MIINIIÑ 11
11
Pitar ka Lukokuniiñ Jerusalem Gyoliñkonii ho
1Siisi kiiniñkonii atañ la Judia hoka dunii anubarmii atañ tapatii Midomiyu atañ tiirḛ Pinii ka aguñmi larii nyado hiila. 2Hopa Pitar Jerusalem ho chakele, mitupipakoniiñ atañ mohmi nyapa nyatii, 3lubiidola, “Niimpa no mitupipakomanii miyuatañ agiñho intii he ho mohluka agiñho diibote?” 4#Miin 10.1-48. Hojalo Pitar luritii ho mohlumi lutiñ biila lukotii: 5Ngo Joppa citi ho kula dukele; ho hendḛr lamapa ngo mihu kapato, ngoya kone huhi doniiñ hiilyañpa, hempḛr pulye bero chuli, yapuñ hokii nyetañ tapelo; ho hiikahii ngiiko huhi. 6Hiimi kaniiñla kadi kiile ngo kapa biilyi mikele achu-amyo atañ ho achu-amyo mentolaka doniiñ ho tabutiyyo ho yapuñ daka piita atañmi. 7Ho ngo aguñ gonge tapato ngiimi ludopa, Gurito, Pitar; mento ho diito. 8Hojalo ngo luto, Ma, Attoh; niimpalukoda hang miibḛrnii malo kacho mi ngiika aguñ ho diilii giima. 9Hojalo ronye niipa yapuñ hokii aguñ lutiila luko, Niimi Pinii darii miitii no miibḛrnii hiila luyo loda. 10Siikasi rohiñhe lyine, ho hikha rumi yapuñ ho joku chabii neku. 11Hiika myodu jaho miyu midiñhinge ude ho ahhii nohna ngunu dutonii, Kaesarea hokii ngiimi gyoha la. 12Ho Yajiyallo ngiimi mohluka agiñho imbo monge hiila luhii. Hang khiingukhiire mapa. Siika midiñkhe anubarmii atañ ngiika agiñho imbo mong, ho ngunu miyu ka ude ho ahhii. 13Ho mo ngunumi lukone niihtañpa miidopopi mohka ude ho dala ho lune, “Joppa ho kiiniñ lala ho Saimon Pitar luniiñ bomi ahgii; 14mo nunumi puyu luko kendoke nii lona nunumi lyangur kendonii, niimila ho hikha niika uru atañmi. 15Ngo luri kiile, Darii Yajiyallo mohluko huha ne niihtañpa ngunu ko lotu ho huha. 16#Miin 1.5. Ho ngo Attoh ka aguñmi hempa rito, niihtañpa mo lune, ‘Jon yasie la baptisma bido, hojalo nunu Darii Yajiyallo lo baptisma biko kendoke.’ 17Pinii matiirḛ ngunu mika ahmiñayiñ biniiñ mi mohlumi bila dokoda niihtañpa ngunumi bihii ngunuka Attoh Jisu Kristo mika henje lyiho, hu ngo Pinii mika lutiñnii?” 18Mohlu siimi tapa lala miilañru adu nyama tii. Ho mohlu Pinii mi assañtii, lubiidola, “Hokoda Pinii Midomiyu atañ miilañmi sango paka henkur kunii mi bittii ku.”
Antiok hoka Gyoliñkonii
19 #
Miin 8.4. Siisi hutiina harpya harsa giinya tiinii niimpalukoda miihimiire miiri laka Stepen ka piigopa lulyiko hopa, hiimkane adho intii Poinisia ho Saiprus ho Antiok lohe innyatii, piniipota mi Jew atañmi lukola. 20Hojalo hiiko tonge datii, miyuatañ Saiprus ho Sairene hokii, hutiina Antiok ho ahtiinii Grik atañ mitrḛ lukotii, Jisu Kristo mi tonsḛr khenyotii. 21Ho Attoh ka alah hii mohluka agiñho dobotii, ho hempḛr taropa henjenii atañ Attoh ko ahtii. 22Siika puyu mi Jerusalem daka gyoliñkonii atañka yaroo ho tapa tii, ho mohlu Barnabas mi Antiok ho kiiniñtii. 23Mo ahbiila ho Pinii ka aroh mi kappatii, mo hempyotii; ho mo harolupatii hikha miilañrumi lotiipa dutolya Attoh pa rantipa miigolugopa; 24niimpalukoda mo denki miyuke, poteje Darii Yajiyallo ho giinii. Ho hempḛr miyu taro Attoh ko ahbyañtii. 25Ho Barnabas Tarsus ho intii Sol mi kapa dupa; 26ho mo mohmi kapa lala, mo mohmi Antiok ho ahgiitii. Hikha hiika anyañmi mo anye gyoliñkonii atañmi kapa la lyitii, ho hempḛr miyu taro mi tonsḛr la lyitii; ho Antiok ho henjeajiñ atañmi lutu japa Kristan hiila gyotii.
27Siisi siika myodu so nyibuhenii atañ Jerusalem hokii Antiok ho totii. 28Ho hiiko hokii kone Agabas hiila armyañ guritii ho Yajiyallo lo luko lumyo kotii hikha dohadolo ho hempḛr kahe diime ahkiñdo hiila; ho siikasi Klaudius ka myodu ho lyitii. 29Ho henjeajiñ atañ miichiloda hiila hentii, kone abi niimkane mohlu miila kendo, Judia daka dunii anubarmii atañmi bilii talyi hiila; 30ho mohlu hiila miitii, hiimi Barnabas la Sol nyika alah ho amiabañ atañpa biliitii.
