Эге дөс 26
26
Исаактың кадайының дугайында мегелээни
1Ол чуртка, биеэде Авраамның үелеринде дег, аш-чут эгелээн#Э. д. 12:10, ынчангаш Исаак Герарда филистим хаан Авимелехче чоруй барган#Э. д. 20:2. 2Дээрги-Чаяакчы Исаакка көстүп келгеш, мынча дээн: «Египетче барба. Мээң айтып бээр черимге чурттаар сен. 3Амдыызында бо черге чурттап чор. Мен сеңээ ачы-буян хайырлап, сээң-биле кады чоруур мен. Сээң ачаң Авраамга берген даңгыраамны күүседир мен#Э. д. 22:16-18: бо черлерниң шуптузун сеңээ болгаш сээң үре-салгалыңга бээр мен#Иис. 21:43. 4Сээң үре-салгалыңны дээрниң сылдыстары дег көвүдедир мен. Оларга бо черлерниң шуптузун бээр мен#Хост. 32:13. Сээң үре-салгалың дамчыштыр чер кырында бүгү чоннар ачы-буян алыр#Э. д. 12:3; 22:18; Аж.-ч. 3:25. 5Чүге дээрге Авраам Мени дыңнап, Мээң сагызын деп дужааган бүгү-ле айтыышкыннарым, дүрүмнерим болгаш хоойлуларымны сагып, күүседип чораан».
6Исаак Герарга турумчуп чурттай берген. 7Тус черниң чурттакчылары оон Ревекканың дугайын айтырарга, ол: «Дуңмам-дыр» – дээр турган. Ревекка чараш боорга, улус мени кадайым дээш өлүрүп кааптар ирги бе деп сезингеш, «кадайым-дыр» дээринден ол корткан#Э. д. 12:13; 20:1-2. 8Элээн үе эрткенде, филистим хаан Авимелех соңгадан Исаактың бодунуң кадайы Ревекканы чассыдып турарын көрүп каан. 9Авимелех Исаакты кыйгырыпкаш: «Бо дээрге сээң кадайың ышкажыл! Чүге „дуңмам-дыр“ деп мегелеп турган сен?» – деп айтырган.
Исаак: «Кадайым дээш улус мени өлүрүп кааптарындан коргуп турдум» – дээн.
10Авимелех аңаа: «Чүнү кылып кааның ол? Бистиң аравыстан кым-бир кижи сээң кадайың-биле удупкан болза, чүү болгу дег-дир? Бисти бурууга онаар часкан-дыр сен!» – дээн. 11Ынчангаш Авимелех бүгү чонунга: «Бо кижиге азы ооң кадайынга дегген кижи – өлүр» – деп чарлап каан.
Филистимнерниң Исаак-биле маргышканы
12Исаак ол черге тараа тарып алгаш, ол чылын дүжүттү чүс дакпыр хөйнү алган. Дээрги-Чаяакчы аңаа ынчалдыр ачы-буян хайырлаан. 13Исаак байып-ла, байып-ла олурган. Ынчалдыр ол дыка бай кижи апарган. 14Ооң кулдары, шээр болгаш бода малы бажын ажа бээрге, филистимнер аңаа адааргаар апарганнар. 15Исаактың ачазы Авраамның үезинде-ле ооң кулдарының казып кааны кудуктарже олар долдур довурак уруп, дуглап каапканнар#Э. д. 21:30. 16Ынчан Авимелех Исаакка: «Моон чорувут. Чүге дээрге сен бистен артык бай-шыырак апарган-дыр сен» – дээн.
