TIENKAM 3
3
Paphisabo Takhengtiubo Maipiu Khattu Wikhaibo
1Naikhat Peter nai John kakheng thiura Charaky lam chawan wanchak sum ningga tadle. 2Siga Mataiwibo Rengmun kubo gase papui wonlung gasu paphi sajiu manabo maipiu khat bamniu-e. Naimachangna patuse Charakyga tadmai khuga takhengra sibo rengmun-ga patu phungmeng khai bambo-e. 3Peter nai John tadngutbo ngaoboga paniu takheng lan sude. 4Panainiu patuse matingjiu phui-e khatdi Peter niu din-e, “Anai khulam phuilo!” 5Sijengniu, panai khugasu wakhat daosune chiujiu panaitu paniu phuijiu bamde. 6Chiudi Peter niu pakhuga din-e, “Akhuga kachia rangkang wadi ha-e, chiudi akhuga kabambo Iniu nakhuga pikhai bine; Nazareth Jesu Khrista zan gasu Iniu natu chamtan pibo-e, sulujiu tadsulo!” 7Sichiujiu paniu paben majatlamse julujiu pi chapkhang khaide. Siga paphi nai paphimikse tannuang mide; 8sichiujiu pase machao sude, khatdi chapkhangjiu tadmariu sude. Sichiujiu paniu panai saisui lujiu Charaky lungga tad mariujiu khatdi machaojiu Tingwang tu thuonsude. 9Paniu Tingwang tu thuonjiu tad mariu kinbose maidung siniu ngaode, 10pahai Mataiwibo Rengmun-ga ntao lujiu takheng bambo piusi-e chiubo paliuniu siluboga, pakhuga degu padmi jiulo chiubo maningkhai lujiu paliu suang hamide
Charaky Lungga Peter Niu Dinbo Cham
11Sichiujiu sibo piu siniu Solomon Kahun kubo gase Peter nai John tu julujiu bamboga paliu suang hajiu, paliu mungga pakwang karen sude. 12Peter niu maidung situ ngaoboga, paliu khuga din-e, “Singna—Israel maidung yo, dekamjiu haiga naliu suang hajiu, aliutu matingjiu phuibam jiulo? Hainapiu haitu pitad khaibo haise aliugu pumtanniu maksai characheng tadbo gasu-e chiubo naliuniu maning jiuma? 13#Tad 3.15.Abraham, Isaac khatdi Jacob Rawang, khatdi aliu paopeh Rawang niu pavangpiu Jesu khuga kendibo pikhai mibo-e. Chiudi naliuniu patuse pumtan thinmaidung khuga pikhai mibo khatdi naliuniu Pilate masuangga patu suikhai makjiu, Pilate niu patu phutkhai mira maning bamdi naliuniu patu suikhai makbo-e. 14#Mt 27.15-23; Mk 15.6-14; Lk 23.13-23; Jn 19.12-15.Pahai masanbo-e khatdi kawibo-e, chiudi chamaitu kagibo piutu naliuleng phutkhai bira naliuniu Pilate khuga khenglubo-e. 15Naliutu karingbo npuilam jukhaibo piu situ kamshat mide, chiudi Tingwang niu patuse kashaibo gasu piringsu khailan bide, haise aliuniu lamchap-e. 16Paphi sabo piu haitu pumtan pikhaibo haise pazan pumtan siniu-e. Naliuniu ngaobo khatdi sibo haise pazan-ga malumbo gasu tenkhai bibo-e; sichiujiu naliu mathiuniu ngaobambo hai Jesu tu malumbo gasu patu wikhai mibo-e.
