MIINIIÑ 10
10
Pitar la Kornelius
1 #
Miin 11.4-17. Kaesarea ho miyu kone dutii Kornelius armyañ, sipahi sabii paka danii Italian Kohort hiila ka luniiñ, 2henje nii miyu huna Pinii mi biiso donii hikha mohka uru atañ, hapumibya biidola miyu atañmi hembyuñ tii, ho kiirañ Pinii mi kutii. 3Alyiñdalyi ka gunta tahiñniiho mo hempḛr kadḛr pa mihu kappatii Pinii ka miidopopi ahla ho mohmi lubiido, “Kornelius.” 4Ho mo mohmi kadi biido biiso biidola, ho lutii, “Siikasi nii, Attoh?” Ho mo mohmi lutii, “Niika kuniiñ ho niika biliñkeliñ nii Pinii ko lohepa hempa hegiñ naniipa chachi doke. 5Ho siisi Joppa ho miyu atañmi kiiniñto, ho Saimon Pitar luniiñ bomi ahgii; 6mo Saimon agiñ hoke dunii, alyopyunii, siimie aruñhoka ude doniibo.” 7Miidopopi mohmika luriibo inke kiile, mo mohka miira anye mi gyolii tii ho henjenii sipahi kone mohmika kalyala danii apur hokii, 8ho hikha drih mi mohlumi luko lala, mo mohlumi Joppa ho kiiniñ biido.
9Allo lohe yaho, mohlu mohluka myodi ila dokele ho citi aruñho ahchi kiile, Pitar ude ka ayoh ho chatii kudu pa hiila, allo liipa ka gunta talyañlenye ho. 10Ho mo hayatii ho ngoya ako diinala hentii, hojalo mohluka miimyo laka doho, mo mihu katii 11ho mo yapuñ mi ngeko dopa kapa biido, ho drihkone todopa kapa biido, kakoho hempḛr pulye beropa, nyetañ taperulo kiiddi ho jolo tii. 12Hiiko kapane achu-amyo atañ dotii ho tabutiyyo atañ ho yapuñ hoka gonii piita atañ. 13Ho hiiko aguñ gonge tapatii, “Gurito, Pitar, mela la diito.” 14Hojalo Pitar lutii, “Ma, Attoh; niimpalukoda ngo ronge hetrḛ diikama miibḛrniimi malo kachomi.” 15Ho hiira ronye niipa mo aguñ tapatii, “Nii mi Pinii darii miitii, hiimi no miibḛrnii hiila luyo.” 16Siika lyiniiñ si rohiñhe lyitii, ho drih mi ohepada yapuñ ho chagii datii ku.
17Siisi Pitar ahha ura ho hendḛr lamatii mohka mihu kapa niisi niihiisa niimipe hiila, kato, Kornelius ka kiiniñ nii miyu, Saimon ka ude mi tajo biila, hagya ho datii 18ho gyola lala takatii Saimon Pitar luniiñbo so ha dunii hiila. 19Ho Pitar ka mihu kanii mi hela dorañpa, Yajiyallo mohmi lutii, “Kato, miyu midiñ hinge niimi mela doke. 20Gurito ho tonge, ho mohluka agiñho imbo monge henkohempe tama pa; niimpalukoda ngoke mohlumi kiiniñ tiinii.” 21Ho Pitar tobo montii miyuatañ agiñho ho lutii, Ngo ha humina nunu medunii; nii pape nunuka ahniiñsi? 22Ho mohlu lutii, Kornelius, sipahi sabii, denki ho Pinii mika biisonii miyu, huna hikha Jew ganda loka khiikonii, darii miidopopi lo luko kotola niipa kiiniñtii mohka ude ho ahgii hiila, ho niika lusaniimi tadupa 23hopa mohlu mohmi nyibopa gyotii.
