LUK 13
13
Nunuka Ingyamiigya hokii Ahkur toku malo Shiidiike
1Hiiko tonge datii hiika myodu jaho huna mohmi lukotiinii Galili atañka ai mi Pailet mohluka uyimiiko atañ ho miiyo niimi. 2#Jn 9.1-3. Ho mo mohlumi lusitii, “Nunu hiila hendoha siika Galili atañ uroyapa ingyamiigyanii hiila tongelya Galili atañmi hentola, hopa mohlu heru nyado hiila? 3Ngo nunumi lukoso, Ma; hojalo nii dahepa nunu henkur tama nunu miilañru lyusanii adiñ. 4Malo hiika alyañhela pinye humina Siloam daka sobya giijetiinii ho mohlumi mentiinii, nunu hiila hendu ha mohlu ayama japa miinii hiila hikha Jerusalem hoka dunii atañ hokii? 5Ngo nunumi lukoso, ma; hojalo nii dahepa nunu henkur tama nunu miilañru sichuli lyukiñ doke.”
Tarosannii Ahee Hima Niimi ka Lutiñnaniiñ.
6 #
Mt 21.18-20; Mk 11.12-14,20-21. Ho mo siika lutiñnaniiñ mi lukotii: “Miyu kone kii mohka robalu ho tarosannii alitola; ho mo ahtii ahee mehala hiikaho, ho hang ahee kappa matii. 7#Mt 3.10; 7.19; Lk 3.9. Ho mo lutii robalu kalyañ bomi, ‘Kato, siika anyañ nyahiñ heso ngo kakabudu ahee kumasiipeha la siika tarosannii so, ho ngo hang ahee kapama. Siimi tiipa loto; niimpa siimi kiiddi ho dunyo dupa kiine talyi?’ 8Ho mo lusitii mohmi, ‘Nyange kontii dukenento, tonsḛrbo, siika anyañ so, ngo siikaso takolala ho abuake alii talyike. 9Ho siikasi matiirḛ ahlyinii anyañho ahee hilyimilo, ayado; hojalo hima lyimilo, no siimi tiipalola kendoke.’”
Jisu Annii akha Liichanii Kone mi Miipya Biido Dumoalo ho
10Siisi mo sinagog penge da tonsḛr la dotii dumoalo ho. 11Ho annii akha kone achih-ahe giinii yajiyallo nyalyañhella nyampinye giitola dutii; mo pokii tokula ho atohpa ayapa parda laku matii. 12Ho Jisu mohmi kappa lala, mo mohmi gyotii ho mohmi lutii, “Annii akha, niimi niika achih-ahe hokii tupya biilyi kuke.” 13Ho mo mohka alah mi mohka ayoh ho tencha tii, ho ohepada mo parda ritiiku, ho mo Pinii mi assañtii. 14#Lk 6.6-11; 14.1-6; Jn 5.1-18. Hojalo sinagog daka sangiibo, hadiitii niimpalukoda Jisu dumoalo ho miipyatii, miyu atañmi lutii, “Allo lokhe do miigo miidupa; hiika allo ho ahla ho miipya koto, ho dumoalo homa.” 15#Lk 7.13; 14.5; Mt 12.11. Ho Attoh lusitii mohmi, “Nunu apukahi atañ! Nunu kone abi dumoalo ho nunuka siih malo gadoh atañmi tapya maha siih lutii hokii, ho hiimi ingiimaha yasie tanke nendupa? 16#Lk 19.9. Ho siika annii akha simasiipeha, Abraham ka wiinga humina Saitan rabiitola biitiinii nyalyañhella nyampinye, tupya kokiñ donii siika rantunii hokii dumoalo ka allo jaho? 17Mo hiila siimi lukele, hikha mohka ahha banii atañmi hiinyañ lupatii; ho hikha miyuatañ hempyo nyatii hikha mohka tatu katu drih miiniiñ atañpa.
Gihañ Kormo Mika Lutiñnaniiñ
(Mt 13.31,32; Mk 4.30-32)
18 #
Mt 13.31-32; Mk 4.30-32. Mo lutii hopa, “Niihtañ kendo Pinii ka raddeganda hii? Ho nii mipe ngo khiitiñ nanchinii siimi? 19Siikasi gihañ kormo chulido hiimi miyu labiila ho mohka balu ho lilotii; ho hiikahii santii ho sannii pa lyitii, ho yapuñ daka piita hiika halloh ho asi puhatii.”