17“Tuhoira, asingna maidung yo, Iniu silude chiubora naliuniu khatdi naliugu jupaodung siniu Jesu khuga kamkhai mibose, naliu simak gasu-e. 18Nda karaiga Tingwang niu pagu phaimiukakung maidung khuga pisikhai mibo-e chiubora pagu Messiah hai chariu khengrabo-e; sise haichiujiu piwangtang khaira kamkhai mibo-e. 19Sijengniu, naliu lungli lulo, khatdi Tingwang khulam mariwang lulo, sichiusai paniu naliu nuanse kuak khai bine. 20Sichiusai, hiupuina tankhai bibo wanse Rapiu khugasu wangne, khatdi naliuleng kadakhai mibo Messiah Jesu tu paniu langkhai bine. 21Nda karaiga Tingwang niu pagu masanbo phaimiukakung maidung khuga pisikhai mibo kumjiu mania hina kamsan lanmak then pase tinggen lam bammi rabo-e. 22#Taj 18.15,18.Palamra Mose niu din-e, ‘Rapiu naliu Rawang siniu atu langkhaibo kumjiu phaimiukakung khattu naliu khuga langwangne, khatdi pase naliu ruang gasu padrabo-e. Paniu kadinbo hinase naliuniu majai rabo-e. 23#Taj 18.19.Mai khatniu sibo phaimiukakung ladse piumak sai, patu Tingwang maidung khugasu luthon lujiu kam mahami rabo-e.’ 24Sichiujiu Samuel gasu sujiu phaimiukakung hina khatdi pasailam wangmai hinaniu tuhoi ken-ga padbambo hinase din masuang kamigu-e. 25#Chab 22.18.Tingwang niu pagu phaimiukakungdung khugasu ladriat thiukhai mibose naliuleng-e, khatdi Tingwang niu naliu pao-pehmai khuga ladriat thiukhai mibo gase naliu jaomide. Paniu Abraham khuga dinkhai mibo kumjiu, ‘Iniu nakai-kik gasu kadihpiri mai hinatu thoikhai bine.’ 26Sijengniu Tingwang niu Pavangpiu situ kadalujiu, naliu khuga langkhaibo-e, sichiujiu mai hina naliu nuan gasu lungli lusai, naliutu thoikhai birabo-e.”
Currently Selected:
TIENKAM 3: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TIENKAM 3
3
Paphisabo Takhengtiubo Maipiu Khattu Wikhaibo
1Naikhat Peter nai John kakheng thiura Charaky lam chawan wanchak sum ningga tadle. 2Siga Mataiwibo Rengmun kubo gase papui wonlung gasu paphi sajiu manabo maipiu khat bamniu-e. Naimachangna patuse Charakyga tadmai khuga takhengra sibo rengmun-ga patu phungmeng khai bambo-e. 3Peter nai John tadngutbo ngaoboga paniu takheng lan sude. 4Panainiu patuse matingjiu phui-e khatdi Peter niu din-e, “Anai khulam phuilo!” 5Sijengniu, panai khugasu wakhat daosune chiujiu panaitu paniu phuijiu bamde. 6Chiudi Peter niu pakhuga din-e, “Akhuga kachia rangkang wadi ha-e, chiudi akhuga kabambo Iniu nakhuga pikhai bine; Nazareth Jesu Khrista zan gasu Iniu natu chamtan pibo-e, sulujiu tadsulo!” 7Sichiujiu paniu paben majatlamse julujiu pi chapkhang khaide. Siga paphi nai paphimikse tannuang mide; 8sichiujiu pase machao sude, khatdi chapkhangjiu tadmariu sude. Sichiujiu paniu panai saisui lujiu Charaky lungga tad mariujiu khatdi machaojiu Tingwang tu thuonsude. 9Paniu Tingwang tu thuonjiu tad mariu kinbose maidung siniu ngaode, 10pahai Mataiwibo Rengmun-ga ntao lujiu takheng bambo piusi-e chiubo paliuniu siluboga, pakhuga degu padmi jiulo chiubo maningkhai lujiu paliu suang hamide
