Марк 9

1Аңаа немей мынча дээн: «Алыс шынны силерге чугаалап тур мен: мында турар улустуң чамдыызы, өлбейн чыткаш-ла#Мк. 13:30; Ин. 21:22, Бурганның күчү-күш-биле бүргеткен Чагыргазы келген турарын көрүп каар».

Иисустуң хевир-шырайының өскерилгени

(Мф. 17:1-13; Лк. 9:28-36)

2Алды хүн эрткенде, Иисус Пётрну, Иаковту база Иоанны эдерткеш, чүгле ол үш кижи-биле кады бедик дагже үне берген#Мк. 5:37; 14:33. Аңаа, олар көрүп турда, Ооң хевир-шырайы өскерли берген. 3Ооң хеви чайынналчак ак боорда, кымның-даа ынчалдыр будуп шыдавазы дег, аккыр апарган#Дан. 7:9. 4Хенертен Илия биле Моисей ийи көстүп келгеш#Мал. 4:5, Иисус-биле чугаалажы берген. 5А Пётр Иисуска мынча дээн: «Башкы, мында турарывыс эки-дир! Үш чадырдан тип берээли: бирээзин – Силерге, бирээзин – Моисейге, үшкүзүн – Илияга». 6Пётр чүнү чугаалаар аайын тыппайн, дөмей эдипкен, чүге дээрге өөреникчилер аажок корга берген чүве-дир. 7Ол өйде булут көжүп келгеш, оларны шыва апкан, а булут аразындан үн дыңналган: «Бо дээрге Мээң ханы ынак Оглум-дур, Ону дыңнап чоруңар!»#Ы. х. к. 18:15; 2 Пет. 1:17 8Ол-ла дораан долгандыр кайгаттынгаш, өөреникчилер Иисустан башка олар-биле кады турар кижи көрбээннер.

9Дагдан бадып олура, Иисус оларны шыңгыы сагындырып каан: «Кижи амытан Оглу өлүглер аразындан катап дирилбээн шаанда, бо көрген чүүлүңер дугайында кымга-даа чугаалавас силер#Мк. 1:44; 5:43». 10Олар ук болуушкуннуң чажыдын кадагалап арттырза-даа: «„Өлүглер аразындан катап дирлир“ дээрге чүү дээни ол?» – деп, аразында бо-ла чугаалажы бээр турганнар.

11Өөреникчилер Иисустан: «Чүге ном-хоойлу тайылбырлакчылары Илия Христосту мурнай кээр ужурлуг деп турарыл?» – деп айтырган.

12Ол мынча деп харыылаан: «Хамык чүвени чурумчудуп, аайлаар дээш, Илияның мурнай кээр ужурлуу чөп болгай. А Бижилгеде Кижи амытан Оглунуң дугайында мынчаар база биживээн чүве бе: „Ол хөй хилинчекти көрүп эртер база улуска дора көрдүрер#Иса. 53:7“. 13Силерге чугаалап тур мен: Илия чедип келген#Мф. 11:14; Лк. 1:17, а улус ону, Бижилгеде ооң дугайында бижээни дег, шак ынчаар кара туразында аажылап, бак көрген».

Букшуураан оолду экирткени

(Мф. 17:14-20; Лк. 9:37-43)

14Иисус ол үш өөреникчизи-биле артып калган өөреникчилеринге чедип келгеш, оларны хөй чон хүрээлеп алганын база олар-биле ном-хоойлу тайылбырлакчыларының маргыжып турарын көрүп каан. 15Хамык улус Иисусту көрген дораан-на кайгай берип, Аңаа уткуй маңнажып келгеш, мендилешкен. 16А Ол олардан: «Бо улус-биле чүнүң дугайында маргыжып тур силер?» – деп айтырган. 17Чон аразындан бир кижи Аңаа мынча дээн: «Башкы! Мен Силерге оглумну эккелдим. Олче бук кире бергеш, үн-чугаа чок кижи кылып кагды#Лк. 11:14. 18Бук ону аажок хилинчектээр-дир: кырынче шурай бергеш, черже ужур октаптарга, оолдуң аксындан көвүк төктүп, диштерин кыйыраткаш, көжүп каар-дыр. Мен Силерниң өөреникчилериңерден букту оглумдан үндүр сывырып бээрин диледим, ынчалза-даа олар чадап кагды».

