TIENKAM 26
26
Paul Niu Agrippa Suangga Palam Dinbo
1Agrippa niu Paul khuga din-e, “Nangniu nalamga dinnibo hina dinra suikhaide.” Siga Paul niu paben henpad lujiu, haichiu dinkiu sude:
2“Oh, Chawang Agrippa yo, I asan wi-e chiu maning-e palamra thainai Iniu namasuangga Jehudi maidungniu atu madam khaibo hina, 3nkiujiu Jehudi mai chengriak khatdi paliuniu chalad apaijiu bambo lamga masanjiu nang sibambo jengniu, chalungsajiu alad nking khaira Iniu nakhuga khengbo-e.
4“Iniu nahting gasu dechiu lungkhang milo chiubo hai Jehudi mai mathiuniu sibambo-e. Iniu agu karingtingga dechiujiu agu kadihga khatdi Jerusalem ga lungkhai milo chiubo paliuniu sibamme. 5#Tk 23.6; Phil 3.5.Karai gasu Ira aliu cheng majai kathubo, Pharisee mai phom gasu-e chiubo paliuniu sijiu bambo-e. 6Sichiujiu aliu pao-pehmai khuga Tingwang niu ladriat khaibo lamga, khatdi Iniu malumbo lamga tuhoi atu ladjan thiura haibo bamga I chap bambo-e. 7Haise aliugu chaphiu kariu-je-niakiu siniu Tingwang tu nchun n-nien saomakjiu kahumjiu bambo malum donniu-e. Haibo malum jengniu Jehudi maidungniu atu madam khaijiu bambo-e, Pakendibo Piu yo! 8Tingwang niu kashaibo piringsu khai-e chiubo hai dekamjiu naliu haiga bammai siniu malum mak jiulo?
9 #
Tk 8.3; 22.4,5. “Iniu Nazareth Jesu lamga daolubui then kam masan khaira chiujiu maningbo-e. 10Sise Iniu Jerusalem ga kamkhai mibo-e. Singku paodung khugasu pumtan daolujiu, Tingwang maidung kakeng khatu kavangkyga khai mibo-e; sichiujiu paliutu kamshatra dinsai, Idi siga suikhaibo-e. 11Paliugu malumbo situ phutmira Iniu paliutu maduiky hina gasu wajiukha kam mathad khai mibo-e. Iniu paliutu wajiukha ngaokhai lakbo-e, palamra paliutu kam mathad raleng Iniu sangdiumai dihga katang tadkhai mibo-e.
Paul Niu Palung Libo Lamga Dinbo
(Tk 9.1-19; 22.6-16)
12“Haibo lamga Iniu singku paodung khugasu pumtan nai chamtan daolujiu Damascus lam tadbo-e. 13Haise npuikiga niending wan-ga, naimik biu suang benbo khatniu tingpuk lamsu amungga khatdi atu maluang tabin tadkin maidungtu thao magui khaibo Iniu ngao-e. 14Aliu mathiuse kadihga kaokiu mibo-e, siga Hebrew mai ladgasu chakhuan khatniu akhuga dinbo I chiu-e, ‘Saul, Saul! Dekamjiu nangniu atu kam mathad kinjiulo? Nang hai matomchiniu pakaiga masuibo kumjiu naronna natu kam mathiu kinbo-e.’ 15Siga Iniu maniu-e, ‘Rapiu yo! Nang saolo?’ Siga Rapiu niu paokakge, ‘Ira nangniu kam mathad kinbo Jesu si-e. 16Chiudi sulujiu chapsulo. Iniu natu avang khat pithiu khaira jengniu natu lukhaibo-e. Thainai nangniu ngaokhai mibo hai khatdi pasai Iniu natu lenkhai rabo hai nangniu maidung khuga dinrabo-e. 17Iniu natu langkhai rabo Israel maidung khatdi Nkeng maidung khugasu natu rankhaibi rabo-e. 18Nangniu paliu mikse tamiubo gasu kabenbo pingao khairabo-e khatdi Satan pumtan gasu Tingwang pumtan situ pingao khairabo-e, sichiujiu paliuniu atu malumlu dasai paliu nuanse kuak khai bine, khatdi Tingwang niu kadalu maidung ruanggase paliu bam daolura-e.’
