LUK 10
10
Somsari Leini Jisun Atir
1Hiva suale Jisu ning Tirlon somsari leini athanga, mi anni a man kan ruaia khopui rakip alui tir jui. 2Jisu ning anmani jiang a ti, chapar khomrang a tam, tak-ha akhom ranga miko an tom. Hiva jarra alui neipu jiang riru, chapar khom ranga mi a na hong tir pe na rang. 3Enru kein nang ni hi keisal karra belram anga kanatir ani. 4Nang nin peisa thunna sekhui puankok, Kekok i te khat choi maru, hale lamlaia mi chubeibuk maru. 5Nang nin Inn khat nan lut karra ama sat tiru, a hip ha hiva inna om rase. 6Han anmani jiang a hip ha a om aninko nang nin nan pek a hip ha an chunga i om rang ke. Anmanin anluimak aninko a hip ha nang ni jiang vakir nati. 7Hale hava inn han an na pepek chak nekru, ajarko chuan a sin ama han a pong lo imurang a suak, inn khat tenna an phut inn dang khat kan thon maru. 8Hale nang nin khopuilian na nan che karra, anmani ning nang ni ha an na luilut aningko, nanma don na an na dongpe rakip chakru. 9Hava hanna a om mingai ha mandam peru, hale anmani jiang riperu, “Pathian rengram hi a hong nai jui.” 10Han nang nin khopuilian khat nan che karra nang ni ha an na luidonmak aninko, hava lam lian lamlianna che unlang riru; 11Nan khopuia keini kankedirhan shakhi chang na ranga kan na nalpe ani. Tak-ha ngaidon taru Pathian rengram ha anai jui. 12keinin nang ni jiang kan na manjet ani. Pathian chong jen nikhuo hin hava khopui ha nek sodom lammin asadet rang ani.
Takngai lui Khopui
(Mat. 11:20-24)
13Khorazin iduk khodengthei na ani nang ranga? Bethsaida nang ranga om iduk khodengthei na mo ini? Ajarko nang ni jiang a suak a ngakpa chuan hi Tair le Sidon hin alui suak aninko anmani ning hava laia ruipuan ankaia, hale vaiphin, vaivut kanphul nan ta an lung an lui thul rang ani. 14Tak-ha a torna chongjen chongtan nikhuo hin ko Tair le Sidon nek nangnilam atatdetrang ani. 15Hale Kapernam nang ko vanram tung khanamo na kan domjot? Nang ko mei khur sunga na deng lut rang ani. 16Nang ni chong a na ngai mingai ha, “Kei ka chong annangai anni, hale nang ni a na jot lui ngaiha kei a na jot lui anni, hale kei a na jot lui ngaiha kei a na hong tir Pathian ha an jot lui ani.”
Somsari Leini Anvakir
17Hale tirlon somsarileini ngaiha ningsat tak a an hong kan le a anti, “Puma” nang “Nang naminga bhut ngai ning om kan ri rakip ha annachit.”
18Han Jisun anmani jiang alui ti, “Vanram tenna an phut kolkanlet anga seitannin ramuol la a hong chul kan mu. 19Enru nang nin rul rakip le aipui, braschik chunga nansir na ranga, hale a na enda rakip tor thei na ranga ranak ha kei ning nang ni jiang ka na pek ani jui, han nang ni hi i om pop lai noni che u. 20Ha aninnum adik lui thavang ning a na ruai tia na ning man sat maru, han nang ni ming ha vanram ma an anjiak jui tia nan ning man satru.”
Jisu Ning sat na
(Mat. 11:25-27; 13:16-17)
21Hava lai tak han Jisun Pathian jiang ningsat a lam ma, O, Ka pa vanram le ramuol pumma kein ka na manpak, ajarko nang in hiva ngai hi a ching a thei ngai jiang nathup nai pangngai jiang na manjet jui, ajarko hivahi nang na lungdo ke ani.
22“Hiva chuan rakip hi ka pa ning kei jiang na na ngamnajui, a pa kan chel lui a a nai ha tu mo ani tihi tu ning om jet ma u, ajarko anaipaha tupa naimo tihi tu ning om jet noni u.”
23Han Jisu ning thiamruoingai a en na a ti, “Nang ni ning nan mu nan mu rakip a mungai ha ravansat anni. 24Ajarko kein nang ni jiang ka na ti, ajarko Pathian chong luiri hale reng rakip ning, nang ni ning nan mungai ha anluimujot tak-ha lui mu tor ma u, hale nang nin nan jet rakip ha an luingai jot tak-ha luijettor ma u.”
A sat Samarija Tetan na
25Jisu hi dan en rang tia dan oja an khat a honga a ti, “Puma ije ka tho le kum sot ring na ki mu rang?”
26Jisu ning a sang “Che na dan rabuhan a kan jiak ha nang in ija mo natel?”
27Han ama ning a sanga, “Napathian na Puma ha na lung pumpuia lungsiatro, hale na inn ri na inn tang ha na tak tak na kan lungsiat anga lungsiatro.”
28Jisu ning alui ti, “Nang in adik nanasangjui, hivahi thoro,” hale “Kum sot ring na mu nati.”
29Han a man sat akanrolla Jisu jiang ading kelret, “Ka inn ri ka inn tangai ha ko tungai ha mo anni?”
30Jisu ning a sangret, “Tu ang mi an khat ning Jerusalem tenna an phut Jerikho tung na rang alui hong lai han, miruk dakungai ning, a puan adiar, aruphai choirakip ansut, hale a tak om anvejek lamlaia anpaijui. 31Hava suale hava lam han thiampu an khat alui hong, a man hava ha a mu karra lam dang khattiang aloia a che jui, 32hale vei khat hava lamlen han biak inna chuan tho Levi alui hongret, amannom mipaha a mu karra a dang khat tiang aloia alui che jui. 33Hava suale ramchei che Samaritan mi an khat hava lam lian tiang han a honga a man mipaha a mu karra a lung asiatjui. 34A man a honga apomma apopnale anatna rakip thaiatei pe jui, hale Sakor chunga a man chuanga tuang jui, han mitungna inn khat a a hui a a man om jui. 35Nikhat suale a man a hong karra dinnar anni ruphai anni a pek. Hale a man inn neipu jiang a ti, ‘A ma chunga alutrakip kei ka hong kan le phale ka na ma le rang ke, asat a luienro.’ ”
36Han Jisu ning a dingkel la, imo na ngaidon? “Hiva miring an thum karra tule tu ha mo khodengtheipa inn ri inn tang ani?”
37Han chongjenpu dan oja han a sanga, “Ahuia a tho pe ama han ni nati.” Jisun ama jiang a ti, “Chero nang om hava anga hongthoro.”
Martha Le Meri Jisun Avaphak
38Hingahin Jisu le thiamruoingai ha khopui khat a an hong karra Martha anti numei khat ning Jisu ha aluidonjui. 39Han anaipangnu Meri an ti nu khat alui om, a man ko Jisu kol la a om ma a chong ri rakip asat aluingai. 40Martha ning a chuan a tam reia a man Jisu jiang alui ti, “Puma kei ka thei jak kanaipang nu ning sep a inamanthohi takteluia mo niom? Kei hi aviar a na san na rang na ri pero.”
41Tak-ha Jisun amanu jiang a sang, “Martha, Martha, nang ko na sin akandeng jarra na ning adong. 42Tak-ha tho mak jot lui chuan khat a om, Meri ko ama jiang tenna an phut lui khir i jot lui rang khat alui jui.”
Currently Selected:
LUK 10: AIMOLBSI
Highlight
Share
Copy
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