19Иисус оларга: «О, бо салгалдың бүзүрел чок улузу! Силер-биле Мен чеже мынчап чоруур мен? Силерни чежеге дээр шыдажып кээр мен? Оолду Менче эккелиңер» – дээн.

20Оолду Иисуска эккелгеннер. Ооң бугу Иисусту көрүп кааш-ла, оолду курулдуруп эгелээн#Мк. 1:26. Оол кээп дүшкеш, черге сириңейнип база чуглуп эгелээн, ооң аксындан көвүк төктү берген. 21Иисус ынчан ооң ачазындан: «Кажандан бээр мынчап барган кижил бо?» – деп айтырган.

Демгизи: «Чажындан-на. 22Бук оглумну чок кылыр дээш, ону от болгаш сугже киир октап шаг болду. Силер шыдаар болзуңарза#Мк. 1:40, бисти кээргеп, дузалап көрүңер!» – деп харыылаан.

23Иисус аңаа мынча дээн: «„Шыдаар болзуңарза“ – деп ол чүү дээриң ол? Бүзүрээр-ле болзуңза, бүзүрээн кижиниң кылып шыдавас чүвези чок»#Мф. 17:20-21.

24Оолдуң ачазы ол-ла дораан: «Бүзүреп тур мен! Четчип өспээн бүзүрелимниң быжыгарынга дузалап көрүңер!» – деп алгырган.

25Оларже хөй чон кел чоруурун көрүп кааш, Иисус букка дужааган: «Кижини үнү чок болгаш дүлей кылып каар бук, сеңээ дужаап тур мен: бо кижиден үне бер, моон соңгаар олче кажан-даа дедир кирбе!» 26Бук кыпсынчыдыр кышкырыпкаш, оолду курулдур сириледипкеш, оон үне берген#Мк. 1:26. Оол өлүг кижи ышкаш чыдар боорга, улустуң хөй кезии: «Бо-даа өлген-дир» – деп турган. 27Ынчалза-даа Иисус оолдуң холундан туткаш, өндейтиптерге, оозу туруп келген#Мк. 1:31; 5:41; Аж.-ч. 3:7; 9:41.

28Оон Иисус бажыңче кирип кээрге, Ооң өөреникчилери өске улус чок турда: «Бис чүге ол букту үндүр сывырып шыдаваанывыс ол?» – деп айтырганнар.

29Иисус оларга: «Ындыг букту чүгле Бурганга тейлеп тургаш#9:29 Өске бурунгу сөзүглелдерде бо сөстерге «База шээрленип тургаш» деп сөстерни немээн. , үндүр сывырып болур» – деп харыылаан.

Иисустуң Бодунуң өлүмүнүң дугайында ийиги удаа чугаалааны

(Мф. 17:22-23; Лк. 9:43-45)

30Ол черден үнгеш, Иисус биле Ооң өөреникчилери Галилея таварты чорупканнар. Өске кым-даа ол дугайында билген турарын Иисус күзевээн. 31Чүге дээрге Ол Бодунуң өөреникчилери-биле кады аңгыланып алгаш, оларны өөредирин күзээн. Иисус оларга мынча деп чораан: «Кижи амытан Оглун улус холунга тудуп бериптер, оон Ол өлүртүп каар, ынчалза-даа үшкү хүнде катап дирлип кээр»#Мк. 8:31; 10:32-34. 32Ынчалза-даа олар Ооң чүнү чугаалаанын билип чадап кааннар#Мк. 6:52, а айтырарындан дидинмээннер.

Кым эң чугулал?

