ROMEMAI 9
9
Tingwang Nai Pamaidung
1Iniu majibose dinbo-e, Ira Khrista gu-e, siniu I arat makge. Alungchun hai Masanbo Hiupuina niu thinman bambo jengniu I arat makge chiubo I si-e. 2-3Iniu dejiukha achun salo chiujiu dinboga, Iniu amaidungleng pamalan thiu makjiu alung chariubo-e. Paliu jengniu I apumsiak Tingwang siang hangga wangjiu, Khrista khugasu tampad mira machunbo-e. 4#Tad 4.22.Paliu hai Tingwang maidung-e, Tingwang niu paliutu panahdung pithiu khai mibo-e khatdi paken dibose paliu khuga madulen khai mibo-e. Paniu pagu ladriatse paliuleng kamkhai lujiu, paliu khuga Tacheng-tajai hai pikhai mibo-e. Sichiujiu paliu khuga majiboga kahumbose bamme; palamra paliuniu Tingwang gu ladriatse daolude. 5Paliura pazan tadbo Hebrew mai pao-peh gasu lungkiubo-e, sichiujiu Khrista hai chamaina thiujiu, paliu jat gasu lungwang mibo-e. Wahina riga mawang bambo Tingwang tu tingtheng thuonjiu bamlo! Amen.
6Tingwang gu ladriatse wangtang makge chiujiu Iniu dinbo makge; palamra Israel mai hina Tingwang mai kambogu makge. 7#Chab 21.12.Abraham kaikik hina Tingwang mai kambo makge. Tingwang niu Abraham khuga din-e, “Isaac khugasu nakai-nakik ngaorabo-e chiubo Iniu nakhuga ladriat thiu khaibo-e.” 8Hai-chiubo ramba sira, chamaina lunlung gasu lungwangbo nahdungse Tingwang nahdung makge; chiudi Tingwang gu ladriat saisuijiu manawangbo nahdung sira majibo kaikik si-e chiubo-e. 9#Chab 18.10.Palamra Tingwang niu ladriat khaibo ladkeng sira: “Buigapbo wan-ga I wanglan rabo-e, siga Sarah niu panah npiumai khat lungrabo-e.”
10Haise ronna makge. Palamra Rebecca nahpiu kaniase piu khat nakha thiubo aliu pao Isaac si-e. 11-12#Chab 25.23.Chiudi Tingwang maning madukhai raleng panai ruangga khangkhattu ronna kadalujiu Tingwang niu pakhuga din-e, “Katingbo piu siniu nabo piutu macha rabo-e.” Haise panaitu mana makbo suangga panainiu kawibo, maksai kasabo wakhatnadi tenkhai makbo suangga paniu haichiu dinmibo-e. Haichiujiu Tingwang gu kadabo haira pachun pamaning saisuibo-e, haise panainiu wakhat kamkhai mibo jengniu makge. 13#Mal 1.2,3.Masanbo ariakniu dinbo kumjiu, “Iniu Esau tu suang Jacob tu lungsa nkiu-e.”
14Sichiusai, aliuniu degu dinralo? Tingwang khuga tacheng matip makbo bamjiuma? Wadaodi sichiu makge. 15#Tad 33.19.Palamra paniu Mose khuga din-e, “Iniu lungsa khaini maitu Iniu lungsa khai rabo-e; Iniu nkha khaini maitu Iniu nkha khai rabo-e.” 16Haichiu-e sai, wa pakhiangnase mai khatniu masenbo maksai ngamkam saisui makge chiudi Tingwang gu lungsiat saisuibo-e. 17#Tad 9.16.Palamra Masanbo ariakniu Egypt mai wangpiu khuga din-e, “Natu Iniu thinpiu lujiu, agu pumtan lenkhaijiu khatdi kadihpiri pabam hinaga chamtan dinron raleng, Iniu natu chawang pithiu khaibo-e.” 18Sichiujiu Tingwang paniu pachun paningmai khattu lungsa khaibi-e, khatdi paniu pachunmai khattu palung pitan khaibi-e.
Tingwang Lungpom Nai Pagu Lungsiat
19Chiudi naliu ruangga mai khatniu akhuga dinsune, “Sichiu-e sai, dechiujiu Tingwang niu mai khatgu kamaobo situ siluralo? Saoniu Tingwang gu maningtu suimak ngamlu ralo? 20#Isa 29.16; 45.9.Chiudi Tingwang tu paokak rabo nang saolo? Taniangli siniu patu kadampadbo piu khuga haichiu dinbo suima, “Nangniu atu deleng haichiujiu kampad jiulo?” 21Chali kadammai siniu chagamniang situ paniu thin kanibo jaiga thinra khatdi sibo niangsiak ganiu chali nia kadam padra, khatniu ka-nkiubo ngamga thinra, khatdi katambo khatniu malabo ngamga thinra pagu maji bamme.
