LUKE 19
19
Zacchaeus thelü rede keyi
1Jisu Jericholü tavo zü. 2Hihe, mipü püza Zachaeus tipü ba. Pü theso keyimi mu mhaneshu. 3Pü Jisu sü sopüdipü sheri pesü toli ba, püpeyi mota kekrelamori thüma kebü phi ketala, kekrelamori püda renu ketala. 4Pü mhüjülü lekubo süyo meleku püpe ketola, pü chode sülü vori to kebala. 5Jisu thethi sülü vori, pü tosü pe, de püngoyi, de püce poti, Zachaeus rekri kirite; kekrelamori tha I n celü ba moze kesula. 6Mu pü rekri kiri, pünüshüde püzüyi. 7Uko süo ngosü de jü kebushuta, de poti, pü kephomami so thi to vote. 8Zacchaeus süthayi de poti, hihe, Niepoo azhü phatüpü kha kedimi tsü vato, mhace I kemedalü humi mha khiyi ta lize I zada pü pütsü sala vato. 9Jisu püce poti, thatüsolü kelakeyi ce hilü vorite, pü, sheri Abraham nu zo tila. 10Kekrelamori thüma Nuo di ketami phu mu kelato vori.
Presa keri jüve, mu kede thothü ba keta
11Uko mhasüko sekesü sa pü jüve posasü, kekrelamori uko Jerusalem meno voketala mu uko kelüce Jihova kedekethi vori mha zita totho zi kebala. 12Süla püpoti, mipü ta kemeculü vota pü kede khiyi ketola de süsa ta vori. 13Pü mi keriko pücetako cüsü, mu presa (pound) keri pü uko tsüsü de uko ce poti, khipü bate I vori kemothe. 14Vele püramiko püngo metsüta, de jüpü kha püsalü, posü, uko thüma hiopo upi kekhaho. 15Pü kede kethi khiyi side ta sala vori, pü ceta süko po püce vorite side cüsü, presa pü uko tsü kesüko, uko dithedü meveyi ta sheri pü se ketola, hetho Heli kethilü. 16Vori kerao poti, n presako za keri pra yite; 17Mu püce po kesü, vewe, no ceta keve, no mha kenilü sheri jütho keyi la npo rüna keri pi kekhatato. 18Mi kenao tavori poti, Niepoo npresako za püngu meveyite le, 19Pü sübi de po kesü, npo rüna püngu pi kekha tato. 20Kekre-o (mi süo) püce voride poti, hi he, n presa I khapü mezü (a fünelü kezhü pü meta). 21Kekrelamori I n meprü ketala, no kepatsü shu timipü (nlüsü timi), no khapü meta mori khiyi yo, so (tsava) mori rüyi yo tila, 22Püpüce poti, n ta kekha vate, I nshe keti tato (nta kepo bi I nsheco süto). No thekü kesu, no seti I kepatsü timi lezi; I khapü meta mori khiyi yolezi; sosü mori I rüyi yole zite. 23No dito apresa khapü bank lü (kengu tice) sü meta vama, side apo püpra sheri ngoyi tama? 24Süsa pü uko ce poti, pukhüce kethako, püyo presa kebao püyi tate, de khapü presa $10 (pound) keri kebao tsüvate. 25Uko puce poti, Niepoo thüma hio presa keri bale. 26Pü uko poti; kehopü sheri mhakeba-a pü tsüsa süto, mu kehopü sheri mhalakemoo kebako sheri püyi tato, pücelü. 27Vele angokemumiko, apo ukopi kekha nyü kemoko, zü hice vorite, side amhüjülü uko dokhri vate.
