Chivkeeb 15
15
Vajtswv Coglus Rau Anplas
1Tomqab ntawd, Anplas ua yogtoog thiab hnov tus TSWV hais rau nws tias, “Anplas, koj tsis txhob ntshai. Kuv yuav ua daim hlau thaiv koj thiab Kuv yuav muab tej nqizog uas zoo heev rau koj.”
2Tiamsis Anplas teb tias, “Tus TSWV uas kav ibpuas tsavyam, kuv twb tsis muaj tub muaj ki li, es Koj tej nqizog ntawd yuav zoo dabtsi rau kuv? Tus uas yuav tuav kuv tej qubtxeeg qubteg, ces yog Eli-exaws uas yog neeg Damaxakas#15:2: Tus uas yuav tuav kuv… Damaxakas; paub tsis meej tias lolus Henplais yog txhais licas tiag txog qhov no. nkaus xwb. 3Koj twb tsis pub kuv muaj menyuam li, ntshe yuav kawg kuv muab kuv tej qubtxeeg qubteg tso rau kuv ib tug tubqhe uas yug hauv kuv tsev xwb lauj.”
4Tomqab ntawd, nws rov hnov tus TSWV hais rau nws ib zaug ntxiv tias: “Tus tubqhe Eli-exaws ntawd yuav tsis tau txais koj tej qubtxeeg qubteg; koj tus tub uas koj yug kiag ntag thiaj yog tus uas yuav tau txais koj tej qubtxeeg qubteg.” 5Tus TSWV coj Anplas tawm mus rau nraumzoov thiab hais rau nws tias, “Ciali tsa qhovmuag saib thiab suav cov hnubqub saum nruabntug seb koj suav puas txheeb; koj cajces yuav coob npaum li tej hnubqub ntawd ntag.” #Loos 4:18; Henpl 11:12
6Anplas thiaj tsosiab plhuav rau tus TSWV; vimli ntawd tus TSWV thiaj txaussiab heev rau nws thiab suav hais tias nws yog ib tug tibneeg ncajncees. #Loos 4:3; Kalat 3:6; Yakau 2:23
7Ces tus TSWV hais rau nws tias, “Kuv yog tus TSWV uas coj koj tawm hauv lub nroog Aws hauv tebchaws Npanpiloos los, Kuv yuav muab lub tebchaws no rau koj ua koj ntiagtug.”
8Tiamsis Anplas nug hais tias, “tus TSWV uas kav ibpuas tsavyam, kuv yuav ua licas paub tau hais tias lub tebchaws no yog kuv tug?”
9Tus TSWV teb tias, “Koj ciali coj ib tug maum nyuj, ib tug maum tshis thiab ib tug laug yaj, peb tug tsiaj no yuavtsum yog muaj hnubnyoog peb xyoos, thiab coj ib tug nquab dawb thiab ib tug nquab nyeg tuaj fij rau Kuv.” 10Anplas coj tej tsiaj ntawd tuaj fij rau Vajtswv, muab tej tsiaj ntawd tua thiab phua ua ob sab; muab ib sab tso rau ib qho ua ob leej sibncag nkaus, tiamsis nws tsis phua ob tug noog. 11Muaj dav lwjhau ya los yuav noj cov nqaij ntawd, tiamsis Anplas muab raws ya huv tibsi lawm.
12Thaum lub hnub yuav poobqho, Anplas tsaugzog hnyav heev, txawm muaj ib qho tsaus nti uas txaus ntshai heev los roos nkaus nws. #Yaus 4:13, 14 13Tus TSWV hais rau nws tias, “Koj cajces yuav mus nrog cov neeg txawv tebchaws nyob, lawv yuav mus ua qhev nyob lub tebchaws ntawd thiab yuav raug kev quabyuam tsimtxom mus txog 400 xyoo. #Khiav 1:1-14; Teshl 7:6 14Tiamsis Kuv yuav rautxim rau tsav tibneeg uas quabyuam lawv ua qhev, thiab thaum lawv tawm hauv lub tebchaws ntawd mus, lawv yuav nqa nyiajtxiag txhua yam ntau heev nrog lawv mus. #Khiav 12:40-41; Teshl 7:7 15Koj yuav ua neej nyob laus nkoos, yuav tuag kajsiab lug, thiab yuav raug muab log cia. 16Tomqab 4 tiam neeg lawm, koj li cajces yuav rovqab los rau ntawm no, rauqhov Kuv yuav tsis ntiab cov tibneeg Amaules tawm mus txog thaum lawv ua kev phem kev qias kom txaus Kuv rautxim rau lawv tso.”
17Thaum hnub poobqho thiab tsausntuj kiag lawm, txawm muaj ib cubtawg ncho pa auv niab thiab ib teg tsau cig lamlug tshwm los phua plhawv nruabnrab ntawm cov nqaij tsiaj ntawd mus. 18Hnub ntawd tus TSWV txawm coglus tseg rau Anplas hais tias, “Kuv yuav muab tagnrho lub tebchaws no rau koj cajces, txij ntua ntawm Iziv ciamteb los mus txog rau ntawm tus Dej Yufatis, #Teshl 7:5 19ntxiv rau cov Kenis, cov Kenixis, cov Kamoos, 20cov Hitis, cov Pelixes, cov Lefayees, 21cov Amaules, cov Kana-as, cov Nkawkasis, thiab cov Yenpus tej tebchaws huv tibsi.”