Allo lohe yaho mo mohluka agiñho imbo montii, ho Joppa hoka anubarmii tonge mo agiñho imbo montii. 24Ho allo lohe yaho mohlu Kaesarea ho ahtii. Kornelius mohlu ahkiñ do hiila hembii tola ho mohka henii-myanii ho ajiñ arañ atañmi gyotii. 25Pitar ahkele, Kornelius mohmi kariitii ho mohka liidi ho giihila ho mohmi heriitii. 26Hojalo Pitar mohmi seri biido, lubiidola, “Guritoku; ngotiirḛ miyu kone siike.” 27Ho mo mohmi luriila dopa, mo ura ho ahtii ho abuje miyu dakuñ dopa kappatii; 28ho mo mohlumi lutii, “Nunu miilañru chindo siikasi niimpa ayamapa lyido Jew kone khiibe ganda miyu mika kariiniisi; hojalo Pinii ngiimi kakiñtii ngiimi kone mitrḛ miibḛrnii malo kacho luyo hiila. 29Hopa ngiimika gyolyiho, ngo ma lumapa ahdu. Ngo taka du niimpa ngiimi nunu gyodu.”
30Ho Kornelius lutii, “Allo lope daku lala, siika myodu jaho, ngo ngiika gunta talyañlenye hoka kuniiñ mi kula dokele ngiika udeho; ho kato, miyu kone puloo pulye giitola ngiika agiñho dari, 31lubiidola, ‘Kornelius, niika kuniiñ mi tapa tiike ho niika binii keniiñ mi Pinii hataho hempa doke. 32Joppa ho Kiiniñto takabiidola gyoke nento Saimon mi humina Pitar ludunii; mo Saimon ka ude hoke dunii, alyopyunii, siimie aruñho.’ 33Hopa ngo nyibya loda niimi gyobii hiila kiiniñto, ho no hela la so ahdo. Siisi hopa ngunu miilañru Pinii ka kata ho du, tadupa hikha Attohka niimika luniiñmi.”
Pitar ka Luniiñ
34Ho Pitar mohka aguñmi gonko rila luritii ho lutii: “Jijeloda ngo helatii Pinii ko khiingu khiire nyima ke, 35hojalo ganda ponge abi hujalo mohmi biiso talyi ho miidi komi miichi hiimi larii doke. 36Nunu chindo aguñmi nii mina Isrel ho kiiniñ tiinii, chimie ka ayapuyu mi Jisu Kristo kiila (mo miilañruka Attoh), 37aguñ nii mina hikha Judia ho gyuko biinenii, Galili hokii gyuri biila Jon ka baptisma lanii mika tonsḛr bii hokii: 38niihtañpa Pinii Nazaret daka Jisu mi arrḛyartiiku Darii Yajiyallo agiñho ho harchichikelo; niihtañpa mo aya miigo miijola ho miipya la miilañrumi hutiina hensḛrkadu la igii ko dotiinii, niimpalukoda Pinii mo agiñho dabo montii. 39Ho ngunu haki pa lyido hikha anyeru ganda Jew atañ kala ho Jerusalem hoka miiniiñmi. mohlu mohmi shiidopa miibiine sannii ho leda lala; 40hojalo Pinii mohmi allo lohiñ niiho seri tiiku ho mohmi kakiñ siidopa miitii; 41hikha miyuatañ mima hojalo ngunumi humina Pinii kahe tiinii hakipa, huna diibo tambo tiinii mo agiñho mohka shiiniiñ hokiika turiturku lyikuho. 42Ho mo ngunumi miyu atañmi tonsḛr tote hiila lune, ho pyako tote hiila mo Pinii ka kaheniike turnii ho shiinii mika ayakacho kaniipa. 43Mohmi hikha nyibuhenii atañ tiirḛ haki bine hujalopa mohmi henje talyi ingyamiigyanii hokiika hellokoku niimi kapa kendo mohka armyañ pa.”
Midomiyu Atañ Darii Yajiyallo mi Larii tii
44Pitar ka siimi lula dorañpa, Darii Yajiyallo miilañruko huhitii hutiina aguñmi tala dotiinii. 45Ho henjemiyu atañ hutiina Pitar agiñho ahbo montiinii hemur nyatii, niimpalukoda Darii Yajiyallo ka ahmiñayiñ mi Midomiyu atañ mitrḛ bitii. 46Niimpalukoda mohlu mohlumi mika aguñmi ludopa tapatii ho Pinii mi assañdopa. Ho Pitar lutii, 47“mi kone jalo lutiñ lakiñ dopeha yasie loka baptisma lasa nii hokii siika miyu atañmi hutiina Darii Yajiyallo larii nyabii nenii ngunu giichañ ho?” 48Ho mo mohlumi Jisu Kristo ka armyañ pa baptisma lato lutii. Ho mohlu mohmi lonye lohiñhe dutorañ lubiido.
