Эге дөс 33

Иаковтуң Исав-биле ужуражылгазы

1Иаков харап көргеш, Исав болгаш ооң-биле кады 400 кижи кел чыдарын көрүп каан. Ол Лияны, Рахилди база ийи кул-кадайын ажы-төлү-биле кады аңгылап тургузуп алган. 2Кул-кадайларын уруглары-биле эң мурнунга, Лияны уруглары-биле ооң соонга, а Рахил биле Иосифти артынга тургузуп алган. 3А Иаков боду оларның мурнунга чоруп орган. Акызынга чоокшулаажеге чедир, ол чеди катап черге чедир мөгейген. 4Исав дуңмазынга уткуштур маңнап келгеш, ооң мойнундан куспактаныпкаш, ону ошкап турган, олар ыглажыпканнар. 5Исав Иаковтуң кадайларын болгаш ажы-төлүн көрүп кааш: «Кымнарыл бо?» – деп оон айтырган.

Иаков: «Бурганның силерниң чалчаңар меңээ хайырлааны ажы-төлүм-дүр» – дээн. 6Ооң кул-кадайлары уруглары-биле кады чоокшулап чедип келгеш, Исавка мөгейип кааннар. 7Лия уруглары-биле кады чоокшулап келгеш, база Исавка мөгейип кааннар. Ооң соонда Иосиф биле Рахил база Исавка мөгейип кааннар.

8Исав: «Орукка мээң таварышканым чүү ындыг хөй сүрүг чүвел?» – деп айтырарга, Иаков: «Силерниң ээ көрүүшкүнүңерни чаалап алыр дээш, силерге белээм-дир, дээргим» – дээн.

9Исав аңаа: «Мээң бодумнуң мал-маганым эңдерик-ле болгай, дуңмам. Сээңии бодуңга арткай аан» – деп-тир.

10Иаков: «Чок, бир эвес менче ээ көрнүп турар болзуңарза, мээң белээмни хүлээп ап көрүңер. Силерниң-биле көржүрү меңээ Бурганның арнын көөрү-биле дөмей-дир, мени эки хүлээп ап турар-дыр силер. 11Мээң силерге эккелген белээмни хүлээп ап көрүңер, чүге дээрге Бурган менче ээ көрнүп, меңээ шупту чүвени берген-дир» – дээн. Иаков чаннырга, Исав белекти хүлээп алган.

12Исав Иаковка: «Че, чоруп олураалыңар. Мен орукту баштаайн» – дээн.

13Иаков: «Уруглар кошкак деп билир болгай силер, мээң дээргим. А шээр болгаш бода малым саар мал-дыр, олар чаа төрээн, оолдары чаш. Чаңгыс хүн иштинде безин оларны сывыртаар болзувусса, шупту кырлып каар болгай. 14Мээң дээргим, мурнап чоруптуңар, а мен мал-маганның аайы-биле, ажы-төлдүң шаа-биле сооңардан Сеирге оожум көжүп чеде бээр мен» – деп харыылаан.

15Исав: «Бодумнуң элээн каш кижимни сээң-биле кады арттырып каайн» – дээрге, Иаков: «Ооң херээ чүл? Меңээ силерниң ээ көрнүрүңер-ле чедер ийин, дээргим» – деп харыылаан. 16Исав ол-ла хүн Сеирже ээп чана берген. 17А Иаков Сокхотче углай чорупкаш, аңаа бодунга бажың, а малынга серилер кылып алган. Ынчангаш Иаков ол черни Сокхот#33:17 «Сокхот» деп ат «серилер, чадырлар» дээн уткалыг. деп адап каан.

Иаковтуң Сихем хоорайга чедип келгени

18Иаков Паддан-Арамдан ханаан черже ээп чоруткаш, Сихем хоорайга#Э. д. 12:6 менди чедип келгеш, ооң чоогунга турумчуп алган. 19Иаковтуң майгынын тип алган чери Эмморнуң салгалынга хамааржыр турган. (Эмморнуң бир оглун Сихем дээр чүве-дир.) Иаков олардан ол черни чүс кесита-биле#33:19 Кесита – эрте-бурунгу үеде акша-мөңгүннүң бир хемчээли. Бир кесита бир хой өртээ-биле деңнежип турган чадавас. садып алган#Иис. 24:32; Иов 42:11. 20Иаков аңаа өргүл кылыр бедигээш тургузуп алгаш, ону Эл-Элохе-Израиль#33:20 «Эл-Элохе-Израиль» деп ат «Бурган, Израильдиң Бурганы» дээн уткалыг. деп адап каан.

Currently Selected:

Эге дөс 33: TUV

Highlight

Copy