Melemelu ta Jerusalem lü kelü
28Mu pü mha sübi po kevasa, pu uko mhüjülü ta Jerusalem lü khota. 29Püta Bethphage mu Bethanymeno vori tice, cejütu cüpü olive siyo, m pü mi kena püsajini ketsüsü. 30Poti, ta rünalü, neni mhüjülü lüte, neni talü tice, gada nepü khüpü mezü ngoyito, mipüri püyoo ku kemopü, phrüyite, püzü hice vorite. 31Mhace humi neni ketsode dipüla pü phrü bata? Neni püce po süte, kekrelamori Niepoo (püzü) khimoze su bale. 32Uni ketsü kesü ni tavo ta, mu uni tavo pü po kesü bide ngoyi. 33Uni tavo phrü kebace niepoko unice poti, neni dipüla pü (gadanu) phrü bata? 34Mu uni poti, Niepoo pü khimozesu bale. 35Uni gadanu züpü Jisu cevori, mu uko füneko kha gadanuyo khrasü, de Jisu süyo ku bayi. 36Mu püta kevo cholü uko füko khrasü. 37Uko ta olive cejütuyo ki kezüce pü metha keyi makro rechü de Jihova chuta, füphra meto seta, uko pü mhatho keku kene thi kesü kola. 38Kedeo Niepoo zalü kevorio po thejo kepü thiyite; tüyo kezü keve, mu zapozale kerekrüthoo. 39Phariseemiko humi makrodolü püce poti, kemethao, n sajiko lekhu süte. 40Pü uko fü kela kesü, I neko ce süo posüto, mhace uko kemekretazori, ketsüko rekri se meto prari tato.
Jisu Jerusalem krikra keta
41Püta nadeo meno voritice pü süo pesüde pü krikra ta. 42Poti, mhace no n tüso sebalize, ketsatho zori tha tüsohi, nla kezükeve pü voriti, vele süko n mhüce resüte. 43Kekrelamori pütüpü nce vorito, n ngomuko tekhü chüpü n hu püyito, de nbo yito, mu pükhüko metülü n-hu püyito. 44N khapü cejü mezü vato, mu n nuneko risa, side ketsü püpori kepishu pü bamotato; kekrelamori no nkelakeyi npe kevori semo ketala.
Va kena kereshüce thi kemesa kesü
45Püta kereshücelü lüde mhazhu, mhakhri kebako hu metava. 46Ukoce poti, Ace pü kechoce thi keto ketho lesilü tho meta, vele neko süo thipü keregomiko keba cepü thi bate. 47Pü tüsonha kereshücelü mimetha zo bata, vele thevo kezhoko, lesikeseko, thüma kezhomiko pü dokhriva keto rhü ba zota. 48Uko pü, mejo keto phumedita; thümako püfü reni türü ba ketala.
Currently Selected:
LUKE 19: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
LUKE 19
19
Zacchaeus thelü rede keyi
1Jisu Jericholü tavo zü. 2Hihe, mipü püza Zachaeus tipü ba. Pü theso keyimi mu mhaneshu. 3Pü Jisu sü sopüdipü sheri pesü toli ba, püpeyi mota kekrelamori thüma kebü phi ketala, kekrelamori püda renu ketala. 4Pü mhüjülü lekubo süyo meleku püpe ketola, pü chode sülü vori to kebala. 5Jisu thethi sülü vori, pü tosü pe, de püngoyi, de püce poti, Zachaeus rekri kirite; kekrelamori tha I n celü ba moze kesula. 6Mu pü rekri kiri, pünüshüde püzüyi. 7Uko süo ngosü de jü kebushuta, de poti, pü kephomami so thi to vote. 8Zacchaeus süthayi de poti, hihe, Niepoo azhü phatüpü kha kedimi tsü vato, mhace I kemedalü humi mha khiyi ta lize I zada pü pütsü sala vato. 9Jisu püce poti, thatüsolü kelakeyi ce hilü vorite, pü, sheri Abraham nu zo tila. 10Kekrelamori thüma Nuo di ketami phu mu kelato vori.
