TIENKAM 25
25
Paul Niu Wangdi Khuga Tadra Khengbo
1Festus niu sibo kadihga wangtangbo jeng sum sai gase, paniu Caesarea gasu Jerusalem lam tadde. 2Siga singku paodung nai Jehudi maidunggu jupaodung wangjiu Paul riga madam khailan sude. 3Paliuniu Festus khuga Paul tu Jerusalem ga puiwangra kheng-e, palamra paliuniu npuiki gasu patu kamshat mira limne chiujiu rangbo-e. 4Festus niu paokakge, “Paul situ Caesarea gu kavangkyga khaibambo-e, siga I apum siakdi tadlan sune. 5Singnapiu siniu kamaobo bamsai, pijiu naliugu jupaodungtu Caesarea lam asai suitad lujiu patu madam khaibo sui-e.”
6Sibosai Festus niu jengriu nakha paliutu maluang bam lujiu Caesarea lam tadmide. Pasaibo naise paniu ladjanky gase wanglujiu Paul tu puiwangra chamtan pikhaide. 7Paul niu wangtang gapboga, Jerusalem lamsu wangbo Jehudi maidungse suchap lujiu pariga wajiukha madam khai sude, chiudi paliu mai khatniudi sise pachang siakge chiubora dinlen ngam makge. 8Chiudi Paul niu paronna maribo chamse dinsude: “Iniu Jehudi maidunggu Tacheng-tajaitu maksai haibo Raky tu maksai Rome gu Wangditu din masabo wadi ha-e.”
9Chiudi Festus niu Jehudi maidung thuon lunibo jengniu, paniu Paul khuga maniu-e, “Jerusalem ga tadlujiu, sigasu amasuangga ladjan thiura nang suima?”
10Paul niu din-e, “Atu ladjan thiu rabo bam Wangdihgu ladjanky siakga I chap bamme. Nangniu simasan bambo kumjiu, Iniu Jehudi maidung khuga kamaobo wadi kamkhai makge. 11Iniu Tacheng-tajai situ kampang lujiu, shaidi suibo maomeng tenkhai bambo jengniu mari lura Iniu khengbo makge. Chiudi paliuniu ariga madam khaijiu bambo gase majibo hasai, mai khatniudi paliu khuga atu pikhai ngam lakge. Sijengniu Wangdi khuga wangra Iniu khengbo-e.” 12Siga Festus niu pagu ladpipaodung khuga maniu lujiu paokakge, “Nangniu Wangdi khuga tadra khengbo jengniu, nang Wangdi khuga tadrabo-e.”
Paul Niu Agrippa Nai Bernice Masuangga
13Pakak khat saiga Chawang Agrippa nai Bernice niu Festus tu adao khaira Caesarea ga wangde. (Bernice hai Agrippa tanpui-e). 14Siga panainiu bamnak khailubo saiga Festus niu chawang khuga Paul lamga haichiu din-e: “Haiga Felix niu kavangkyga khaidiak bamniubo piu khat bamme: 15sichiujiu Iniu Jerusalem ga tadboga, Jehudi maigu singku paodung nai kating maidungniu pariga wajiukha madam khaijiu patu ladjan thiu khaira akhuga dinbo-e. 16Chiudi Iniu paliu khuga din-e, chiubora aliu Rome maidungra patu madam khai maidungse nai zudaojiu arimak then, khatdi patu madam khaibose paronna marilu rabo chamse dinmak then, mai khattudi pamao bamme chiujiu dinbo suimakge. 17Sichiujiu paliuniu haiga wangboga pawanse Iniu kam maha makjiu, pasaibo nai siakse Iniu ladjankyga ntao lujiu sibo piu situ puiwangra chamtan pikhaide. 18Patu atungmaidung siniu chapkhangjiu wa kakengkha patu madam khaijiu dinbo-e, chiudi Iniu maningbo kumjiu kasabo wakhatdi din makge. 19Paliu mathiuniu patu aribo sira paliugu tacheng lamga-e, khatdi mai khat pazanniu Jesu kubo, shaimibo lamga-e, chiudi Paul niu pahai ringbamme chiujiu dinbo-e. 20Chiudi Iniu haibo lamga wa maniu khaini sonra maning makbo jengniu, Jerusalem ga tadlujiu haibo lamga ladjan thiura pah suima chiujiu maniu-e. 21Chiudi Paul niu pagu ladjan haise Wangdi khugasu ladjan thiuraleng kheng-e. Sijengniu Wangdi khulam patu langkhai lumakbo suangga patu akhejiu khonbamra Iniu chamtan pikhai mibo-e.”