17Исаак оон көжүп чоруткаш, Герар шынаазынга турлагжып чурттай берген. 18Ачазы Авраамның үезинде казып каан, ооң соонда филистимнерниң довурак долдур уруп, дуглап каапканы кудуктарны Исаак катап казып алгаш, ачазының адап турган аттары-биле оларны адагылап каан. 19Бир катап Исаактың кулдары шынаага кудук казып тургаш, агым суг тып алганнар. 20Герар чурттуг кадарчылар Исаактың кадарчылары-биле маргыжып, «Бо бистиң суувус-тур» дижи бергеннер. Ынчан ол кудукту Эсек деп адап каан. Чүге дээрге орта маргыжып турганнар#26:20 «Эсек» деп ат «маргылдаа» дээн уткалыг. . 21Өске кудук казып аарга, ол дээш база маргылдаа үнген. Ол кудукту Ситна деп адап каан#26:21 «Ситна» деп ат «удурланыышкын» дээн уткалыг. . 22Исаак оон-даа ырадыр чоруткаш, база бир кудук казып алган. Аңаа хамаарыштыр ам-на маргылдаа үнмээн. Исаак: «Дээрги-Чаяакчы бисти өзүп-көвүдезин дээш, биске хостуг-шөлээн черни берген-дир» – дээш, ол кудукту Реховот деп адап каан#26:22 «Реховот» деп ат «хостуг-шөлээн чер» дээн уткалыг. .
Исаактың Авимелех хаан-биле дугуржулга кылганы
23Исаак оон Беэр-Шеваже чоруй барган. 24Ол-ла дүне аңаа Дээрги-Чаяакчы көстүп келгеш: «Мен сээң ачаң Авраамның Бурганы-дыр мен. Сен кортпа, Мен сээң-биле мен. Мээң чалчам Авраам дээш сээң үре-салгалыңны көвүдедип, сеңээ ачы-буян хайырлаар мен» – дээн. 25Исаак аңаа өргүл салыр бедигээш тудуп кылгаш, Дээрги-Чаяакчының адын мактап кыйгырган. Исаак майгынын ол черге тип алган, а ооң кулдары орта кудук казып кааннар.
26Ол үеде Исаакка Герардан Авимелех бодунуң чөвүлекчизи Ахузат болгаш шериг баштыңы Фихол-биле кады чедип келген. 27Исаак оларга: «Силер чүге меңээ чедип келдиңер? Мени көөр хөңнүңер чок апаргаш, үндүр ойладыптыңар чоп?» – дээн.
28Олар мынча деп харыы бергеннер: «Бис Дээрги-Чаяакчы сээң-биле кады дээрзин тода көрүп кагдывыс, ынчангаш сээң-биле аравыста даңгырак беришкеш, дугуржулга кылып, эвилелдежип аар-дыр деп шиитпирледивис. 29Бистиң сеңээ дегбейн, эки чүве күзеп, тайбың салып чорудупканывыс дег, сен база биске багай чүве кылбазыңны даңгырагла. Дээрги-Чаяакчыга йөрээттирген кижи болгай сен!»#У. ч. 16:7
30Исаак хүндүлеп дой кылырга, олар аштанып-чемненгеннер. 31Эртенинде олар удур-дедир даңгыраглашканнар. Исаак аалчылары-биле байырлажып алган, олар амыр-тайбың дедир чана бергеннер. 32Ол-ла хүн Исаактың кудук казып турган кулдары келгеш: «Суг тып алдывыс» – дээннер. 33Исаак ол кудукту Шива деп адап каан. Ынчангаш бо хүннерге чедир ол хоорайны Беэр-Шева деп адаар апарган#26:33 Еврей дылда «Шива» деп ат «даңгырак» деп сөске дөмейлешкек. «Беэр-Шева» – «Даңгырак кудуу» дээни ол (21:31 көр). .
Исавтың кадайлары
34Исав дөртен харлыг тургаш, хет Беэриниң уруу Иегудитти база хет Элоннуң уруу Васематты бодунга кадай кылдыр ап алган#Э. д. 36:2-3. 35Ол ийи херээжен Исаак биле Ревеккага аартык, берге апарганнар.
