saved across all your devices? Sign up or sign in
© Институт перевода Библии, Москва, 2011
Эге дөс 25
25
Авраамның амыдыралының төнчүзү
1Авраам катап база кадайланып алган. Ооң Хеттура деп чаа кадайы аңаа 2Зимран, Иокшан, Медан, Мадиан, Ишбак болгаш Шуах деп оолдарны божуп берген. 3Иокшандан Шева биле Дедан төрүттүнген. Деданның үре-салгалы ашшур, летуш база леюм аймактар чүве-дир. 4Мадианның оолдары: Эфа, Эфер, Энох, Авида база Элдага. Олар шупту Хеттураның үре-салгалы чүве-дир#1 Чыл. 1:32-33.
5Авраам Исаакка бодунуң шупту өнчү-хөреңгизин берипкен. 6А кул-кадайларындан төрүттүнген оолдарынга Авраам белек-селекти бергеш, боду дириг тургаш-ла, оларны чөөн чүкче – чөөн талакы черлерже Исаактан аңгылап чорудупкан.
7Авраам 175 чыл чурттаан. Ооң назыны ол хире болган. 8Амыдыралды мага хандыр чурттап алгаш, кыраан назынында ол өлүп калган, өгбелериниң соондан өске оранче чоруй барган. 9Оолдары Исаак биле Измаил ону Мамрениң чанында Цохарның оглу хет Эфроннуң шөлүнде турар Махпела куюнга орнукшудуп кааннар. 10Авраамны хет чондан садып алган шөлге, ооң кадайы Сарраның чанынга ажаап кааннар#Э. д. 23:16-20. 11Авраамның өлгениниң соонда, Бурган Исаакка ачы-буян хайырлаан. Ол өйде Исаак Беэр-Лахай-Рои чанынга чурттап турган.
Измаилдиң үре-салгалы
12Авраамның оглу Измаилдиң болгаш ооң үре-салгалының дугайында чугаа бо-дур.
Сарраның египет кулу Агар Авраамга Измаилди божуп берген. 13А Измаилдиң оолдарының улуундан бичезинге чедир аттары: дун оглу Навайот, Кедар, Адбеел, Мивсам, 14Мишма, Дума, Масса, 15Хадад, Фема, Иетур, Нафиш болгаш Кедма#1 Чыл. 1:29-31. 16Измаилдиң он ийи оглунуң аттары-биле суурлар, черлер адаттынган – олар он ийи аймактың он ийи баштыңы болганнар. 17Измаил 137 чыл чурттааш, өлүп калган, өгбелериниң соондан өске оранче чоруй барган. 18Ооң үре-салгалы ха-дуңма аймактарынга удурланып, Хавиладан Сурга чедир, Египеттен Ассирияже углай девискээрге чурттап чорааннар#1 Хаан. 15:7.
Исав биле Иаков ийистерниң төрүттүнгени
19Авраамның оглу Исаактың болгаш ооң үре-салгалының дугайында чугаа бо-дур.
Авраамдан Исаак деп оол төрүттүнген. 20Паддан-Арам#25:20 Паддан-Арам – соңгу Месопотамия. чурттуг арамей Батуилдиң уруу Ревекканы кадай кылып алганда, Исаак дөртен харлыг турган. Ревекка арамей Лаванның дуңмазы турган чүве-дир. 21Кадайы дээш Исаак Дээрги-Чаяакчыга мөргээн, чүге дээрге ол саатталбайн турган чүве-дир. Дээрги-Чаяакчы ооң дилээн дыңнап каан, ынчангаш кадайы Ревекка иштели берген. 22Ооң хырнының иштинде оолдары бот-боттарын тепкилежип эгелээрге, Ревекка: «Бир эвес олар ынчаар болза, мен канчаар мен ам?» деп бодааш, Дээрги-Чаяакчыдан айтырар дээш чорупкан. 23Дээрги-Чаяакчы аңаа мынча деп харыылаан: «Сээң хырныңда ийи төрел бөлүктүң төлээлери бар-дыр. Олардан ийи аңгы чон бодарап тыптыр-дыр. Бирээзи өскезинден артык күштүг болур, улуу бичезинге чагыртыр-дыр#Сан. 24:18; 2 Хаан. 8:14; 1 Чыл. 8:13; Рим. 9:12».
24Ревекканың божуур үези чедип кээрге, ийистер төрүттүнген. 25Баштайгызы бүгү боду алгы дег кызыл-сарыг дүктүг болган. Ону Исав деп адап кааннар. 26Ооң соонда Исавтың ээжээнден холу-биле туттунуп алган оол үнүп келген, ону Иаков#25:26 Еврей дылда «Иаков» деп ат «ээжек», «ээжектен туттунар» азы «ажып эртер» деп уткалыг сөстерге дөмейлешкек. деп адап кааннар. Оолдары төрүттүнүп турда, Исаак алдан харлыг турган.
Исавтың бодунуң улуу болур эргезин садыпканы
27Исаактың оолдары өзүп келген. Исав хову кезиир аңчы болган, а Иаков өгден үнмес оожум кижи болган. 28Исаак оглу Исавка ынак турган, чүге дээрге ооң эккелгени аң эъдин чииринге ол ынак. А Ревекка Иаковка ынак болган.
29Иаков быдаа хайындырып алган турда, Исав ховудан пат турупкан чедип келген. 30Исав Иаковка мынча дээн: «Меңээ бо хайындырып алган кызыл чүвеңни берем, ижиптейн. Мен туруптум». (Ынчангаш ону Эдом#25:30 Еврей дылда «Эдом» деп ат «кызыл, кызыл-сарыг» деп сөске дөмейлешкек (25:25 көр). деп шолалап каан.)
31Иаков: «Мурнай төрүттүнгеш, улуу болган эргеңни ам дораан меңээ садывыт» – дээн#Ы. х. к. 21:17.
32Исав: «Улуу болурга, меңээ ооң херээ чүү боор? Мен аштааш, өлүр деп бардым, ол эргем меңээ дуза кадар бе ынчаш?» – деп харыылаан.
33«Баштай меңээ даңгырагла» – деп, Иаков негээн. Исав даңгыраан бергеш, улуу болур эргезин Иаковка садыпкан. 34Иаков Исавка хлеб база чочак-тараадан хайындырган быдаазын берген. Исав ижип-чип алгаш, туруп чорупкан. Ынчалдыр ол улуу болур эргезин херекке албайн барган#Евр. 12:16.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, Москва, 2011