LUK 12
12
Apukahi Miiniiñ Atañ Mika Luluñniiñ
(Mt 10.26,27)
1 #
Mt 16.6; Mk 8.15. Hiika myodu jaho, abuje miyuatañ tongepa dakuñla doho mohlu kone anyañ mi nenje nenge siibiido, mo lurido mohka henjeajiñ atañmi kapyopa, Hendi nyatolya Parisi atañ kokii ka miibḛr kosa niimi, hiika apukahi miiniiñ hokii. 2#Mt 10.26-27; Mk 4.22; Lk 8.17; Ipi 5.13. Hangkone tiirḛ aputola dokiñ make kakiñ mapa, malo achuñtola michimapa. 3Hopa niijalo nunu kamo ho lutii hiikahiimi hutoh ho tapa kendoke, ho niihna nunu lusila chidiibako ho lutiinii hiimi udemantu atañ hokiila gyuko kendoke.
Humi Biiso Kendo
(Mt 10.28-31)
4 #
Jn 15.14-15. #Mt 10.28-33. “Ngo nunumi lukoso, ngiika ajiñatañ, biisolyayo huna apomi mendanii, ho hiika hiiba ho mohlu hang miila kemake. 5#Hib 10.31. Hojalo ngo nunumi lukoso humina biiso kendonii: hiimi biisoto, huna mo menku lala latrḛ, harchichike giidonii yamuganda ho jopalola dopa; ḛh, Ngo nunumi lukoso, mohmi biisoto! 6Paripiita lyangohemi posa penye pa pyuma siipeha? Ho hiikohokii kone mitrḛ Pinii ka kata ho helyumake. 7#Lk 21.18; Miin 27.34; Mt 12.12. Niimpa, niika dinta daka dimmu lohepa hikha khiito la doke. Biisoyo; nunu abuje paripiita atañmi khiiniiñ yapa lyidoke.
Kristo Mika Khakoniiñ La Khiipanii
(Mt 10.32,33; Mt 12.32; Mt 10.19,20)
8“Ho Ngo nunumi lukoso, koneabi huna ngiimi miyu ka hata lukotalyinii, miyu ka Oho tiirḛ Pinii ka miidopopi atañka hataho luko kendo 9#Mk 8.38; Lk 9.26; 2 Tim 2.12. hojalo hu ngiimi miyu ka hataho chima luchi hiimi Pinii ka miidopopi atañka hataho chima luchi. 10#Mt 12.31-32; Mk 3.28-29. Ho koneabi huna miyu ka Oho mi chekhola ludonii hiimi hello bikiñdo; hojalo hu Darii Yajiyallo mi nipala ludo hiimi hello bikiñma 11#Mt 10.19-20; Mk 13.11; Lk 21.14-15. Ho niida nunumi mohlu sinagog atañ ho ahgii talyi ho sangiinii atañ la otority atañ ko, hena yayo niihtañ pape malo nii hiilape nunu lusitalyinii hiila malo niihyu nunu luchinii hiila; 12niimpalukoda Darii Yajiyallo nunumi tonsḛr kendoke hiika myodu ho nunuka lusa niimi.”
