TIENKAM 27
27
Paul Niu Rome Lam Malee Tonglujiu Tadbo
1Aliuniu Italy lam malee tuanglujiu tadmine chiujiu chapluboga, paliuniu Paul tu khatdi kavangkyga bammaidung khangsiatu “Wangdi Riphen” kubo Rome riphendunggu chakampao Julius khuga benlen khaide. 2Aliuniu Adramyttium gasu malee tuanglujiu Asia luongrianggu duipui lamse tadra kaden lujiu tadsude. Thessaloni gasu Mecedonia mai khat Aristarchus kubo piu aliu saisui kin-e. 3Sichiujiu pasaibo naise aliuniu Sidon ga wangtangde. Julius niu Paul tu lungsa khaijiu paniu paka-paphen maidung khuga tad mariujiu adao khaira khatdi paleng machang kamakbo hinadi pikhaira suikhaide. 4Sigasu aliu tadlan sude, sichiudi tingthung tingkaise aliu khulam hunkhaibo jengniu, aliuniu Cyprus kadihgu nbaiky lamse tadkhai mide. 5Sichiujiu aliuniu Silicia nai Pamphylia duipuise kenlujiu Lycia ga bambo Myra ga wangde. 6Siga chakampao siniu Alexandria lamsu wangbo Italy lam tadrabo aliam khat daolujiu, paniu siga aliutu khailujiu tadsude.
7Aliu chariu chang chariujiu koina maleese ramjiu naimikpui wajiukha sainiu Cnidus namdiga wangtangde. Sibo genlamse tingkai niu aliutu pitad khai makbo jengniu, aliuniu Crete dihgu nbaiky lamse Salmone Kawibo Mathakbam tulimki kenjiu aliamse tongkiude. 8Aliuniu matan tanjiu sibo genlamse kenpadjiu Kawibo Mathakbam kubo bam gase, Lasea namdi gasu diumakbo gase wangde.
9Aliuniu pawan kathengkha, chabin tadraleng kung mibo donniu, Nchuk Thoibo Tingmik#27.9: Nchuk Thoibo Tingmik: Nchuk Thoibo Tingmik haise N-gen-hiu kaloibo tingga maksai Chaga-hiu kasubo tingga changibo-e. tingse loimibo tangna siga manai khangde. Siga Paul niu paliutu haichiu laddin khai-e: 10“Singnamai yo, aliuniu nbin tadrabo npui hai kungchang kung-e; aliamdi, maniadungdi wajiukha harabo-e khatdi aliu ringtingdi hakhaibo sui-e chiubo Iniu ngao-e.” 11Sichiudi riphen-gu chakampao situ charipi nai aliam paopiu siniu hiamlujiu Paul niu dinbo suikhai makge. 12Sibo mathakbamse tathe tingga bamwi makbo bamme, maidung kakeng khaniudi tadpad miraleng din-e, khatdi daolu buisai Phoenix ga wangtangjiu, tathe tingga siga bamra machun karen-e. Phoenix haise Crete ga bambo tingrun nai tingnu lam khatdi tingpi nai tingnu lam bambo mathakbam khatle.
Duipuiga Tingthung Tingkai Wangbo
13Tingrun lamsu tingkai koina hunri-ri wangde, siga maidung siniu paliu maningbo wangtang lubui-e chiubo maning lujiu, Crete tangbo tadra maleese tuanglujiu tadsude. 14Chiudi pakak khat saiga tingkai katanbo, “Tingpi-tingkai” kubo tingkaise hunkiu sude. 15Haisiniu malee situ huntaode, sichiujiu tingkai gase, aliamse tadkiu silak mibo jengniu, pijiu tingkai situ ponkhai nibo jailam ponkhai sude. 16Cauda kadihga wangtangboga nbaiky daode. Siga aliuniu aliam situ katinkhai lande. 17Siga paliuniu maleese jupad lujiu chariangniu khinkhaide. Libya jaibek lamse pakkhai mira paliuse kapingbo jengniu, paliuniu chariangse khin manakhai lujiu, malee situ pijiu tingkainiu hunmeng hunwangjiu bamra kamkhaide. 18Tingthung tingkaise palunjiu hunbambo donniu, pasaibo naise paliuniu malee lungga bambo maniadungse lenlam thonpad sude, 19pasaibo naise paliuniu maleegu maniadungse lenlam thonpad lan sude. 20Tingthung tingkaise hunjiu bambo donniu, aliuniu naimikdi, chagandi ngaota mide. Sichiujiu kanambo gara aliu hai ringlune chiubo maningta mide.
