TADPADBO 21
21
Kavangtu Thin Piurabo Lam
(Taj 15.12-18)
1“Tacheng-tajaidung hai Israel mai khuga pikhai bilo: 2#Lev 25.39-46.Naliuniu Hebrew mai kavang khattu liusai, paniu naliuleng takum charuk tatien thiu rabo-e. Chinniabo kumse patu wadi lumakjiu matha phutkhai rabo-e. 3Paniu naliu vang thiuwangbo tingga panao thiumak bamniu sai, patu phutkhaibo tingga panaotu maluang tadmak rabo-e; chiudi paniu naliu vang thiuwangbo tingga panao thiubamniu sai, paniu panaotu maluang tadbo sui-e. 4Pawangpiu siniu panaoleng pikhaijiu panahpuidung, panahpiudung lungsai, panao-panahmai hinase pawangpiu gu-e, pah papumruang tadpad rabo-e. 5Chiudi kavang siniu pawangpiutu, panao-panahmaitu lungsa-e chiujiu dinsai, khatdi npadni maksai, 6pawangpiu siniu kahumbo bamga patu puitad rabo-e. Siga paniu patu kamun-ga maksai kamun hiuga pichap lujiu pakuon butkhai rabo-e. Sichiusai, pase pagu ringting pavang thiumi rabo-e.
7“Mai khatniu panahpuitu kavang leng jonkhai sai, patuse npiumai kavangtu kumjiu phutkhai mak rabo-e. 8Mai khatniu patu liulujiu panao thiunisai, chiudi paniu luraolan misai, patuse papiu khuga jonkhai lanrabo-e; pawangpiu siniu patu sangdiumai khulam jonkhaibo suimakge, palamra paniu patu kam masa mibo-e. 9Mai khatniu kavangpuitu liulujiu panahpiu leng pikhaisai, paniu patu panahpuitu kumjiu kamrabo-e. 10Mai khatniu panao-napui thiusai, paniu panao karaipui situ karaiga pibambo katiu-kasak khatdi fai-nidung kumgapjiu pibam rabo-e. 11Paniu haikumbose pakhuga kamkhai ngam laksai, paniu patu matha phutkhai rabo-e, sichiujiu paman-pagi lumak rabo-e.
Nkhai Kasabo Lamga Tajai
12 #
Lev 24.17. “Mai khatniu mai khattu dapshat misai, patudi kamshat mirabo-e. 13#Par 35.10-34; Taj 19.1-13.Chiudi sise paniu kamnijiu kambo makjiu kammao misai, naliuleng Iniu kadakhaibo bam gase paniu tadlujiu mari lubui-e, siga pah ring lubui-e. 14Chiudi mai khatniu palungpom gasu mai khattu kamshat siakra kamjiu kamshat misai, paniu agu rathakbamga pakwang nbai bamdi patu kamshat mirabo-e.
15“Mai khatniu papuitu maksai papiutu dapsai, patu kamshat mirabo-e.
16 #
Taj 24.7. “Mai khatniu mai khattu minlujiu, jonra maksai pavang pithiura kamsai, patu kamshat mirabo-e.
17 #
Lev 20.9; Mt 15.4; Mk 7.10. “Mai khatniu papuitu maksai papiutu tasiang siangsai, patu kamshat mirabo-e.
18“Mai khatniu n-gijiu mai khattu tatuniu rotjiu, maksai pa-njumniu jumjiu, patuse dapshat maksai, patu sajai pimak rabo-e. 19Chiudi paniu dapkhaibo piuse taziga jibam mijiu, pasainiu tathun thinlu tadpad ngamlan lusai, pajeng hamibo kak lungga chaphijengse paniu majonra rabo-e, khatdi pah wimak then paniu akhirabo-e.
20“Mai khatniu tasing thinlujiu pavangpuitu maksai pavangpiutu pabam gasu dapshat misai, patuse sajai pirabo-e. 21Chiudi kavang siniu naikhat jengnia lungga shaimak misai, pawangpiu situ sajai pira ha-e. Pagu mania nchum mibo siniu buimide.
22“Maidung khangsianiu adapjiu pawon phungbo puitu kam ajamjiu panah kiumi sai, chiudi patura kam ajam mathiu maksai, pakinaniu kakhengbo khatdi ladjanpaoniu suikhaibose patu kam-ajambo piuniu majon rabo-e. 23Chiudi maipui situ kam-ajam misai, sibo sajai sira ringting sung ringting, 24#Lev 24.19,20; Taj 19.21; Mt 5.38.chamik sung chamik, chahiu sung chahiu, chaben sung chaben, chaphi sung chaphi, 25chami rubo sung chami rubo, tajam sung tajam thiu rabo-e.