Currently Selected:
MIINIIÑ 11: APATBSI
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
MIINIIÑ 11
11
Pitar ka Lukokuniiñ Jerusalem Gyoliñkonii ho
1Siisi kiiniñkonii atañ la Judia hoka dunii anubarmii atañ tapatii Midomiyu atañ tiirḛ Pinii ka aguñmi larii nyado hiila. 2Hopa Pitar Jerusalem ho chakele, mitupipakoniiñ atañ mohmi nyapa nyatii, 3lubiidola, “Niimpa no mitupipakomanii miyuatañ agiñho intii he ho mohluka agiñho diibote?” 4#Miin 10.1-48. Hojalo Pitar luritii ho mohlumi lutiñ biila lukotii: 5Ngo Joppa citi ho kula dukele; ho hendḛr lamapa ngo mihu kapato, ngoya kone huhi doniiñ hiilyañpa, hempḛr pulye bero chuli, yapuñ hokii nyetañ tapelo; ho hiikahii ngiiko huhi. 6Hiimi kaniiñla kadi kiile ngo kapa biilyi mikele achu-amyo atañ ho achu-amyo mentolaka doniiñ ho tabutiyyo ho yapuñ daka piita atañmi. 7Ho ngo aguñ gonge tapato ngiimi ludopa, Gurito, Pitar; mento ho diito. 8Hojalo ngo luto, Ma, Attoh; niimpalukoda hang miibḛrnii malo kacho mi ngiika aguñ ho diilii giima. 9Hojalo ronye niipa yapuñ hokii aguñ lutiila luko, Niimi Pinii darii miitii no miibḛrnii hiila luyo loda. 10Siikasi rohiñhe lyine, ho hikha rumi yapuñ ho joku chabii neku. 11Hiika myodu jaho miyu midiñhinge ude ho ahhii nohna ngunu dutonii, Kaesarea hokii ngiimi gyoha la. 12Ho Yajiyallo ngiimi mohluka agiñho imbo monge hiila luhii. Hang khiingukhiire mapa. Siika midiñkhe anubarmii atañ ngiika agiñho imbo mong, ho ngunu miyu ka ude ho ahhii. 13Ho mo ngunumi lukone niihtañpa miidopopi mohka ude ho dala ho lune, “Joppa ho kiiniñ lala ho Saimon Pitar luniiñ bomi ahgii; 14mo nunumi puyu luko kendoke nii lona nunumi lyangur kendonii, niimila ho hikha niika uru atañmi. 15Ngo luri kiile, Darii Yajiyallo mohluko huha ne niihtañpa ngunu ko lotu ho huha. 16#Miin 1.5. Ho ngo Attoh ka aguñmi hempa rito, niihtañpa mo lune, ‘Jon yasie la baptisma bido, hojalo nunu Darii Yajiyallo lo baptisma biko kendoke.’ 17Pinii matiirḛ ngunu mika ahmiñayiñ biniiñ mi mohlumi bila dokoda niihtañpa ngunumi bihii ngunuka Attoh Jisu Kristo mika henje lyiho, hu ngo Pinii mika lutiñnii?” 18Mohlu siimi tapa lala miilañru adu nyama tii. Ho mohlu Pinii mi assañtii, lubiidola, “Hokoda Pinii Midomiyu atañ miilañmi sango paka henkur kunii mi bittii ku.”
Antiok hoka Gyoliñkonii
19 #
Miin 8.4. Siisi hutiina harpya harsa giinya tiinii niimpalukoda miihimiire miiri laka Stepen ka piigopa lulyiko hopa, hiimkane adho intii Poinisia ho Saiprus ho Antiok lohe innyatii, piniipota mi Jew atañmi lukola. 20Hojalo hiiko tonge datii, miyuatañ Saiprus ho Sairene hokii, hutiina Antiok ho ahtiinii Grik atañ mitrḛ lukotii, Jisu Kristo mi tonsḛr khenyotii. 21Ho Attoh ka alah hii mohluka agiñho dobotii, ho hempḛr taropa henjenii atañ Attoh ko ahtii. 22Siika puyu mi Jerusalem daka gyoliñkonii atañka yaroo ho tapa tii, ho mohlu Barnabas mi Antiok ho kiiniñtii. 23Mo ahbiila ho Pinii ka aroh mi kappatii, mo hempyotii; ho mo harolupatii hikha miilañrumi lotiipa dutolya Attoh pa rantipa miigolugopa; 24niimpalukoda mo denki miyuke, poteje Darii Yajiyallo ho giinii. Ho hempḛr miyu taro Attoh ko ahbyañtii. 25Ho Barnabas Tarsus ho intii Sol mi kapa dupa; 26ho mo mohmi kapa lala, mo mohmi Antiok ho ahgiitii. Hikha hiika anyañmi mo anye gyoliñkonii atañmi kapa la lyitii, ho hempḛr miyu taro mi tonsḛr la lyitii; ho Antiok ho henjeajiñ atañmi lutu japa Kristan hiila gyotii.
27Siisi siika myodu so nyibuhenii atañ Jerusalem hokii Antiok ho totii. 28Ho hiiko hokii kone Agabas hiila armyañ guritii ho Yajiyallo lo luko lumyo kotii hikha dohadolo ho hempḛr kahe diime ahkiñdo hiila; ho siikasi Klaudius ka myodu ho lyitii. 29Ho henjeajiñ atañ miichiloda hiila hentii, kone abi niimkane mohlu miila kendo, Judia daka dunii anubarmii atañmi bilii talyi hiila; 30ho mohlu hiila miitii, hiimi Barnabas la Sol nyika alah ho amiabañ atañpa biliitii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.