Mingo Piicha Mika Lutiñnaniiñ
13Miyu apur hokii kone mohmi lutii, “Tonsḛrbo, ngiika anubarmii mi ngiika agiñho peniiñ mi tache siito lutope.” 14Hojalo mo mohmi lutii, “Miyu, hu ngiimi nunu punko hoka ayakacho kaniipa miitii ho nunumika tache biniipa?” 15#1 Tim 6.6-10. Ho mo mohlumi lutii, “Hendi nyato, ho helyihembyo saniiñmi hendi tolya; niimpalukoda miyu sango hii niimkane mohkii gandanencha do hiiko giita make.” 16Ho mo mohlumi lutiñ nambiidola lukotii, lubiidola, “Mingo miyu ka aji-balu hii abuje amoo lingiitii; 17ho mo atohmi hensutii, Niihpe ngo miichinii, niimpalukoda ngiikii atiiko nyikuma ngiika amoo atañmi? 18Ho mo lutii, ‘Ngo hiila miichi: Ngo ngiika nesu mi pyalo talyi ho peroyapa penge penchi; ho hiiko ngo ngiika amoo la ngiika drihpachi atañmi atii talyi. 19Ho ngo ngiika yallo mi luchi, Yallo, niikii abuje drihpachi atiitola doke abuje anyañpa; niikii henadopa lyimake, diito, tanto, hempyo soto.’ 20#Lk 12.33-34. Hojalo Pinii mohmi lutii, ‘Piicha! Siho ayoh so niika yallo mi anna dokuke lukoda; ho drihpachi niika miimyo niimi, hupape hii dokiñ dokunii?’ 21Si chuli lyikiñdo huna atohpa atii tiikuñ biidonii, ho hii Pinii kii dalyiho mingoma.”
Pinii mika Hentiñniiñ
(Mt 6.25-34)
22 #
Mt 6.25-33. Ho mo lutii mohka henjeajiñ atañmi, “Hopa ngo nunumi lukoso, henayo nunuka sango pa, niihyu diichinii, malo niika apopa, niihyu nunu giichinii hiila.” 23Niimpalukoda sango si diigo mi khiiniiñ yapa lyidoke, ho aposi pulyetarii giiniiñmi. 24#Lk 12.6-7. Puha atañmi kato; mohlu alima ho amoo tiirḛ lama, Mohlukii ude atii tiikuñ ko ho nesu tiirḛ nyima, hojalo Pinii mohlumi diigo hobiida. Ho henkato niimkane nunu piita atañmi hentola khiiniiñ yapa lyido! 25Ho hu nunu hena biidola nunuka sango mi ladutuye sambya dopa miila kendo? 26Hopa nunu matiirḛ atudrih kone tiirḛ sichuli miila makoda, niimpa nunu hena nyadu hiika atañpa? 27Apoo atañmi kato, niihtañpa mohlu sanda; mohlu khella nyola tiirḛ miima ho niibyutano tiirḛ miima; hojalo ngo nunumi lukoso, Solomon tiirḛ mohka hikha tatukatu ho siika ako chuli patrḛ giimane. 28Hojalo Pinii matiirḛ aji hoka tammi dunii miya hiimkane hembyuñ do siilo sando ho ardaka piichañ hoka jopa saniiñmi, niimkane uro yapa nunumi mo hembyuñ kendo, nunu henje papo atañ? 29Ho meyo niihpe nunu diichinii ho niihna nunu tanchinii, ahha tiirḛ henayo.
30 #
Mt 6.8. Niimpalukoda hikha gandasiiko atañ siika drih atañmi menyada; ho nunuka Aba chindoke nunu hiimi anna do hiila. 31Hiilamapa, mohka raddeganda miya meto, ho siika drih atañ tiirḛ nunupa dokiñ doke.
Dariiganda Hoka Mingoja
(Mt 6.19-21)
32 #
Jn 21.15-17. “Biisoyo, tonyo paka danii atañ, niimpalukoda siikasi nunuka Aba ka hempyo ke nunu mika raddeganda mi biniiñsi. 33#Mt 6.19-21; Lk 18.22. Nunuka gandanencha mi pyunge, ho arroatu atañmi bito; no niipa badu lasa manii chiruya meto, dariiganda hoya alḛrdrih mi atii to hiiko lyukiñ make, hiiko diipyo niitrḛ ahla kema ho tagyu tiirḛ nala kema. 34Niimpalukoda no nunuka alḛrdrih do, hiiko nunuka ahha tiirḛ dobo monkiñdo.
