ROMEMAI 8
8
Hiupuina Ga Karingbo
1Sijengniu tuhoi Khrista Jesu ga khat thiumibo maidungtu kamaoboga piwang khai lakge. 2Palamra Hiupuina gu tacheng-tajai siniu, nuan gu kashaibo gasu atu khenrang thiukhai lujiu Khrista Jesu khuga lung aruangra jukhai mibo-e. 3Chamaina pum sonbo jengniu Tacheng-tajai siniu ngam makbose Tingwang niu kamkhai-e. Paniu Nahpiu situ chamaina lunlungga langkhai lujiu nuan situ chamaina lunlungga ladjan thiukhai mide. 4Tingwang niu haichiujiu kamkhaibo sira chamaina lunlung saisui makjiu, chiudi Hiupuina siniu lunibo situ pikim khai raleng-e. 5Sichiujiu chamaina lunlungga lungmai siniu chamaina lungchun-ga maning-e. Hiupuina lunlungga lungmai siniu Hiupuina lungchun-ga maning-e. 6Chamaina maning sira kashaibo-e, chiudi Hiupuina maning sira karingbo khatdi agi-manaibo-e. 7Chamaina chunning siniu Tingwang gu mikre thiumibo-e; palamra paniu Tingwang gu Tacheng-tajai situ majai makge khatdi majai ngam lakge. 8Chamaina lunlung majaimai siniu Tingwang tu pikim khai ngam makge.
9Chiudi Tingwang gu Hiupuina siniu naliu lungga lungsiak bamme sai, naliu hai chamaina lunlungga lungta mide, chiudi Hiupuina gu lunlungga lungmibo-e. Mai khat kumboniu Khrista gu Hiupuina bammak sai para pagu makge. 10Chiudi Khrista hai naliu lungga lungbamme sai, nuan jengniu naliu pum shai midi, Tingwang niu kam majikhai mibo jengniu naliu Hiupuina ga ringlubui-e. 11#1 Co 3.16.Jesu tu kashaibo gasu piringsu khaibo Tingwang Hiupuina naliu khuga bamme chiusai, Khrista tu kashaibo gasu piringsu khai mibo paniu shai suibo naliu pum tudi pagu Hiupuina siniu piring khai lubui-e.
12Sijengniu, singnamaidung yo, aliuniu kamrabo thao khat bamme, chiudi haise aliu chamaina pumniu masenbo kumjiu lungrabo makge. 13Palamra naliuniu chamaina lunlung saisuijiu lungsai, naliu hai shai rabo-e; chiudi Hiupuina siniu naliu nuan-gu tienkam situ kamshat khai misai, naliu ringrabo-e. 14Tingwang Hiupuina siniu majangkhai bibo maidung hina Tingwang nahdung-e. 15#Gal 4.5-7. #Mk 14.36; Gal 4.6.Palamra naliuniu kavang thiura maksai pingra Hiupuina pikhaibo makge; chiudi naliuniu Tingwang nahdung thiulura Hiupuina daolubo-e. Sijengniu, aliuniu “Abba! Apiu!” chiujiu senpadbo-e! 16Aliu Tingwang nahdung-e chiubo din madura Tingwang Hiupuina siniu aliu hiupuina situ nkhakhai-e. 17Haichiujiu panahmai thiu-e sai, paniu pamaidung leng kaden khaibo thoidamse aliu daorabo-e. Sichiujiu Khrista gu chariubose aliuniu padam lumacham khai sai, pagu kendibo sidi aliuniu padam lutao macham rabo-e.