Ipo mika Lutiñnaniiñ
(Mt 13.33)
20 #
Mt 13.33. Ho hiira mo lutii, “Nii mipe ngo khiitiñ nanchinii Pinii ka raddeganda mi? 21Siikasi ipo chulido nii mina annii akha tula lala ho yatañ piiro rohiñ hemi kepu tola atiitiinii, nii dahepa hiika hii hikha ipo pa lyitema.”
Alyeh Ponchu
(Mt 7.13,14,21-23)
22 #
Lk 9.51; 17.11; 18.31; 19.11. Mo mohka lembo ho intii taun atañ la lemba atañmi impobiila, tonsḛrla, ho Jerusalem dalyi myodi intii. 23#Mt 7.13-14; Jn 10.7. Ho miyu kone mohmi lutii, “Attoh, hutii mina lyangur tiinii hii iche siiha?” Ho mo mohlumi lutii, 24“Alyeh ponchu hopa ahdupa miito; niimpalukoda ngo nunumi lukoso, abuje ahdupa mekiñdo ho ahla kema. 25#Mt 25.10-12. Udeatoh huro kula ho alyeh mi lyetiñ dadokukoda, nunu agoho dapa kendo ho alyeh mi padiñ kendo, lubiidola, Attoh, ngunu pa miikotope. Mo lusi kendo nunumi, Ngo chimake nunu nohkii ahdo hiila. 26#Mt 7.21-23; 25.41; Lk 6.46. Ho nunu lusi kendo, ‘Ngunu diito tanto niika agiñho, ho no ngunuka lengo ho tonsḛrne.’ 27Hojalo mo lukiñdo, ‘Ngo nunumi lukoso, ngo chimake nunu nohkii ahdo hiila; ngiiko hokii insato, nunu hikha ingyamiigyanii miigo miinii atañ!’ 28#Mt 8.11-12. Hiiko nunu khela ho nunuka aih mi nyensu kendo, niida nunu Abraham mi kappa talyi ho Isak mi ho Jakob mi ho hikha nyibuhenii atañmi Pinii ka raddeganda ho, ho nunu agoho dapa kendo. 29Ho miyuatañ ahkiñdo danyichaggo ho danyiaggo dalyi hokii, ho assañ ho ahha dalyi hokii, ho dukiñdo diita naniiñho Pinii ka raddeganda ho. 30#Mt 19.30; Mk 10.31. Ho kato, tange hii kami kendo huna kapyopa datiinii, ho tange kapyo kendo huna kamipa datiinii.”
Jisu Ka Jerusalem Paka Heniiñ
(Mt 23.37-39)
31Hiika myodu jaho Parisi tonge ahtii, ho mohmi lutii, “Sokii intoku, niimpalukoda Herod niimi mempa nala hendoke.” 32#Hib 2.10; 7.28. Ho mo mohlumi lutii, “Inge ho lukohe hiika yalimi, ‘Kato, ngo igii atañmi mompadu ho miipyadu siilo ho arda, ho lohiñnii allo ho ngo ngiika miigomi miija kendo. 33Hojalopa ngo ngiika ingo mi inkiñdo lodake siilo ho arda ho ahlyi niika allo ho; niimpalukoda siikasi hiila make nyibuhenii atañ Jerusalem hokiila agoho lyukiñ do hiila.’ 34#Mt 23.37-39; Lk 19.41. Jerusalem, Jerusalem, nyibuhenii atañmi menniibo ho yalañ kuniibo humina nunuko kiiniñ bitiinii! Nii dahepa ngo nunuka wiinga atañmi paro ka pachu mika legur lechañ ho mohka ale ho legur buchi, ho nunu dubii mata! 35#Lk 19.38. Kato, nunuka ude mi apatiiku ke. Ho ngo nunumi lukoso, nunu ngiimi kappa kemake niidayepa nunu lutema, ‘Lyanko kendo huna Attoh ka armyañ pa ahdonii!’”
