JOHON 20
20
Jisu thangwi bachamani
(Mat 28.1-8; Mar 16.1-8; Luk 24.1-12)
1Kaitho Salni phung aisirisiri katswi pile-pile-o Magdalani Mariam mangkhoro thángwi duglamni holongdap norjak nugwi kha. 2Hakhe bo khachigwi Simon Pitor bai Jisu hamjakmani a sagrini aro thángwi hai hwnwi saui kha, “Bórok Subraino mangkhorni tlang kha. Buro tonwi kha abo chwng saui man ya.”
3Hakhe Pitor bai a sagri ongkhorwi mangkhoro tháng kha. 4Bórok khoroknwi’-no khachik lai kha, tamo khe a sagri Pitorni slái swkang khachigwi mangkhoro sógwi kha. 5Bo bokhorok bomwi naisonwi a lilonni rírok simi klaijak nuhur kha, hai phano bo bisingo hap li ya. 6Bini ulo Pitor phaiwi mangkhoro hap phlaiwi tháng kha. Bo a lilonni ríroknobo klaijak nugwi kha. 7Jisuni bokhorok phánmani rínobo nugwi kha. Abo a lilonni rírok bai klaijak ya, aboni abo thepjak. 8Hakhe mangkhoro swkang sógwinai a sagribo bisingo hap kha; abono nugwi bo poito khlai kha. 9(Jisu kwthwini thangwi bachanai hwnwi elembakni o kókno bórok aphuru phano romwi man ya kho.) 10Aphuru a sagrirok nogo kiphilwi tháng kha.
Magdalani Mariam bai Jisu
(Mat 28.9-10; Mar 16.9-11)
11Mariam kap twtwi mangkhorni phataro bachajak. Kap twtwi’-no bo bomsonwi mangkhoro naison hor kha, 12hakhe Jisuni mangno tonmani aro rí kuphur kanjak suari khoroknwino nuhur kha; khorokphango khoroksa, phiya yakung yaphango tei khoroksa achukjak. 13“O bwrwima, nwng tamo wngwi kap?” hwnwi bórok bono sẃng kha.
Hakhe bo hai hwnwi sa kha, “Bórok ani Subraino tlang tháng kha, hakhe buro tonwi kha abo ang saui man ya.”
14Bo o kókno sa baiwi uphilwi Jisuno aro bachajak nuk kha, tamo khe bono Jisu hwnwi siniui man li ya. 15“O bwrwima, nwng tamo wngwi kap? Nwng sabono naituk?” hwnwi Jisu bono sẃng kha.
Bari mwrwknai wngjak tẃi wngwi bo bono hai hwnwi sa kha, “Takhuk, nwng bono tlang khe buro tonwi kha ano sa di. Hakhe ang bono tlang anw.”
16Jisu bono hai hwnwi sa kha, “Mariam!”
Bo uphilwi Hibru kók bai hai hwnwi sa kha, “Rabuni!” (Abo “Hoda” hwnma se).
17Jisu bono hai hwnwi sa kha, “Ano ta rom khu di, ang Aphani aro tabuk phano kasaui tháng ya kho. Tamo khe tháng di, ani takhukrokno hai hwnwi saui di, ‘Ang Apha Kaitorni aro kasaui thángnai, ani Apha khe noroknibo Nwpha, ani Kaitor khe noroknibo Kaitor.’ ”
18Hakhe Magdalani Mariam thángwi sagrirokno bo Subraino nukmano tei Subrai bai bo sajakmano saui kha.
Bini sagrirok bai Jisu nukjakmani
(Mat 28.16-20; Mar 16.14-18; Luk 24.36-49)
19A Kaitho Salni horo sagrirok Judai hodarokno kirima bagwi nok khungsa-o dugar berebwi thansa khe tong lai kha. Aphuru Jisu bórokni kwcharo bacha phaiwi hai hwnwi sa kha, “Norok ham di.” 20O kók saui bo bini yak bai oglepno bórokno phunuk kha. Sagrirok Subraino nugwi belai tongthokjak kha. 21Jisu hai’-no hai bórokno hai hwnwi sa kha, “Norok ham di. Apha ano rohorma hai angbo norokno rohoro.” 22O kók saui bo bórokno subui hai hwnwi sa kha, “Phola Kwtharno yachak di. 23Norok khoroksa swkni sumsokno nakar khe a borokni sumsok nakarjak kha; phiya norok nakar ya khe abo nakarjak ya.”#Mat 16.19; 18.18.
