JOHON 19
19
1Hakhe Pilat Jisuno tlangwi swprak rw kha. 2Sengkrakrok busuni motok rabwi bini bokhorogo thubui rw kha, bono rí kochual kan rw kha, 3hakhe bini thani phaiwi “Judairokni bugra, jinabad!” hwnwi sa kha. Hakhe bórok bono thapra rw lai kha.
4Pilat tei uáisa phataro ongkhorwi lukurokno hai hwnwi sa kha, “Nahar di, bono majra bernani mungsa phano nuk ya hwnwi norokno phunukna bagwi ang bono phataro tubu kha.” 5Hakhe Jisu motok thupjak khe rí kochual kanjak khe phataro ongkhorwi tháng kha. Pilat bórokno hai hwnwi sa kha, “Iko, nahar di a borokno!”
6Ochai okrarok bai sebukrok bono nuk kheno hai hwnwi chirikhók lai kha, “Kruso kanta bu di! Kruso kanta bu di!”
Pilat bórokno hai hwnwi sa kha, “Hakhe norok’-no bono tlangwi kruso kanta bu-ui di. Bono majra bernani mungsa phano ang nuk ya.”
7Judairok hai hwnwi sa khua, “Chini Kerongo tongma hai’-no bo ma butharjak thai klai-o, tamni hwn khe bo sak baithang’-no Kaitorni Sajla hwnwi hwno.”
8Bórok o kók samano khna kheno Pilat teibo kirijak kha. 9Bo noyungo habwi tháng phirwi Jisuno hai hwnwi sẃng kha, “Nwng buroni?”
Hai phano Jisu tháisa phano sa li ya. 10Pilat bono hai hwnwi sa kha, “Nwng ang bai kók sa ya da? Ang nono phiyógwibo mano, kruso kanta bu-uibo mano, abo nwng saui man ya da?”
11Jisu hai hwnwi sa kha, “Kaitor khlaina rw ya khe nwng ano mungsa phano khlaiwi man glak kha mun. Aboni bagwino nini yago ano yapharwi rwnai borok bo teibo sumsok khlaima klai-o.”
12O kókno khnaui Pilat bono teibo phiyógwi rwna bagwi lama naituk kha. Yang Judairok hai hwnwi chirikhók lai kha, “Bono phiyógwi rw khe nwng bugra kotorni bwkhak ya. Khoroksa swk phano sakno bugra hwn khe bo bugra kotorni kena ari!”
13O kókno khna kheno Pilat Jisuno phataro tubu-ui “Holong Khopjak,” hwnmani aroni buj thumjaknai achukthai-o achuk phai kha. (Hibru kók bai abono “Gabatha” hwno.) 14Aphuru Yókma Terni salsa swkangni dibor ká twtwi-o. Pilat Judairokno hai hwnwi sa kha, “Iko, norokni bugra!”
15Bórok hai hwnwi chirikhók kha, “Pái khibi di! Pái khibi di! Bono kruso kanta bu di!”
Pilat bórokno hai hwnwi sẃng kha, “Norokni bugrano kruso kanta bu di da hwn?”
Ochai okrarok hai hwnwi sa kha, “Bugra kotor simi se chini bugra!”
16Hakhe Pilat Jisuno kruso kanta bu thung hwnwi bórokni yago yapharwi rohor kha.
Jisu kruso kanta bujakmani
(Mat 27.32-44; Mar 15.21-32; Luk 23.26-43)
Hakhe bórok Jisuno tlang kha. 17Bo krus balwi phataro ongkhorwi “Bokhorok chárá” hwnwi kwrẃngsa-o phai kha. (Hibru kók bai abono “Golgotha” hwno.) 18Aro bórok Jisuno kruso kanta bu lai kha. Bórok bono kwcharo narwgwi yang gana khoroksa, ayang gana khoroksa khe tei khoroknwinobo kruso kanta bu lai kha. 19Pilat swijak kangsano kruso thepaui rw kha, aro “Nasaretni Jisu, Judairokni bugra,” hwnwi swijak tongo. 20Jisuno kruso kanta bumani abo taun bai chal tha ya, hakhe Judairok kwbángma abono pori kha, abo Hibru, Latin tei Grik kók bai swijak. 21Judai ochai okrarok Pilatno hai hwnwi sa kha, “ ‘Judairokni bugra,’ hwnwi ta swi di. Aboni slái hai hwnwi swi di, ‘Ang Judairokni bugra hwnwi o borok sa-o.’ ”
22Pilat hai hwnwi sa kha, “Ang swimani abo swi kha’-no swi kha.”