Kalyanii Miira Atañ
35 #
Ipi 6.14; Mt 25.1-13; Mk 13.33-37. “Nunuka guju mi giitola duto ho nunuka muru atañmi tila doke nento, 36ho hiika miyuatañ chulipa lyito huna mohluka atoh ka mihie millo lasuko ude hokii ahkur kendoku hiila kalya dunii, niimpalukoda mohlu ohepada alyeh miiko bida dupa hiila mohka ahlyi kuho ho padiñ lyiho. 37#Jn 13.3-5; Mt 24.42; Lk 21.36. Lyanko kendo hiika miira atañ humina atoh hurola dupa kappa kendonii mohka ahlyi kuho; jijeloda, ngo nunumi lukoso, mo atoh mi giiju giitola ho mohlumi diigo diitananii ho duke nenkiñdo, ho mo ahla ho mohlumi miiho kendo. 38Mo matiirḛ yolyañliipa ho ahdo koda, malo paroliigo ho, ho mohlumi hiila miila dopa kappa dokoda, hiika miira atañ lyanko kendo! 39#Mt 24.43-44; 1 Tes 5.2; Mih 3.3; 16.15; 2 Pit 3.10. Hojalo siimi chinto, ude atoh matiirḛ nii myodu ho diipyonii ahkiñdo hiila chindo koda, mo mohka ude mi dañko kiine dupa hiila ile kema. 40Nunu tiirḛ henjula loda duto, niimpalukoda miyu ka Oho ahkiñdo ahlyido hiilaka hema doho.”
Hentiñ Lasanii La Hentiñ Lamasanii Miira
(Mt 24.45-51)
41Pitar lutii, Attoh, no siika lutiñnaniiñ siimi ngunu papeha malo miilañ rupa peha luko dunii? 42#Mt 24.45-51. #Lk 7.13. Ho Atoh lutii, “Huna hokoda hentilasanii ho chiniiñ kalyabinii, humina mohka attoh hikha ude mi kabii tolya hiila bikiñ donii, mohlumi myodu mi kabii dola mohluka diigo mi bidopa? 43Lyanko kendo hiika miira hii humina mohka atoh, ahkur lyikuho miila dopa kappa kendonii. 44Jijeloda, ngo nunumi lukoso, mo mohmi hikha mohka ganda nencha atañmi kabii kiine kendo. 45Hojalo hiika miira matiirḛ atoh mi lusu dokoda, ‘Ngiika atoh siisi ahkiñ kumarañ,’ ho nyimii miira atañ mila milobo miira atañmi miine rido koda, ho diila tala ho tangii dokukoda, 46hiika miira ka atoh hiika allo ho ahkiñ do mohka ahlyi kudo hiila ka hema do jaho ho hiika myodu jaho mohka chima niijaho, ho mohmi miikhiiñ kendo, ho mohmi hentiñlasa manii agiñho atii tiigyo kendo. 47#Lk 8.18; 19.26. Ho hiika miirahii huna atoh ka heniiñmi chindonii, hojalo henju manii malo mohka henko ho miimanii, hii hempḛr uropa miinekokiñdo. 48Hojalo mo huna chimanii, ho hiko dupa niihna miitiinii, hii unyo pa hiiko kendo. Koneabi humina abuje bitiinii, hiikii hokii abupa anna kendo; ho hiiko hokii humina miyuatañ abuje tiilii bitiinii mohlu abuje kukiñ doku.
Jisu Tache Tahe Giiniipa Lyido
(Mt 10.34-36)
49 #
Lk 22.15. “Ngo ahdu kiiddiapiñ so yamu rolii dupa hiila; ho hiika hii rolii tola doku! 50#Mk 10.38-39; Jn 12.27. Ngiiko baptisma lasanii hii do baptisma biko dupa; ho ngo henga henkha henkañ kendo nii dahepa siika siimi miipe tama! 51#Mt 10.34-36; Lk 21.16. Nunu hiila henduha ngo kiiddiapiñ so chimie bipa ahdo hiila? Ma, ngo nunumi lukoso, hojalo tachetahepa; 52niimpalukoda siisi kiija ude penge ho pongohe tache siila dokiñdo, hinge hii anye mi chekhola ho anye hii hinge mi chekhola; 53mohlu tache tahe kendo, aba hii oho mi chekho kendo ho oho hii aba mi, annii hii wiinga mi chekho kendo ho wiinga hii mohka annii mi, ayyobo mohka nyahii mi chekho kendo ho nyahii hii mohka ayyobomi chekho kendo.”