22Tingwang niu kamkhaibose, sikum gapbo-e. Paniu pagu lungpom lenkhai nijiu khatdi pagu pumtanse lenkhai nibo-e. Chiudi pagu lungpomse kam mahami rabo jengniu ginjiu kheng khaibo-e. 23Sichiujiu paniu lungsajiu pagu kendibo pikhaira machakhai mibo aliu riga pagu mali-malanbo kendise madukhai nibo-e. 24Palamra Jehudi maidung ruanggasu ronna makjiu, Nkengmaidung ruanggasu niudi paniu kupad mibo maidungse aliu-e. 25#Hos 2.23.Haise paniu Hosea gu ariakkhuangga dinbo si-e:
“Amaidung kamak maitu Iniu ‘Amaidung’ chiu kune.
Iniu lungsa makbo jattu Iniu ‘Ahuna’ chiu kune.
26 #
Hos 1.10. Sichiujiu paliutu amaidung makge chiujiu dinkhai mibo bam siakga,
‘Naliu hai karingbo Tingwang nahmaidung si-e,’ chiujiu kurabo-e.”
27 #
Isa 10.22,23. Khatdi Isaiah niu Israel mai lamga haichiu dinkhai mibo-e: “Israel maidung hai duipui chaphuga nbuiniang suang kengjiu bamdi, paliu rong gasu malummai khangsia ronnatu gukhai rabo-e; 28palamra Rapiu niu wahina hai majatjiu loikiu khaimi rabo-e.” 29#Isa 1.9.Haise Isaiah niu din masuang khai mibo-e, “Ngamkambo Rapiu siniu aliu kaikikdung khangsiatu masiak khai maksai, aliu hai Sodom nai Gomorrah kummi bamta lakge.”
Israel Mai Khatdi Kawicham
30Nkengmai siniu Tingwang khuga kam maji lura matanmak bamdi, malumbo donniu kam majikhai mide chiujiu aliuniu dinbo-e; 31chiudi Israel mai siniu Tacheng-tajaiga mangiukhai lujiu Tingwang khuga kam maji lura, phiu bamdi kam maji khaibo situ daolu makge. 32Dekamjiu daolumak jiulo? Palamra paliuniu malumboga mangiu khai makge, chiudi paliugu tienkamga mangiu khaibo donniu-e. Sijengniu “phisui kasabo tu riga” paliu phi masui rabo-e. 33#Isa 28.16.Haisitu Masanbo ariakniu din-e:
“Phuilo, Iniu Zion ga tatu khat khai nbamme,
maidung siniu siga paliu phi masui rabo-e.
Tudise paliu riga nkaikiu rabo-e,
chiudi mai khatniu patu malumme sai,
palungchunse kam nkhin khai lakge.”
Currently Selected:
ROMEMAI 9: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
ROMEMAI 9
9
Tingwang Nai Pamaidung
1Iniu majibose dinbo-e, Ira Khrista gu-e, siniu I arat makge. Alungchun hai Masanbo Hiupuina niu thinman bambo jengniu I arat makge chiubo I si-e. 2-3Iniu dejiukha achun salo chiujiu dinboga, Iniu amaidungleng pamalan thiu makjiu alung chariubo-e. Paliu jengniu I apumsiak Tingwang siang hangga wangjiu, Khrista khugasu tampad mira machunbo-e. 4#Tad 4.22.Paliu hai Tingwang maidung-e, Tingwang niu paliutu panahdung pithiu khai mibo-e khatdi paken dibose paliu khuga madulen khai mibo-e. Paniu pagu ladriatse paliuleng kamkhai lujiu, paliu khuga Tacheng-tajai hai pikhai mibo-e. Sichiujiu paliu khuga majiboga kahumbose bamme; palamra paliuniu Tingwang gu ladriatse daolude. 5Paliura pazan tadbo Hebrew mai pao-peh gasu lungkiubo-e, sichiujiu Khrista hai chamaina thiujiu, paliu jat gasu lungwang mibo-e. Wahina riga mawang bambo Tingwang tu tingtheng thuonjiu bamlo! Amen.
6Tingwang gu ladriatse wangtang makge chiujiu Iniu dinbo makge; palamra Israel mai hina Tingwang mai kambogu makge. 7#Chab 21.12.Abraham kaikik hina Tingwang mai kambo makge. Tingwang niu Abraham khuga din-e, “Isaac khugasu nakai-nakik ngaorabo-e chiubo Iniu nakhuga ladriat thiu khaibo-e.” 8Hai-chiubo ramba sira, chamaina lunlung gasu lungwangbo nahdungse Tingwang nahdung makge; chiudi Tingwang gu ladriat saisuijiu manawangbo nahdung sira majibo kaikik si-e chiubo-e. 9#Chab 18.10.Palamra Tingwang niu ladriat khaibo ladkeng sira: “Buigapbo wan-ga I wanglan rabo-e, siga Sarah niu panah npiumai khat lungrabo-e.”