23Sengkrakrok Jisuno kruso kanta bu baiwi bini rírokno banta kaibrwi khe na lai kha. Bórok bini kamchlwi lolangnobo na lai kha; abo supjak ya, yaphang buchuk rapmani se. 24Bórok hai hwnwi sa lai kha, “Omono ta sichik di. Omono sabo manthai klai, phai di pat karwi nai lai anw.” Elembakni o kók nang phaina hwnwi se omo wngo,
“Ani rírokno bórok banta khe na lai kha,
ani kamchlwi lolangno tẃi bórok pat karwi na lai kha.”
Aboni bagwino sengkrakrok ahai’-no khlai kha.#Lob 22.18.
25Jisuni buma, bumani bukhuk, Klopani bihik Mariam tei Magdalani Mariam Jisuni krus gana bacha laijak. 26Jisu buma bai bo hamjakmani a sagrino aro bacha laiwi tongma nugwi bumano hai hwnwi sa kha, “Ama, ubo se nwsla.”
27Hakhe bo a sagrinobo hai hwnwi sa kha, “Iko, abo se nwma.” Aphuruni simi a sagri Mariamno bini nogo tonwi kha.
Jisu thwimani
(Mat 27.45-56; Mar 15.33-41; Luk 23.44-49)
28Aboni ulo tabuk le bebak’-no pái súk kha hwnwi Jisu saui man kha, hakhe Elembakni kók nang phaina bagwi bo hai hwnwi sa kha, “Ang twi kang kha.”#Lob 69.21; 22.15.
29Aro twk tháisa kupulung angur bwtwi siringjak tongo. Bórok a angur bwtwi-o wsponj chomsaui abono hisop bedego thepaui Jisuni bwkhwchwi-o phnangwi rw kha. 30Jisu a angur bwtwi nung baiwi hai hwnwi sa kha, “Pái súk kha!”
Hakhe bo bokhorok bomwi phola yapharwi rw kha.
Jisuni oglep yórmani
31Hakhe kanta bujak bororokni yakung swbaiwi krusni tikhlaina bagwi Judairok Pilatno sẃng lai kha. A sal wng kha Judairokni Tiyar Sal, aboni bagwi se bórok omo hai sẃng lai-o; phainai Sabat abo kotor wng kukma bai bórok kwthwino Sabat salo bórok kruso khachiui tonna nai ya. 32Hakhe sengkrakrok Jisu bai baksa kanta bujaknairokni aro thángwi khoroksano yakung swbaiwi tei khoroksanobo swbai kha. 33Phiya bórok Jisuni aro phaiwi bono thwijak nuk phai kha. Aboni bagwino bórok bono yakung swbai li ya. 34Hai phano sengkrak khoroksa Jisuni oglebo koslu yór kha, logi logi’-no thẃi bai twi yorkhlaiwi phai kha. 35(Norokbo poito khlai thung hwnwi o wngmano nuknai o borokno o kókno sa-o. Bo samani abo kubui se, bo saui mano bo kók kubuino sa-o.) 36“Bini bekreng kongsa phano swbaijak glak,” hwnwi elembakni o kók nang phaina bagwi se omo wngo.#Lam 12.46; Lek 9.12; Lob 34.20. 37Elembago o kókbo tongo, “Bórok yórmani a borokno lukurok ma naisik anw.”#Sak 12.10; Phu 1.7.
Jisuno phobmani
(Mat 27.57-61; Mar 15.42-47; Luk 23.50-56)
38Aboni ulo Arimathia taunni Josep “Jisuni mangno tlangwi da manno?” hwnwi Pilatno sanwi kha. (Josep wng kha Jisuni sagri khoroksa, tamo khe Judai hodarokno kirijagwi khogwi tongo.) Pilat bono tlang di hwn kha. Hakhe Josep thángwi a mangno tlang kha. 39Jisuno agi horo naina hwnwi thángnai Nikodimbo mur#19.39: mur: Mur wng kha belengtwi motom. bai Aloi dalokjak kos motom kilogram bachi tubu-ui Josep bai tháng kha.#Joh 3.1-2. 40A khoroknwirok Jisuni mangno tikhlaiwi kos motom bai khe lilonni rí bai dul kha. Kwthwi phobmani swkang Judairok ahai’-no khlai lai-o. 41Jisuno kruso kanta bu thani bari khungsa tongo. Khoroksano phano phobjak ya kho abo tẃi mangkhor kwtal aro khorsa tongo. 42A sal Judairokni Sabat salni salsa swkang klaima bagwi, phiya a mangkhorbo gana’-no tongma bai bórok Jisuno aro’-no ton kha.