Currently Selected:
MIINIIÑ 10: APATBSI
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
MIINIIÑ 10
10
Pitar la Kornelius
1 #
Miin 11.4-17. Kaesarea ho miyu kone dutii Kornelius armyañ, sipahi sabii paka danii Italian Kohort hiila ka luniiñ, 2henje nii miyu huna Pinii mi biiso donii hikha mohka uru atañ, hapumibya biidola miyu atañmi hembyuñ tii, ho kiirañ Pinii mi kutii. 3Alyiñdalyi ka gunta tahiñniiho mo hempḛr kadḛr pa mihu kappatii Pinii ka miidopopi ahla ho mohmi lubiido, “Kornelius.” 4Ho mo mohmi kadi biido biiso biidola, ho lutii, “Siikasi nii, Attoh?” Ho mo mohmi lutii, “Niika kuniiñ ho niika biliñkeliñ nii Pinii ko lohepa hempa hegiñ naniipa chachi doke. 5Ho siisi Joppa ho miyu atañmi kiiniñto, ho Saimon Pitar luniiñ bomi ahgii; 6mo Saimon agiñ hoke dunii, alyopyunii, siimie aruñhoka ude doniibo.” 7Miidopopi mohmika luriibo inke kiile, mo mohka miira anye mi gyolii tii ho henjenii sipahi kone mohmika kalyala danii apur hokii, 8ho hikha drih mi mohlumi luko lala, mo mohlumi Joppa ho kiiniñ biido.
9Allo lohe yaho, mohlu mohluka myodi ila dokele ho citi aruñho ahchi kiile, Pitar ude ka ayoh ho chatii kudu pa hiila, allo liipa ka gunta talyañlenye ho. 10Ho mo hayatii ho ngoya ako diinala hentii, hojalo mohluka miimyo laka doho, mo mihu katii 11ho mo yapuñ mi ngeko dopa kapa biido, ho drihkone todopa kapa biido, kakoho hempḛr pulye beropa, nyetañ taperulo kiiddi ho jolo tii. 12Hiiko kapane achu-amyo atañ dotii ho tabutiyyo atañ ho yapuñ hoka gonii piita atañ. 13Ho hiiko aguñ gonge tapatii, “Gurito, Pitar, mela la diito.” 14Hojalo Pitar lutii, “Ma, Attoh; niimpalukoda ngo ronge hetrḛ diikama miibḛrniimi malo kachomi.” 15Ho hiira ronye niipa mo aguñ tapatii, “Nii mi Pinii darii miitii, hiimi no miibḛrnii hiila luyo.” 16Siika lyiniiñ si rohiñhe lyitii, ho drih mi ohepada yapuñ ho chagii datii ku.
17Siisi Pitar ahha ura ho hendḛr lamatii mohka mihu kapa niisi niihiisa niimipe hiila, kato, Kornelius ka kiiniñ nii miyu, Saimon ka ude mi tajo biila, hagya ho datii 18ho gyola lala takatii Saimon Pitar luniiñbo so ha dunii hiila. 19Ho Pitar ka mihu kanii mi hela dorañpa, Yajiyallo mohmi lutii, “Kato, miyu midiñ hinge niimi mela doke. 20Gurito ho tonge, ho mohluka agiñho imbo monge henkohempe tama pa; niimpalukoda ngoke mohlumi kiiniñ tiinii.” 21Ho Pitar tobo montii miyuatañ agiñho ho lutii, Ngo ha humina nunu medunii; nii pape nunuka ahniiñsi? 22Ho mohlu lutii, Kornelius, sipahi sabii, denki ho Pinii mika biisonii miyu, huna hikha Jew ganda loka khiikonii, darii miidopopi lo luko kotola niipa kiiniñtii mohka ude ho ahgii hiila, ho niika lusaniimi tadupa 23hopa mohlu mohmi nyibopa gyotii.