(Мф. 18:1-9; Лк. 9:46-50; 22:24-30)

33Иисус өөреникчилери-биле кады Капернаумга чедип келген#Мф. 17:24. Олар бажыңга турда, Иисус мынча деп айтырган: «Орук ара чүнүң дугайында чугаалажып чордуңар?» 34Ынчалза-даа олар ыытташпаан, чүге дээрге орук ара оларның кайызы эң чугула боорун маргыжып чораан улус чүве-дир. 35Иисус ынчан он ийи элчинин кый деп эккелгеш: «Кайы-бирээңер эң улууңар болуксаар болза, ол силер бүгүдениң эң бичиизи апарзын база шуптуңарга чалча болзун»#Мк. 10:43-44 – дээн. 36Ол чаш уругну көдүргеш, оларның аразынга ону куспактап алгаш тура#Мк. 10:16, өөреникчилеринге мынча дээн: 37«Кым мындыг чаш уругларның бирээзин Мээң адымны бодааш, хүлээп ап турарыл, ол кижи Мени база хүлээп ап турар. А Мени хүлээп ап турар кижи Мени айбылап чоруткан Бурганны база хүлээп ап турары ол-дур#Мф. 10:40; Лк. 10:16; Ин. 13:20».

38Иоанн Иисуска мынча дээн: «Башкы! Силерниң адыңар-биле буктарны үндүр сывырып турар кижи көргеш#Мф. 7:22; 12:27; Аж.-ч. 19:13, ону кылырын хоруп кагдывыс#Сан. 11:28, чүге дээрге ол кижи бистиң-биле кады эвес-ле болгай».

39Иисус мынча деп харыылаан: «Ону хоруваңар, чүге дээрге Мээң адымдан кайгамчык чүүл кылып чоруур кижи ол-ла дораан Мени бак сөглей берип шыдавас. 40Биске удурланмас кижи бис-биле бир аай боор#Мф. 12:30; Лк. 11:23. 41Христостуң өөреникчилери болганыңар дээш, силерге бир аяк суг ижирткен кижи бар болза, ол бодунуң шаңналын канчап-даа чидирбес дээрзин силерге чугаалап тур мен#Мф. 10:42. 42А Меңээ бүзүрээн ындыг бичии улустуң кайы-бирээзин бачытче чыгапкан кижи турар болза, ооң мойнунга дээрбе дажы баглааш, далайже киир октаптары безин аңаа дээре салым боор ийик#Лк. 17:2. 43-44Бир эвес холуң сени бачытче чыгай бээр болза, ону одура шаавыт#Мф. 5:30. Ийи холдуг чорааш, тамының өшпес одунга#Мф. 25:41; Ажыд. 20:10 өрттенириниң орнунга, мөңге амыдыралче чаңгыс холдуг киргени дээре#9:43-44, 45-46 Өске бурунгу сөзүглелдерде бо сөстерге «Курттар үзүк-соксаал чок хемирер база оду кажан-даа өшпес» деп сөстерни немээн.. 45-46Бир эвес будуң сени бачытче чыгай бээр болза, ону одура шаавыт. Ийи буттуг чорааш, тамыже киир октаттырарының орнунга, мөңге амыдыралче аскак-бүскек киргени дээре*. 47-48Бир эвес карааң сени бачытче чыгай бээр болза, ону казып каавыт. Ийи карактыг чорааш, курттар үзүк-соксаал чок хемирер база оду кажан-даа өшпес тамыже киир октаттырарының орнунга#Иса. 66:24, Бурганның Чагыргазынче чаңгыс карактыг киргени дээре.

49Кижи бүрүзүн от-биле дузаар#9:49 Өске бурунгу сөзүглелдерде бо сөстерге «Ол ышкаш өргүл бүрүзүн дус-биле дузаар» деп сөстерни немээн (Лев. 2:13 көр). . 50Дус – эки бүдүмел, ынчалза-даа ол ажыг эвес апаар болза, ооң амданын чүнүң-биле дедир эгидерил?#Мф. 5:13; Лк. 14:34 Силерде дус бар болзун#Иез. 43:24, араңарда эп-найыралдыг амыдыраңар#Рим. 12:18; 2 Кор. 13:11; 1 Фес. 5:13».

Currently Selected:

Марк 9: TUV

Highlight

Copy