Currently Selected:
Chivkeeb 15: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 15
15
Vajtswv Coglus Rau Anplas
1Tomqab ntawd, Anplas ua yogtoog thiab hnov tus TSWV hais rau nws tias, “Anplas, koj tsis txhob ntshai. Kuv yuav ua daim hlau thaiv koj thiab Kuv yuav muab tej nqizog uas zoo heev rau koj.”
2Tiamsis Anplas teb tias, “Tus TSWV uas kav ibpuas tsavyam, kuv twb tsis muaj tub muaj ki li, es Koj tej nqizog ntawd yuav zoo dabtsi rau kuv? Tus uas yuav tuav kuv tej qubtxeeg qubteg, ces yog Eli-exaws uas yog neeg Damaxakas#15:2: Tus uas yuav tuav kuv… Damaxakas; paub tsis meej tias lolus Henplais yog txhais licas tiag txog qhov no. nkaus xwb. 3Koj twb tsis pub kuv muaj menyuam li, ntshe yuav kawg kuv muab kuv tej qubtxeeg qubteg tso rau kuv ib tug tubqhe uas yug hauv kuv tsev xwb lauj.”
4Tomqab ntawd, nws rov hnov tus TSWV hais rau nws ib zaug ntxiv tias: “Tus tubqhe Eli-exaws ntawd yuav tsis tau txais koj tej qubtxeeg qubteg; koj tus tub uas koj yug kiag ntag thiaj yog tus uas yuav tau txais koj tej qubtxeeg qubteg.” 5Tus TSWV coj Anplas tawm mus rau nraumzoov thiab hais rau nws tias, “Ciali tsa qhovmuag saib thiab suav cov hnubqub saum nruabntug seb koj suav puas txheeb; koj cajces yuav coob npaum li tej hnubqub ntawd ntag.” #Loos 4:18; Henpl 11:12
6Anplas thiaj tsosiab plhuav rau tus TSWV; vimli ntawd tus TSWV thiaj txaussiab heev rau nws thiab suav hais tias nws yog ib tug tibneeg ncajncees. #Loos 4:3; Kalat 3:6; Yakau 2:23
7Ces tus TSWV hais rau nws tias, “Kuv yog tus TSWV uas coj koj tawm hauv lub nroog Aws hauv tebchaws Npanpiloos los, Kuv yuav muab lub tebchaws no rau koj ua koj ntiagtug.”
8Tiamsis Anplas nug hais tias, “tus TSWV uas kav ibpuas tsavyam, kuv yuav ua licas paub tau hais tias lub tebchaws no yog kuv tug?”
9Tus TSWV teb tias, “Koj ciali coj ib tug maum nyuj, ib tug maum tshis thiab ib tug laug yaj, peb tug tsiaj no yuavtsum yog muaj hnubnyoog peb xyoos, thiab coj ib tug nquab dawb thiab ib tug nquab nyeg tuaj fij rau Kuv.” 10Anplas coj tej tsiaj ntawd tuaj fij rau Vajtswv, muab tej tsiaj ntawd tua thiab phua ua ob sab; muab ib sab tso rau ib qho ua ob leej sibncag nkaus, tiamsis nws tsis phua ob tug noog. 11Muaj dav lwjhau ya los yuav noj cov nqaij ntawd, tiamsis Anplas muab raws ya huv tibsi lawm.
12Thaum lub hnub yuav poobqho, Anplas tsaugzog hnyav heev, txawm muaj ib qho tsaus nti uas txaus ntshai heev los roos nkaus nws. #Yaus 4:13, 14 13Tus TSWV hais rau nws tias, “Koj cajces yuav mus nrog cov neeg txawv tebchaws nyob, lawv yuav mus ua qhev nyob lub tebchaws ntawd thiab yuav raug kev quabyuam tsimtxom mus txog 400 xyoo. #Khiav 1:1-14; Teshl 7:6 14Tiamsis Kuv yuav rautxim rau tsav tibneeg uas quabyuam lawv ua qhev, thiab thaum lawv tawm hauv lub tebchaws ntawd mus, lawv yuav nqa nyiajtxiag txhua yam ntau heev nrog lawv mus. #Khiav 12:40-41; Teshl 7:7 15Koj yuav ua neej nyob laus nkoos, yuav tuag kajsiab lug, thiab yuav raug muab log cia. 16Tomqab 4 tiam neeg lawm, koj li cajces yuav rovqab los rau ntawm no, rauqhov Kuv yuav tsis ntiab cov tibneeg Amaules tawm mus txog thaum lawv ua kev phem kev qias kom txaus Kuv rautxim rau lawv tso.”
17Thaum hnub poobqho thiab tsausntuj kiag lawm, txawm muaj ib cubtawg ncho pa auv niab thiab ib teg tsau cig lamlug tshwm los phua plhawv nruabnrab ntawm cov nqaij tsiaj ntawd mus. 18Hnub ntawd tus TSWV txawm coglus tseg rau Anplas hais tias, “Kuv yuav muab tagnrho lub tebchaws no rau koj cajces, txij ntua ntawm Iziv ciamteb los mus txog rau ntawm tus Dej Yufatis, #Teshl 7:5 19ntxiv rau cov Kenis, cov Kenixis, cov Kamoos, 20cov Hitis, cov Pelixes, cov Lefayees, 21cov Amaules, cov Kana-as, cov Nkawkasis, thiab cov Yenpus tej tebchaws huv tibsi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.