TIENKAM PISIKHAIRAIBO
PISIKHAIRAIBO
Ladlangtadmai gu Tienkam hai Luke gu Kawicham gasu wang taronbo-e. Haibo Tienkam gu parathiubo machun sira Jesu saisui karai maidungtu Masanbo Hiupuina niu majangkhai bibo jengniu Jesu lamga Kawicham hai Jerusalem ga, Judaea pakhiangnaga, Samaria ga khatdi kadih pamalan tangjiu dinronlu-e chiubo-e (1.8). Jehudi maidung khugasu raijiu kadihpiri pakhiangnaga malumbo hai padbo-e khatdi Khristian thiusubo rachamme. Karaopao siniu pacham kentao mai hina khuga Khristian maise kadihpirigu pumtan thinmai kumjiu Rome maitu kapinbo makge chiudi Khristian malum hai Jehudimai chengtu piwang tang khaibo-e chiubo pisi masan khaibo-e.
Jesu lamga Kawicham dinronjiu phumling lingsu khaijiu kam madikhai mibo lamse lenkhaijiu Tienkam haitu palam sum thiujiu njan padbo khai-e: (1) Jesu tinggen khangmibo gasu Jerusalem ga Khristian thiusu raibo, (2) Palestine ram lungga pabam tam-tamboga dinronbo, khatdi (3) Mediterranean kadih gasu Rome tangbo dinronbo.
Tienkam ga parathiubora Pentecost nai Masanbo Hiupuina niu pumtan jaojiu malummai khuga tatien thiukhaibo haitu ariakkhuangniu madupadbo kumjiu Hiupuina siniu majangkhai taronjiu phumlingtu khatdi jupaodungtu pumtan pikhai-e. Khristian thiupad karaimaigu racham hai ladpui riakga taliu khai-e, khatdi haibogu pumtanse malum maidunggu ringtingga khatdi phumling thiusuboga lenkhai-e.
Palungga Bambodung
Jengdin thiubo lamga kadenbo (1.1-26)
a. Jesu gu kanambo chamtan khatdi ladriat (1.1-14)
b. Judas sung malinbo (1.15-26)
Jerusalem ga jengdin thiubo (2.1—8.3)
Judaea nai Samaria ga jengdin thiubo (8.4—12.25)
Paul gu tienkamdung (13.1—28.31)
a. Karaibo Dinronbo tabin (13.1—14.28)
b. Jerusalem ga maduibo (15.1-35)
c. Niabo Dinronbo tabin (15.36—18.22)
d. Sumbo Dinronbo tabin (18.23—21.16)
e. Paul niu Jerusalem ga, Caesarea ga khatdi Rome gu kavangkyga bambo (21.17—28.31)
Currently Selected:
TIENKAM PISIKHAIRAIBO: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.