21Maidungse pawan kathengkha katiu tiuta mibo saiga, Paul niu paliu suangga chaplujiu din-e, “Singnamai yo, naliuniu agu kadin suisai Crete lam tadkhai mak rabo-e; sichiusai haibo magenthak haise aliuniu daolakge. 22Chiudi tuhoi Iniu naliu khuga khengbo-e, hululo! Naliu mai khatnadi shai lakge, maleese ronna hakhai mirabo-e. 23Palamra danai nchunse Iniu kahum kinbo Tingwang gu maza khatniu akhuga wangjiu din-e, 24‘Ping mane! Paul yo! Wangdi masuangga nang chapsiak rabo-e. Sichiujiu natu lungsabo Tingwang siniu natu maluang tadkinmai mathiu ringting gukhaibi rabo-e.’ 25Sijengniu maidung yo, hululo! Palamra akhuga dinkhai mibo kumgapjiu padne chiubo Iniu Tingwang tu malumme. 26Chiudi aliutu kadih pabam khatlam jukhaimi sune.
27Tingthung tingkai siniu aliutu Mediterranean lam jukhai mibose jengriu-je-madaikiu tangmibo nchun-e. Chunding wan gase aliugu maleedungse kadihga wang mana mide chiubo maning masa sude. 28Sijengniu paliuniu taduise madadbo tingga chakhet makai daode; sibosai paliuniu madad lanboga khet kariu-je-mangiukiu daode. 29Sichiujiu maleese tura-lilam tadkhaimi sune chiubo paliuniu manang mibo donniu maleekhu madai haitu sailam khinman lujiu tingbenpad ratu paliu ramgun sude. 30Sichiulujiu malee rampaodungse pak mira rangsude; sichiujiu maleese khipad khailan lujiu malee rambo tangse pasuanglam khai rabo thak kumjiu kamsude. 31Chiudi Paul niu riphendunggu chakampao nai riphendung khuga din-e. “Malee rampaodung siniu malee lungga bam makge saira, naliu ringlune chiubo maning mane.” 32Sijengniu riphendung siniu chariangse ramtap khaijiu malee situ pitad khai mide.
33Nsuan tingben padsu rabo suangga, Paul niu paliu mathiu khuga wa tiura dinsude, “Tuhoira naliuniu wa tiuta mibo hai jeng kariu-je-madaikiu khangmide. 34Sijengniu ringlu raleng wa tiukhailo chiujiu naliu khuga Iniu khengbo-e. Naliu thamhiukeng khatnadi halakge.” 35Haichiu dinlubo sai, Paul niu taruak pek thinlujiu paliu mathiu masuang gasu Tingwang tu thuonkiujiu, sise thenpang lujiu tiusude. 36Siga paliu mathiu chunwijiu, mai hinase wa tiu sude. 37Sibo malee lunggase aliu chamai kai nia-je-riak chinnia-je-charukkiu bamme. 38Sichiujiu mai hinase tiu magiu mibo sai, paliuniu maleese kam masen khaira takhui hinase duipuiga thonkhai mide.
Malee Pangmibo
39Sichiujiu tingbenpad suboga, paliuniu bambo bamse malee rampaodung siniu sita mide, chiudi paliuniu tadui bao khat ngaode, sichiujiu paliuniu maleese siga ramwang lusai chiu maningde. 40Sichiujiu paliuniu malee riangse ramtap khaijiu duipui gase thonkhai sude, siga paliuniu chariang sidi khipad khai lande. Sichiujiu paliuniu lenkhaibo faise pamasuangga jukhai lujiu tingkaitu pijiu hun malai khaijiu aliu tadpadde. 41Chiudi maleese nbuiniangga mathao khai mijiu malai silak mide; sichiujiu maleemi lamse tingthung tingkai siniu kampang tap-tap mide.
42Siga riphendung siniu kavangdungse pakmira manangbo jengniu kamshat mira kam sude. 43Chiudi riphendunggu chakampao siniu Paul tu gukhai nibo donniu sichiu makra khamde. Sibosung mai hina situ pijiu tadui jiajiu rampum genlam pakkhai sude; 44sichiujiu khangsia mainiu kapiupek thin lujiu, maksai pangpadbo maniase thinman lujiu suitadra chamtan pikhaide. Haichiujiu aliu mathiuse rampum genlam pakkhai lude.
