TIENKAM 4
4
Peter Nai John Tu Apaimai Suangga Puiwangbo
1Peter nai John niu maidung khuga haichiu dinjiu bamboga, singkudung, Charaky akhe maidung khatdi Sadducee maidung khangsia wangde. 2Paliuse aman tamide palamra ladlangtadmai khangnia siniu kashaibo gasu Jesu tu piringsu mide chiubo maidung khuga katikhaijiu bamme, haisiniu kashaimai ringsu lanne chiubo dinlen bambo-e. 3Sijengniu paliuniu panaitu minlujiu kavangkyga pasaibo nai tangbo khai mide, palamra haise rimibo wan-e. 4Chiudi tachamse chiulumai kakeng khaniu malumde, sichiujiu paliuse chamai sang mangiu kumbo tangmide.
5Pasaibo naise Jehudi maigu jupaodung, kating maidung khatdi Tacheng-tajaigu katipaodung Jerusalem ga wang maduide. 6Paliuniu Dibo Singku Annas khatdi Caiaphas, John, Alexander, khatdi Dibo Singku kiriangmai mathiutu wang adaode. 7Paliuniu ladlangtadmai situ paliu suangga pichap khai lujiu panai khuga maniu-e, “Nanainiu haise dechiu kamjiulo? Degu pumtan, maksai sao zan gasu haise nanainiu kamjiulo?”
8Peter niu, Masanbo Hiupuina phuilujiu paliutu paokakge, “Maidunggu jupaodung khatdi kating maidung yo, 9Paphi sabo piu situ wikhai mibo lamga thainai aliu khuga maniu bamsai, 10naliu mathiuniu khatdi Israel mai mathiuniu sibambo-e, chiubora naliu masuangga chapbambo piu haitu naliuniu masengshat mibo chiudi Tingwang niu kashaibo gasu piringsu khai mibo Nazareth Jesu Khrista zan gasu piwi masan khai mibo-e. 11#T.Lui 118.22.Jesu haise Masanbo ariakniu dinbo si-e,
‘Naliu chaky kathiu maidungniu thonmibo
tukang situ kungthubo ndangtiang pithiu khai rabo-e.’
12Juringbose pakhu gasu ronna-e; pakhu gasu makjiu aliutu rankhaira kadihpiriga kaki ha-e.”
13Apaimaidung siniu Peter nai John gu kahubose ngaoluboga paliu suang hamide, sichiujiu paliuse wadi makbo tasi-ningting kahamai-e chiubo silude. Paliu hai Jesu tu maluang chaka thiukhai mibo maidung-e chiubo paliuniu silude. 14Chiudi paliuniu wadi dinra hamide, palamra wikhai mibo piuse Peter nai John tu maluang lujiu siga chap bamme. 15Sijengniu paliuniu Apaimai bamse phutlujiu tadmira panai khuga chamtan pikhaide, sichiujiu paliu ronna ari sude. 16“Haibo maidung haitu aliuniu nde kamralo?” chiujiu paliu maniu sude. “Jerusalem ga lungbam mai hinaniu haikumbo tasibo tienkam hai paliu khugasu kamkhai bi-e chiubo sibamme, khatdi aliuniu haise suimakbo thiu silakge. 17Chiudi haibo chamse maidung khuga Jesu zan gasu dinlan makra aliuniu paliutu chamtan pikhe.”
18Sijengniu paliuniu paliutu ku malan ngutlujiu, wakam tadi Jesu zan gasu din makra maksai katikhai makra paliu khuga dinkhaide. 19Chiudi Peter nai John niu paliutu paokakge, “Naliu ronna Tingwang suangga ladjan thiululo, naliu kadin piurama maksai Tingwang kadin piuralo. 20Palamra aliu pumsiakniu ngaomibo khatdi chiumibose aliuniu dinmak silakge.” 21Sijengniu Apaimaidung siniu panaitu ru-katinkhai lujiu phut mide. Paliutu kam mathad khaira leng daolakge chiubo paliuniu ngao-e, palamra mai hinaniu padmibo lamga Tingwang tu thuonjiu bamme. 22Tasibo tienkam niu wikhai mibo piu haise takum atai rilam khang mibo piu-e.
Malum Maidungniu Hura Khengbo
23Peter nai John tu phutkhai gap chiuboga, panainiu paliu phomga wanglujiu singku paodung khatdi kating maidungniu degu dinkhailo chiubo paliu khuga wang paokhaide. 24#Tad 20.11; Neh 9.6; T.Lui 146.6.Haise malum maidungniu chiuboga, paliu mathiu aruang lujiu Tingwang khuga kakheng thiude: “Ting-kadih khatdi sibo lungga bambo wahinatu Dampao khatdi Papaopiu yo! 25#T.Lui 2.1,2.Masanbo Hiupuina pen gasu aliu pao David, navangpiu khuga nangniu haichiu dinkhaibo-e,
‘Dekamjiu Nkeng maidung pom bamjiulo;
dekamjiu paliuniu gengmakbo maningbam jiulo?
