TADPADBO 22
22
Chapaw Ruilan Rabo Lamga Tajai
1Mai khatniu matom khat maksai mily khat agalujiu maksai kamshat lujiu jonmi sai, paniu matom khatsung matom mangiu, khatdi mily khatsung mily madai majon rabo-e. 2-4Paniu agalubose paniu majon rabo-e. Paniu wakhatdi marui maksai, paniu agabo sung patu kavang leng jonrabo-e, paniu matomma, qonniamma maksai milyma agalubo wakhaose ringjiu pagu maniajiuga bamniu sai, paniu khatsung nia thiujiu majon rabo-e.
“Agatiumai khatniu nchun maiky kampang lujiu ngutboga patu kamshat misai, patu kamshatbo maise pamao ha-e. Chiudi haise n-nien tingga tasai, patu kamshatbo maise, kamshatbogu chamao bam mide.
5“Mai khatniu paluga maksai parengga, pagu khaoruitu pi tagi khai nbambo gasu, pakmeng mai luga chamiu maksai alin-tamra tiu maha misai, maigu kam maha mibo miusyse, paniu majon rabo-e.
6“Mai khatniu paluga maksai parengga chami thonkhaijiu, mai luga puakbambo maksai gekhai nbambo taomi sai, chami thonkhaibo piu siniu majon rabo-e.
7“Mai khatniu maigu rangkang maksai paman kungbo mania pakyga khai nbambo gasu, mai khatniu aga misai, agabopiu situ minlusai, paniu damnia majon rabo-e. 8Chiudi agalubo piutu daolu maksai, mania kakung baibopiu situ kahumbokyga puiwang lujiu, paniu khangkhat piugu maniase aga makge chiubogu tasiang siang rabo-e.
9“Wa maniagu habo lamga hai, matom-kabui tadi, qonniam tadi mily tadi maksai chafai-tani tadi, papao kania situ kahumbokyga puiwang rabo-e. Siga mao-e chiujiu Tingwang niu dinpadbo piu paniu khangkhatbo piutu damnia majon rabo-e.
10“Mai khatniu, mai khatgu qonniam, matom, mily maksai wakhao khat paleng marui khai bine chiulujiu, wakhaose shai misai, maksai ajam misai maksai chari gasu sutlusai, chiudi siga lamchap mai hasai, 11paniu kahumbokyga tadlujiu-maigu wakhaose paniu aga makge chiujiu tasiang siang rabo-e. Sichiujiu paniu wakhaose agamak misai, paniu patu wadi majon lakge, hamibose papaopiu siniu suikhai rabo-e; 12chiudi wakhao situ paniu agalu bamniu sai paniu papaopiu situ majon rabo-e. 13Nkan khaoniu sisetu kamshat misai, para-parumse paniu khoiwang lenrabo-e, sichiusai paniu siga majonra ha-e.
14“Mai khatniu wakhaose mathiu lujiu thinbamboga sise ajam misai, maksai sise shai misai, sise majon rabo-e. 15Chiudi papaoniu kabambo tingga sise shai misai, paniu majon lakge. Wakhaose paman pijiu mathiubo gusai, kamathiubo man siniu suimibo-e.
Tacheng-Tajai Nai Nkhai-Rili
16 #
Taj 22.28,29. “Mai khatniu maidi khammakbo liuchang khattu mao misai, paniu paman majon lujiu panao leng lurabo-e. 17Chiudi papiuniu patu maluang lungra suimaksai, paniu liuchang khat man kabuibose papiutu majon rabo-e.
18 #
Taj 18.10,11. “Maipui khatniu chamik thao kadabo tien kamsai, patu kamshat mirabo-e.
19 #
Lev 18.23; 20.15,16; Taj 27.21. “Mai khatniu chakhaotu wonsai, patu kamshatmi rabo-e.
20 #
Taj 17.2-7. “Rapiu atu makjiu kakibo khuga charathiu khaibo maitu kashaibo ladjan thiu rabo-e.
