TADPADBO 20
20
Chamtan Kariu
(Taj 5.1-21)
1Tingwang niu din-e, khatdi haise pagu ladkengsi-e: 2“Naliuniu kavang thiujiu bambo Egypt dih gasu maluang padbo naliu Rawang, Rapiu se I-e.
3“Atu makbo kaki ratu kahum mane.
4 #
Tad 34.17; Lev 19.4; 26.1; Taj 4.15-18; 27.15. “Tinggen gadi, kadihpiri gadi, tadui lungga tadi naliuniu charameng dam mane. 5#Tad 34.6,7; Par 14.18; Taj 7.9,10.Charameng khat tudi kahum mane, palamra naliu Rawang Rapiu Ira mai khattudi akad silakge. Atu marengmai rigara Iniu paliu kaikik chaken sumbo nai madaibo gadi sajai pikhai rabo-e. 6Chiudi atu lungsamai rigara khatdi agu tacheng tajaitu majaimai rigara Iniu chaken sang-sang tangbo lungsa khai rabo-e.
7 #
Lev 19.12. “Azan hai kasabo leng thinpiu mane, palamra naliu Rawang, Rapiu Ira azan thinmao mai hinatu sajai pirabo-e.
8 #
Tad 16.23-30; 31.12-14. “Tabamnai haitu rimawijiu khatdi masanjiu thinpiulo. 9#Tad 23.12; 31.15; 34.21; 35.2; Lev 23.3.Naliuniu tatien thiura jeng charuk bamme. 10Chiudi chinniabo nai haira aleng kadkhaibo mathakbo nai-e. Sibo nai sira mai khatdi, nangdi, nanahmaidi, nagu khaorui-khaonadi maksai nagu kadihga lungbo sangdiumaidi tatien thiubo suimakge. 11#Chab 2.1-3; Tad 31.17.Jeng charuk lungga, Rapiu Iniu ting-kadih, duipui khatdi sibo lungga bambo hina damlujiu, chinniabo nai hai mathak mibo-e. Sijengniu Rapiu, Iniu Tabamnai haitu thoikhaijiu kam masan khai mibo-e.
12 #
Taj 27.16; Mt 15.4; 19.19; Mk 7.10; 10.19; Lk 18.20; Eph 6.2;
Eph 6.3. “Napui-napiutu chakhuang thiulo, sichiusai Iniu naliuleng pikhaibo kadihga naliu ringtheng rabo-e.
13 #
Chab 9.6; Lev 24.17; Mt 5.21; 19.18; Mk 10.19; Lk 18.20; Rom 13.9; Jas 2.11. “Maitu kamshat mane.
14 #
Lev 20.10; Mt 5.27; 19.18; Mk 10.19; Lk 18.20; Rom 13.9; Jas 2.11. “Makha mane.
15 #
Lev 19.11; Mt 19.18; Mk 10.19; Lk 18.20; Rom 13.9. “Aga mane.
16 #
Tad 23.1; Mt 19.18; Mk 10.19; Lk 18.20. “Mai khat tudi aratjiu kammao mane.
17 #
Rom 7.7; 13.9. “Maiky masia mane; mainaotu masen mane; maivangtu, maigu khaorui-khaonatu, maigu qonniamtu maksai maigu chiubo hinatu masia mane.”
Maidungniu Pingbo
(Taj 5.22-33)
18 #
Heb 12.18,19. Maidungniu tingsim khuan khatdi make mudbo khuan chiuboga hengri kalikbo nai mikhut khapumbo maluongse ngaoboga, pingboniu kaphik-rai-rai mide khatdi chap npen mide. 19Paliuniu Mose khuga din-e, “Nangniu aliu khuga dinsai, aliu nking lune, chiudi Tingwang niu aliu khuga dinsai, aliu shai mira ping-e.”
20Mose niu paokakge, “Pingmane, Tingwang niu naliutu madiura khatdi naliuniu palad piujiu bamra, khatdi naliuniu nuan kam makra leng-e.” 21Chiudi maidungse chap npenjiu chapbam mide, sichiujiu Tingwang bambo kamuangjiu gase Mose ronna wang mana-e.
Rathakbam Lamga Tacheng-Tajai
22Israel mai khuga dinkhaira Rapiu niu Mose khuga chamtan pikhai-e: “Tinggen lamsu, Rapiu, Iniu naliutu dechiu npaolo chiubo naliu ngao lude. 23Atu makbo naliuniu kahumra naliu ronna kachianiu maksai rangkangginiu charameng dambo suimakge. 24Taniangniu rathakbam kamlujiu, sibo rigasu mily khatdi khaoruidung maring rukhaibo maksai kakibo rathak hina akhuga kadkhailo. Naliuniu atu kahumra Iniu naliuleng pikhaibo bam hinaga, Iniu wangjiu naliutu thoikhai bine. 25#Taj 27.5-7; Jos 8.31.Naliuniu tatu thinlujiu rathakbam thiusai sibo tuse ruimane, palamra naliuniu tatu rigase mikhutki kam khaibose aleng buimakge. 26Naliuniu aleng rathakbam kamboga buangkhang raleng tason donkhai mane; naliuniu sise kamsai, siga naliu buangkhangbo tingga wasao thiumi rabo-e.