Currently Selected:
JOHON 19: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
JOHON 19
19
1Hakhe Pilat Jisuno tlangwi swprak rw kha. 2Sengkrakrok busuni motok rabwi bini bokhorogo thubui rw kha, bono rí kochual kan rw kha, 3hakhe bini thani phaiwi “Judairokni bugra, jinabad!” hwnwi sa kha. Hakhe bórok bono thapra rw lai kha.
4Pilat tei uáisa phataro ongkhorwi lukurokno hai hwnwi sa kha, “Nahar di, bono majra bernani mungsa phano nuk ya hwnwi norokno phunukna bagwi ang bono phataro tubu kha.” 5Hakhe Jisu motok thupjak khe rí kochual kanjak khe phataro ongkhorwi tháng kha. Pilat bórokno hai hwnwi sa kha, “Iko, nahar di a borokno!”
6Ochai okrarok bai sebukrok bono nuk kheno hai hwnwi chirikhók lai kha, “Kruso kanta bu di! Kruso kanta bu di!”
Pilat bórokno hai hwnwi sa kha, “Hakhe norok’-no bono tlangwi kruso kanta bu-ui di. Bono majra bernani mungsa phano ang nuk ya.”
7Judairok hai hwnwi sa khua, “Chini Kerongo tongma hai’-no bo ma butharjak thai klai-o, tamni hwn khe bo sak baithang’-no Kaitorni Sajla hwnwi hwno.”
8Bórok o kók samano khna kheno Pilat teibo kirijak kha. 9Bo noyungo habwi tháng phirwi Jisuno hai hwnwi sẃng kha, “Nwng buroni?”
Hai phano Jisu tháisa phano sa li ya. 10Pilat bono hai hwnwi sa kha, “Nwng ang bai kók sa ya da? Ang nono phiyógwibo mano, kruso kanta bu-uibo mano, abo nwng saui man ya da?”
11Jisu hai hwnwi sa kha, “Kaitor khlaina rw ya khe nwng ano mungsa phano khlaiwi man glak kha mun. Aboni bagwino nini yago ano yapharwi rwnai borok bo teibo sumsok khlaima klai-o.”
12O kókno khnaui Pilat bono teibo phiyógwi rwna bagwi lama naituk kha. Yang Judairok hai hwnwi chirikhók lai kha, “Bono phiyógwi rw khe nwng bugra kotorni bwkhak ya. Khoroksa swk phano sakno bugra hwn khe bo bugra kotorni kena ari!”
13O kókno khna kheno Pilat Jisuno phataro tubu-ui “Holong Khopjak,” hwnmani aroni buj thumjaknai achukthai-o achuk phai kha. (Hibru kók bai abono “Gabatha” hwno.) 14Aphuru Yókma Terni salsa swkangni dibor ká twtwi-o. Pilat Judairokno hai hwnwi sa kha, “Iko, norokni bugra!”
15Bórok hai hwnwi chirikhók kha, “Pái khibi di! Pái khibi di! Bono kruso kanta bu di!”
Pilat bórokno hai hwnwi sẃng kha, “Norokni bugrano kruso kanta bu di da hwn?”
Ochai okrarok hai hwnwi sa kha, “Bugra kotor simi se chini bugra!”
16Hakhe Pilat Jisuno kruso kanta bu thung hwnwi bórokni yago yapharwi rohor kha.
Jisu kruso kanta bujakmani
(Mat 27.32-44; Mar 15.21-32; Luk 23.26-43)
Hakhe bórok Jisuno tlang kha. 17Bo krus balwi phataro ongkhorwi “Bokhorok chárá” hwnwi kwrẃngsa-o phai kha. (Hibru kók bai abono “Golgotha” hwno.) 18Aro bórok Jisuno kruso kanta bu lai kha. Bórok bono kwcharo narwgwi yang gana khoroksa, ayang gana khoroksa khe tei khoroknwinobo kruso kanta bu lai kha. 19Pilat swijak kangsano kruso thepaui rw kha, aro “Nasaretni Jisu, Judairokni bugra,” hwnwi swijak tongo. 20Jisuno kruso kanta bumani abo taun bai chal tha ya, hakhe Judairok kwbángma abono pori kha, abo Hibru, Latin tei Grik kók bai swijak. 21Judai ochai okrarok Pilatno hai hwnwi sa kha, “ ‘Judairokni bugra,’ hwnwi ta swi di. Aboni slái hai hwnwi swi di, ‘Ang Judairokni bugra hwnwi o borok sa-o.’ ”
22Pilat hai hwnwi sa kha, “Ang swimani abo swi kha’-no swi kha.”