Currently Selected:
TIENKAM 27: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TIENKAM 27
27
Paul Niu Rome Lam Malee Tonglujiu Tadbo
1Aliuniu Italy lam malee tuanglujiu tadmine chiujiu chapluboga, paliuniu Paul tu khatdi kavangkyga bammaidung khangsiatu “Wangdi Riphen” kubo Rome riphendunggu chakampao Julius khuga benlen khaide. 2Aliuniu Adramyttium gasu malee tuanglujiu Asia luongrianggu duipui lamse tadra kaden lujiu tadsude. Thessaloni gasu Mecedonia mai khat Aristarchus kubo piu aliu saisui kin-e. 3Sichiujiu pasaibo naise aliuniu Sidon ga wangtangde. Julius niu Paul tu lungsa khaijiu paniu paka-paphen maidung khuga tad mariujiu adao khaira khatdi paleng machang kamakbo hinadi pikhaira suikhaide. 4Sigasu aliu tadlan sude, sichiudi tingthung tingkaise aliu khulam hunkhaibo jengniu, aliuniu Cyprus kadihgu nbaiky lamse tadkhai mide. 5Sichiujiu aliuniu Silicia nai Pamphylia duipuise kenlujiu Lycia ga bambo Myra ga wangde. 6Siga chakampao siniu Alexandria lamsu wangbo Italy lam tadrabo aliam khat daolujiu, paniu siga aliutu khailujiu tadsude.
7Aliu chariu chang chariujiu koina maleese ramjiu naimikpui wajiukha sainiu Cnidus namdiga wangtangde. Sibo genlamse tingkai niu aliutu pitad khai makbo jengniu, aliuniu Crete dihgu nbaiky lamse Salmone Kawibo Mathakbam tulimki kenjiu aliamse tongkiude. 8Aliuniu matan tanjiu sibo genlamse kenpadjiu Kawibo Mathakbam kubo bam gase, Lasea namdi gasu diumakbo gase wangde.
9Aliuniu pawan kathengkha, chabin tadraleng kung mibo donniu, Nchuk Thoibo Tingmik#27.9: Nchuk Thoibo Tingmik: Nchuk Thoibo Tingmik haise N-gen-hiu kaloibo tingga maksai Chaga-hiu kasubo tingga changibo-e. tingse loimibo tangna siga manai khangde. Siga Paul niu paliutu haichiu laddin khai-e: 10“Singnamai yo, aliuniu nbin tadrabo npui hai kungchang kung-e; aliamdi, maniadungdi wajiukha harabo-e khatdi aliu ringtingdi hakhaibo sui-e chiubo Iniu ngao-e.” 11Sichiudi riphen-gu chakampao situ charipi nai aliam paopiu siniu hiamlujiu Paul niu dinbo suikhai makge. 12Sibo mathakbamse tathe tingga bamwi makbo bamme, maidung kakeng khaniudi tadpad miraleng din-e, khatdi daolu buisai Phoenix ga wangtangjiu, tathe tingga siga bamra machun karen-e. Phoenix haise Crete ga bambo tingrun nai tingnu lam khatdi tingpi nai tingnu lam bambo mathakbam khatle.
Duipuiga Tingthung Tingkai Wangbo
13Tingrun lamsu tingkai koina hunri-ri wangde, siga maidung siniu paliu maningbo wangtang lubui-e chiubo maning lujiu, Crete tangbo tadra maleese tuanglujiu tadsude. 14Chiudi pakak khat saiga tingkai katanbo, “Tingpi-tingkai” kubo tingkaise hunkiu sude. 15Haisiniu malee situ huntaode, sichiujiu tingkai gase, aliamse tadkiu silak mibo jengniu, pijiu tingkai situ ponkhai nibo jailam ponkhai sude. 16Cauda kadihga wangtangboga nbaiky daode. Siga aliuniu aliam situ katinkhai lande. 17Siga paliuniu maleese jupad lujiu chariangniu khinkhaide. Libya jaibek lamse pakkhai mira paliuse kapingbo jengniu, paliuniu chariangse khin manakhai lujiu, malee situ pijiu tingkainiu hunmeng hunwangjiu bamra kamkhaide. 18Tingthung tingkaise palunjiu hunbambo donniu, pasaibo naise paliuniu malee lungga bambo maniadungse lenlam thonpad sude, 19pasaibo naise paliuniu maleegu maniadungse lenlam thonpad lan sude. 20Tingthung tingkaise hunjiu bambo donniu, aliuniu naimikdi, chagandi ngaota mide. Sichiujiu kanambo gara aliu hai ringlune chiubo maningta mide.