22Siga Agrippa niu Festus khuga din-e, “Haise Iniu apumsiak niu chiukhai nibo-e.”
Festus niu paokakge, “Nsuan nai nangniu palad nkingbo sui-e.” 23Pasaibo naise Agrippa nai Bernice niu kadensui lujiu charipidung khatdi namdigu jupaodungtu maluang lujiu mathiu maduikygase ngutde. Sichiujiu Festus niu chamtan pikhaiboga, paliuniu Paul tu maluang ngutde. 24Festus niu din-e, “Chawang Agrippa khatdi haiga aliu mathiutu maluang bam maidung; Naliuniu ngao bambo piu riga hai Jehudi mai haiga bam maidi, Jerusalem ga bammai hina niudi, wa madam khaijiu akhuga dinwangbo-e. Pahai ringra bui tamide chiujiu paliuniu senpad mibo-e. 25Chiudi paniu shai buibo ngam kam mide chiubo Ira wadi daomakge. Sichiujiu paniu Wangdi khuga wangra khengbo donniu, Iniu patu langkhaira maning bambo-e. 26Chiudi Iniu Wangdi khuga raokhaira walam khatdi ha-e. Sijengniu patu haiga Iniu naliu mathiu suangga nkiujiu, Chawang Agrippa nama suangga puiwangbo-e! Sichiujiu pagu ladjan lamga phui masan lubo sainiu, raokhaira I daobo sui-e. 27Palamra kavangkyga bammai khatgu pamao simasan makjiu patu langkhai mira maji makge chiujiu Iniu maningbo-e.”
Currently Selected:
TIENKAM 25: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TIENKAM 25
25
Paul Niu Wangdi Khuga Tadra Khengbo
1Festus niu sibo kadihga wangtangbo jeng sum sai gase, paniu Caesarea gasu Jerusalem lam tadde. 2Siga singku paodung nai Jehudi maidunggu jupaodung wangjiu Paul riga madam khailan sude. 3Paliuniu Festus khuga Paul tu Jerusalem ga puiwangra kheng-e, palamra paliuniu npuiki gasu patu kamshat mira limne chiujiu rangbo-e. 4Festus niu paokakge, “Paul situ Caesarea gu kavangkyga khaibambo-e, siga I apum siakdi tadlan sune. 5Singnapiu siniu kamaobo bamsai, pijiu naliugu jupaodungtu Caesarea lam asai suitad lujiu patu madam khaibo sui-e.”
6Sibosai Festus niu jengriu nakha paliutu maluang bam lujiu Caesarea lam tadmide. Pasaibo naise paniu ladjanky gase wanglujiu Paul tu puiwangra chamtan pikhaide. 7Paul niu wangtang gapboga, Jerusalem lamsu wangbo Jehudi maidungse suchap lujiu pariga wajiukha madam khai sude, chiudi paliu mai khatniudi sise pachang siakge chiubora dinlen ngam makge. 8Chiudi Paul niu paronna maribo chamse dinsude: “Iniu Jehudi maidunggu Tacheng-tajaitu maksai haibo Raky tu maksai Rome gu Wangditu din masabo wadi ha-e.”
9Chiudi Festus niu Jehudi maidung thuon lunibo jengniu, paniu Paul khuga maniu-e, “Jerusalem ga tadlujiu, sigasu amasuangga ladjan thiura nang suima?”