10Haise ronna makge. Palamra Rebecca nahpiu kaniase piu khat nakha thiubo aliu pao Isaac si-e. 11-12#Chab 25.23.Chiudi Tingwang maning madukhai raleng panai ruangga khangkhattu ronna kadalujiu Tingwang niu pakhuga din-e, “Katingbo piu siniu nabo piutu macha rabo-e.” Haise panaitu mana makbo suangga panainiu kawibo, maksai kasabo wakhatnadi tenkhai makbo suangga paniu haichiu dinmibo-e. Haichiujiu Tingwang gu kadabo haira pachun pamaning saisuibo-e, haise panainiu wakhat kamkhai mibo jengniu makge. 13#Mal 1.2,3.Masanbo ariakniu dinbo kumjiu, “Iniu Esau tu suang Jacob tu lungsa nkiu-e.”
14Sichiusai, aliuniu degu dinralo? Tingwang khuga tacheng matip makbo bamjiuma? Wadaodi sichiu makge. 15#Tad 33.19.Palamra paniu Mose khuga din-e, “Iniu lungsa khaini maitu Iniu lungsa khai rabo-e; Iniu nkha khaini maitu Iniu nkha khai rabo-e.” 16Haichiu-e sai, wa pakhiangnase mai khatniu masenbo maksai ngamkam saisui makge chiudi Tingwang gu lungsiat saisuibo-e. 17#Tad 9.16.Palamra Masanbo ariakniu Egypt mai wangpiu khuga din-e, “Natu Iniu thinpiu lujiu, agu pumtan lenkhaijiu khatdi kadihpiri pabam hinaga chamtan dinron raleng, Iniu natu chawang pithiu khaibo-e.” 18Sichiujiu Tingwang paniu pachun paningmai khattu lungsa khaibi-e, khatdi paniu pachunmai khattu palung pitan khaibi-e.
Tingwang Lungpom Nai Pagu Lungsiat
19Chiudi naliu ruangga mai khatniu akhuga dinsune, “Sichiu-e sai, dechiujiu Tingwang niu mai khatgu kamaobo situ siluralo? Saoniu Tingwang gu maningtu suimak ngamlu ralo? 20#Isa 29.16; 45.9.Chiudi Tingwang tu paokak rabo nang saolo? Taniangli siniu patu kadampadbo piu khuga haichiu dinbo suima, “Nangniu atu deleng haichiujiu kampad jiulo?” 21Chali kadammai siniu chagamniang situ paniu thin kanibo jaiga thinra khatdi sibo niangsiak ganiu chali nia kadam padra, khatniu ka-nkiubo ngamga thinra, khatdi katambo khatniu malabo ngamga thinra pagu maji bamme.
22Tingwang niu kamkhaibose, sikum gapbo-e. Paniu pagu lungpom lenkhai nijiu khatdi pagu pumtanse lenkhai nibo-e. Chiudi pagu lungpomse kam mahami rabo jengniu ginjiu kheng khaibo-e. 23Sichiujiu paniu lungsajiu pagu kendibo pikhaira machakhai mibo aliu riga pagu mali-malanbo kendise madukhai nibo-e. 24Palamra Jehudi maidung ruanggasu ronna makjiu, Nkengmaidung ruanggasu niudi paniu kupad mibo maidungse aliu-e. 25#Hos 2.23.Haise paniu Hosea gu ariakkhuangga dinbo si-e:
“Amaidung kamak maitu Iniu ‘Amaidung’ chiu kune.
Iniu lungsa makbo jattu Iniu ‘Ahuna’ chiu kune.
26 #
Hos 1.10. Sichiujiu paliutu amaidung makge chiujiu dinkhai mibo bam siakga,
‘Naliu hai karingbo Tingwang nahmaidung si-e,’ chiujiu kurabo-e.”
27 #
Isa 10.22,23. Khatdi Isaiah niu Israel mai lamga haichiu dinkhai mibo-e: “Israel maidung hai duipui chaphuga nbuiniang suang kengjiu bamdi, paliu rong gasu malummai khangsia ronnatu gukhai rabo-e; 28palamra Rapiu niu wahina hai majatjiu loikiu khaimi rabo-e.” 29#Isa 1.9.Haise Isaiah niu din masuang khai mibo-e, “Ngamkambo Rapiu siniu aliu kaikikdung khangsiatu masiak khai maksai, aliu hai Sodom nai Gomorrah kummi bamta lakge.”
Israel Mai Khatdi Kawicham
30Nkengmai siniu Tingwang khuga kam maji lura matanmak bamdi, malumbo donniu kam majikhai mide chiujiu aliuniu dinbo-e; 31chiudi Israel mai siniu Tacheng-tajaiga mangiukhai lujiu Tingwang khuga kam maji lura, phiu bamdi kam maji khaibo situ daolu makge. 32Dekamjiu daolumak jiulo? Palamra paliuniu malumboga mangiu khai makge, chiudi paliugu tienkamga mangiu khaibo donniu-e. Sijengniu “phisui kasabo tu riga” paliu phi masui rabo-e. 33#Isa 28.16.Haisitu Masanbo ariakniu din-e:
“Phuilo, Iniu Zion ga tatu khat khai nbamme,
maidung siniu siga paliu phi masui rabo-e.
Tudise paliu riga nkaikiu rabo-e,
chiudi mai khatniu patu malumme sai,
palungchunse kam nkhin khai lakge.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.