Currently Selected:
Эге дөс 26: TUV
Highlight
Share
Copy
Want to have your highlights saved across all your devices? Sign up or sign in
© Институт перевода Библии, Москва, 2011
Эге дөс 26
26
Исаактың кадайының дугайында мегелээни
1Ол чуртка, биеэде Авраамның үелеринде дег, аш-чут эгелээн#Э. д. 12:10, ынчангаш Исаак Герарда филистим хаан Авимелехче чоруй барган#Э. д. 20:2. 2Дээрги-Чаяакчы Исаакка көстүп келгеш, мынча дээн: «Египетче барба. Мээң айтып бээр черимге чурттаар сен. 3Амдыызында бо черге чурттап чор. Мен сеңээ ачы-буян хайырлап, сээң-биле кады чоруур мен. Сээң ачаң Авраамга берген даңгыраамны күүседир мен#Э. д. 22:16-18: бо черлерниң шуптузун сеңээ болгаш сээң үре-салгалыңга бээр мен#Иис. 21:43. 4Сээң үре-салгалыңны дээрниң сылдыстары дег көвүдедир мен. Оларга бо черлерниң шуптузун бээр мен#Хост. 32:13. Сээң үре-салгалың дамчыштыр чер кырында бүгү чоннар ачы-буян алыр#Э. д. 12:3; 22:18; Аж.-ч. 3:25. 5Чүге дээрге Авраам Мени дыңнап, Мээң сагызын деп дужааган бүгү-ле айтыышкыннарым, дүрүмнерим болгаш хоойлуларымны сагып, күүседип чораан».
6Исаак Герарга турумчуп чурттай берген. 7Тус черниң чурттакчылары оон Ревекканың дугайын айтырарга, ол: «Дуңмам-дыр» – дээр турган. Ревекка чараш боорга, улус мени кадайым дээш өлүрүп кааптар ирги бе деп сезингеш, «кадайым-дыр» дээринден ол корткан#Э. д. 12:13; 20:1-2. 8Элээн үе эрткенде, филистим хаан Авимелех соңгадан Исаактың бодунуң кадайы Ревекканы чассыдып турарын көрүп каан. 9Авимелех Исаакты кыйгырыпкаш: «Бо дээрге сээң кадайың ышкажыл! Чүге „дуңмам-дыр“ деп мегелеп турган сен?» – деп айтырган.
Исаак: «Кадайым дээш улус мени өлүрүп кааптарындан коргуп турдум» – дээн.
10Авимелех аңаа: «Чүнү кылып кааның ол? Бистиң аравыстан кым-бир кижи сээң кадайың-биле удупкан болза, чүү болгу дег-дир? Бисти бурууга онаар часкан-дыр сен!» – дээн. 11Ынчангаш Авимелех бүгү чонунга: «Бо кижиге азы ооң кадайынга дегген кижи – өлүр» – деп чарлап каан.
Филистимнерниң Исаак-биле маргышканы
12Исаак ол черге тараа тарып алгаш, ол чылын дүжүттү чүс дакпыр хөйнү алган. Дээрги-Чаяакчы аңаа ынчалдыр ачы-буян хайырлаан. 13Исаак байып-ла, байып-ла олурган. Ынчалдыр ол дыка бай кижи апарган. 14Ооң кулдары, шээр болгаш бода малы бажын ажа бээрге, филистимнер аңаа адааргаар апарганнар. 15Исаактың ачазы Авраамның үезинде-ле ооң кулдарының казып кааны кудуктарже олар долдур довурак уруп, дуглап каапканнар#Э. д. 21:30. 16Ынчан Авимелех Исаакка: «Моон чорувут. Чүге дээрге сен бистен артык бай-шыырак апарган-дыр сен» – дээн.
