MIINIIÑ 9
9
Sol ka Lyibomoniiñ
(Miin 22.6-16; 26.12-18)
1 #
Miin 22.4-16; 26.9-18. Hojalo Sol, siisilohepa mela dotii ho Attoh ka henjeajiñ mi mendu pa hiila, bukuñ nyibu ko ahtii 2ho mohmi siitipota kutii Damaskas daka sinagog pa, niimpalukoda lembo ho humijalo kapa talyi, milobojalo malo nyimii jalo, mo mohlumi Jerusalem ho selii biidupa. 3Siisi mo myodi ilyila mo Damaskas aruñho ahchi tiiku, ho aluñpada hutoh yapuñ hokii mohka ayoh ho byohitii. 4Ho mo kiiddi ho giihitii ho aguñ gonge tapatii mohmi ludopa, “Sol, Sol, niimopa ngiimi miihimiire du?” 5Ho mo lutii, “Hu no, Attoh?” Ho mo lutii, Ngo Jisu, humina no miihimiire donii; 6hojalo gurito ho citi ho ahnge, ho niimi luko kendoke no nii miikiñdo hiila 7Miyu atañ hutiina mo agiñho imbo montii nii hang lusa giimapa datiiku, aguñ luniiñmi tapa siila la hojalo kone mitrḛ kapa ma. 8Sol kiiddi hokii guri tiiku; ho mo amee pyoko kiile, mo hang kapa matii; hopa mohlu mohmi alah sebiila ho mohmi Damaskas ho selii biitii. 9Ho allo lohiñhepa mo kapa mapa dutii, ho hang diima tama tii.
10Siisi henjeajiñ kone Damaskas ho dutii Ananias hiila armyañ. Attoh mohmi lutii emmakoho, “Ananias.” Ho mo lutii, “Sike ngo danii, Attoh.” 11Ho Attoh mohmi lutii, “Gurito ho inge Parda luniiñ lembo ho, ho Judas ka ude ho taka he Tarsus hokii miyu kone Sol hiila armyañ saha; niimpalukoda kato, mo kula dokiñ doke, 12ho mo kappatii miyu kone Ananias hiila armyañ ahla ho mohka alah mi mohko tencha kendo niimpalukoda mohmi hiila kapa kiine dukupa.” 13Hojalo Ananias lusitii, “Attoh, ngo abuje miyu kokii siika miyu ka piigo mi tapato, niimkane diimmah mo miitii niika henjenii miyu atañmi Jerusalem ho; 14ho so mo otority biitola nyibu burii kokii miilañ rumi radu pa hiila huna niika armyañ mi ludonii.” 15Hojalo Attoh mohmi lutii, “Inge, niimpalukoda mo ngiika kahenii miinananii ke ngiika armyañ mi Midomiyu ho radde atañka hataho ho Isrel ka oho atañ ko luko kendoke; 16niimpalukoda ngo mohmi kakiñtii niimkane mo ngiika armyañ pa heru hembi kendo.” 17Hopa Ananias intii ho ude ho ahtii. Ho mohka alah mi mohko tenga biidola mo lutii, “Abañ Sol, Attoh Jisu niimika lembo hoka ahriibo, nii lembo hopa no ahtii, ngiimi kiiniñtii hiira niimi kapa kiine dukupa ho Darii Yajiyallo mi giike nendupa.” 18Ho ohepada ngoya kone ngiiyyi pakhu hiilyañ mohka amee hokii liipa hitii ho mo hiira kapa tiiku. Ho mo guritiiku ho baptisma latii ku, 19ho apiñ diitii ho tamoritii ku.
Sol Damaskas ho Tonsḛrdo
Hempḛr allo abuje mo Damaskas ho henjeajiñ atañ agiñho dabo montii. 20Ho sinagog ho nyibyaloda mo Jisu mi gyukotii, lubiidola, “Mo Pinii ka Oho ke.” 21Ho hikha hutiina mohmi tapa tiinii hemur nyatii, ho lutii, “Siika miyu simasa Jerusalem hoka payagayabo huna siika armyañ mi luko nyanenii? Ho mo siika piigo pa so ahdo, mohlumi sebiila nyibu burii ko selii biidupa.” 22Hojalo Sol uro yaya haro ritii, ho Damaskas daka Jew dunii atañmi Jisu jijeloda Kristo lodake hiila luko lukhañ patii. 23Allo abuje loku lala, Jew atañ mohmi mendupa miimyotii, 24hojalo mohluka miimyo niimi Sol chimpatii. Mohlu hagya ho allo ayoh dadumi kalyala datii, mohmi mendupa; 25hojalo mohka henjeajiñ atañ mohmi ayoh ho ingiila, mohmi naruñ pache ho jopa botii, yagiiho mohmi jolo lala.