Currently Selected:
TADPADBO 20: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TADPADBO 20
20
Chamtan Kariu
(Taj 5.1-21)
1Tingwang niu din-e, khatdi haise pagu ladkengsi-e: 2“Naliuniu kavang thiujiu bambo Egypt dih gasu maluang padbo naliu Rawang, Rapiu se I-e.
3“Atu makbo kaki ratu kahum mane.
4 #
Tad 34.17; Lev 19.4; 26.1; Taj 4.15-18; 27.15. “Tinggen gadi, kadihpiri gadi, tadui lungga tadi naliuniu charameng dam mane. 5#Tad 34.6,7; Par 14.18; Taj 7.9,10.Charameng khat tudi kahum mane, palamra naliu Rawang Rapiu Ira mai khattudi akad silakge. Atu marengmai rigara Iniu paliu kaikik chaken sumbo nai madaibo gadi sajai pikhai rabo-e. 6Chiudi atu lungsamai rigara khatdi agu tacheng tajaitu majaimai rigara Iniu chaken sang-sang tangbo lungsa khai rabo-e.
7 #
Lev 19.12. “Azan hai kasabo leng thinpiu mane, palamra naliu Rawang, Rapiu Ira azan thinmao mai hinatu sajai pirabo-e.
8 #
Tad 16.23-30; 31.12-14. “Tabamnai haitu rimawijiu khatdi masanjiu thinpiulo. 9#Tad 23.12; 31.15; 34.21; 35.2; Lev 23.3.Naliuniu tatien thiura jeng charuk bamme. 10Chiudi chinniabo nai haira aleng kadkhaibo mathakbo nai-e. Sibo nai sira mai khatdi, nangdi, nanahmaidi, nagu khaorui-khaonadi maksai nagu kadihga lungbo sangdiumaidi tatien thiubo suimakge. 11#Chab 2.1-3; Tad 31.17.Jeng charuk lungga, Rapiu Iniu ting-kadih, duipui khatdi sibo lungga bambo hina damlujiu, chinniabo nai hai mathak mibo-e. Sijengniu Rapiu, Iniu Tabamnai haitu thoikhaijiu kam masan khai mibo-e.
12 #
Taj 27.16; Mt 15.4; 19.19; Mk 7.10; 10.19; Lk 18.20; Eph 6.2;
Eph 6.3. “Napui-napiutu chakhuang thiulo, sichiusai Iniu naliuleng pikhaibo kadihga naliu ringtheng rabo-e.
13 #
Chab 9.6; Lev 24.17; Mt 5.21; 19.18; Mk 10.19; Lk 18.20; Rom 13.9; Jas 2.11. “Maitu kamshat mane.
14 #
Lev 20.10; Mt 5.27; 19.18; Mk 10.19; Lk 18.20; Rom 13.9; Jas 2.11. “Makha mane.
15 #
Lev 19.11; Mt 19.18; Mk 10.19; Lk 18.20; Rom 13.9. “Aga mane.
16 #
Tad 23.1; Mt 19.18; Mk 10.19; Lk 18.20. “Mai khat tudi aratjiu kammao mane.
17 #
Rom 7.7; 13.9. “Maiky masia mane; mainaotu masen mane; maivangtu, maigu khaorui-khaonatu, maigu qonniamtu maksai maigu chiubo hinatu masia mane.”
Maidungniu Pingbo
(Taj 5.22-33)
18 #
Heb 12.18,19. Maidungniu tingsim khuan khatdi make mudbo khuan chiuboga hengri kalikbo nai mikhut khapumbo maluongse ngaoboga, pingboniu kaphik-rai-rai mide khatdi chap npen mide. 19Paliuniu Mose khuga din-e, “Nangniu aliu khuga dinsai, aliu nking lune, chiudi Tingwang niu aliu khuga dinsai, aliu shai mira ping-e.”
20Mose niu paokakge, “Pingmane, Tingwang niu naliutu madiura khatdi naliuniu palad piujiu bamra, khatdi naliuniu nuan kam makra leng-e.” 21Chiudi maidungse chap npenjiu chapbam mide, sichiujiu Tingwang bambo kamuangjiu gase Mose ronna wang mana-e.
Rathakbam Lamga Tacheng-Tajai
22Israel mai khuga dinkhaira Rapiu niu Mose khuga chamtan pikhai-e: “Tinggen lamsu, Rapiu, Iniu naliutu dechiu npaolo chiubo naliu ngao lude. 23Atu makbo naliuniu kahumra naliu ronna kachianiu maksai rangkangginiu charameng dambo suimakge. 24Taniangniu rathakbam kamlujiu, sibo rigasu mily khatdi khaoruidung maring rukhaibo maksai kakibo rathak hina akhuga kadkhailo. Naliuniu atu kahumra Iniu naliuleng pikhaibo bam hinaga, Iniu wangjiu naliutu thoikhai bine. 25#Taj 27.5-7; Jos 8.31.Naliuniu tatu thinlujiu rathakbam thiusai sibo tuse ruimane, palamra naliuniu tatu rigase mikhutki kam khaibose aleng buimakge. 26Naliuniu aleng rathakbam kamboga buangkhang raleng tason donkhai mane; naliuniu sise kamsai, siga naliu buangkhangbo tingga wasao thiumi rabo-e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.