Presa keri jüve, mu kede thothü ba keta
11Uko mhasüko sekesü sa pü jüve posasü, kekrelamori uko Jerusalem meno voketala mu uko kelüce Jihova kedekethi vori mha zita totho zi kebala. 12Süla püpoti, mipü ta kemeculü vota pü kede khiyi ketola de süsa ta vori. 13Pü mi keriko pücetako cüsü, mu presa (pound) keri pü uko tsüsü de uko ce poti, khipü bate I vori kemothe. 14Vele püramiko püngo metsüta, de jüpü kha püsalü, posü, uko thüma hiopo upi kekhaho. 15Pü kede kethi khiyi side ta sala vori, pü ceta süko po püce vorite side cüsü, presa pü uko tsü kesüko, uko dithedü meveyi ta sheri pü se ketola, hetho Heli kethilü. 16Vori kerao poti, n presako za keri pra yite; 17Mu püce po kesü, vewe, no ceta keve, no mha kenilü sheri jütho keyi la npo rüna keri pi kekhatato. 18Mi kenao tavori poti, Niepoo npresako za püngu meveyite le, 19Pü sübi de po kesü, npo rüna püngu pi kekha tato. 20Kekre-o (mi süo) püce voride poti, hi he, n presa I khapü mezü (a fünelü kezhü pü meta). 21Kekrelamori I n meprü ketala, no kepatsü shu timipü (nlüsü timi), no khapü meta mori khiyi yo, so (tsava) mori rüyi yo tila, 22Püpüce poti, n ta kekha vate, I nshe keti tato (nta kepo bi I nsheco süto). No thekü kesu, no seti I kepatsü timi lezi; I khapü meta mori khiyi yolezi; sosü mori I rüyi yole zite. 23No dito apresa khapü bank lü (kengu tice) sü meta vama, side apo püpra sheri ngoyi tama? 24Süsa pü uko ce poti, pukhüce kethako, püyo presa kebao püyi tate, de khapü presa $10 (pound) keri kebao tsüvate. 25Uko puce poti, Niepoo thüma hio presa keri bale. 26Pü uko poti; kehopü sheri mhakeba-a pü tsüsa süto, mu kehopü sheri mhalakemoo kebako sheri püyi tato, pücelü. 27Vele angokemumiko, apo ukopi kekha nyü kemoko, zü hice vorite, side amhüjülü uko dokhri vate.
Melemelu ta Jerusalem lü kelü
28Mu pü mha sübi po kevasa, pu uko mhüjülü ta Jerusalem lü khota. 29Püta Bethphage mu Bethanymeno vori tice, cejütu cüpü olive siyo, m pü mi kena püsajini ketsüsü. 30Poti, ta rünalü, neni mhüjülü lüte, neni talü tice, gada nepü khüpü mezü ngoyito, mipüri püyoo ku kemopü, phrüyite, püzü hice vorite. 31Mhace humi neni ketsode dipüla pü phrü bata? Neni püce po süte, kekrelamori Niepoo (püzü) khimoze su bale. 32Uni ketsü kesü ni tavo ta, mu uni tavo pü po kesü bide ngoyi. 33Uni tavo phrü kebace niepoko unice poti, neni dipüla pü (gadanu) phrü bata? 34Mu uni poti, Niepoo pü khimozesu bale. 35Uni gadanu züpü Jisu cevori, mu uko füneko kha gadanuyo khrasü, de Jisu süyo ku bayi. 36Mu püta kevo cholü uko füko khrasü. 37Uko ta olive cejütuyo ki kezüce pü metha keyi makro rechü de Jihova chuta, füphra meto seta, uko pü mhatho keku kene thi kesü kola. 38Kedeo Niepoo zalü kevorio po thejo kepü thiyite; tüyo kezü keve, mu zapozale kerekrüthoo. 39Phariseemiko humi makrodolü püce poti, kemethao, n sajiko lekhu süte. 40Pü uko fü kela kesü, I neko ce süo posüto, mhace uko kemekretazori, ketsüko rekri se meto prari tato.
Jisu Jerusalem krikra keta
41Püta nadeo meno voritice pü süo pesüde pü krikra ta. 42Poti, mhace no n tüso sebalize, ketsatho zori tha tüsohi, nla kezükeve pü voriti, vele süko n mhüce resüte. 43Kekrelamori pütüpü nce vorito, n ngomuko tekhü chüpü n hu püyito, de nbo yito, mu pükhüko metülü n-hu püyito. 44N khapü cejü mezü vato, mu n nuneko risa, side ketsü püpori kepishu pü bamotato; kekrelamori no nkelakeyi npe kevori semo ketala.
Va kena kereshüce thi kemesa kesü
45Püta kereshücelü lüde mhazhu, mhakhri kebako hu metava. 46Ukoce poti, Ace pü kechoce thi keto ketho lesilü tho meta, vele neko süo thipü keregomiko keba cepü thi bate. 47Pü tüsonha kereshücelü mimetha zo bata, vele thevo kezhoko, lesikeseko, thüma kezhomiko pü dokhriva keto rhü ba zota. 48Uko pü, mejo keto phumedita; thümako püfü reni türü ba ketala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.