Allo lohe yaho mo mohluka agiñho imbo montii, ho Joppa hoka anubarmii tonge mo agiñho imbo montii. 24Ho allo lohe yaho mohlu Kaesarea ho ahtii. Kornelius mohlu ahkiñ do hiila hembii tola ho mohka henii-myanii ho ajiñ arañ atañmi gyotii. 25Pitar ahkele, Kornelius mohmi kariitii ho mohka liidi ho giihila ho mohmi heriitii. 26Hojalo Pitar mohmi seri biido, lubiidola, “Guritoku; ngotiirḛ miyu kone siike.” 27Ho mo mohmi luriila dopa, mo ura ho ahtii ho abuje miyu dakuñ dopa kappatii; 28ho mo mohlumi lutii, “Nunu miilañru chindo siikasi niimpa ayamapa lyido Jew kone khiibe ganda miyu mika kariiniisi; hojalo Pinii ngiimi kakiñtii ngiimi kone mitrḛ miibḛrnii malo kacho luyo hiila. 29Hopa ngiimika gyolyiho, ngo ma lumapa ahdu. Ngo taka du niimpa ngiimi nunu gyodu.”
30Ho Kornelius lutii, “Allo lope daku lala, siika myodu jaho, ngo ngiika gunta talyañlenye hoka kuniiñ mi kula dokele ngiika udeho; ho kato, miyu kone puloo pulye giitola ngiika agiñho dari, 31lubiidola, ‘Kornelius, niika kuniiñ mi tapa tiike ho niika binii keniiñ mi Pinii hataho hempa doke. 32Joppa ho Kiiniñto takabiidola gyoke nento Saimon mi humina Pitar ludunii; mo Saimon ka ude hoke dunii, alyopyunii, siimie aruñho.’ 33Hopa ngo nyibya loda niimi gyobii hiila kiiniñto, ho no hela la so ahdo. Siisi hopa ngunu miilañru Pinii ka kata ho du, tadupa hikha Attohka niimika luniiñmi.”
Pitar ka Luniiñ
34Ho Pitar mohka aguñmi gonko rila luritii ho lutii: “Jijeloda ngo helatii Pinii ko khiingu khiire nyima ke, 35hojalo ganda ponge abi hujalo mohmi biiso talyi ho miidi komi miichi hiimi larii doke. 36Nunu chindo aguñmi nii mina Isrel ho kiiniñ tiinii, chimie ka ayapuyu mi Jisu Kristo kiila (mo miilañruka Attoh), 37aguñ nii mina hikha Judia ho gyuko biinenii, Galili hokii gyuri biila Jon ka baptisma lanii mika tonsḛr bii hokii: 38niihtañpa Pinii Nazaret daka Jisu mi arrḛyartiiku Darii Yajiyallo agiñho ho harchichikelo; niihtañpa mo aya miigo miijola ho miipya la miilañrumi hutiina hensḛrkadu la igii ko dotiinii, niimpalukoda Pinii mo agiñho dabo montii. 39Ho ngunu haki pa lyido hikha anyeru ganda Jew atañ kala ho Jerusalem hoka miiniiñmi. mohlu mohmi shiidopa miibiine sannii ho leda lala; 40hojalo Pinii mohmi allo lohiñ niiho seri tiiku ho mohmi kakiñ siidopa miitii; 41hikha miyuatañ mima hojalo ngunumi humina Pinii kahe tiinii hakipa, huna diibo tambo tiinii mo agiñho mohka shiiniiñ hokiika turiturku lyikuho. 42Ho mo ngunumi miyu atañmi tonsḛr tote hiila lune, ho pyako tote hiila mo Pinii ka kaheniike turnii ho shiinii mika ayakacho kaniipa. 43Mohmi hikha nyibuhenii atañ tiirḛ haki bine hujalopa mohmi henje talyi ingyamiigyanii hokiika hellokoku niimi kapa kendo mohka armyañ pa.”
Midomiyu Atañ Darii Yajiyallo mi Larii tii
44Pitar ka siimi lula dorañpa, Darii Yajiyallo miilañruko huhitii hutiina aguñmi tala dotiinii. 45Ho henjemiyu atañ hutiina Pitar agiñho ahbo montiinii hemur nyatii, niimpalukoda Darii Yajiyallo ka ahmiñayiñ mi Midomiyu atañ mitrḛ bitii. 46Niimpalukoda mohlu mohlumi mika aguñmi ludopa tapatii ho Pinii mi assañdopa. Ho Pitar lutii, 47“mi kone jalo lutiñ lakiñ dopeha yasie loka baptisma lasa nii hokii siika miyu atañmi hutiina Darii Yajiyallo larii nyabii nenii ngunu giichañ ho?” 48Ho mo mohlumi Jisu Kristo ka armyañ pa baptisma lato lutii. Ho mohlu mohmi lonye lohiñhe dutorañ lubiido.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.