Myodu Myolo Mi Hela Nyato
(Mt 16.2,3)
54 #
Mt 16.2-3. Mo hiira miyu atañmi lutii, “Nunu jomii mi danyiaggo dalyiho chadopa kapa lyiho, nunu ohepada ludadu, ‘Miido hulyi’; ho hiila lyidadu. 55Ho nunu ahha dalyi allyi henii kappa lyiho, nunu ludo, ‘Hempḛr uro gubu nedo’; ho hiila lyidu. 56Nunu apukahi atañ! Nunu lulado yapuñ la kiiddi nyimi kalala nii lyikiñdo; hojalo niihtañpa nunu lulama siisi ka myodu myolo mi?
Nunumika Chekho Niimi Ludiñ Siito
(Mt 5.25,26)
57 #
Mt 5.25-26. “Ho niimpa nunu atoh ayakacho kaka siima niihna miidi ko jahii? 58Nunumika yalu luliñ boka agiñho diigolugolulyañ boko ila dola, lembo ho lyardiñ sudupa miikato, hiila makoda mo niimi ayakacho kanii ko selii giilyi diike, ho ayakacho kaniibo niimi sipahi sabiiko nembi lyido, ho sipahi sabii niimi patiihude ho atii lyido. 59Ngo nunumi lukoso, nunu lila kengku ma lodake nii dahepa nunu bime bija tama rañ.”
Currently Selected:
LUK 12: APATBSI
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
LUK 12
12
Apukahi Miiniiñ Atañ Mika Luluñniiñ
(Mt 10.26,27)
1 #
Mt 16.6; Mk 8.15. Hiika myodu jaho, abuje miyuatañ tongepa dakuñla doho mohlu kone anyañ mi nenje nenge siibiido, mo lurido mohka henjeajiñ atañmi kapyopa, Hendi nyatolya Parisi atañ kokii ka miibḛr kosa niimi, hiika apukahi miiniiñ hokii. 2#Mt 10.26-27; Mk 4.22; Lk 8.17; Ipi 5.13. Hangkone tiirḛ aputola dokiñ make kakiñ mapa, malo achuñtola michimapa. 3Hopa niijalo nunu kamo ho lutii hiikahiimi hutoh ho tapa kendoke, ho niihna nunu lusila chidiibako ho lutiinii hiimi udemantu atañ hokiila gyuko kendoke.
Humi Biiso Kendo
(Mt 10.28-31)
4 #
Jn 15.14-15. #Mt 10.28-33. “Ngo nunumi lukoso, ngiika ajiñatañ, biisolyayo huna apomi mendanii, ho hiika hiiba ho mohlu hang miila kemake. 5#Hib 10.31. Hojalo ngo nunumi lukoso humina biiso kendonii: hiimi biisoto, huna mo menku lala latrḛ, harchichike giidonii yamuganda ho jopalola dopa; ḛh, Ngo nunumi lukoso, mohmi biisoto! 6Paripiita lyangohemi posa penye pa pyuma siipeha? Ho hiikohokii kone mitrḛ Pinii ka kata ho helyumake. 7#Lk 21.18; Miin 27.34; Mt 12.12. Niimpa, niika dinta daka dimmu lohepa hikha khiito la doke. Biisoyo; nunu abuje paripiita atañmi khiiniiñ yapa lyidoke.