21 #
Taj 23.9; Lev 19.33,34; Taj 24.17,18; 27.19. “Sangdiumaitu majom-mala mane maksai kam mathad mane; naliudi Egypt dihga sangdiumai thiukhai mibotu maningtaolo. 22Kamipui-kaminahtu kam masa mane. 23Naliuniu paliutu kam masajiu, paliu kapjiu khengsai, Rapiu Iniu paliutu paokak khai rabo-e, 24sichiusai Iniu alung pomjiu naliutu chariga kamshat mirabo-e. Sichiujiu naliu naodungse kamipui thiumi rabo-e khatdi naliu nahdungse magennah thiumi rabo-e. 25#Lev 25.35-38; Taj 15.7-11; 23.19,20.“Naliuniu amai lungkalak maitu rangkang apuk khaisai, rangkang apuk suimai kumjiu, paton-pana pakhuga lubo suimakge. 26#Taj 24.10-13.Mai khatniu pikhaira dindeng khaibo faise naliuniu khoilusai, sise naimik ngut makhaga patu pilan milo, 27palamra patu pilum khaira sise ronna pakhuga bambo-e. Sichiu maksai pah degu benji ralo? Nkha khaira paniu akhuga kapjiu khengsai, Iniu patu paokak khai bine, delosai Ira lungsa sibo-e.
28 #
Tk 23.5. “Tingwang tu maksai naliugu jupaotu siang mane.
29“Pawan saisuijiu naliugu miusy, naliu jaw khatdi naliugu takisase akhuga kadkhailo.
“Naliu nah naraise akhuga pikhailo. 30Naliugu matom-kabui khatdi mily piangraibo hina akhuga kadkhailo. Piangraibo pachi hina, jeng chinnia papui khuga pi bamkhai lujiu tachadbo naise akhuga kadkhai rabo-e.
31 #
Lev 17.15. “Naliura amai-e, sijengniu nkan-khaoniu kamshat mibo wakhao jan naliu tiumak rabo-e, sise tathitu pirabo-e.
Currently Selected:
TADPADBO 22: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TADPADBO 22
22
Chapaw Ruilan Rabo Lamga Tajai
1Mai khatniu matom khat maksai mily khat agalujiu maksai kamshat lujiu jonmi sai, paniu matom khatsung matom mangiu, khatdi mily khatsung mily madai majon rabo-e. 2-4Paniu agalubose paniu majon rabo-e. Paniu wakhatdi marui maksai, paniu agabo sung patu kavang leng jonrabo-e, paniu matomma, qonniamma maksai milyma agalubo wakhaose ringjiu pagu maniajiuga bamniu sai, paniu khatsung nia thiujiu majon rabo-e.
“Agatiumai khatniu nchun maiky kampang lujiu ngutboga patu kamshat misai, patu kamshatbo maise pamao ha-e. Chiudi haise n-nien tingga tasai, patu kamshatbo maise, kamshatbogu chamao bam mide.
5“Mai khatniu paluga maksai parengga, pagu khaoruitu pi tagi khai nbambo gasu, pakmeng mai luga chamiu maksai alin-tamra tiu maha misai, maigu kam maha mibo miusyse, paniu majon rabo-e.
6“Mai khatniu paluga maksai parengga chami thonkhaijiu, mai luga puakbambo maksai gekhai nbambo taomi sai, chami thonkhaibo piu siniu majon rabo-e.
7“Mai khatniu maigu rangkang maksai paman kungbo mania pakyga khai nbambo gasu, mai khatniu aga misai, agabopiu situ minlusai, paniu damnia majon rabo-e. 8Chiudi agalubo piutu daolu maksai, mania kakung baibopiu situ kahumbokyga puiwang lujiu, paniu khangkhat piugu maniase aga makge chiubogu tasiang siang rabo-e.
9“Wa maniagu habo lamga hai, matom-kabui tadi, qonniam tadi mily tadi maksai chafai-tani tadi, papao kania situ kahumbokyga puiwang rabo-e. Siga mao-e chiujiu Tingwang niu dinpadbo piu paniu khangkhatbo piutu damnia majon rabo-e.