Sailam Wangrabo Kendi
18Tuhoi ken-ga chariu magenthiubo haise aliu khuga madu khairabo kendibo situ wadaodi pon kada silakge chiubo Iniu maning-e. 19Palamra gandam hinaniu charijiu khuanbambo sira Tingwang nahmaidungtu madukhai rabo situ-e. 20-21#Chab 3.17-19.Palamra gandam hinatu hami raboga ladjan thiurabo haise pachunbo makge, chiudi haise Tingwang niu machunbo saisuibo-e, chiudi siga malumbo khat bamme, delosai gandam hina situ harabo gasu khenrang pithiu khaijiu Tingwang nahdung nai kendibose lutao machamra leng-e. 22Palamra gandam hina siniu tuhoi katangbo maipui manathad kumjiu kap marungjiu bamme chiubo aliuniu si-e. 23#2 Co 5.2-4.Sise gandam ronna makge, chiudi Tingwang gu karaibo kalen thiujiu Hiupuina rasy daolumai aliudi aliu lungchun gasu panahmai thiulura, aliu pumtu ranlura, haichiujiu kap marungjiu bambo-e. 24Haibo malumga aliutu ranpad khaide. Tuhoira malumbo haise ngaojiu bambotu malumbo makge. Palamra ngao bambo situ malumbo pase saolo? 25Chiudi ngao makbo situ aliuniu malum bamsai, khengsibo jaojiu aliuniu daolura khuan bambo-e. 26Sikumjiu Hiupuina siniudi, aliuniu kasonboga nkha khai-e. Palamra aliuniu khengbuibose dechiu khengralo chiubo aliuniu simakge, chiudi Hiupuina papum siakniu, chaladniu dinsi lulakbo katang aliu lam ponjiu Tingwang khuga khengjiu bamme. 27Chamaina lungchun ngaobo Tingwang niu Hiupuina gu maning delo chiubo si-e; palamra Hiupuina siniu Tingwang maningga pamaidung lam chapjiu kheng bambo-e. 28Tingwang niu pamaning saisuijiu kulumai khatdi patu lungsamai lengra palam hinaga wikam najiu tadkiu lura kamkhai-e. 29Tingwang niu kadapad mibo maidungtu paniu Nahpiu kum lukhaira lupad tam mibo-e chiusai Nahpiuse singnamaidung ruangga tingthubo nahpiu thiura-e. 30Khatdi Tingwang niu lupad tam mibo maidungtu paniu kulude; khatdi paniu kupad mibo maidungtu kam majikhai lujiu, pagu kendibose paliutu maluong padam lumacham rabo-e.
Khrista Jesu Gasu Tingwang Gu Kakungbo
31Sichiusai aliuniu haibo lamga degu dinralo? Tingwang hai aliuleng-e sai, aliutu atungrabo saolo? 32Tingwang paniu Nahpiu siaktudi masiak makjiu, aliu mathiuleng pipad khai bisai, paniu mania hina aliuleng matha pikhai lakma? Paniu Panahpiu situ aliuleng pikhai mibo makma? 33Tingwang niu kadapad mibo mai riga saoniu ladjan thiu ralo? Tingwang papum siakniu kam majikhai mibo-e. 34Chiusai saoniu paliutu ladjan thiuralo? Shaikhai mibo Khrista Jesu niu makge, paniu ringsulan lujiu khatdi Tingwang ben jatlam ntaolujiu aliuleng pakhuga khengjiu bambo-e. 35Sichiusai aliutu Khrista gu kakungbo gasu kampang ngambo sao bamlo? Lungchun chariubo niuma? Megenthiubo niuma? Kamathadbo niuma? Katiu kasak riangbo niuma? Kalek sabo niuma? Kapingbo niuma? Maksai kashaibo niuma? 36#T.Lui 44.22.Masanbo ariakniu dinkhai mibose kumbo-e,
“Najeng gasu aliutu marinpuiting kamshatjiu bambo-e;
kamshat mirabo milydung kum,
aliutu lukhaijiu bamme.”
37Chiudi aliutu lungsa khaibibo Rapiu donniu palam hinaga aliura kangam maidung suang nkiu-e. 38-39Palamra Iniu malumbo sira kashaiboniu tadi, karingboniu tadi, tinggen mazadungniu tadi, kangambo maidungniu tadi, pumtan bambo mawangpao maidungniu tadi, tuhoi bamboniu tadi, wangkinboniu tadi, tinggen lam bamboniu tadi, kadih hanglam bamboniu tadi, kakibo gandamniu tadi, aliu Rapiu Khrista Jesu pen gasu, Tingwang niu kakungbo gasu aliutu kam npek ngamlura wakhatnadi ha-e.