Charaky Lungga Peter Niu Dinbo Cham
11Sichiujiu sibo piu siniu Solomon Kahun kubo gase Peter nai John tu julujiu bamboga paliu suang hajiu, paliu mungga pakwang karen sude. 12Peter niu maidung situ ngaoboga, paliu khuga din-e, “Singna—Israel maidung yo, dekamjiu haiga naliu suang hajiu, aliutu matingjiu phuibam jiulo? Hainapiu haitu pitad khaibo haise aliugu pumtanniu maksai characheng tadbo gasu-e chiubo naliuniu maning jiuma? 13#Tad 3.15.Abraham, Isaac khatdi Jacob Rawang, khatdi aliu paopeh Rawang niu pavangpiu Jesu khuga kendibo pikhai mibo-e. Chiudi naliuniu patuse pumtan thinmaidung khuga pikhai mibo khatdi naliuniu Pilate masuangga patu suikhai makjiu, Pilate niu patu phutkhai mira maning bamdi naliuniu patu suikhai makbo-e. 14#Mt 27.15-23; Mk 15.6-14; Lk 23.13-23; Jn 19.12-15.Pahai masanbo-e khatdi kawibo-e, chiudi chamaitu kagibo piutu naliuleng phutkhai bira naliuniu Pilate khuga khenglubo-e. 15Naliutu karingbo npuilam jukhaibo piu situ kamshat mide, chiudi Tingwang niu patuse kashaibo gasu piringsu khailan bide, haise aliuniu lamchap-e. 16Paphi sabo piu haitu pumtan pikhaibo haise pazan pumtan siniu-e. Naliuniu ngaobo khatdi sibo haise pazan-ga malumbo gasu tenkhai bibo-e; sichiujiu naliu mathiuniu ngaobambo hai Jesu tu malumbo gasu patu wikhai mibo-e.
17“Tuhoira, asingna maidung yo, Iniu silude chiubora naliuniu khatdi naliugu jupaodung siniu Jesu khuga kamkhai mibose, naliu simak gasu-e. 18Nda karaiga Tingwang niu pagu phaimiukakung maidung khuga pisikhai mibo-e chiubora pagu Messiah hai chariu khengrabo-e; sise haichiujiu piwangtang khaira kamkhai mibo-e. 19Sijengniu, naliu lungli lulo, khatdi Tingwang khulam mariwang lulo, sichiusai paniu naliu nuanse kuak khai bine. 20Sichiusai, hiupuina tankhai bibo wanse Rapiu khugasu wangne, khatdi naliuleng kadakhai mibo Messiah Jesu tu paniu langkhai bine. 21Nda karaiga Tingwang niu pagu masanbo phaimiukakung maidung khuga pisikhai mibo kumjiu mania hina kamsan lanmak then pase tinggen lam bammi rabo-e. 22#Taj 18.15,18.Palamra Mose niu din-e, ‘Rapiu naliu Rawang siniu atu langkhaibo kumjiu phaimiukakung khattu naliu khuga langwangne, khatdi pase naliu ruang gasu padrabo-e. Paniu kadinbo hinase naliuniu majai rabo-e. 23#Taj 18.19.Mai khatniu sibo phaimiukakung ladse piumak sai, patu Tingwang maidung khugasu luthon lujiu kam mahami rabo-e.’ 24Sichiujiu Samuel gasu sujiu phaimiukakung hina khatdi pasailam wangmai hinaniu tuhoi ken-ga padbambo hinase din masuang kamigu-e. 25#Chab 22.18.Tingwang niu pagu phaimiukakungdung khugasu ladriat thiukhai mibose naliuleng-e, khatdi Tingwang niu naliu pao-pehmai khuga ladriat thiukhai mibo gase naliu jaomide. Paniu Abraham khuga dinkhai mibo kumjiu, ‘Iniu nakai-kik gasu kadihpiri mai hinatu thoikhai bine.’ 26Sijengniu Tingwang niu Pavangpiu situ kadalujiu, naliu khuga langkhaibo-e, sichiujiu mai hina naliu nuan gasu lungli lusai, naliutu thoikhai birabo-e.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.