Currently Selected:
LUK 13: APATBSI
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
LUK 13
13
Nunuka Ingyamiigya hokii Ahkur toku malo Shiidiike
1Hiiko tonge datii hiika myodu jaho huna mohmi lukotiinii Galili atañka ai mi Pailet mohluka uyimiiko atañ ho miiyo niimi. 2#Jn 9.1-3. Ho mo mohlumi lusitii, “Nunu hiila hendoha siika Galili atañ uroyapa ingyamiigyanii hiila tongelya Galili atañmi hentola, hopa mohlu heru nyado hiila? 3Ngo nunumi lukoso, Ma; hojalo nii dahepa nunu henkur tama nunu miilañru lyusanii adiñ. 4Malo hiika alyañhela pinye humina Siloam daka sobya giijetiinii ho mohlumi mentiinii, nunu hiila hendu ha mohlu ayama japa miinii hiila hikha Jerusalem hoka dunii atañ hokii? 5Ngo nunumi lukoso, ma; hojalo nii dahepa nunu henkur tama nunu miilañru sichuli lyukiñ doke.”
Tarosannii Ahee Hima Niimi ka Lutiñnaniiñ.
6 #
Mt 21.18-20; Mk 11.12-14,20-21. Ho mo siika lutiñnaniiñ mi lukotii: “Miyu kone kii mohka robalu ho tarosannii alitola; ho mo ahtii ahee mehala hiikaho, ho hang ahee kappa matii. 7#Mt 3.10; 7.19; Lk 3.9. Ho mo lutii robalu kalyañ bomi, ‘Kato, siika anyañ nyahiñ heso ngo kakabudu ahee kumasiipeha la siika tarosannii so, ho ngo hang ahee kapama. Siimi tiipa loto; niimpa siimi kiiddi ho dunyo dupa kiine talyi?’ 8Ho mo lusitii mohmi, ‘Nyange kontii dukenento, tonsḛrbo, siika anyañ so, ngo siikaso takolala ho abuake alii talyike. 9Ho siikasi matiirḛ ahlyinii anyañho ahee hilyimilo, ayado; hojalo hima lyimilo, no siimi tiipalola kendoke.’”
Jisu Annii akha Liichanii Kone mi Miipya Biido Dumoalo ho
10Siisi mo sinagog penge da tonsḛr la dotii dumoalo ho. 11Ho annii akha kone achih-ahe giinii yajiyallo nyalyañhella nyampinye giitola dutii; mo pokii tokula ho atohpa ayapa parda laku matii. 12Ho Jisu mohmi kappa lala, mo mohmi gyotii ho mohmi lutii, “Annii akha, niimi niika achih-ahe hokii tupya biilyi kuke.” 13Ho mo mohka alah mi mohka ayoh ho tencha tii, ho ohepada mo parda ritiiku, ho mo Pinii mi assañtii. 14#Lk 6.6-11; 14.1-6; Jn 5.1-18. Hojalo sinagog daka sangiibo, hadiitii niimpalukoda Jisu dumoalo ho miipyatii, miyu atañmi lutii, “Allo lokhe do miigo miidupa; hiika allo ho ahla ho miipya koto, ho dumoalo homa.” 15#Lk 7.13; 14.5; Mt 12.11. Ho Attoh lusitii mohmi, “Nunu apukahi atañ! Nunu kone abi dumoalo ho nunuka siih malo gadoh atañmi tapya maha siih lutii hokii, ho hiimi ingiimaha yasie tanke nendupa? 16#Lk 19.9. Ho siika annii akha simasiipeha, Abraham ka wiinga humina Saitan rabiitola biitiinii nyalyañhella nyampinye, tupya kokiñ donii siika rantunii hokii dumoalo ka allo jaho? 17Mo hiila siimi lukele, hikha mohka ahha banii atañmi hiinyañ lupatii; ho hikha miyuatañ hempyo nyatii hikha mohka tatu katu drih miiniiñ atañpa.
Gihañ Kormo Mika Lutiñnaniiñ
(Mt 13.31,32; Mk 4.30-32)
18 #
Mt 13.31-32; Mk 4.30-32. Mo lutii hopa, “Niihtañ kendo Pinii ka raddeganda hii? Ho nii mipe ngo khiitiñ nanchinii siimi? 19Siikasi gihañ kormo chulido hiimi miyu labiila ho mohka balu ho lilotii; ho hiikahii santii ho sannii pa lyitii, ho yapuñ daka piita hiika halloh ho asi puhatii.”