Currently Selected:
ROMEMAI 8: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
ROMEMAI 8
8
Hiupuina Ga Karingbo
1Sijengniu tuhoi Khrista Jesu ga khat thiumibo maidungtu kamaoboga piwang khai lakge. 2Palamra Hiupuina gu tacheng-tajai siniu, nuan gu kashaibo gasu atu khenrang thiukhai lujiu Khrista Jesu khuga lung aruangra jukhai mibo-e. 3Chamaina pum sonbo jengniu Tacheng-tajai siniu ngam makbose Tingwang niu kamkhai-e. Paniu Nahpiu situ chamaina lunlungga langkhai lujiu nuan situ chamaina lunlungga ladjan thiukhai mide. 4Tingwang niu haichiujiu kamkhaibo sira chamaina lunlung saisui makjiu, chiudi Hiupuina siniu lunibo situ pikim khai raleng-e. 5Sichiujiu chamaina lunlungga lungmai siniu chamaina lungchun-ga maning-e. Hiupuina lunlungga lungmai siniu Hiupuina lungchun-ga maning-e. 6Chamaina maning sira kashaibo-e, chiudi Hiupuina maning sira karingbo khatdi agi-manaibo-e. 7Chamaina chunning siniu Tingwang gu mikre thiumibo-e; palamra paniu Tingwang gu Tacheng-tajai situ majai makge khatdi majai ngam lakge. 8Chamaina lunlung majaimai siniu Tingwang tu pikim khai ngam makge.
9Chiudi Tingwang gu Hiupuina siniu naliu lungga lungsiak bamme sai, naliu hai chamaina lunlungga lungta mide, chiudi Hiupuina gu lunlungga lungmibo-e. Mai khat kumboniu Khrista gu Hiupuina bammak sai para pagu makge. 10Chiudi Khrista hai naliu lungga lungbamme sai, nuan jengniu naliu pum shai midi, Tingwang niu kam majikhai mibo jengniu naliu Hiupuina ga ringlubui-e. 11#1 Co 3.16.Jesu tu kashaibo gasu piringsu khaibo Tingwang Hiupuina naliu khuga bamme chiusai, Khrista tu kashaibo gasu piringsu khai mibo paniu shai suibo naliu pum tudi pagu Hiupuina siniu piring khai lubui-e.
12Sijengniu, singnamaidung yo, aliuniu kamrabo thao khat bamme, chiudi haise aliu chamaina pumniu masenbo kumjiu lungrabo makge. 13Palamra naliuniu chamaina lunlung saisuijiu lungsai, naliu hai shai rabo-e; chiudi Hiupuina siniu naliu nuan-gu tienkam situ kamshat khai misai, naliu ringrabo-e. 14Tingwang Hiupuina siniu majangkhai bibo maidung hina Tingwang nahdung-e. 15#Gal 4.5-7. #Mk 14.36; Gal 4.6.Palamra naliuniu kavang thiura maksai pingra Hiupuina pikhaibo makge; chiudi naliuniu Tingwang nahdung thiulura Hiupuina daolubo-e. Sijengniu, aliuniu “Abba! Apiu!” chiujiu senpadbo-e! 16Aliu Tingwang nahdung-e chiubo din madura Tingwang Hiupuina siniu aliu hiupuina situ nkhakhai-e. 17Haichiujiu panahmai thiu-e sai, paniu pamaidung leng kaden khaibo thoidamse aliu daorabo-e. Sichiujiu Khrista gu chariubose aliuniu padam lumacham khai sai, pagu kendibo sidi aliuniu padam lutao macham rabo-e.
