ROMEMAI 7
7
Magiangbo Tu Din Rambabo
1Iniu dinrabo lamga naliuniu sisiak lurabo-e, singnamaidung yo, palamra naliu mathiuniu tacheng tajai lamga sibamme. Chiubora chamai ringbam thenna tacheng tajainiu paliu riga mawang-e. 2Din rambajiu, npuimai mainao thiumibo pui khatniu pakina karingthen pakhuga tacheng tajai siniu ratkhaijiu bambo-e; chiudi pakina shai misai pakinaniu ratkhaibo tacheng tajai gasu, pakhen-parang thiu mibo-e. 3Sichiujiu pakina ringbam then paniu kakibo npiumai khat khuga lungmi sai patu kamakhabo pui-e chiujiu kurabo-e; chiudi pakina shai misai, paniu pakhen-parang thiujiu kakibo npiumai khat khuga milanjiu tadi pase makhabo makge. 4Asingna maidung yo, naliudi haibo cheng kumbo-e: Tacheng-tajaiga naliudi shaikhai mide; palamra naliu hai Khrista pumga khat thiu mibo-e, sichiujiu tuhoira naliu hai kashaibo gasu ringsulan mibo mai thiu mide, sijengniu aliu hai Tingwang tien thiura pageng bammai thiu mibo-e. 5Palamra aliuniu chamainagu lunlungga lungbo tingga nuan-ga masenbo lungchun siniu Tacheng-tajai gasu aliutu kam kabuakjiu bambo-e, sichiujiu aliu hai kashaiboga loikhai mibo-e. 6Chiudi tuhoira aliu Tacheng-tajai ganiu khenrang thiu mide, palamra pawan khatga aliutu bangkhaijiu bamniubo-e, chiusai raokhaibo tacheng tajai kaguangbo npuiga aliu tatien tenlan makjiu, Hiupuina gu kasanbo npuiga tatien thiura leng-e.
Tacheng-Tajai Nai Nuan
7 #
Tad 20.17; Taj 5.21. Chiusai aliuniu degu dinralo? Tacheng-tajai hai siakniu nuan ma? Palingjiu sichiu makge! Chiudi Tacheng-tajai siniu nuanse delo chiubo hai atu pisikhai-e. Tacheng-tajai siniu, “Maigu masen tulo” chiujiu dinmak sai, Iniu haikumbo masenbo situ simak bamniu rabo-e. 8Chiudi chamtan gasu nuan siniu alungga masenbo lungchun pipad khai-e. Tacheng-tajai haboga, nuan hai kashaibo khat thiujiu bamniu-e. 9Tacheng-tajai jaomakjiu I hai pawan khat ringbam niu-e; chiudi chamtanse wangbo tingga nuan hai ringsu mide, siga I shai mide, 10sichiujiu ringrabo chamtan siniu alengra kashaibo padmide. 11#Chab 3.13.Nuan siniu pathak daolujiu chamtan jengniu atu sonlude, sichiujiu atu nuan-ga kamshat mide.
12Sijengniu Tacheng-tajai siakra masan-e, khatdi chamtan sidi masan-e, maji-e, khatdi wi-e. 13Sichiusai kawibo siniu akhuga shai khaira wangjiuma? Palingjiu sichiu makge! Chiudi nuan siniu kashaibo phungwang-e chiubo lenkhai raleng kawibo thiu lujiu, nuan siniu shai raleng tatien thiujiu akhuga shaira wang mibo-e. Sichiujiu chamtan jeng gasu nuan hainiu sa-nkiubo nuan phungmai pithiu khaibo-e.
Chamai Khuga Macham Makbo
14Sichiujiu Tacheng-tajai haira hiupuina gu-e, chiubo aliuniu si-e; chiudi I haira shai suibo mai thiubo jengniu kavang khat thiujiu nuan ga atu jonkhai mibo-e. 15#Gal 5.17.Iniu kambambo hai degulo chiubo I simakge; palamra Iniu kamnibose Iniu kammakge, chiudi sibosung, Iniu lunimakbo Iniu kamme. 16Iniu kamni makbotu Iniu kamjiu bambo haisiniu Tacheng-tajai hai majibo-e chiubo Iniu suibo-e. 17Sijengniu sise tenbambo hai Iniu makge, chiudi akhuga bambo nuan siniu-e. 18Palamra alungga kawibo wakhat nadi ha-e, chiubo Iniu si-e, delosai kamnibo lungchunra bamme chiudi kammakge. 19Iniu kamnibo kawibose Iniu kammakge; sibosung Iniu masen makbo situ Iniu kamme. 20Tuhoira Iniu masen makbose Iniu kamsai, sise kambambose Iniu makge; chiudi alungga bambo nuan siniu-e.
21Sijengniu haibo tacheng-tajai gasu Iniu ngao-e, chiubora Iniu kawibo kamniboga kasabose akhuga bamjut-jutle. 22Alung lamniu Tingwang gu tacheng tajaitu machunbo-e. 23Chiudi tacheng-tajai siniu suimakbose apumga kamjiu bambo Iniu si-e, sise achun maning niura suinibo chiudi tacheng tajainiu suimakbo si-e. Haise akhuga bambo nuan siniu atu pikam khaibo-e. 24I hai dejiukha chunsabo mailo! Haibo kashaibo pum gasu saoniu atu rankhai ralo? 25Aliu Rapiu Jesu Khrista pen gasu gukhai bibo Tingwang tu thuonlo!
Haichiujiu alung chunniu Tingwang gu Tacheng-tajaitu Iniu machabo-e; chiudi chamainagu apum siniu nuan-gu tacheng-tajai situ machabo-e.
