Chivkeeb 20
20
Anplahas Thiab Anpimelej
1Anplahas tau tshais chaw tawm ntawm Males mus rau yav qabteb Kana-as thiab mus nyob rau nruabnrab ntawm lub nroog Kades thiab Saws. Tomqab ntawd, thaum nws los nyob rau hauv lub nroog Nkelas, 2nws tau hais tias Xalas uas yog nws tus pojniam yog nws tus muam xwb. Yogli ntawd, Vajntxwv Anpimelej uas kav lub nroog Nkelas txawm hais kom coj Xalas mus rau nws. 3Muaj ib hmos Vajtswv tau los tshwm rau Anpimelej hauv nruab npausuav thiab hais tias, “Koj yuav tuag lau, rauqhov tus pojniam uas koj tau coj los no, nws twb muaj txiv lawm.”
4Tiamsis Anpimelej yeej tsis tau txav mus ti Xalas li, nws thiaj hais tias, “Tus TSWV, kuv twb tsis tau ua txhaum! Koj txawm yuav ciali ua rau kuv thiab kuv haivneeg kom puastsuaj mus no lov? 5Anplahas tuskheej los yeej hais tias Xalas yog nws tus muam, thiab Xalas los kuj hais tias Anplahas yog nws tus nus thiab. Kuv tau ua tej no los ntawm lub siab ncajncees xwb, yogli ntawd kuv yeej tsis tau ua txhaum li.”
6Vajtswv teb hauv nruab npausuav hais tias, “Yog kawg, Kuv yeej paub tias koj ua tej no los ntawm lub siab ncajncees, vimli ntawd, Kuv thiaj tsis pub koj ua txhaum tawmtsam Kuv thiab thiaj tsis pub koj mus kov Xalas. 7Tiamsis zaumno, koj ciali xa tus pojniam ko rovqab mus rau nws tus txiv. Nws yog ib tug xibhwb cev Vajtswv lus, nws yuav thov Vajtswv rau koj, mas koj yuav tsis tuag. Tiamsis yog koj tsis xa nws rovqab, Kuv qhia tseeb rau koj hais tias koj yeej yuav tuag, koj thiab tagnrho koj haivneeg yuav tuag tag huv tibsi.”
8Tagkis sawvntxov Anpimelej hu tagnrho nws cov nomtswv tuaj thiab nws qhia tej uas tau tshwmsim ntawd rau lawv mloog, mas ua rau lawv ntshai kawg li. 9Ces Anpimelej thiaj hu Anplahas los thiab nug hais tias, “Koj ua dabtsi li no rau peb? Kuv tau ua txhaum dabtsi rau koj es koj thiaj coj txoj kev puastsuaj no los rau kuv thiab kuv lub tebchaws? Tej uas koj ua rau kuv no yeej tsis tsimnyog ua kiag li! 10Vim licas koj thiaj ua li no?”
11Anplahas teb tias, “Kuv xav tias ntshe tsis muaj ib tug neeg uas hwm Vajtswv nyob rau hauv no li, ces nyobtsam lawv yuav tua kuv povtseg thiab yuav kuv tus pojniam. 12Nws yeej yog kuv tus muam tiag-tiag li. Nws thiab kuv yeej koom ib leeg txiv, tiamsis wb nyias muaj nyias niam, kuv thiaj yuav nws ua kuv tus pojniam. 13Yogli ntawd, thaum Vajtswv hais kom kuv tso kuv txiv tej vajtse thiab tawm mus nyob rau lwm lub tebchaws, kuv thiaj hais rau nws tias, ‘Qhov uas koj qhia tau hais tias koj ncajncees rau kuv yog li no: txhua qhov uas wb mus, koj qhia rau sawvdaws paub tias kuv yog koj tus nus.’ ”
14Ces Anpimelej thiaj tso Xalas rovqab los rau Anplahas. Tiblub sijhawm ntawd nws tseem muab yaj, muab tshis, muab nyuj, muab tubqhe thiab ntxhais qhev pub rau Anplahas thiab. 15Nws hais rau Anplahas tias, “Tagnrho tej av cheebtsam no puavleej yog kuv li, koj yuav nyob qhovtwg los tau tag rawsli koj siab nyiam.” 16Nws ho hais rau Xalas tias, “Kuv muab 1,000 lub txiajnyiag rau koj tus nus, ua povthawj rau txhua tus uas nrog koj nyob uake kom pom tias koj tsis muaj txim. Txhua tus yuav paub tias koj yeej tsis tau ua txhaum dabtsi li.”
17-18Vim tej no tau tshwmsim los rau Xalas uas yog Anplahas tus pojniam, tus TSWV thiaj ua rau txhua tus pojniam uas nyob hauv Anpimelej lub loog xeeb tsis taus tub li. Yogli ntawd, Anplahas thiaj thov Vajtswv rau Anpimelej, thiab Vajtswv tau kho Anpimelej zoo thiab tseem kho Anpimelej tus pojniam thiab nws tej ntxhais qhev zoo huv tibsi, lawv thiaj rov muaj taus menyuam.