Kristo Mika Khakoniiñ La Khiipanii
(Mt 10.32,33; Mt 12.32; Mt 10.19,20)
8“Ho Ngo nunumi lukoso, koneabi huna ngiimi miyu ka hata lukotalyinii, miyu ka Oho tiirḛ Pinii ka miidopopi atañka hataho luko kendo 9#Mk 8.38; Lk 9.26; 2 Tim 2.12. hojalo hu ngiimi miyu ka hataho chima luchi hiimi Pinii ka miidopopi atañka hataho chima luchi. 10#Mt 12.31-32; Mk 3.28-29. Ho koneabi huna miyu ka Oho mi chekhola ludonii hiimi hello bikiñdo; hojalo hu Darii Yajiyallo mi nipala ludo hiimi hello bikiñma 11#Mt 10.19-20; Mk 13.11; Lk 21.14-15. Ho niida nunumi mohlu sinagog atañ ho ahgii talyi ho sangiinii atañ la otority atañ ko, hena yayo niihtañ pape malo nii hiilape nunu lusitalyinii hiila malo niihyu nunu luchinii hiila; 12niimpalukoda Darii Yajiyallo nunumi tonsḛr kendoke hiika myodu ho nunuka lusa niimi.”
Mingo Piicha Mika Lutiñnaniiñ
13Miyu apur hokii kone mohmi lutii, “Tonsḛrbo, ngiika anubarmii mi ngiika agiñho peniiñ mi tache siito lutope.” 14Hojalo mo mohmi lutii, “Miyu, hu ngiimi nunu punko hoka ayakacho kaniipa miitii ho nunumika tache biniipa?” 15#1 Tim 6.6-10. Ho mo mohlumi lutii, “Hendi nyato, ho helyihembyo saniiñmi hendi tolya; niimpalukoda miyu sango hii niimkane mohkii gandanencha do hiiko giita make.” 16Ho mo mohlumi lutiñ nambiidola lukotii, lubiidola, “Mingo miyu ka aji-balu hii abuje amoo lingiitii; 17ho mo atohmi hensutii, Niihpe ngo miichinii, niimpalukoda ngiikii atiiko nyikuma ngiika amoo atañmi? 18Ho mo lutii, ‘Ngo hiila miichi: Ngo ngiika nesu mi pyalo talyi ho peroyapa penge penchi; ho hiiko ngo ngiika amoo la ngiika drihpachi atañmi atii talyi. 19Ho ngo ngiika yallo mi luchi, Yallo, niikii abuje drihpachi atiitola doke abuje anyañpa; niikii henadopa lyimake, diito, tanto, hempyo soto.’ 20#Lk 12.33-34. Hojalo Pinii mohmi lutii, ‘Piicha! Siho ayoh so niika yallo mi anna dokuke lukoda; ho drihpachi niika miimyo niimi, hupape hii dokiñ dokunii?’ 21Si chuli lyikiñdo huna atohpa atii tiikuñ biidonii, ho hii Pinii kii dalyiho mingoma.”
Pinii mika Hentiñniiñ
(Mt 6.25-34)
22 #
Mt 6.25-33. Ho mo lutii mohka henjeajiñ atañmi, “Hopa ngo nunumi lukoso, henayo nunuka sango pa, niihyu diichinii, malo niika apopa, niihyu nunu giichinii hiila.” 23Niimpalukoda sango si diigo mi khiiniiñ yapa lyidoke, ho aposi pulyetarii giiniiñmi. 24#Lk 12.6-7. Puha atañmi kato; mohlu alima ho amoo tiirḛ lama, Mohlukii ude atii tiikuñ ko ho nesu tiirḛ nyima, hojalo Pinii mohlumi diigo hobiida. Ho henkato niimkane nunu piita atañmi hentola khiiniiñ yapa lyido! 25Ho hu nunu hena biidola nunuka sango mi ladutuye sambya dopa miila kendo? 26Hopa nunu matiirḛ atudrih kone tiirḛ sichuli miila makoda, niimpa nunu hena nyadu hiika atañpa? 27Apoo atañmi kato, niihtañpa mohlu sanda; mohlu khella nyola tiirḛ miima ho niibyutano tiirḛ miima; hojalo ngo nunumi lukoso, Solomon tiirḛ mohka hikha tatukatu ho siika ako chuli patrḛ giimane. 28Hojalo Pinii matiirḛ aji hoka tammi dunii miya hiimkane hembyuñ do siilo sando ho ardaka piichañ hoka jopa saniiñmi, niimkane uro yapa nunumi mo hembyuñ kendo, nunu henje papo atañ? 29Ho meyo niihpe nunu diichinii ho niihna nunu tanchinii, ahha tiirḛ henayo.