Ipo mika Lutiñnaniiñ
(Mt 13.33)
20 #
Mt 13.33. Ho hiira mo lutii, “Nii mipe ngo khiitiñ nanchinii Pinii ka raddeganda mi? 21Siikasi ipo chulido nii mina annii akha tula lala ho yatañ piiro rohiñ hemi kepu tola atiitiinii, nii dahepa hiika hii hikha ipo pa lyitema.”
Alyeh Ponchu
(Mt 7.13,14,21-23)
22 #
Lk 9.51; 17.11; 18.31; 19.11. Mo mohka lembo ho intii taun atañ la lemba atañmi impobiila, tonsḛrla, ho Jerusalem dalyi myodi intii. 23#Mt 7.13-14; Jn 10.7. Ho miyu kone mohmi lutii, “Attoh, hutii mina lyangur tiinii hii iche siiha?” Ho mo mohlumi lutii, 24“Alyeh ponchu hopa ahdupa miito; niimpalukoda ngo nunumi lukoso, abuje ahdupa mekiñdo ho ahla kema. 25#Mt 25.10-12. Udeatoh huro kula ho alyeh mi lyetiñ dadokukoda, nunu agoho dapa kendo ho alyeh mi padiñ kendo, lubiidola, Attoh, ngunu pa miikotope. Mo lusi kendo nunumi, Ngo chimake nunu nohkii ahdo hiila. 26#Mt 7.21-23; 25.41; Lk 6.46. Ho nunu lusi kendo, ‘Ngunu diito tanto niika agiñho, ho no ngunuka lengo ho tonsḛrne.’ 27Hojalo mo lukiñdo, ‘Ngo nunumi lukoso, ngo chimake nunu nohkii ahdo hiila; ngiiko hokii insato, nunu hikha ingyamiigyanii miigo miinii atañ!’ 28#Mt 8.11-12. Hiiko nunu khela ho nunuka aih mi nyensu kendo, niida nunu Abraham mi kappa talyi ho Isak mi ho Jakob mi ho hikha nyibuhenii atañmi Pinii ka raddeganda ho, ho nunu agoho dapa kendo. 29Ho miyuatañ ahkiñdo danyichaggo ho danyiaggo dalyi hokii, ho assañ ho ahha dalyi hokii, ho dukiñdo diita naniiñho Pinii ka raddeganda ho. 30#Mt 19.30; Mk 10.31. Ho kato, tange hii kami kendo huna kapyopa datiinii, ho tange kapyo kendo huna kamipa datiinii.”
Jisu Ka Jerusalem Paka Heniiñ
(Mt 23.37-39)
31Hiika myodu jaho Parisi tonge ahtii, ho mohmi lutii, “Sokii intoku, niimpalukoda Herod niimi mempa nala hendoke.” 32#Hib 2.10; 7.28. Ho mo mohlumi lutii, “Inge ho lukohe hiika yalimi, ‘Kato, ngo igii atañmi mompadu ho miipyadu siilo ho arda, ho lohiñnii allo ho ngo ngiika miigomi miija kendo. 33Hojalopa ngo ngiika ingo mi inkiñdo lodake siilo ho arda ho ahlyi niika allo ho; niimpalukoda siikasi hiila make nyibuhenii atañ Jerusalem hokiila agoho lyukiñ do hiila.’ 34#Mt 23.37-39; Lk 19.41. Jerusalem, Jerusalem, nyibuhenii atañmi menniibo ho yalañ kuniibo humina nunuko kiiniñ bitiinii! Nii dahepa ngo nunuka wiinga atañmi paro ka pachu mika legur lechañ ho mohka ale ho legur buchi, ho nunu dubii mata! 35#Lk 19.38. Kato, nunuka ude mi apatiiku ke. Ho ngo nunumi lukoso, nunu ngiimi kappa kemake niidayepa nunu lutema, ‘Lyanko kendo huna Attoh ka armyañ pa ahdonii!’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.