26Rapiu riga khatdi pagu Messiah riga, kadihpiri wangdungniu atung bamme,
khatdi mawangpaodung siniu suimakjiu bamme.”
27 #
Lk 23.7-11;
Mt 27.1,2; Mk 15.1; Lk 23.1; Jn 18.28,29. Palamra nagu masanbo Vangpiu, nangniu Messiah leng kadakhai mibo Jesu riga, haibo namdi gasu Herod nai Pontius Pilate aruang lujiu, Nkeng maidung nai Israel maidung chunkhat thiu mide. 28Nangniu khatdi nagu pumtan nai nachunniu kadenkhai mibo hina situ atung raleng wang madui bamme. 29Sichiujiu tuhoira, Rapiu yo, paliuniu aliutu kapinjiu bambo haise phui khailo, sichiujiu navangmai aliuniu nachamse hujiu dinlura suikhailo. 30Nagu masanbo Vangpiu Jesu zan gasu tasibo khatdi maisuang habo tienkam kamlura khatdi thiuniubo wilura naben jusung khailo.”
31Sichiujiu paliuniu khenglubo sai, paliu madui bambo bamse malai wangde. Paliu mathiuse Masanbo Hiupuina niu phuilujiu Tingwang chamse hujiu dinsude.
Malum Maidungniu Paliugu Aruangbo
32 #
Tk 2.44,45. Malum maidungse chunkhat lungkhat thiumide. Mai khatniudi paliugu kabambose pagu-e chiubo dinmakge, chiudi paliugu kabambo hinase mathiu thin aruangjiu bamde. 33Ladlangtadmaidung siniu pumtan jaojiu Rapiu Jesu ringsulan mibo lamga jengdin thiu-e, siga Tingwang niu paliu mathiu riga thoidam dijiu pikhai bide. 34Paliu ruangga mai khat lengdi tangmakbo thiumakge, Paky, palu bammaidung siniu jonlujiu daobo rangkangse, 35phungwangjiu ladlangtadmai khuga pikhaijiu mai hinaleng pageng bambo saisuijiu njan khaijiu bamde. 36Sichiujiu Cyprus gasu manabo Joseph, Levi mai khat ladlangtadbo, Barnabas kubo (parambaniu “Lungtu pikhaibibo”) siniu, 37palu bambose jonlujiu rangkangse ladlangtadmai khuga phungwang pikhaide.
Currently Selected:
TIENKAM 4: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TIENKAM 4
4
Peter Nai John Tu Apaimai Suangga Puiwangbo
1Peter nai John niu maidung khuga haichiu dinjiu bamboga, singkudung, Charaky akhe maidung khatdi Sadducee maidung khangsia wangde. 2Paliuse aman tamide palamra ladlangtadmai khangnia siniu kashaibo gasu Jesu tu piringsu mide chiubo maidung khuga katikhaijiu bamme, haisiniu kashaimai ringsu lanne chiubo dinlen bambo-e. 3Sijengniu paliuniu panaitu minlujiu kavangkyga pasaibo nai tangbo khai mide, palamra haise rimibo wan-e. 4Chiudi tachamse chiulumai kakeng khaniu malumde, sichiujiu paliuse chamai sang mangiu kumbo tangmide.
5Pasaibo naise Jehudi maigu jupaodung, kating maidung khatdi Tacheng-tajaigu katipaodung Jerusalem ga wang maduide. 6Paliuniu Dibo Singku Annas khatdi Caiaphas, John, Alexander, khatdi Dibo Singku kiriangmai mathiutu wang adaode. 7Paliuniu ladlangtadmai situ paliu suangga pichap khai lujiu panai khuga maniu-e, “Nanainiu haise dechiu kamjiulo? Degu pumtan, maksai sao zan gasu haise nanainiu kamjiulo?”
8Peter niu, Masanbo Hiupuina phuilujiu paliutu paokakge, “Maidunggu jupaodung khatdi kating maidung yo, 9Paphi sabo piu situ wikhai mibo lamga thainai aliu khuga maniu bamsai, 10naliu mathiuniu khatdi Israel mai mathiuniu sibambo-e, chiubora naliu masuangga chapbambo piu haitu naliuniu masengshat mibo chiudi Tingwang niu kashaibo gasu piringsu khai mibo Nazareth Jesu Khrista zan gasu piwi masan khai mibo-e. 11#T.Lui 118.22.Jesu haise Masanbo ariakniu dinbo si-e,
‘Naliu chaky kathiu maidungniu thonmibo
tukang situ kungthubo ndangtiang pithiu khai rabo-e.’
12Juringbose pakhu gasu ronna-e; pakhu gasu makjiu aliutu rankhaira kadihpiriga kaki ha-e.”