Paul Niu Pagu Tienkam Lamga Dinbo
19“Sijengniu Chawang Agrippa yo, Tinggen lamsu Iniu ngaobo madungao situ Iniu majai makbo gu makge. 20#Tk 9.20,28,29.Raithuboga Damascus ga khatdi Jerusalem ga, sigasu Judaea pakhiangna khatdi Nkeng maidung ruangga, paliuniu paliu nuan gasu lungli lujiu Tingwang khulam mariwangbo khatdi paliu lungli mide chiubo lenbo ngam kamra Iniu dinkinbo-e. 21Haibo lamga Iniu Charaky lungga bambo tingga Jehudi maidung siniu atu minbo-e khatdi kamshatra matanbo-e. 22Chiudi thainai siak hai Tingwang niu atu nkha khai bibo donniu, haiga Iniu chaplujiu, kati-kadi mathiu khuga agu lamchap pibambo-e. Iniu dinbambo haise phaimiukakung maidungniu khatdi Mose niu padsu rabo-e chiujiu dinkhai mibo si-e: 23#1 Co 15.20;Isa 42.6; 49.6.Chiubora Messiah haise chariu khengrabo-e, khatdi kashaibo ruang gasu piringsu raithubose thiujiu Jehudi maidung khatdi Nkeng maidung khuga juringbo gu kabenbose pisi khai rabo-e.”
24Paul niu haichiujiu paronna palam phesuboga, Festus niu pakhuan tanjiu din-e, “Paul, nang kaluang mide! Nagu tasi simakeng mibo siniu natu kam chara masa mide!”
25Chiudi Paul niu paokakge, “Chakhuang thiubuibo! I kaluang makge, I chara masa makge. Kamajibo palingbo ladse Iniu dinbo-e. 26Oh, Chawang Agrippa yo, nakhuga Iniu hujiu dinbo-e, palamra haibo lam hina nangniu sijiu bamme. Pakhiangna haise kamikki gasu padbo makge, chiubo pakhiangna hai nang sikam bamme chiubo Iniu malumme. 27Chawang Agrippa yo, phaimiukakung maidungtu nang malumma? Nang malumme chiubo I si-e!”
28Siga Agrippa niu Paul khuga din-e, “Pawan kadunbo kak haigasu nangniu atu pi Khristian khat thiukhaine chiujiu ma?”
29Paul niu paokakge, “Pawan dunma, thengma, nangdi khatdi thainai haiga alad nkingjiu bammai hinaniu, atu ratman bambo haitu makjiu, Iniu dinbambo hai wangtang lura Iniu Tingwang khuga khengjiu bambo-e!”
30Siga chawang, dihthinpao, Bernice khatdi mathiuse chapsu mide, 31sichiujiu mathiuse tadmibo saiga paliu karai khat khat khuga din-e, “Haibo piu hainiu shai buibo maksai kavangkyga ngutbuibo wakhatdi kam makge.” 32Khatdi Agrippa niu Festus khuga din-e, “Haibo piu hainiu Wangdi khuga wangra paniu khengmak bamniusai patu phutkhai mira suibo-e.”
Currently Selected:
TIENKAM 26: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TIENKAM 26
26
Paul Niu Agrippa Suangga Palam Dinbo
1Agrippa niu Paul khuga din-e, “Nangniu nalamga dinnibo hina dinra suikhaide.” Siga Paul niu paben henpad lujiu, haichiu dinkiu sude:
2“Oh, Chawang Agrippa yo, I asan wi-e chiu maning-e palamra thainai Iniu namasuangga Jehudi maidungniu atu madam khaibo hina, 3nkiujiu Jehudi mai chengriak khatdi paliuniu chalad apaijiu bambo lamga masanjiu nang sibambo jengniu, chalungsajiu alad nking khaira Iniu nakhuga khengbo-e.
4“Iniu nahting gasu dechiu lungkhang milo chiubo hai Jehudi mai mathiuniu sibambo-e. Iniu agu karingtingga dechiujiu agu kadihga khatdi Jerusalem ga lungkhai milo chiubo paliuniu sibamme. 5#Tk 23.6; Phil 3.5.Karai gasu Ira aliu cheng majai kathubo, Pharisee mai phom gasu-e chiubo paliuniu sijiu bambo-e. 6Sichiujiu aliu pao-pehmai khuga Tingwang niu ladriat khaibo lamga, khatdi Iniu malumbo lamga tuhoi atu ladjan thiura haibo bamga I chap bambo-e. 7Haise aliugu chaphiu kariu-je-niakiu siniu Tingwang tu nchun n-nien saomakjiu kahumjiu bambo malum donniu-e. Haibo malum jengniu Jehudi maidungniu atu madam khaijiu bambo-e, Pakendibo Piu yo! 8Tingwang niu kashaibo piringsu khai-e chiubo hai dekamjiu naliu haiga bammai siniu malum mak jiulo?
9 #
Tk 8.3; 22.4,5. “Iniu Nazareth Jesu lamga daolubui then kam masan khaira chiujiu maningbo-e. 10Sise Iniu Jerusalem ga kamkhai mibo-e. Singku paodung khugasu pumtan daolujiu, Tingwang maidung kakeng khatu kavangkyga khai mibo-e; sichiujiu paliutu kamshatra dinsai, Idi siga suikhaibo-e. 11Paliugu malumbo situ phutmira Iniu paliutu maduiky hina gasu wajiukha kam mathad khai mibo-e. Iniu paliutu wajiukha ngaokhai lakbo-e, palamra paliutu kam mathad raleng Iniu sangdiumai dihga katang tadkhai mibo-e.