Sol Jerusalem ho
26Ho mo Jerusalem ahbiila mo henjeajiñ atañka agiñho ahbopa miika tii; ho hikha mohlu mohmi biisotii, niimpalukoda mohlu taje matii mo henjeajiñ hiila. 27Hojalo Barnabas mohmi sela lala, ho mohmi kiiniñkonii atañ ko ahgii bitii, ho mohlumi lukotii niihtañpa mo Attoh mi lembo ho kapa biine hiila, huna mohmi lurii biinenii, ho niihtañpa Damaskas ho mo haro loda tonsḛrtii Jisu armyañ pa. 28Hopa mo ahtii ho lintii mohluka agiñho Jerusalem ho, 29haroloda tonsḛrla Attoh ka armyañ pa. Ho mo luriitii ho Helenists atañ agiñho miilañ cheriine; hojalo mohlu mohmi mendupa miine. 30Ho hiimi anubarmii atañ chila la, mohlu mohmi Kaesarea ho togii, ho mohmi Tarsus ho kiiniñ biine.
31Hopa gyoliñkonii hikha Judia ho Galili ho Samaria ho chimie dotii ho tonge pa sanchatii; ho Attoh mi biiso biidola intii ho Darii Yajiyallo ka hembyuñ kopa hiiko hii abu yaya tii.
Pitar Lydda la Joppa ho
32Siisi Pitar siikaso inkele ho hiiko hikha mohluka agiñho, mo Laida hoka piniimiyu dunii atañ ko miilañ ahtii. 33Hiiko mo miyu kone Aeneas hiila kapa biido, mo nyampinye liikuñlamu la giitananii ho giila dotii. 34Ho Pitar mohmi lutii, “Aeneas, Jisu Kristo niimi miipya biineke; gurito ho niika dotananii mi Karbii toku.” Ho ohepada mo guri datii. 35Ho hikha Laida la Sharon daka dunii atañ mohmi kappatii, ho mohlu Attoh mi henje nyatii.
36Siisi Joppa ho henjemiyu kone dutii Tabitha hiila armyañ, hiika hii Dorcas lusa niimi. Mo hempḛr denki ho hela bilakela nii. 37Hiika allo ho mo achihtii ho shiitii; ho mohlu mohmi harku lala, mohlu mohmi chidii ayoh ho atiitii. 38Laida Joppa ka aruñho dosu lyiniiñ, henjeajiñ atañ, tapatii Pitar ho da hiila, mohko miyu anye mi kiiniñtii mohmi lyarbii hiila, “Malokalohe ngunuko ahto diirii miikañ tamapa.” 39Hopa Pitar guritii ho mohluka agiñho imbo montii. Ho mo ahbii kiile, mohlu mohmi chidii ayoh ho chagii tii. Hikha hiimie atañ mohka aruñ dala khela dotii, ho abitarii ho pulye atañmi Dorcas ka mohluka agiñho mo dula ka miiniiñmi kakiñ biido. 40Hojalo Pitar miilañ rumi ago nempa lila la ho liibañ khanga la ho kutii; ho shiima dalyiho mobo biila mo lutii, “Tabitha, gurito.” Ho mo amee pyokotii, ho mo Pitar mi kapa lala mo dutii. 41Ho mohka alah mi mohmi lyurii lala ho mohmi seritii. Ho piniimiyu atañmi ho hiimie atañmi mohmi turdopa nembi tiiku. 42Ho hiimi hikha Joppa ho chinyatii, ho abuje Attoh mi henjenyatii. 43Ho mo Joppa ho abuje allo dutii Saimon ko, alyo pyunii.
