LUK LUKOLUPYONIIÑ
LUKOLUPYONIIÑ
Luk ka ayapuyu si Jisu mi hemme biniiñ Isrel mika Lyangurbo ho hikha miyuatañ mika lyangur bo hiila kakiñdo. Luk hiila ketii Jisu mi Attoh ka Yajiyallo gyotii “arroatu atañpa ayapuyu balii bike nendupa hiila,” ho siika Ayapuyu so kamane miyuatañ paka hena laka annanii piigorago hii giido. Hempyo piigo mika keniiñ hii urañ japa ketola giido. Luk so luchila hakhu kapyo jaho, Jisu ka ahsanii piigo mi ketii, ho hiira kemekeja talyi koho, Jisu ka dariiganda hoka chaku niimi. Kristan atañka sanchaniimi ho bupya busa niimi hiira ketii siimika keniibo Miiniiñ kheta ho.
Hakhu 2 la 6 nyiho abuje drih giido hiikahii siika Ayapuyu so kontiisii giisu donii, miidopopi ka biisie siniiñ luka ho subuñsornii ka Jisu mika wiinga buko hoka kahanii, Jisu ka himme paka piniiude hoka ahniiñ, denki Samaritan mika lutiñnaniiñ la Alyusiinii Oho. Hikha Ayapuyu so lusañ laka luku niisi kuniiñ ka piigo mi, Darii Yajiyallo, nyimii atañka Jisu ka miigolugo hoka miibo niimi, ho Pinii ka ingyamiigyanii atañ mika hello niimi ketii.
Urahokagiinii
Lukolupyoniiñ (1:1-4)
Wiinga buniiñ ho Jon Baptisma binii bola Jisu nyika ajañ hokii (1:5–2:52)
Jon Baptisma binii boka miigomiiniiñ (3:1-20)
Jisu ka baptisma laniiñ ho tenkalarka koniiñ (3:21–4:13)
Jisu ka butiiapur hoka miigomiiniiñ Galili ho (4:14–9:50)
Galili hokii Jerusalem lohe (9:51–19:27)
Kamikalo kanualo la Jerusalem aruñare ho (19:28–23:56)
Turiturku kuniiñ, ahniiñ, ho Attoh ka chakunii (24:1-53)
Currently Selected:
LUK LUKOLUPYONIIÑ: APATBSI
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.