26“Mai khatniu pavangpuitu maksai pavangpiutu pamikga dapjiu, pamik tiatmisai, pamik tiatmibo sung patu phutkhai mirabo-e. 27Paniu pahiu kakhiutang misai, pahiu sung patu phutkhai mirabo-e.
Papaopiudunggu Ngiudon
28“Kabuichiniu mai khattu mathaoshat misai, kabuichi situ tatuniu rotshatmi rabo-e, khatdi pazanse tiumak rabo-e; chiudi papaopiu situra sajai pimak rabo-e. 29Chiudi kabuichi siniu maitu mathaora kamkinjiu papaopiutu sibo lamga pisikhaijiu kachankhai misai, chiudi paniu wajeng simakjiu, paniu raolu nbangmi maksai haisitu tatuniu rotshat mirabo-e, khatdi papaopiu tudi kamshat mirabo-e. 30Chiudi papaopiu siniu majon pira suisai, pagu ringtingtu ranlubui majon rabo-e. 31Kabuichi siniu npuimai nahtu tadi, npiumai nahtu tadi kamshat misai sikum gapjiu kamrabo-e. 32Kabuichi siniu maivangpui khattu maksai maivangpiu khattu kamshat misai, kavang npaopiu situ rangkang samriu majon rabo-e, khatdi kabuichi situ tatuniu rotshat mirabo-e.
33“Mai khatniu chakhomky mahgom lupad lujiu, maksai chakhomky khat chulujiu sise gomkhai makjiu, kabuichi maksai qonniam nkhuang khai misai, 34paniu wakhao shaimibo manse majon rabo-e. Paniu wakhao manse majon lujiu paphaw sira paniu lubo sui-e. 35Mai khat gu buichiniu mai khat buichitu mathaoshat misai, panai khangnia siniu karingbo situ jonlujiu pamanse njan rabo-e, kashaibo zan sidi njan tiu rabo-e. 36Chiudi mai khat buichise mathao tanbo lunlung bamjiu papaopiutu pisikhaijiu kachankhai misai, chiudi paniu wajeng simakjiu paniu raolu nbangmi maksai, hamibo situ paniu karingbo buichi siniu majon rabo-e, chiudi kashaibo khao sira paniu lubo sui-e.
Currently Selected:
TADPADBO 21: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TADPADBO 21
21
Kavangtu Thin Piurabo Lam
(Taj 15.12-18)
1“Tacheng-tajaidung hai Israel mai khuga pikhai bilo: 2#Lev 25.39-46.Naliuniu Hebrew mai kavang khattu liusai, paniu naliuleng takum charuk tatien thiu rabo-e. Chinniabo kumse patu wadi lumakjiu matha phutkhai rabo-e. 3Paniu naliu vang thiuwangbo tingga panao thiumak bamniu sai, patu phutkhaibo tingga panaotu maluang tadmak rabo-e; chiudi paniu naliu vang thiuwangbo tingga panao thiubamniu sai, paniu panaotu maluang tadbo sui-e. 4Pawangpiu siniu panaoleng pikhaijiu panahpuidung, panahpiudung lungsai, panao-panahmai hinase pawangpiu gu-e, pah papumruang tadpad rabo-e. 5Chiudi kavang siniu pawangpiutu, panao-panahmaitu lungsa-e chiujiu dinsai, khatdi npadni maksai, 6pawangpiu siniu kahumbo bamga patu puitad rabo-e. Siga paniu patu kamun-ga maksai kamun hiuga pichap lujiu pakuon butkhai rabo-e. Sichiusai, pase pagu ringting pavang thiumi rabo-e.
7“Mai khatniu panahpuitu kavang leng jonkhai sai, patuse npiumai kavangtu kumjiu phutkhai mak rabo-e. 8Mai khatniu patu liulujiu panao thiunisai, chiudi paniu luraolan misai, patuse papiu khuga jonkhai lanrabo-e; pawangpiu siniu patu sangdiumai khulam jonkhaibo suimakge, palamra paniu patu kam masa mibo-e. 9Mai khatniu kavangpuitu liulujiu panahpiu leng pikhaisai, paniu patu panahpuitu kumjiu kamrabo-e. 10Mai khatniu panao-napui thiusai, paniu panao karaipui situ karaiga pibambo katiu-kasak khatdi fai-nidung kumgapjiu pibam rabo-e. 11Paniu haikumbose pakhuga kamkhai ngam laksai, paniu patu matha phutkhai rabo-e, sichiujiu paman-pagi lumak rabo-e.