30 #
Mt 6.8. Niimpalukoda hikha gandasiiko atañ siika drih atañmi menyada; ho nunuka Aba chindoke nunu hiimi anna do hiila. 31Hiilamapa, mohka raddeganda miya meto, ho siika drih atañ tiirḛ nunupa dokiñ doke.
Dariiganda Hoka Mingoja
(Mt 6.19-21)
32 #
Jn 21.15-17. “Biisoyo, tonyo paka danii atañ, niimpalukoda siikasi nunuka Aba ka hempyo ke nunu mika raddeganda mi biniiñsi. 33#Mt 6.19-21; Lk 18.22. Nunuka gandanencha mi pyunge, ho arroatu atañmi bito; no niipa badu lasa manii chiruya meto, dariiganda hoya alḛrdrih mi atii to hiiko lyukiñ make, hiiko diipyo niitrḛ ahla kema ho tagyu tiirḛ nala kema. 34Niimpalukoda no nunuka alḛrdrih do, hiiko nunuka ahha tiirḛ dobo monkiñdo.
Kalyanii Miira Atañ
35 #
Ipi 6.14; Mt 25.1-13; Mk 13.33-37. “Nunuka guju mi giitola duto ho nunuka muru atañmi tila doke nento, 36ho hiika miyuatañ chulipa lyito huna mohluka atoh ka mihie millo lasuko ude hokii ahkur kendoku hiila kalya dunii, niimpalukoda mohlu ohepada alyeh miiko bida dupa hiila mohka ahlyi kuho ho padiñ lyiho. 37#Jn 13.3-5; Mt 24.42; Lk 21.36. Lyanko kendo hiika miira atañ humina atoh hurola dupa kappa kendonii mohka ahlyi kuho; jijeloda, ngo nunumi lukoso, mo atoh mi giiju giitola ho mohlumi diigo diitananii ho duke nenkiñdo, ho mo ahla ho mohlumi miiho kendo. 38Mo matiirḛ yolyañliipa ho ahdo koda, malo paroliigo ho, ho mohlumi hiila miila dopa kappa dokoda, hiika miira atañ lyanko kendo! 39#Mt 24.43-44; 1 Tes 5.2; Mih 3.3; 16.15; 2 Pit 3.10. Hojalo siimi chinto, ude atoh matiirḛ nii myodu ho diipyonii ahkiñdo hiila chindo koda, mo mohka ude mi dañko kiine dupa hiila ile kema. 40Nunu tiirḛ henjula loda duto, niimpalukoda miyu ka Oho ahkiñdo ahlyido hiilaka hema doho.”