Currently Selected:
MIINIIÑ 9: APATBSI
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
MIINIIÑ 9
9
Sol ka Lyibomoniiñ
(Miin 22.6-16; 26.12-18)
1 #
Miin 22.4-16; 26.9-18. Hojalo Sol, siisilohepa mela dotii ho Attoh ka henjeajiñ mi mendu pa hiila, bukuñ nyibu ko ahtii 2ho mohmi siitipota kutii Damaskas daka sinagog pa, niimpalukoda lembo ho humijalo kapa talyi, milobojalo malo nyimii jalo, mo mohlumi Jerusalem ho selii biidupa. 3Siisi mo myodi ilyila mo Damaskas aruñho ahchi tiiku, ho aluñpada hutoh yapuñ hokii mohka ayoh ho byohitii. 4Ho mo kiiddi ho giihitii ho aguñ gonge tapatii mohmi ludopa, “Sol, Sol, niimopa ngiimi miihimiire du?” 5Ho mo lutii, “Hu no, Attoh?” Ho mo lutii, Ngo Jisu, humina no miihimiire donii; 6hojalo gurito ho citi ho ahnge, ho niimi luko kendoke no nii miikiñdo hiila 7Miyu atañ hutiina mo agiñho imbo montii nii hang lusa giimapa datiiku, aguñ luniiñmi tapa siila la hojalo kone mitrḛ kapa ma. 8Sol kiiddi hokii guri tiiku; ho mo amee pyoko kiile, mo hang kapa matii; hopa mohlu mohmi alah sebiila ho mohmi Damaskas ho selii biitii. 9Ho allo lohiñhepa mo kapa mapa dutii, ho hang diima tama tii.
10Siisi henjeajiñ kone Damaskas ho dutii Ananias hiila armyañ. Attoh mohmi lutii emmakoho, “Ananias.” Ho mo lutii, “Sike ngo danii, Attoh.” 11Ho Attoh mohmi lutii, “Gurito ho inge Parda luniiñ lembo ho, ho Judas ka ude ho taka he Tarsus hokii miyu kone Sol hiila armyañ saha; niimpalukoda kato, mo kula dokiñ doke, 12ho mo kappatii miyu kone Ananias hiila armyañ ahla ho mohka alah mi mohko tencha kendo niimpalukoda mohmi hiila kapa kiine dukupa.” 13Hojalo Ananias lusitii, “Attoh, ngo abuje miyu kokii siika miyu ka piigo mi tapato, niimkane diimmah mo miitii niika henjenii miyu atañmi Jerusalem ho; 14ho so mo otority biitola nyibu burii kokii miilañ rumi radu pa hiila huna niika armyañ mi ludonii.” 15Hojalo Attoh mohmi lutii, “Inge, niimpalukoda mo ngiika kahenii miinananii ke ngiika armyañ mi Midomiyu ho radde atañka hataho ho Isrel ka oho atañ ko luko kendoke; 16niimpalukoda ngo mohmi kakiñtii niimkane mo ngiika armyañ pa heru hembi kendo.” 17Hopa Ananias intii ho ude ho ahtii. Ho mohka alah mi mohko tenga biidola mo lutii, “Abañ Sol, Attoh Jisu niimika lembo hoka ahriibo, nii lembo hopa no ahtii, ngiimi kiiniñtii hiira niimi kapa kiine dukupa ho Darii Yajiyallo mi giike nendupa.” 18Ho ohepada ngoya kone ngiiyyi pakhu hiilyañ mohka amee hokii liipa hitii ho mo hiira kapa tiiku. Ho mo guritiiku ho baptisma latii ku, 19ho apiñ diitii ho tamoritii ku.