10Paul niu din-e, “Atu ladjan thiu rabo bam Wangdihgu ladjanky siakga I chap bamme. Nangniu simasan bambo kumjiu, Iniu Jehudi maidung khuga kamaobo wadi kamkhai makge. 11Iniu Tacheng-tajai situ kampang lujiu, shaidi suibo maomeng tenkhai bambo jengniu mari lura Iniu khengbo makge. Chiudi paliuniu ariga madam khaijiu bambo gase majibo hasai, mai khatniudi paliu khuga atu pikhai ngam lakge. Sijengniu Wangdi khuga wangra Iniu khengbo-e.” 12Siga Festus niu pagu ladpipaodung khuga maniu lujiu paokakge, “Nangniu Wangdi khuga tadra khengbo jengniu, nang Wangdi khuga tadrabo-e.”
Paul Niu Agrippa Nai Bernice Masuangga
13Pakak khat saiga Chawang Agrippa nai Bernice niu Festus tu adao khaira Caesarea ga wangde. (Bernice hai Agrippa tanpui-e). 14Siga panainiu bamnak khailubo saiga Festus niu chawang khuga Paul lamga haichiu din-e: “Haiga Felix niu kavangkyga khaidiak bamniubo piu khat bamme: 15sichiujiu Iniu Jerusalem ga tadboga, Jehudi maigu singku paodung nai kating maidungniu pariga wajiukha madam khaijiu patu ladjan thiu khaira akhuga dinbo-e. 16Chiudi Iniu paliu khuga din-e, chiubora aliu Rome maidungra patu madam khai maidungse nai zudaojiu arimak then, khatdi patu madam khaibose paronna marilu rabo chamse dinmak then, mai khattudi pamao bamme chiujiu dinbo suimakge. 17Sichiujiu paliuniu haiga wangboga pawanse Iniu kam maha makjiu, pasaibo nai siakse Iniu ladjankyga ntao lujiu sibo piu situ puiwangra chamtan pikhaide. 18Patu atungmaidung siniu chapkhangjiu wa kakengkha patu madam khaijiu dinbo-e, chiudi Iniu maningbo kumjiu kasabo wakhatdi din makge. 19Paliu mathiuniu patu aribo sira paliugu tacheng lamga-e, khatdi mai khat pazanniu Jesu kubo, shaimibo lamga-e, chiudi Paul niu pahai ringbamme chiujiu dinbo-e. 20Chiudi Iniu haibo lamga wa maniu khaini sonra maning makbo jengniu, Jerusalem ga tadlujiu haibo lamga ladjan thiura pah suima chiujiu maniu-e. 21Chiudi Paul niu pagu ladjan haise Wangdi khugasu ladjan thiuraleng kheng-e. Sijengniu Wangdi khulam patu langkhai lumakbo suangga patu akhejiu khonbamra Iniu chamtan pikhai mibo-e.”
22Siga Agrippa niu Festus khuga din-e, “Haise Iniu apumsiak niu chiukhai nibo-e.”
Festus niu paokakge, “Nsuan nai nangniu palad nkingbo sui-e.” 23Pasaibo naise Agrippa nai Bernice niu kadensui lujiu charipidung khatdi namdigu jupaodungtu maluang lujiu mathiu maduikygase ngutde. Sichiujiu Festus niu chamtan pikhaiboga, paliuniu Paul tu maluang ngutde. 24Festus niu din-e, “Chawang Agrippa khatdi haiga aliu mathiutu maluang bam maidung; Naliuniu ngao bambo piu riga hai Jehudi mai haiga bam maidi, Jerusalem ga bammai hina niudi, wa madam khaijiu akhuga dinwangbo-e. Pahai ringra bui tamide chiujiu paliuniu senpad mibo-e. 25Chiudi paniu shai buibo ngam kam mide chiubo Ira wadi daomakge. Sichiujiu paniu Wangdi khuga wangra khengbo donniu, Iniu patu langkhaira maning bambo-e. 26Chiudi Iniu Wangdi khuga raokhaira walam khatdi ha-e. Sijengniu patu haiga Iniu naliu mathiu suangga nkiujiu, Chawang Agrippa nama suangga puiwangbo-e! Sichiujiu pagu ladjan lamga phui masan lubo sainiu, raokhaira I daobo sui-e. 27Palamra kavangkyga bammai khatgu pamao simasan makjiu patu langkhai mira maji makge chiujiu Iniu maningbo-e.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.