13Apaimaidung siniu Peter nai John gu kahubose ngaoluboga paliu suang hamide, sichiujiu paliuse wadi makbo tasi-ningting kahamai-e chiubo silude. Paliu hai Jesu tu maluang chaka thiukhai mibo maidung-e chiubo paliuniu silude. 14Chiudi paliuniu wadi dinra hamide, palamra wikhai mibo piuse Peter nai John tu maluang lujiu siga chap bamme. 15Sijengniu paliuniu Apaimai bamse phutlujiu tadmira panai khuga chamtan pikhaide, sichiujiu paliu ronna ari sude. 16“Haibo maidung haitu aliuniu nde kamralo?” chiujiu paliu maniu sude. “Jerusalem ga lungbam mai hinaniu haikumbo tasibo tienkam hai paliu khugasu kamkhai bi-e chiubo sibamme, khatdi aliuniu haise suimakbo thiu silakge. 17Chiudi haibo chamse maidung khuga Jesu zan gasu dinlan makra aliuniu paliutu chamtan pikhe.”
18Sijengniu paliuniu paliutu ku malan ngutlujiu, wakam tadi Jesu zan gasu din makra maksai katikhai makra paliu khuga dinkhaide. 19Chiudi Peter nai John niu paliutu paokakge, “Naliu ronna Tingwang suangga ladjan thiululo, naliu kadin piurama maksai Tingwang kadin piuralo. 20Palamra aliu pumsiakniu ngaomibo khatdi chiumibose aliuniu dinmak silakge.” 21Sijengniu Apaimaidung siniu panaitu ru-katinkhai lujiu phut mide. Paliutu kam mathad khaira leng daolakge chiubo paliuniu ngao-e, palamra mai hinaniu padmibo lamga Tingwang tu thuonjiu bamme. 22Tasibo tienkam niu wikhai mibo piu haise takum atai rilam khang mibo piu-e.
Malum Maidungniu Hura Khengbo
23Peter nai John tu phutkhai gap chiuboga, panainiu paliu phomga wanglujiu singku paodung khatdi kating maidungniu degu dinkhailo chiubo paliu khuga wang paokhaide. 24#Tad 20.11; Neh 9.6; T.Lui 146.6.Haise malum maidungniu chiuboga, paliu mathiu aruang lujiu Tingwang khuga kakheng thiude: “Ting-kadih khatdi sibo lungga bambo wahinatu Dampao khatdi Papaopiu yo! 25#T.Lui 2.1,2.Masanbo Hiupuina pen gasu aliu pao David, navangpiu khuga nangniu haichiu dinkhaibo-e,
‘Dekamjiu Nkeng maidung pom bamjiulo;
dekamjiu paliuniu gengmakbo maningbam jiulo?
26Rapiu riga khatdi pagu Messiah riga, kadihpiri wangdungniu atung bamme,
khatdi mawangpaodung siniu suimakjiu bamme.”
27 #
Lk 23.7-11;
Mt 27.1,2; Mk 15.1; Lk 23.1; Jn 18.28,29. Palamra nagu masanbo Vangpiu, nangniu Messiah leng kadakhai mibo Jesu riga, haibo namdi gasu Herod nai Pontius Pilate aruang lujiu, Nkeng maidung nai Israel maidung chunkhat thiu mide. 28Nangniu khatdi nagu pumtan nai nachunniu kadenkhai mibo hina situ atung raleng wang madui bamme. 29Sichiujiu tuhoira, Rapiu yo, paliuniu aliutu kapinjiu bambo haise phui khailo, sichiujiu navangmai aliuniu nachamse hujiu dinlura suikhailo. 30Nagu masanbo Vangpiu Jesu zan gasu tasibo khatdi maisuang habo tienkam kamlura khatdi thiuniubo wilura naben jusung khailo.”
31Sichiujiu paliuniu khenglubo sai, paliu madui bambo bamse malai wangde. Paliu mathiuse Masanbo Hiupuina niu phuilujiu Tingwang chamse hujiu dinsude.
Malum Maidungniu Paliugu Aruangbo
32 #
Tk 2.44,45. Malum maidungse chunkhat lungkhat thiumide. Mai khatniudi paliugu kabambose pagu-e chiubo dinmakge, chiudi paliugu kabambo hinase mathiu thin aruangjiu bamde. 33Ladlangtadmaidung siniu pumtan jaojiu Rapiu Jesu ringsulan mibo lamga jengdin thiu-e, siga Tingwang niu paliu mathiu riga thoidam dijiu pikhai bide. 34Paliu ruangga mai khat lengdi tangmakbo thiumakge, Paky, palu bammaidung siniu jonlujiu daobo rangkangse, 35phungwangjiu ladlangtadmai khuga pikhaijiu mai hinaleng pageng bambo saisuijiu njan khaijiu bamde. 36Sichiujiu Cyprus gasu manabo Joseph, Levi mai khat ladlangtadbo, Barnabas kubo (parambaniu “Lungtu pikhaibibo”) siniu, 37palu bambose jonlujiu rangkangse ladlangtadmai khuga phungwang pikhaide.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.