ROMEMAI 10
10
1Singna maidung yo, amaidungniu ranlubo daolu raleng dejiukha Iniu machun gulo! Iniu paliuleng dejiukha Tingwang khuga kakheng thiu bamlo! 2Palamra paliuniu Tingwang tu malum matipsiak bamme, chiudi sise majibo tasiga mangiu khai makge. 3Paliuniu Tingwang gu majibo situ wajeng chakkhai makjiu, paliu ronna maningbo situ pon maku lujiu, Tingwang niu pamaidungtu kam majikhai rabo gase paliu pum pikhai makge. 4Khrista haira Tacheng tajaigu pamalan si-e, siniu patu malumbo mai hinatu Tingwang khuga kam majikhai mibo-e.
Juringbo Hai Mathiu Leng-e
5 #
Lev 18.5. Tacheng-tajai majaibo jengniu Tingwang khuga kam majikhai bibo lamga Mose niu raokhai-e; “Tacheng-tajaigu chamtandung piubo mai hina ringrabo-e.” 6#Taj 30.12-14.Chiudi malumbo donniu Tingwang khuga kam majikhai bibo lamga Masanbo ariakniu dinbose haichiu-e: “Naronna nalungga, saoniu tinggen dihga khangralo?” chiujiu maniu makrabo-e, (Sise Khrista tu pi-nkhin khai raleng-e). 7“Maksai saoniu kadih hanglam kiuralo,” chiujiu nangniu maniu rama? (Sise Khrista tu kashaibo gasu piringsu khai raleng-e). 8Siniu degu dinralo chiusai: “Tingwang gu Kawichamse nakhuga nawang mide, namun taiga bamme, nalung chun-ga bamme,” sise aliuniu dinronbo malumbo champao si-e. 9Nangniu Jesu hai Rapiu-e chiujiu dinmadu padsai khatdi Tingwang niu patu kashaibo gasu piringsu khai mibo-e, chiujiu malum lusai natu rankhaibi rabo-e. 10Palamra aliuniu malumbo gasu Tingwang niu aliutu kam majikhai-e, khatdi aliuniu dinmadu padbo siniu aliutu rankhai-e. 11#Isa 28.16.Masanbo ariakniu din-e, “Patu malumbo mai hinatu kam mangam khai lakge.” 12Haise mai hina leng-e, palamra Jehudi mai tadi, Nkengmai tadi katambo ha-e. Tingwang haira machambo Rapiu thiu bambo-e; sichiujiu patu kumai mathiutu mali-malanjiu thoikhai bibo-e. 13#Joel 2.32.Palamra Masanbo ariakniu din-e, “Nkha khaira Rapiu zan kumai hinatu rankhaibi rabo-e.”
14Chiudi maidung siniu dechiujiu malum matai makbo pakhuga nkha khaira kheng ralo? Khatdi dechiujiu paliuniu chiukhai matai makbo champao situ malum ralo? Khatdi kawichamse paoron khai maksai dechiu paliu chiuralo? 15#Isa 52.7.Khatdi maidungniu paliutu langkhai maksai, dechiujiu paliuniu dinrontad ralo? Raokhai mibose kumbo-e, “Kawicham dinron maidung wangbose dejiukha maisuang habo gulo!” 16#Isa 53.1.Chiudi paliu mathiu siniu kawibo champao situ lukhai makge, siniu Isaiah niu din-e, “Rapiu yo, saoniu aliugu kawi champao haitu malum khai ralo?” 17Sichiusai, malumbo hai chiukhaibo gasu wangbo-e, khatdi chiukhaibo hai Khrista cham dinronbo gasu wangbo-e.
18 #
T.Lui 19.4. Siga Iniu maniu lan-e, “Paliuniu kawicham chiukhai makge chiubo hai majima? Pachangjiu paliu chiukhai mide, palamra Masanbo ariakniu haichiu din-e,
“Paliu khuan hai kadihpiri pabam hina chiukhai mide;
paliugu ladkengse kadihpiri pamalan katang dinron khai mide.”
19 #
Taj 32.21. Iniu maniu lan-e: Israel maidungniu simakge chiuma? Mose papum siakniu raithuboga paokak khai mide,
“Amaidung lungchunse pithiu khaira,
Iniu jat khat kubo situ thin piune.
Sichiujiu kamengbo jat lunlung gasu paliu lung pijiu kampom khaine.”
20 #
Isa 65.1. Sigasu Isaiah niu palung hu-nkiujiu din-e,
“Atu phiumak maisiniu atu daolune;
akhuga khengmak maisiniu atu ngao lune.”
21 #
Isa 65.2. Chiudi Israel mai lamga paniu din-e, “Kadin piumakbo maidung khatdi pakuon katan maidung situ lukhaira marinpuiting Iniu aben henpadjiu bamme.”