21Maidungse pawan kathengkha katiu tiuta mibo saiga, Paul niu paliu suangga chaplujiu din-e, “Singnamai yo, naliuniu agu kadin suisai Crete lam tadkhai mak rabo-e; sichiusai haibo magenthak haise aliuniu daolakge. 22Chiudi tuhoi Iniu naliu khuga khengbo-e, hululo! Naliu mai khatnadi shai lakge, maleese ronna hakhai mirabo-e. 23Palamra danai nchunse Iniu kahum kinbo Tingwang gu maza khatniu akhuga wangjiu din-e, 24‘Ping mane! Paul yo! Wangdi masuangga nang chapsiak rabo-e. Sichiujiu natu lungsabo Tingwang siniu natu maluang tadkinmai mathiu ringting gukhaibi rabo-e.’ 25Sijengniu maidung yo, hululo! Palamra akhuga dinkhai mibo kumgapjiu padne chiubo Iniu Tingwang tu malumme. 26Chiudi aliutu kadih pabam khatlam jukhaimi sune.
27Tingthung tingkai siniu aliutu Mediterranean lam jukhai mibose jengriu-je-madaikiu tangmibo nchun-e. Chunding wan gase aliugu maleedungse kadihga wang mana mide chiubo maning masa sude. 28Sijengniu paliuniu taduise madadbo tingga chakhet makai daode; sibosai paliuniu madad lanboga khet kariu-je-mangiukiu daode. 29Sichiujiu maleese tura-lilam tadkhaimi sune chiubo paliuniu manang mibo donniu maleekhu madai haitu sailam khinman lujiu tingbenpad ratu paliu ramgun sude. 30Sichiulujiu malee rampaodungse pak mira rangsude; sichiujiu maleese khipad khailan lujiu malee rambo tangse pasuanglam khai rabo thak kumjiu kamsude. 31Chiudi Paul niu riphendunggu chakampao nai riphendung khuga din-e. “Malee rampaodung siniu malee lungga bam makge saira, naliu ringlune chiubo maning mane.” 32Sijengniu riphendung siniu chariangse ramtap khaijiu malee situ pitad khai mide.
33Nsuan tingben padsu rabo suangga, Paul niu paliu mathiu khuga wa tiura dinsude, “Tuhoira naliuniu wa tiuta mibo hai jeng kariu-je-madaikiu khangmide. 34Sijengniu ringlu raleng wa tiukhailo chiujiu naliu khuga Iniu khengbo-e. Naliu thamhiukeng khatnadi halakge.” 35Haichiu dinlubo sai, Paul niu taruak pek thinlujiu paliu mathiu masuang gasu Tingwang tu thuonkiujiu, sise thenpang lujiu tiusude. 36Siga paliu mathiu chunwijiu, mai hinase wa tiu sude. 37Sibo malee lunggase aliu chamai kai nia-je-riak chinnia-je-charukkiu bamme. 38Sichiujiu mai hinase tiu magiu mibo sai, paliuniu maleese kam masen khaira takhui hinase duipuiga thonkhai mide.
Malee Pangmibo
39Sichiujiu tingbenpad suboga, paliuniu bambo bamse malee rampaodung siniu sita mide, chiudi paliuniu tadui bao khat ngaode, sichiujiu paliuniu maleese siga ramwang lusai chiu maningde. 40Sichiujiu paliuniu malee riangse ramtap khaijiu duipui gase thonkhai sude, siga paliuniu chariang sidi khipad khai lande. Sichiujiu paliuniu lenkhaibo faise pamasuangga jukhai lujiu tingkaitu pijiu hun malai khaijiu aliu tadpadde. 41Chiudi maleese nbuiniangga mathao khai mijiu malai silak mide; sichiujiu maleemi lamse tingthung tingkai siniu kampang tap-tap mide.
42Siga riphendung siniu kavangdungse pakmira manangbo jengniu kamshat mira kam sude. 43Chiudi riphendunggu chakampao siniu Paul tu gukhai nibo donniu sichiu makra khamde. Sibosung mai hina situ pijiu tadui jiajiu rampum genlam pakkhai sude; 44sichiujiu khangsia mainiu kapiupek thin lujiu, maksai pangpadbo maniase thinman lujiu suitadra chamtan pikhaide. Haichiujiu aliu mathiuse rampum genlam pakkhai lude.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.