LUKE 20
20
Jisu keku ketso keta
1Pü kereshücelü mi metha keba pünha, jüyikeve zhopo thi kebace, thevoko, thezhokeseko mu mehiko ta püce vori. 2Püce poti, hako ce posüte, dipü keku khipü no mha hiko thiba sheri? 3Pü uko fü kelasü de poti, I sheri mhapü neko ketso süto mu afü kela sü mozesu. 4John mipü jülo kepü tülü kirime mori thüma celü vori la? 5Mu ukodolü mha kepo bata, uko lüti, mhace uko tülü kiri; sizilize, pü poketo, neko dipüla melü mota? Zitato. 6Vele mhace uko, thümacelü vori, süsa thüma metü ketsüpü uko zhetato, kekrelamori uko melüti John hi saju kesemi pü ziba tila. 7Uko püfü kelakesü, dipü bi sheri semo, sita. 8Jisu ukoce poti, I sheri kedipü keku pü mha hiko thiyo sheri posü hote.
Tizhe kefümipü jüve
9Süsa pü jüve posüta, mipü khubü yi lüpü meta, süo khapü kefümiko melüsüva, mu uko püse khipüvo pütsü nosü, mu ta rüna kemeculü vo pütü kecho bata. 10Pütüce pü cetamipü ketsüpü kefüthümako cesü, ukopo püseko püvo putsü sü ketola; vele uko pü vüva de mechü pühu metava. 11Pü ceta kekremipü ketsü salasü, uko pü vüva, mu püthi kezhoshu sü, de methu pü ketsüva. 12Süsasheri vasüo pü ketsü sasü, mu uko pü reza sü de kelhupü chozu süva. 13Sü tizhe niepoo poti, I dipü thize veta? I anu akhrüo ketsü süto; uko püngo tisa pü resesa sütori se homo. 14Vele tizhe kefüko püngosü, de uko dolü mhakepoti, hiohi pü kalü-o tazo, tavorite de uko pü dokhri vakhe sizide uko pü kalü thita khe. 15Süla uko pü kegüdü chozu süva, mu pü dokhriva; süla tizhe niepüo-o süko yo dipü thi tata? 16Pü tavori de tizhe kefüko meka vato, mu tizhe khapü kekremi tsüvato, uko jü süo sesü de, therüo po süo khavate. 17Pü uko ce thapü meka kesü, thopü kemeta dipü poba, ketsü khakeva-o, süo püvo pü külü tsüthisüte zi mome? 18Kehopüri ta ketsüyo tsü timi kesüphro vato, vele ketsü süo tatsü pü kesü tisa pü kesü phrephapha pü megünyo thitato.
Khazhonu kekhrü ketso keti
19Thevo kezhoko, mu thezho keseko sütülü uko be khapü püyo sütole süta, vele uko thümako mpeta; kekrelamori uko kelüce pü jüve hio popü uko metsu sütho sizi ketala. 20Uko püla bata, mu salimi ketsü sü, uko kemezimi khravü, uko pü jüpokolü pütüyi ketola, side uko pütüpü kekumi belü sorkari kesümi governor tsüsü ketola. 21Uko pücepoti, kemethao, hako se keba no kemezilü mi methaba, mhacepüri thüma rhota yomo, vele Jihova cho jütho po süyo. 22Hako po khazhonu pü Caesar ketsü thezho mema? 23Vele pü uko do kerü seyi de poti, neko dito a kedo ba? 24Presapü khapü ameka süte; sopü marhe mu thopü kemeta tsüyo ba? Uko püce poti, Caesar. 25Pü ukoce poti, Caesar zhüko kha Caesar tsüvate, mu Jihova zhüko kha Jihova tsü vate. 26Uko thümako mhüjülü pü tüyi hota; mu uko pü kelakesü füla uko ngo phita; side uko kemekre thita.