Currently Selected:
ROMEMAI 10: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
ROMEMAI 10
10
1Singna maidung yo, amaidungniu ranlubo daolu raleng dejiukha Iniu machun gulo! Iniu paliuleng dejiukha Tingwang khuga kakheng thiu bamlo! 2Palamra paliuniu Tingwang tu malum matipsiak bamme, chiudi sise majibo tasiga mangiu khai makge. 3Paliuniu Tingwang gu majibo situ wajeng chakkhai makjiu, paliu ronna maningbo situ pon maku lujiu, Tingwang niu pamaidungtu kam majikhai rabo gase paliu pum pikhai makge. 4Khrista haira Tacheng tajaigu pamalan si-e, siniu patu malumbo mai hinatu Tingwang khuga kam majikhai mibo-e.
Juringbo Hai Mathiu Leng-e
5 #
Lev 18.5. Tacheng-tajai majaibo jengniu Tingwang khuga kam majikhai bibo lamga Mose niu raokhai-e; “Tacheng-tajaigu chamtandung piubo mai hina ringrabo-e.” 6#Taj 30.12-14.Chiudi malumbo donniu Tingwang khuga kam majikhai bibo lamga Masanbo ariakniu dinbose haichiu-e: “Naronna nalungga, saoniu tinggen dihga khangralo?” chiujiu maniu makrabo-e, (Sise Khrista tu pi-nkhin khai raleng-e). 7“Maksai saoniu kadih hanglam kiuralo,” chiujiu nangniu maniu rama? (Sise Khrista tu kashaibo gasu piringsu khai raleng-e). 8Siniu degu dinralo chiusai: “Tingwang gu Kawichamse nakhuga nawang mide, namun taiga bamme, nalung chun-ga bamme,” sise aliuniu dinronbo malumbo champao si-e. 9Nangniu Jesu hai Rapiu-e chiujiu dinmadu padsai khatdi Tingwang niu patu kashaibo gasu piringsu khai mibo-e, chiujiu malum lusai natu rankhaibi rabo-e. 10Palamra aliuniu malumbo gasu Tingwang niu aliutu kam majikhai-e, khatdi aliuniu dinmadu padbo siniu aliutu rankhai-e. 11#Isa 28.16.Masanbo ariakniu din-e, “Patu malumbo mai hinatu kam mangam khai lakge.” 12Haise mai hina leng-e, palamra Jehudi mai tadi, Nkengmai tadi katambo ha-e. Tingwang haira machambo Rapiu thiu bambo-e; sichiujiu patu kumai mathiutu mali-malanjiu thoikhai bibo-e. 13#Joel 2.32.Palamra Masanbo ariakniu din-e, “Nkha khaira Rapiu zan kumai hinatu rankhaibi rabo-e.”
14Chiudi maidung siniu dechiujiu malum matai makbo pakhuga nkha khaira kheng ralo? Khatdi dechiujiu paliuniu chiukhai matai makbo champao situ malum ralo? Khatdi kawichamse paoron khai maksai dechiu paliu chiuralo? 15#Isa 52.7.Khatdi maidungniu paliutu langkhai maksai, dechiujiu paliuniu dinrontad ralo? Raokhai mibose kumbo-e, “Kawicham dinron maidung wangbose dejiukha maisuang habo gulo!” 16#Isa 53.1.Chiudi paliu mathiu siniu kawibo champao situ lukhai makge, siniu Isaiah niu din-e, “Rapiu yo, saoniu aliugu kawi champao haitu malum khai ralo?” 17Sichiusai, malumbo hai chiukhaibo gasu wangbo-e, khatdi chiukhaibo hai Khrista cham dinronbo gasu wangbo-e.
18 #
T.Lui 19.4. Siga Iniu maniu lan-e, “Paliuniu kawicham chiukhai makge chiubo hai majima? Pachangjiu paliu chiukhai mide, palamra Masanbo ariakniu haichiu din-e,
“Paliu khuan hai kadihpiri pabam hina chiukhai mide;
paliugu ladkengse kadihpiri pamalan katang dinron khai mide.”
19 #
Taj 32.21. Iniu maniu lan-e: Israel maidungniu simakge chiuma? Mose papum siakniu raithuboga paokak khai mide,
“Amaidung lungchunse pithiu khaira,
Iniu jat khat kubo situ thin piune.
Sichiujiu kamengbo jat lunlung gasu paliu lung pijiu kampom khaine.”
20 #
Isa 65.1. Sigasu Isaiah niu palung hu-nkiujiu din-e,
“Atu phiumak maisiniu atu daolune;
akhuga khengmak maisiniu atu ngao lune.”
21 #
Isa 65.2. Chiudi Israel mai lamga paniu din-e, “Kadin piumakbo maidung khatdi pakuon katan maidung situ lukhaira marinpuiting Iniu aben henpadjiu bamme.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.