Sailam Wangrabo Kendi
18Tuhoi ken-ga chariu magenthiubo haise aliu khuga madu khairabo kendibo situ wadaodi pon kada silakge chiubo Iniu maning-e. 19Palamra gandam hinaniu charijiu khuanbambo sira Tingwang nahmaidungtu madukhai rabo situ-e. 20-21#Chab 3.17-19.Palamra gandam hinatu hami raboga ladjan thiurabo haise pachunbo makge, chiudi haise Tingwang niu machunbo saisuibo-e, chiudi siga malumbo khat bamme, delosai gandam hina situ harabo gasu khenrang pithiu khaijiu Tingwang nahdung nai kendibose lutao machamra leng-e. 22Palamra gandam hina siniu tuhoi katangbo maipui manathad kumjiu kap marungjiu bamme chiubo aliuniu si-e. 23#2 Co 5.2-4.Sise gandam ronna makge, chiudi Tingwang gu karaibo kalen thiujiu Hiupuina rasy daolumai aliudi aliu lungchun gasu panahmai thiulura, aliu pumtu ranlura, haichiujiu kap marungjiu bambo-e. 24Haibo malumga aliutu ranpad khaide. Tuhoira malumbo haise ngaojiu bambotu malumbo makge. Palamra ngao bambo situ malumbo pase saolo? 25Chiudi ngao makbo situ aliuniu malum bamsai, khengsibo jaojiu aliuniu daolura khuan bambo-e. 26Sikumjiu Hiupuina siniudi, aliuniu kasonboga nkha khai-e. Palamra aliuniu khengbuibose dechiu khengralo chiubo aliuniu simakge, chiudi Hiupuina papum siakniu, chaladniu dinsi lulakbo katang aliu lam ponjiu Tingwang khuga khengjiu bamme. 27Chamaina lungchun ngaobo Tingwang niu Hiupuina gu maning delo chiubo si-e; palamra Hiupuina siniu Tingwang maningga pamaidung lam chapjiu kheng bambo-e. 28Tingwang niu pamaning saisuijiu kulumai khatdi patu lungsamai lengra palam hinaga wikam najiu tadkiu lura kamkhai-e. 29Tingwang niu kadapad mibo maidungtu paniu Nahpiu kum lukhaira lupad tam mibo-e chiusai Nahpiuse singnamaidung ruangga tingthubo nahpiu thiura-e. 30Khatdi Tingwang niu lupad tam mibo maidungtu paniu kulude; khatdi paniu kupad mibo maidungtu kam majikhai lujiu, pagu kendibose paliutu maluong padam lumacham rabo-e.
Khrista Jesu Gasu Tingwang Gu Kakungbo
31Sichiusai aliuniu haibo lamga degu dinralo? Tingwang hai aliuleng-e sai, aliutu atungrabo saolo? 32Tingwang paniu Nahpiu siaktudi masiak makjiu, aliu mathiuleng pipad khai bisai, paniu mania hina aliuleng matha pikhai lakma? Paniu Panahpiu situ aliuleng pikhai mibo makma? 33Tingwang niu kadapad mibo mai riga saoniu ladjan thiu ralo? Tingwang papum siakniu kam majikhai mibo-e. 34Chiusai saoniu paliutu ladjan thiuralo? Shaikhai mibo Khrista Jesu niu makge, paniu ringsulan lujiu khatdi Tingwang ben jatlam ntaolujiu aliuleng pakhuga khengjiu bambo-e. 35Sichiusai aliutu Khrista gu kakungbo gasu kampang ngambo sao bamlo? Lungchun chariubo niuma? Megenthiubo niuma? Kamathadbo niuma? Katiu kasak riangbo niuma? Kalek sabo niuma? Kapingbo niuma? Maksai kashaibo niuma? 36#T.Lui 44.22.Masanbo ariakniu dinkhai mibose kumbo-e,
“Najeng gasu aliutu marinpuiting kamshatjiu bambo-e;
kamshat mirabo milydung kum,
aliutu lukhaijiu bamme.”
37Chiudi aliutu lungsa khaibibo Rapiu donniu palam hinaga aliura kangam maidung suang nkiu-e. 38-39Palamra Iniu malumbo sira kashaiboniu tadi, karingboniu tadi, tinggen mazadungniu tadi, kangambo maidungniu tadi, pumtan bambo mawangpao maidungniu tadi, tuhoi bamboniu tadi, wangkinboniu tadi, tinggen lam bamboniu tadi, kadih hanglam bamboniu tadi, kakibo gandamniu tadi, aliu Rapiu Khrista Jesu pen gasu, Tingwang niu kakungbo gasu aliutu kam npek ngamlura wakhatnadi ha-e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.