Sol Damaskas ho Tonsḛrdo
Hempḛr allo abuje mo Damaskas ho henjeajiñ atañ agiñho dabo montii. 20Ho sinagog ho nyibyaloda mo Jisu mi gyukotii, lubiidola, “Mo Pinii ka Oho ke.” 21Ho hikha hutiina mohmi tapa tiinii hemur nyatii, ho lutii, “Siika miyu simasa Jerusalem hoka payagayabo huna siika armyañ mi luko nyanenii? Ho mo siika piigo pa so ahdo, mohlumi sebiila nyibu burii ko selii biidupa.” 22Hojalo Sol uro yaya haro ritii, ho Damaskas daka Jew dunii atañmi Jisu jijeloda Kristo lodake hiila luko lukhañ patii. 23Allo abuje loku lala, Jew atañ mohmi mendupa miimyotii, 24hojalo mohluka miimyo niimi Sol chimpatii. Mohlu hagya ho allo ayoh dadumi kalyala datii, mohmi mendupa; 25hojalo mohka henjeajiñ atañ mohmi ayoh ho ingiila, mohmi naruñ pache ho jopa botii, yagiiho mohmi jolo lala.
Sol Jerusalem ho
26Ho mo Jerusalem ahbiila mo henjeajiñ atañka agiñho ahbopa miika tii; ho hikha mohlu mohmi biisotii, niimpalukoda mohlu taje matii mo henjeajiñ hiila. 27Hojalo Barnabas mohmi sela lala, ho mohmi kiiniñkonii atañ ko ahgii bitii, ho mohlumi lukotii niihtañpa mo Attoh mi lembo ho kapa biine hiila, huna mohmi lurii biinenii, ho niihtañpa Damaskas ho mo haro loda tonsḛrtii Jisu armyañ pa. 28Hopa mo ahtii ho lintii mohluka agiñho Jerusalem ho, 29haroloda tonsḛrla Attoh ka armyañ pa. Ho mo luriitii ho Helenists atañ agiñho miilañ cheriine; hojalo mohlu mohmi mendupa miine. 30Ho hiimi anubarmii atañ chila la, mohlu mohmi Kaesarea ho togii, ho mohmi Tarsus ho kiiniñ biine.
31Hopa gyoliñkonii hikha Judia ho Galili ho Samaria ho chimie dotii ho tonge pa sanchatii; ho Attoh mi biiso biidola intii ho Darii Yajiyallo ka hembyuñ kopa hiiko hii abu yaya tii.
Pitar Lydda la Joppa ho
32Siisi Pitar siikaso inkele ho hiiko hikha mohluka agiñho, mo Laida hoka piniimiyu dunii atañ ko miilañ ahtii. 33Hiiko mo miyu kone Aeneas hiila kapa biido, mo nyampinye liikuñlamu la giitananii ho giila dotii. 34Ho Pitar mohmi lutii, “Aeneas, Jisu Kristo niimi miipya biineke; gurito ho niika dotananii mi Karbii toku.” Ho ohepada mo guri datii. 35Ho hikha Laida la Sharon daka dunii atañ mohmi kappatii, ho mohlu Attoh mi henje nyatii.
36Siisi Joppa ho henjemiyu kone dutii Tabitha hiila armyañ, hiika hii Dorcas lusa niimi. Mo hempḛr denki ho hela bilakela nii. 37Hiika allo ho mo achihtii ho shiitii; ho mohlu mohmi harku lala, mohlu mohmi chidii ayoh ho atiitii. 38Laida Joppa ka aruñho dosu lyiniiñ, henjeajiñ atañ, tapatii Pitar ho da hiila, mohko miyu anye mi kiiniñtii mohmi lyarbii hiila, “Malokalohe ngunuko ahto diirii miikañ tamapa.” 39Hopa Pitar guritii ho mohluka agiñho imbo montii. Ho mo ahbii kiile, mohlu mohmi chidii ayoh ho chagii tii. Hikha hiimie atañ mohka aruñ dala khela dotii, ho abitarii ho pulye atañmi Dorcas ka mohluka agiñho mo dula ka miiniiñmi kakiñ biido. 40Hojalo Pitar miilañ rumi ago nempa lila la ho liibañ khanga la ho kutii; ho shiima dalyiho mobo biila mo lutii, “Tabitha, gurito.” Ho mo amee pyokotii, ho mo Pitar mi kapa lala mo dutii. 41Ho mohka alah mi mohmi lyurii lala ho mohmi seritii. Ho piniimiyu atañmi ho hiimie atañmi mohmi turdopa nembi tiiku. 42Ho hiimi hikha Joppa ho chinyatii, ho abuje Attoh mi henjenyatii. 43Ho mo Joppa ho abuje allo dutii Saimon ko, alyo pyunii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.