17Исаак оон көжүп чоруткаш, Герар шынаазынга турлагжып чурттай берген. 18Ачазы Авраамның үезинде казып каан, ооң соонда филистимнерниң довурак долдур уруп, дуглап каапканы кудуктарны Исаак катап казып алгаш, ачазының адап турган аттары-биле оларны адагылап каан. 19Бир катап Исаактың кулдары шынаага кудук казып тургаш, агым суг тып алганнар. 20Герар чурттуг кадарчылар Исаактың кадарчылары-биле маргыжып, «Бо бистиң суувус-тур» дижи бергеннер. Ынчан ол кудукту Эсек деп адап каан. Чүге дээрге орта маргыжып турганнар#26:20 «Эсек» деп ат «маргылдаа» дээн уткалыг. . 21Өске кудук казып аарга, ол дээш база маргылдаа үнген. Ол кудукту Ситна деп адап каан#26:21 «Ситна» деп ат «удурланыышкын» дээн уткалыг. . 22Исаак оон-даа ырадыр чоруткаш, база бир кудук казып алган. Аңаа хамаарыштыр ам-на маргылдаа үнмээн. Исаак: «Дээрги-Чаяакчы бисти өзүп-көвүдезин дээш, биске хостуг-шөлээн черни берген-дир» – дээш, ол кудукту Реховот деп адап каан#26:22 «Реховот» деп ат «хостуг-шөлээн чер» дээн уткалыг. .
Исаактың Авимелех хаан-биле дугуржулга кылганы
23Исаак оон Беэр-Шеваже чоруй барган. 24Ол-ла дүне аңаа Дээрги-Чаяакчы көстүп келгеш: «Мен сээң ачаң Авраамның Бурганы-дыр мен. Сен кортпа, Мен сээң-биле мен. Мээң чалчам Авраам дээш сээң үре-салгалыңны көвүдедип, сеңээ ачы-буян хайырлаар мен» – дээн. 25Исаак аңаа өргүл салыр бедигээш тудуп кылгаш, Дээрги-Чаяакчының адын мактап кыйгырган. Исаак майгынын ол черге тип алган, а ооң кулдары орта кудук казып кааннар.
26Ол үеде Исаакка Герардан Авимелех бодунуң чөвүлекчизи Ахузат болгаш шериг баштыңы Фихол-биле кады чедип келген. 27Исаак оларга: «Силер чүге меңээ чедип келдиңер? Мени көөр хөңнүңер чок апаргаш, үндүр ойладыптыңар чоп?» – дээн.
28Олар мынча деп харыы бергеннер: «Бис Дээрги-Чаяакчы сээң-биле кады дээрзин тода көрүп кагдывыс, ынчангаш сээң-биле аравыста даңгырак беришкеш, дугуржулга кылып, эвилелдежип аар-дыр деп шиитпирледивис. 29Бистиң сеңээ дегбейн, эки чүве күзеп, тайбың салып чорудупканывыс дег, сен база биске багай чүве кылбазыңны даңгырагла. Дээрги-Чаяакчыга йөрээттирген кижи болгай сен!»#У. ч. 16:7
30Исаак хүндүлеп дой кылырга, олар аштанып-чемненгеннер. 31Эртенинде олар удур-дедир даңгыраглашканнар. Исаак аалчылары-биле байырлажып алган, олар амыр-тайбың дедир чана бергеннер. 32Ол-ла хүн Исаактың кудук казып турган кулдары келгеш: «Суг тып алдывыс» – дээннер. 33Исаак ол кудукту Шива деп адап каан. Ынчангаш бо хүннерге чедир ол хоорайны Беэр-Шева деп адаар апарган#26:33 Еврей дылда «Шива» деп ат «даңгырак» деп сөске дөмейлешкек. «Беэр-Шева» – «Даңгырак кудуу» дээни ол (21:31 көр). .
Исавтың кадайлары
34Исав дөртен харлыг тургаш, хет Беэриниң уруу Иегудитти база хет Элоннуң уруу Васематты бодунга кадай кылдыр ап алган#Э. д. 36:2-3. 35Ол ийи херээжен Исаак биле Ревеккага аартык, берге апарганнар.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, Москва, 2011