Thoma bai Jisu
24Sagri chiknwirokni bere Thoma hwnwi khoroksa (bono Apherbo hwno) Jisu phai phuru bórok bai kwrwi. 25Hakhe tei sagrirok bono “Chwng Subraino nuk kha,” hwnwi sa kha.
Thoma hai hwnwi sa kha, “Bini yakni kanta bujak mari nuk ya sak, a kanta bujak mari-o ani yasi soraui nai ya sak, phiya bini oglebo ani yak sitogwi nai ya sak ang kisa phano poito khlai ya.”
26Nokha horsni ulo sagrirok hai’-no hai nok bisingo thansa khe tong laimani. Thomabo bórok bai tongo. Dugar berepjak, ahai phano Jisu bórokni kwcharo bacha phaiwi hai hwnwi sa kha, “Norok ham di.” 27Hakhe bo Thomano hai hwnwi sa kha, “Nini yasi oro sora di, ani yakrok nai di phiya nini yak phologwi ani oglebo sitogwi nai di. Poito khlai ya ta wng si di, poito khlai di.”
28Thoma bono hai hwnwi sa kha, “Ani Subrai, ani Kaitor!”
29Jisu bono hai hwnwi sa kha, “Nwng ano nukma bagwi da poito khlai? Ano nuk yaui’-no poito khlainairok bórok hamchajak.”
Tamo wngwi o bijap swijak kha
30Bini sagrirokni bwskango Jisu soidomni samung teibo kwbángma khlai kha; abórok oro swijak li ya. 31Jisu Masia phiya Kaitorni Sajla hwnwi norok poito khlaiwi omoni bising tẃi bini mungwi mwthangjak thung hwnwi se o kókrok swijago.
Currently Selected:
JOHON 20: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
JOHON 20
20
Jisu thangwi bachamani
(Mat 28.1-8; Mar 16.1-8; Luk 24.1-12)
1Kaitho Salni phung aisirisiri katswi pile-pile-o Magdalani Mariam mangkhoro thángwi duglamni holongdap norjak nugwi kha. 2Hakhe bo khachigwi Simon Pitor bai Jisu hamjakmani a sagrini aro thángwi hai hwnwi saui kha, “Bórok Subraino mangkhorni tlang kha. Buro tonwi kha abo chwng saui man ya.”
3Hakhe Pitor bai a sagri ongkhorwi mangkhoro tháng kha. 4Bórok khoroknwi’-no khachik lai kha, tamo khe a sagri Pitorni slái swkang khachigwi mangkhoro sógwi kha. 5Bo bokhorok bomwi naisonwi a lilonni rírok simi klaijak nuhur kha, hai phano bo bisingo hap li ya. 6Bini ulo Pitor phaiwi mangkhoro hap phlaiwi tháng kha. Bo a lilonni ríroknobo klaijak nugwi kha. 7Jisuni bokhorok phánmani rínobo nugwi kha. Abo a lilonni rírok bai klaijak ya, aboni abo thepjak. 8Hakhe mangkhoro swkang sógwinai a sagribo bisingo hap kha; abono nugwi bo poito khlai kha. 9(Jisu kwthwini thangwi bachanai hwnwi elembakni o kókno bórok aphuru phano romwi man ya kho.) 10Aphuru a sagrirok nogo kiphilwi tháng kha.
Magdalani Mariam bai Jisu
(Mat 28.9-10; Mar 16.9-11)
11Mariam kap twtwi mangkhorni phataro bachajak. Kap twtwi’-no bo bomsonwi mangkhoro naison hor kha, 12hakhe Jisuni mangno tonmani aro rí kuphur kanjak suari khoroknwino nuhur kha; khorokphango khoroksa, phiya yakung yaphango tei khoroksa achukjak. 13“O bwrwima, nwng tamo wngwi kap?” hwnwi bórok bono sẃng kha.