10“Mai khatniu, mai khatgu qonniam, matom, mily maksai wakhao khat paleng marui khai bine chiulujiu, wakhaose shai misai, maksai ajam misai maksai chari gasu sutlusai, chiudi siga lamchap mai hasai, 11paniu kahumbokyga tadlujiu-maigu wakhaose paniu aga makge chiujiu tasiang siang rabo-e. Sichiujiu paniu wakhaose agamak misai, paniu patu wadi majon lakge, hamibose papaopiu siniu suikhai rabo-e; 12chiudi wakhao situ paniu agalu bamniu sai paniu papaopiu situ majon rabo-e. 13Nkan khaoniu sisetu kamshat misai, para-parumse paniu khoiwang lenrabo-e, sichiusai paniu siga majonra ha-e.
14“Mai khatniu wakhaose mathiu lujiu thinbamboga sise ajam misai, maksai sise shai misai, sise majon rabo-e. 15Chiudi papaoniu kabambo tingga sise shai misai, paniu majon lakge. Wakhaose paman pijiu mathiubo gusai, kamathiubo man siniu suimibo-e.
Tacheng-Tajai Nai Nkhai-Rili
16 #
Taj 22.28,29. “Mai khatniu maidi khammakbo liuchang khattu mao misai, paniu paman majon lujiu panao leng lurabo-e. 17Chiudi papiuniu patu maluang lungra suimaksai, paniu liuchang khat man kabuibose papiutu majon rabo-e.
18 #
Taj 18.10,11. “Maipui khatniu chamik thao kadabo tien kamsai, patu kamshat mirabo-e.
19 #
Lev 18.23; 20.15,16; Taj 27.21. “Mai khatniu chakhaotu wonsai, patu kamshatmi rabo-e.
20 #
Taj 17.2-7. “Rapiu atu makjiu kakibo khuga charathiu khaibo maitu kashaibo ladjan thiu rabo-e.
21 #
Taj 23.9; Lev 19.33,34; Taj 24.17,18; 27.19. “Sangdiumaitu majom-mala mane maksai kam mathad mane; naliudi Egypt dihga sangdiumai thiukhai mibotu maningtaolo. 22Kamipui-kaminahtu kam masa mane. 23Naliuniu paliutu kam masajiu, paliu kapjiu khengsai, Rapiu Iniu paliutu paokak khai rabo-e, 24sichiusai Iniu alung pomjiu naliutu chariga kamshat mirabo-e. Sichiujiu naliu naodungse kamipui thiumi rabo-e khatdi naliu nahdungse magennah thiumi rabo-e. 25#Lev 25.35-38; Taj 15.7-11; 23.19,20.“Naliuniu amai lungkalak maitu rangkang apuk khaisai, rangkang apuk suimai kumjiu, paton-pana pakhuga lubo suimakge. 26#Taj 24.10-13.Mai khatniu pikhaira dindeng khaibo faise naliuniu khoilusai, sise naimik ngut makhaga patu pilan milo, 27palamra patu pilum khaira sise ronna pakhuga bambo-e. Sichiu maksai pah degu benji ralo? Nkha khaira paniu akhuga kapjiu khengsai, Iniu patu paokak khai bine, delosai Ira lungsa sibo-e.
28 #
Tk 23.5. “Tingwang tu maksai naliugu jupaotu siang mane.
29“Pawan saisuijiu naliugu miusy, naliu jaw khatdi naliugu takisase akhuga kadkhailo.
“Naliu nah naraise akhuga pikhailo. 30Naliugu matom-kabui khatdi mily piangraibo hina akhuga kadkhailo. Piangraibo pachi hina, jeng chinnia papui khuga pi bamkhai lujiu tachadbo naise akhuga kadkhai rabo-e.
31 #
Lev 17.15. “Naliura amai-e, sijengniu nkan-khaoniu kamshat mibo wakhao jan naliu tiumak rabo-e, sise tathitu pirabo-e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.