Currently Selected:
Chivkeeb 20: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 20
20
Anplahas Thiab Anpimelej
1Anplahas tau tshais chaw tawm ntawm Males mus rau yav qabteb Kana-as thiab mus nyob rau nruabnrab ntawm lub nroog Kades thiab Saws. Tomqab ntawd, thaum nws los nyob rau hauv lub nroog Nkelas, 2nws tau hais tias Xalas uas yog nws tus pojniam yog nws tus muam xwb. Yogli ntawd, Vajntxwv Anpimelej uas kav lub nroog Nkelas txawm hais kom coj Xalas mus rau nws. 3Muaj ib hmos Vajtswv tau los tshwm rau Anpimelej hauv nruab npausuav thiab hais tias, “Koj yuav tuag lau, rauqhov tus pojniam uas koj tau coj los no, nws twb muaj txiv lawm.”
4Tiamsis Anpimelej yeej tsis tau txav mus ti Xalas li, nws thiaj hais tias, “Tus TSWV, kuv twb tsis tau ua txhaum! Koj txawm yuav ciali ua rau kuv thiab kuv haivneeg kom puastsuaj mus no lov? 5Anplahas tuskheej los yeej hais tias Xalas yog nws tus muam, thiab Xalas los kuj hais tias Anplahas yog nws tus nus thiab. Kuv tau ua tej no los ntawm lub siab ncajncees xwb, yogli ntawd kuv yeej tsis tau ua txhaum li.”
6Vajtswv teb hauv nruab npausuav hais tias, “Yog kawg, Kuv yeej paub tias koj ua tej no los ntawm lub siab ncajncees, vimli ntawd, Kuv thiaj tsis pub koj ua txhaum tawmtsam Kuv thiab thiaj tsis pub koj mus kov Xalas. 7Tiamsis zaumno, koj ciali xa tus pojniam ko rovqab mus rau nws tus txiv. Nws yog ib tug xibhwb cev Vajtswv lus, nws yuav thov Vajtswv rau koj, mas koj yuav tsis tuag. Tiamsis yog koj tsis xa nws rovqab, Kuv qhia tseeb rau koj hais tias koj yeej yuav tuag, koj thiab tagnrho koj haivneeg yuav tuag tag huv tibsi.”
8Tagkis sawvntxov Anpimelej hu tagnrho nws cov nomtswv tuaj thiab nws qhia tej uas tau tshwmsim ntawd rau lawv mloog, mas ua rau lawv ntshai kawg li. 9Ces Anpimelej thiaj hu Anplahas los thiab nug hais tias, “Koj ua dabtsi li no rau peb? Kuv tau ua txhaum dabtsi rau koj es koj thiaj coj txoj kev puastsuaj no los rau kuv thiab kuv lub tebchaws? Tej uas koj ua rau kuv no yeej tsis tsimnyog ua kiag li! 10Vim licas koj thiaj ua li no?”
11Anplahas teb tias, “Kuv xav tias ntshe tsis muaj ib tug neeg uas hwm Vajtswv nyob rau hauv no li, ces nyobtsam lawv yuav tua kuv povtseg thiab yuav kuv tus pojniam. 12Nws yeej yog kuv tus muam tiag-tiag li. Nws thiab kuv yeej koom ib leeg txiv, tiamsis wb nyias muaj nyias niam, kuv thiaj yuav nws ua kuv tus pojniam. 13Yogli ntawd, thaum Vajtswv hais kom kuv tso kuv txiv tej vajtse thiab tawm mus nyob rau lwm lub tebchaws, kuv thiaj hais rau nws tias, ‘Qhov uas koj qhia tau hais tias koj ncajncees rau kuv yog li no: txhua qhov uas wb mus, koj qhia rau sawvdaws paub tias kuv yog koj tus nus.’ ”
14Ces Anpimelej thiaj tso Xalas rovqab los rau Anplahas. Tiblub sijhawm ntawd nws tseem muab yaj, muab tshis, muab nyuj, muab tubqhe thiab ntxhais qhev pub rau Anplahas thiab. 15Nws hais rau Anplahas tias, “Tagnrho tej av cheebtsam no puavleej yog kuv li, koj yuav nyob qhovtwg los tau tag rawsli koj siab nyiam.” 16Nws ho hais rau Xalas tias, “Kuv muab 1,000 lub txiajnyiag rau koj tus nus, ua povthawj rau txhua tus uas nrog koj nyob uake kom pom tias koj tsis muaj txim. Txhua tus yuav paub tias koj yeej tsis tau ua txhaum dabtsi li.”
17-18Vim tej no tau tshwmsim los rau Xalas uas yog Anplahas tus pojniam, tus TSWV thiaj ua rau txhua tus pojniam uas nyob hauv Anpimelej lub loog xeeb tsis taus tub li. Yogli ntawd, Anplahas thiaj thov Vajtswv rau Anpimelej, thiab Vajtswv tau kho Anpimelej zoo thiab tseem kho Anpimelej tus pojniam thiab nws tej ntxhais qhev zoo huv tibsi, lawv thiaj rov muaj taus menyuam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.