Paul Niu Palung Libo Lamga Dinbo
(Tk 9.1-19; 22.6-16)
12“Haibo lamga Iniu singku paodung khugasu pumtan nai chamtan daolujiu Damascus lam tadbo-e. 13Haise npuikiga niending wan-ga, naimik biu suang benbo khatniu tingpuk lamsu amungga khatdi atu maluang tabin tadkin maidungtu thao magui khaibo Iniu ngao-e. 14Aliu mathiuse kadihga kaokiu mibo-e, siga Hebrew mai ladgasu chakhuan khatniu akhuga dinbo I chiu-e, ‘Saul, Saul! Dekamjiu nangniu atu kam mathad kinjiulo? Nang hai matomchiniu pakaiga masuibo kumjiu naronna natu kam mathiu kinbo-e.’ 15Siga Iniu maniu-e, ‘Rapiu yo! Nang saolo?’ Siga Rapiu niu paokakge, ‘Ira nangniu kam mathad kinbo Jesu si-e. 16Chiudi sulujiu chapsulo. Iniu natu avang khat pithiu khaira jengniu natu lukhaibo-e. Thainai nangniu ngaokhai mibo hai khatdi pasai Iniu natu lenkhai rabo hai nangniu maidung khuga dinrabo-e. 17Iniu natu langkhai rabo Israel maidung khatdi Nkeng maidung khugasu natu rankhaibi rabo-e. 18Nangniu paliu mikse tamiubo gasu kabenbo pingao khairabo-e khatdi Satan pumtan gasu Tingwang pumtan situ pingao khairabo-e, sichiujiu paliuniu atu malumlu dasai paliu nuanse kuak khai bine, khatdi Tingwang niu kadalu maidung ruanggase paliu bam daolura-e.’
Paul Niu Pagu Tienkam Lamga Dinbo
19“Sijengniu Chawang Agrippa yo, Tinggen lamsu Iniu ngaobo madungao situ Iniu majai makbo gu makge. 20#Tk 9.20,28,29.Raithuboga Damascus ga khatdi Jerusalem ga, sigasu Judaea pakhiangna khatdi Nkeng maidung ruangga, paliuniu paliu nuan gasu lungli lujiu Tingwang khulam mariwangbo khatdi paliu lungli mide chiubo lenbo ngam kamra Iniu dinkinbo-e. 21Haibo lamga Iniu Charaky lungga bambo tingga Jehudi maidung siniu atu minbo-e khatdi kamshatra matanbo-e. 22Chiudi thainai siak hai Tingwang niu atu nkha khai bibo donniu, haiga Iniu chaplujiu, kati-kadi mathiu khuga agu lamchap pibambo-e. Iniu dinbambo haise phaimiukakung maidungniu khatdi Mose niu padsu rabo-e chiujiu dinkhai mibo si-e: 23#1 Co 15.20;Isa 42.6; 49.6.Chiubora Messiah haise chariu khengrabo-e, khatdi kashaibo ruang gasu piringsu raithubose thiujiu Jehudi maidung khatdi Nkeng maidung khuga juringbo gu kabenbose pisi khai rabo-e.”
24Paul niu haichiujiu paronna palam phesuboga, Festus niu pakhuan tanjiu din-e, “Paul, nang kaluang mide! Nagu tasi simakeng mibo siniu natu kam chara masa mide!”
25Chiudi Paul niu paokakge, “Chakhuang thiubuibo! I kaluang makge, I chara masa makge. Kamajibo palingbo ladse Iniu dinbo-e. 26Oh, Chawang Agrippa yo, nakhuga Iniu hujiu dinbo-e, palamra haibo lam hina nangniu sijiu bamme. Pakhiangna haise kamikki gasu padbo makge, chiubo pakhiangna hai nang sikam bamme chiubo Iniu malumme. 27Chawang Agrippa yo, phaimiukakung maidungtu nang malumma? Nang malumme chiubo I si-e!”
28Siga Agrippa niu Paul khuga din-e, “Pawan kadunbo kak haigasu nangniu atu pi Khristian khat thiukhaine chiujiu ma?”
29Paul niu paokakge, “Pawan dunma, thengma, nangdi khatdi thainai haiga alad nkingjiu bammai hinaniu, atu ratman bambo haitu makjiu, Iniu dinbambo hai wangtang lura Iniu Tingwang khuga khengjiu bambo-e!”
30Siga chawang, dihthinpao, Bernice khatdi mathiuse chapsu mide, 31sichiujiu mathiuse tadmibo saiga paliu karai khat khat khuga din-e, “Haibo piu hainiu shai buibo maksai kavangkyga ngutbuibo wakhatdi kam makge.” 32Khatdi Agrippa niu Festus khuga din-e, “Haibo piu hainiu Wangdi khuga wangra paniu khengmak bamniusai patu phutkhai mira suibo-e.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.