Jisu Sadducees fü kela kesü
27Süsa Sadducee mipü ta püce vori, uko rhülakesü bamo le ziyo; mu pü ketsoti. 28Moses thopü hako ketsü, mhace thümapü sazüjüra dolü sata, pücemi kebapü, pü nune bamo de sata; süsa pü sazüo süo cemi yiyi, thüma mehüpü pü jürao shuye thi ketola. 29Süko sazüjüra mi thüna ba, mu kerao theno yi, vele pünu di de sata. 30Mi kena-ori süpü yi, vele nudi thi sata. 31Mi süo sheri süpü yi, sübi de mi thünako metü süpü yi, vele nu di thi satsota. 32Thelatho thenopü sheri sata. 33Süla rhüla kesüce süpü sopü cemi thita? Uko mi thünako metü püyi tila. 34Jisu püfü kela sü de poti, cejü hilü nuko thenoyi yo, mu nhi siyo. 35Vele sopü cejü sülü voyi zü sheri rhüla kesü thethilü, kesasalü, theno keyi mori nhi (ceyo) ti bamo. 36Mori uko sasa hote, uko tüyochoyimiko zü ketüte, mu uko Jihova nuneko thi tato, uko rhüla kesü nuneko thi ketala, 37Tsüdo, kesami phu merhü kesü, nhatsalü (sünyholü) Moses mengo kesü pü süo cüpü Niepoo, Abraham Rüo, Isaac Rüo, mu Jacob Rüo. 38Kekrelamori pü kesami Rüo moli, vele rhü kebako Rüo; kekrelamori metüko püla rhütayo.
Jisu lesikeseko ketso keti
39Lesikesemi pü püfü khosü de poti, kemethao, no po meveshu süzo. 40Süsaco uko pü ketso meprüta. 41Pü uko cepoti, kedipü bide Khrista David nu le sizita? 42David sheri chelelü (Ps) lü poti, Niepoo a Niepoo ce poti, no azaco bayite. 43I n ngomuko pü nphezho thiva kemothe 44David zori pücü pü a Niepoo ziba lize, dipü bide pü nu tata? 45Süsa püfü reni keba thümako pü metha keyi ce poti. 46Lesikeseko yo neceri yite, uko füne rechu süpü mi mhüjülü keta uko nüyo mu methi thethi kolü mipo uko kelü ti reyo mu kereshücelü theba kerekrü kolü ba nyü, mu thenye kolü thethi kemelekolü tanyü phi. 47Uko theno samepüko kedoti tayo, mu mipo ngo ketola kechothi mechoshuyo; süko kemejo ngo mekro kuto.
Currently Selected:
LUKE 20: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
LUKE 20
20
Jisu keku ketso keta
1Pü kereshücelü mi metha keba pünha, jüyikeve zhopo thi kebace, thevoko, thezhokeseko mu mehiko ta püce vori. 2Püce poti, hako ce posüte, dipü keku khipü no mha hiko thiba sheri? 3Pü uko fü kelasü de poti, I sheri mhapü neko ketso süto mu afü kela sü mozesu. 4John mipü jülo kepü tülü kirime mori thüma celü vori la? 5Mu ukodolü mha kepo bata, uko lüti, mhace uko tülü kiri; sizilize, pü poketo, neko dipüla melü mota? Zitato. 6Vele mhace uko, thümacelü vori, süsa thüma metü ketsüpü uko zhetato, kekrelamori uko melüti John hi saju kesemi pü ziba tila. 7Uko püfü kelakesü, dipü bi sheri semo, sita. 8Jisu ukoce poti, I sheri kedipü keku pü mha hiko thiyo sheri posü hote.
Tizhe kefümipü jüve
9Süsa pü jüve posüta, mipü khubü yi lüpü meta, süo khapü kefümiko melüsüva, mu uko püse khipüvo pütsü nosü, mu ta rüna kemeculü vo pütü kecho bata. 10Pütüce pü cetamipü ketsüpü kefüthümako cesü, ukopo püseko püvo putsü sü ketola; vele uko pü vüva de mechü pühu metava. 11Pü ceta kekremipü ketsü salasü, uko pü vüva, mu püthi kezhoshu sü, de methu pü ketsüva. 12Süsasheri vasüo pü ketsü sasü, mu uko pü reza sü de kelhupü chozu süva. 13Sü tizhe niepoo poti, I dipü thize veta? I anu akhrüo ketsü süto; uko püngo tisa pü resesa sütori se homo. 14Vele tizhe kefüko püngosü, de uko dolü mhakepoti, hiohi pü kalü-o tazo, tavorite de uko pü dokhri vakhe sizide uko pü kalü thita khe. 15Süla uko pü kegüdü chozu süva, mu pü dokhriva; süla tizhe niepüo-o süko yo dipü thi tata? 16Pü tavori de tizhe kefüko meka vato, mu tizhe khapü kekremi tsüvato, uko jü süo sesü de, therüo po süo khavate. 17Pü uko ce thapü meka kesü, thopü kemeta dipü poba, ketsü khakeva-o, süo püvo pü külü tsüthisüte zi mome? 18Kehopüri ta ketsüyo tsü timi kesüphro vato, vele ketsü süo tatsü pü kesü tisa pü kesü phrephapha pü megünyo thitato.