23Sengkrakrok Jisuno kruso kanta bu baiwi bini rírokno banta kaibrwi khe na lai kha. Bórok bini kamchlwi lolangnobo na lai kha; abo supjak ya, yaphang buchuk rapmani se. 24Bórok hai hwnwi sa lai kha, “Omono ta sichik di. Omono sabo manthai klai, phai di pat karwi nai lai anw.” Elembakni o kók nang phaina hwnwi se omo wngo,
“Ani rírokno bórok banta khe na lai kha,
ani kamchlwi lolangno tẃi bórok pat karwi na lai kha.”
Aboni bagwino sengkrakrok ahai’-no khlai kha.#Lob 22.18.
25Jisuni buma, bumani bukhuk, Klopani bihik Mariam tei Magdalani Mariam Jisuni krus gana bacha laijak. 26Jisu buma bai bo hamjakmani a sagrino aro bacha laiwi tongma nugwi bumano hai hwnwi sa kha, “Ama, ubo se nwsla.”
27Hakhe bo a sagrinobo hai hwnwi sa kha, “Iko, abo se nwma.” Aphuruni simi a sagri Mariamno bini nogo tonwi kha.
Jisu thwimani
(Mat 27.45-56; Mar 15.33-41; Luk 23.44-49)
28Aboni ulo tabuk le bebak’-no pái súk kha hwnwi Jisu saui man kha, hakhe Elembakni kók nang phaina bagwi bo hai hwnwi sa kha, “Ang twi kang kha.”#Lob 69.21; 22.15.
29Aro twk tháisa kupulung angur bwtwi siringjak tongo. Bórok a angur bwtwi-o wsponj chomsaui abono hisop bedego thepaui Jisuni bwkhwchwi-o phnangwi rw kha. 30Jisu a angur bwtwi nung baiwi hai hwnwi sa kha, “Pái súk kha!”
Hakhe bo bokhorok bomwi phola yapharwi rw kha.
Jisuni oglep yórmani
31Hakhe kanta bujak bororokni yakung swbaiwi krusni tikhlaina bagwi Judairok Pilatno sẃng lai kha. A sal wng kha Judairokni Tiyar Sal, aboni bagwi se bórok omo hai sẃng lai-o; phainai Sabat abo kotor wng kukma bai bórok kwthwino Sabat salo bórok kruso khachiui tonna nai ya. 32Hakhe sengkrakrok Jisu bai baksa kanta bujaknairokni aro thángwi khoroksano yakung swbaiwi tei khoroksanobo swbai kha. 33Phiya bórok Jisuni aro phaiwi bono thwijak nuk phai kha. Aboni bagwino bórok bono yakung swbai li ya. 34Hai phano sengkrak khoroksa Jisuni oglebo koslu yór kha, logi logi’-no thẃi bai twi yorkhlaiwi phai kha. 35(Norokbo poito khlai thung hwnwi o wngmano nuknai o borokno o kókno sa-o. Bo samani abo kubui se, bo saui mano bo kók kubuino sa-o.) 36“Bini bekreng kongsa phano swbaijak glak,” hwnwi elembakni o kók nang phaina bagwi se omo wngo.#Lam 12.46; Lek 9.12; Lob 34.20. 37Elembago o kókbo tongo, “Bórok yórmani a borokno lukurok ma naisik anw.”#Sak 12.10; Phu 1.7.
Jisuno phobmani
(Mat 27.57-61; Mar 15.42-47; Luk 23.50-56)
38Aboni ulo Arimathia taunni Josep “Jisuni mangno tlangwi da manno?” hwnwi Pilatno sanwi kha. (Josep wng kha Jisuni sagri khoroksa, tamo khe Judai hodarokno kirijagwi khogwi tongo.) Pilat bono tlang di hwn kha. Hakhe Josep thángwi a mangno tlang kha. 39Jisuno agi horo naina hwnwi thángnai Nikodimbo mur#19.39: mur: Mur wng kha belengtwi motom. bai Aloi dalokjak kos motom kilogram bachi tubu-ui Josep bai tháng kha.#Joh 3.1-2. 40A khoroknwirok Jisuni mangno tikhlaiwi kos motom bai khe lilonni rí bai dul kha. Kwthwi phobmani swkang Judairok ahai’-no khlai lai-o. 41Jisuno kruso kanta bu thani bari khungsa tongo. Khoroksano phano phobjak ya kho abo tẃi mangkhor kwtal aro khorsa tongo. 42A sal Judairokni Sabat salni salsa swkang klaima bagwi, phiya a mangkhorbo gana’-no tongma bai bórok Jisuno aro’-no ton kha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.