Currently Selected:
ROMEMAI 7: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
ROMEMAI 7
7
Magiangbo Tu Din Rambabo
1Iniu dinrabo lamga naliuniu sisiak lurabo-e, singnamaidung yo, palamra naliu mathiuniu tacheng tajai lamga sibamme. Chiubora chamai ringbam thenna tacheng tajainiu paliu riga mawang-e. 2Din rambajiu, npuimai mainao thiumibo pui khatniu pakina karingthen pakhuga tacheng tajai siniu ratkhaijiu bambo-e; chiudi pakina shai misai pakinaniu ratkhaibo tacheng tajai gasu, pakhen-parang thiu mibo-e. 3Sichiujiu pakina ringbam then paniu kakibo npiumai khat khuga lungmi sai patu kamakhabo pui-e chiujiu kurabo-e; chiudi pakina shai misai, paniu pakhen-parang thiujiu kakibo npiumai khat khuga milanjiu tadi pase makhabo makge. 4Asingna maidung yo, naliudi haibo cheng kumbo-e: Tacheng-tajaiga naliudi shaikhai mide; palamra naliu hai Khrista pumga khat thiu mibo-e, sichiujiu tuhoira naliu hai kashaibo gasu ringsulan mibo mai thiu mide, sijengniu aliu hai Tingwang tien thiura pageng bammai thiu mibo-e. 5Palamra aliuniu chamainagu lunlungga lungbo tingga nuan-ga masenbo lungchun siniu Tacheng-tajai gasu aliutu kam kabuakjiu bambo-e, sichiujiu aliu hai kashaiboga loikhai mibo-e. 6Chiudi tuhoira aliu Tacheng-tajai ganiu khenrang thiu mide, palamra pawan khatga aliutu bangkhaijiu bamniubo-e, chiusai raokhaibo tacheng tajai kaguangbo npuiga aliu tatien tenlan makjiu, Hiupuina gu kasanbo npuiga tatien thiura leng-e.
Tacheng-Tajai Nai Nuan
7 #
Tad 20.17; Taj 5.21. Chiusai aliuniu degu dinralo? Tacheng-tajai hai siakniu nuan ma? Palingjiu sichiu makge! Chiudi Tacheng-tajai siniu nuanse delo chiubo hai atu pisikhai-e. Tacheng-tajai siniu, “Maigu masen tulo” chiujiu dinmak sai, Iniu haikumbo masenbo situ simak bamniu rabo-e. 8Chiudi chamtan gasu nuan siniu alungga masenbo lungchun pipad khai-e. Tacheng-tajai haboga, nuan hai kashaibo khat thiujiu bamniu-e. 9Tacheng-tajai jaomakjiu I hai pawan khat ringbam niu-e; chiudi chamtanse wangbo tingga nuan hai ringsu mide, siga I shai mide, 10sichiujiu ringrabo chamtan siniu alengra kashaibo padmide. 11#Chab 3.13.Nuan siniu pathak daolujiu chamtan jengniu atu sonlude, sichiujiu atu nuan-ga kamshat mide.
12Sijengniu Tacheng-tajai siakra masan-e, khatdi chamtan sidi masan-e, maji-e, khatdi wi-e. 13Sichiusai kawibo siniu akhuga shai khaira wangjiuma? Palingjiu sichiu makge! Chiudi nuan siniu kashaibo phungwang-e chiubo lenkhai raleng kawibo thiu lujiu, nuan siniu shai raleng tatien thiujiu akhuga shaira wang mibo-e. Sichiujiu chamtan jeng gasu nuan hainiu sa-nkiubo nuan phungmai pithiu khaibo-e.
Chamai Khuga Macham Makbo
14Sichiujiu Tacheng-tajai haira hiupuina gu-e, chiubo aliuniu si-e; chiudi I haira shai suibo mai thiubo jengniu kavang khat thiujiu nuan ga atu jonkhai mibo-e. 15#Gal 5.17.Iniu kambambo hai degulo chiubo I simakge; palamra Iniu kamnibose Iniu kammakge, chiudi sibosung, Iniu lunimakbo Iniu kamme. 16Iniu kamni makbotu Iniu kamjiu bambo haisiniu Tacheng-tajai hai majibo-e chiubo Iniu suibo-e. 17Sijengniu sise tenbambo hai Iniu makge, chiudi akhuga bambo nuan siniu-e. 18Palamra alungga kawibo wakhat nadi ha-e, chiubo Iniu si-e, delosai kamnibo lungchunra bamme chiudi kammakge. 19Iniu kamnibo kawibose Iniu kammakge; sibosung Iniu masen makbo situ Iniu kamme. 20Tuhoira Iniu masen makbose Iniu kamsai, sise kambambose Iniu makge; chiudi alungga bambo nuan siniu-e.
21Sijengniu haibo tacheng-tajai gasu Iniu ngao-e, chiubora Iniu kawibo kamniboga kasabose akhuga bamjut-jutle. 22Alung lamniu Tingwang gu tacheng tajaitu machunbo-e. 23Chiudi tacheng-tajai siniu suimakbose apumga kamjiu bambo Iniu si-e, sise achun maning niura suinibo chiudi tacheng tajainiu suimakbo si-e. Haise akhuga bambo nuan siniu atu pikam khaibo-e. 24I hai dejiukha chunsabo mailo! Haibo kashaibo pum gasu saoniu atu rankhai ralo? 25Aliu Rapiu Jesu Khrista pen gasu gukhai bibo Tingwang tu thuonlo!
Haichiujiu alung chunniu Tingwang gu Tacheng-tajaitu Iniu machabo-e; chiudi chamainagu apum siniu nuan-gu tacheng-tajai situ machabo-e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.