Nkhai Kasabo Lamga Tajai
12 #
Lev 24.17. “Mai khatniu mai khattu dapshat misai, patudi kamshat mirabo-e. 13#Par 35.10-34; Taj 19.1-13.Chiudi sise paniu kamnijiu kambo makjiu kammao misai, naliuleng Iniu kadakhaibo bam gase paniu tadlujiu mari lubui-e, siga pah ring lubui-e. 14Chiudi mai khatniu palungpom gasu mai khattu kamshat siakra kamjiu kamshat misai, paniu agu rathakbamga pakwang nbai bamdi patu kamshat mirabo-e.
15“Mai khatniu papuitu maksai papiutu dapsai, patu kamshat mirabo-e.
16 #
Taj 24.7. “Mai khatniu mai khattu minlujiu, jonra maksai pavang pithiura kamsai, patu kamshat mirabo-e.
17 #
Lev 20.9; Mt 15.4; Mk 7.10. “Mai khatniu papuitu maksai papiutu tasiang siangsai, patu kamshat mirabo-e.
18“Mai khatniu n-gijiu mai khattu tatuniu rotjiu, maksai pa-njumniu jumjiu, patuse dapshat maksai, patu sajai pimak rabo-e. 19Chiudi paniu dapkhaibo piuse taziga jibam mijiu, pasainiu tathun thinlu tadpad ngamlan lusai, pajeng hamibo kak lungga chaphijengse paniu majonra rabo-e, khatdi pah wimak then paniu akhirabo-e.
20“Mai khatniu tasing thinlujiu pavangpuitu maksai pavangpiutu pabam gasu dapshat misai, patuse sajai pirabo-e. 21Chiudi kavang siniu naikhat jengnia lungga shaimak misai, pawangpiu situ sajai pira ha-e. Pagu mania nchum mibo siniu buimide.
22“Maidung khangsianiu adapjiu pawon phungbo puitu kam ajamjiu panah kiumi sai, chiudi patura kam ajam mathiu maksai, pakinaniu kakhengbo khatdi ladjanpaoniu suikhaibose patu kam-ajambo piuniu majon rabo-e. 23Chiudi maipui situ kam-ajam misai, sibo sajai sira ringting sung ringting, 24#Lev 24.19,20; Taj 19.21; Mt 5.38.chamik sung chamik, chahiu sung chahiu, chaben sung chaben, chaphi sung chaphi, 25chami rubo sung chami rubo, tajam sung tajam thiu rabo-e.
26“Mai khatniu pavangpuitu maksai pavangpiutu pamikga dapjiu, pamik tiatmisai, pamik tiatmibo sung patu phutkhai mirabo-e. 27Paniu pahiu kakhiutang misai, pahiu sung patu phutkhai mirabo-e.
Papaopiudunggu Ngiudon
28“Kabuichiniu mai khattu mathaoshat misai, kabuichi situ tatuniu rotshatmi rabo-e, khatdi pazanse tiumak rabo-e; chiudi papaopiu situra sajai pimak rabo-e. 29Chiudi kabuichi siniu maitu mathaora kamkinjiu papaopiutu sibo lamga pisikhaijiu kachankhai misai, chiudi paniu wajeng simakjiu, paniu raolu nbangmi maksai haisitu tatuniu rotshat mirabo-e, khatdi papaopiu tudi kamshat mirabo-e. 30Chiudi papaopiu siniu majon pira suisai, pagu ringtingtu ranlubui majon rabo-e. 31Kabuichi siniu npuimai nahtu tadi, npiumai nahtu tadi kamshat misai sikum gapjiu kamrabo-e. 32Kabuichi siniu maivangpui khattu maksai maivangpiu khattu kamshat misai, kavang npaopiu situ rangkang samriu majon rabo-e, khatdi kabuichi situ tatuniu rotshat mirabo-e.
33“Mai khatniu chakhomky mahgom lupad lujiu, maksai chakhomky khat chulujiu sise gomkhai makjiu, kabuichi maksai qonniam nkhuang khai misai, 34paniu wakhao shaimibo manse majon rabo-e. Paniu wakhao manse majon lujiu paphaw sira paniu lubo sui-e. 35Mai khat gu buichiniu mai khat buichitu mathaoshat misai, panai khangnia siniu karingbo situ jonlujiu pamanse njan rabo-e, kashaibo zan sidi njan tiu rabo-e. 36Chiudi mai khat buichise mathao tanbo lunlung bamjiu papaopiutu pisikhaijiu kachankhai misai, chiudi paniu wajeng simakjiu paniu raolu nbangmi maksai, hamibo situ paniu karingbo buichi siniu majon rabo-e, chiudi kashaibo khao sira paniu lubo sui-e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.