Hentiñ Lasanii La Hentiñ Lamasanii Miira
(Mt 24.45-51)
41Pitar lutii, Attoh, no siika lutiñnaniiñ siimi ngunu papeha malo miilañ rupa peha luko dunii? 42#Mt 24.45-51. #Lk 7.13. Ho Atoh lutii, “Huna hokoda hentilasanii ho chiniiñ kalyabinii, humina mohka attoh hikha ude mi kabii tolya hiila bikiñ donii, mohlumi myodu mi kabii dola mohluka diigo mi bidopa? 43Lyanko kendo hiika miira hii humina mohka atoh, ahkur lyikuho miila dopa kappa kendonii. 44Jijeloda, ngo nunumi lukoso, mo mohmi hikha mohka ganda nencha atañmi kabii kiine kendo. 45Hojalo hiika miira matiirḛ atoh mi lusu dokoda, ‘Ngiika atoh siisi ahkiñ kumarañ,’ ho nyimii miira atañ mila milobo miira atañmi miine rido koda, ho diila tala ho tangii dokukoda, 46hiika miira ka atoh hiika allo ho ahkiñ do mohka ahlyi kudo hiila ka hema do jaho ho hiika myodu jaho mohka chima niijaho, ho mohmi miikhiiñ kendo, ho mohmi hentiñlasa manii agiñho atii tiigyo kendo. 47#Lk 8.18; 19.26. Ho hiika miirahii huna atoh ka heniiñmi chindonii, hojalo henju manii malo mohka henko ho miimanii, hii hempḛr uropa miinekokiñdo. 48Hojalo mo huna chimanii, ho hiko dupa niihna miitiinii, hii unyo pa hiiko kendo. Koneabi humina abuje bitiinii, hiikii hokii abupa anna kendo; ho hiiko hokii humina miyuatañ abuje tiilii bitiinii mohlu abuje kukiñ doku.
Jisu Tache Tahe Giiniipa Lyido
(Mt 10.34-36)
49 #
Lk 22.15. “Ngo ahdu kiiddiapiñ so yamu rolii dupa hiila; ho hiika hii rolii tola doku! 50#Mk 10.38-39; Jn 12.27. Ngiiko baptisma lasanii hii do baptisma biko dupa; ho ngo henga henkha henkañ kendo nii dahepa siika siimi miipe tama! 51#Mt 10.34-36; Lk 21.16. Nunu hiila henduha ngo kiiddiapiñ so chimie bipa ahdo hiila? Ma, ngo nunumi lukoso, hojalo tachetahepa; 52niimpalukoda siisi kiija ude penge ho pongohe tache siila dokiñdo, hinge hii anye mi chekhola ho anye hii hinge mi chekhola; 53mohlu tache tahe kendo, aba hii oho mi chekho kendo ho oho hii aba mi, annii hii wiinga mi chekho kendo ho wiinga hii mohka annii mi, ayyobo mohka nyahii mi chekho kendo ho nyahii hii mohka ayyobomi chekho kendo.”
Myodu Myolo Mi Hela Nyato
(Mt 16.2,3)
54 #
Mt 16.2-3. Mo hiira miyu atañmi lutii, “Nunu jomii mi danyiaggo dalyiho chadopa kapa lyiho, nunu ohepada ludadu, ‘Miido hulyi’; ho hiila lyidadu. 55Ho nunu ahha dalyi allyi henii kappa lyiho, nunu ludo, ‘Hempḛr uro gubu nedo’; ho hiila lyidu. 56Nunu apukahi atañ! Nunu lulado yapuñ la kiiddi nyimi kalala nii lyikiñdo; hojalo niihtañpa nunu lulama siisi ka myodu myolo mi?
Nunumika Chekho Niimi Ludiñ Siito
(Mt 5.25,26)
57 #
Mt 5.25-26. “Ho niimpa nunu atoh ayakacho kaka siima niihna miidi ko jahii? 58Nunumika yalu luliñ boka agiñho diigolugolulyañ boko ila dola, lembo ho lyardiñ sudupa miikato, hiila makoda mo niimi ayakacho kanii ko selii giilyi diike, ho ayakacho kaniibo niimi sipahi sabiiko nembi lyido, ho sipahi sabii niimi patiihude ho atii lyido. 59Ngo nunumi lukoso, nunu lila kengku ma lodake nii dahepa nunu bime bija tama rañ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.