Hakhe bo hai hwnwi sa kha, “Bórok ani Subraino tlang tháng kha, hakhe buro tonwi kha abo ang saui man ya.”
14Bo o kókno sa baiwi uphilwi Jisuno aro bachajak nuk kha, tamo khe bono Jisu hwnwi siniui man li ya. 15“O bwrwima, nwng tamo wngwi kap? Nwng sabono naituk?” hwnwi Jisu bono sẃng kha.
Bari mwrwknai wngjak tẃi wngwi bo bono hai hwnwi sa kha, “Takhuk, nwng bono tlang khe buro tonwi kha ano sa di. Hakhe ang bono tlang anw.”
16Jisu bono hai hwnwi sa kha, “Mariam!”
Bo uphilwi Hibru kók bai hai hwnwi sa kha, “Rabuni!” (Abo “Hoda” hwnma se).
17Jisu bono hai hwnwi sa kha, “Ano ta rom khu di, ang Aphani aro tabuk phano kasaui tháng ya kho. Tamo khe tháng di, ani takhukrokno hai hwnwi saui di, ‘Ang Apha Kaitorni aro kasaui thángnai, ani Apha khe noroknibo Nwpha, ani Kaitor khe noroknibo Kaitor.’ ”
18Hakhe Magdalani Mariam thángwi sagrirokno bo Subraino nukmano tei Subrai bai bo sajakmano saui kha.
Bini sagrirok bai Jisu nukjakmani
(Mat 28.16-20; Mar 16.14-18; Luk 24.36-49)
19A Kaitho Salni horo sagrirok Judai hodarokno kirima bagwi nok khungsa-o dugar berebwi thansa khe tong lai kha. Aphuru Jisu bórokni kwcharo bacha phaiwi hai hwnwi sa kha, “Norok ham di.” 20O kók saui bo bini yak bai oglepno bórokno phunuk kha. Sagrirok Subraino nugwi belai tongthokjak kha. 21Jisu hai’-no hai bórokno hai hwnwi sa kha, “Norok ham di. Apha ano rohorma hai angbo norokno rohoro.” 22O kók saui bo bórokno subui hai hwnwi sa kha, “Phola Kwtharno yachak di. 23Norok khoroksa swkni sumsokno nakar khe a borokni sumsok nakarjak kha; phiya norok nakar ya khe abo nakarjak ya.”#Mat 16.19; 18.18.
Thoma bai Jisu
24Sagri chiknwirokni bere Thoma hwnwi khoroksa (bono Apherbo hwno) Jisu phai phuru bórok bai kwrwi. 25Hakhe tei sagrirok bono “Chwng Subraino nuk kha,” hwnwi sa kha.
Thoma hai hwnwi sa kha, “Bini yakni kanta bujak mari nuk ya sak, a kanta bujak mari-o ani yasi soraui nai ya sak, phiya bini oglebo ani yak sitogwi nai ya sak ang kisa phano poito khlai ya.”
26Nokha horsni ulo sagrirok hai’-no hai nok bisingo thansa khe tong laimani. Thomabo bórok bai tongo. Dugar berepjak, ahai phano Jisu bórokni kwcharo bacha phaiwi hai hwnwi sa kha, “Norok ham di.” 27Hakhe bo Thomano hai hwnwi sa kha, “Nini yasi oro sora di, ani yakrok nai di phiya nini yak phologwi ani oglebo sitogwi nai di. Poito khlai ya ta wng si di, poito khlai di.”
28Thoma bono hai hwnwi sa kha, “Ani Subrai, ani Kaitor!”
29Jisu bono hai hwnwi sa kha, “Nwng ano nukma bagwi da poito khlai? Ano nuk yaui’-no poito khlainairok bórok hamchajak.”
Tamo wngwi o bijap swijak kha
30Bini sagrirokni bwskango Jisu soidomni samung teibo kwbángma khlai kha; abórok oro swijak li ya. 31Jisu Masia phiya Kaitorni Sajla hwnwi norok poito khlaiwi omoni bising tẃi bini mungwi mwthangjak thung hwnwi se o kókrok swijago.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.