Khazhonu kekhrü ketso keti
19Thevo kezhoko, mu thezho keseko sütülü uko be khapü püyo sütole süta, vele uko thümako mpeta; kekrelamori uko kelüce pü jüve hio popü uko metsu sütho sizi ketala. 20Uko püla bata, mu salimi ketsü sü, uko kemezimi khravü, uko pü jüpokolü pütüyi ketola, side uko pütüpü kekumi belü sorkari kesümi governor tsüsü ketola. 21Uko pücepoti, kemethao, hako se keba no kemezilü mi methaba, mhacepüri thüma rhota yomo, vele Jihova cho jütho po süyo. 22Hako po khazhonu pü Caesar ketsü thezho mema? 23Vele pü uko do kerü seyi de poti, neko dito a kedo ba? 24Presapü khapü ameka süte; sopü marhe mu thopü kemeta tsüyo ba? Uko püce poti, Caesar. 25Pü ukoce poti, Caesar zhüko kha Caesar tsüvate, mu Jihova zhüko kha Jihova tsü vate. 26Uko thümako mhüjülü pü tüyi hota; mu uko pü kelakesü füla uko ngo phita; side uko kemekre thita.
Jisu Sadducees fü kela kesü
27Süsa Sadducee mipü ta püce vori, uko rhülakesü bamo le ziyo; mu pü ketsoti. 28Moses thopü hako ketsü, mhace thümapü sazüjüra dolü sata, pücemi kebapü, pü nune bamo de sata; süsa pü sazüo süo cemi yiyi, thüma mehüpü pü jürao shuye thi ketola. 29Süko sazüjüra mi thüna ba, mu kerao theno yi, vele pünu di de sata. 30Mi kena-ori süpü yi, vele nudi thi sata. 31Mi süo sheri süpü yi, sübi de mi thünako metü süpü yi, vele nu di thi satsota. 32Thelatho thenopü sheri sata. 33Süla rhüla kesüce süpü sopü cemi thita? Uko mi thünako metü püyi tila. 34Jisu püfü kela sü de poti, cejü hilü nuko thenoyi yo, mu nhi siyo. 35Vele sopü cejü sülü voyi zü sheri rhüla kesü thethilü, kesasalü, theno keyi mori nhi (ceyo) ti bamo. 36Mori uko sasa hote, uko tüyochoyimiko zü ketüte, mu uko Jihova nuneko thi tato, uko rhüla kesü nuneko thi ketala, 37Tsüdo, kesami phu merhü kesü, nhatsalü (sünyholü) Moses mengo kesü pü süo cüpü Niepoo, Abraham Rüo, Isaac Rüo, mu Jacob Rüo. 38Kekrelamori pü kesami Rüo moli, vele rhü kebako Rüo; kekrelamori metüko püla rhütayo.
Jisu lesikeseko ketso keti
39Lesikesemi pü püfü khosü de poti, kemethao, no po meveshu süzo. 40Süsaco uko pü ketso meprüta. 41Pü uko cepoti, kedipü bide Khrista David nu le sizita? 42David sheri chelelü (Ps) lü poti, Niepoo a Niepoo ce poti, no azaco bayite. 43I n ngomuko pü nphezho thiva kemothe 44David zori pücü pü a Niepoo ziba lize, dipü bide pü nu tata? 45Süsa püfü reni keba thümako pü metha keyi ce poti. 46Lesikeseko yo neceri yite, uko füne rechu süpü mi mhüjülü keta uko nüyo mu methi thethi kolü mipo uko kelü ti reyo mu kereshücelü theba kerekrü kolü ba nyü, mu thenye kolü thethi kemelekolü tanyü phi. 47Uko theno samepüko kedoti tayo, mu mipo ngo ketola kechothi mechoshuyo; süko kemejo ngo mekro kuto.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.