MITHEW 11
11
Johon Baptias Trongsan
(Luk. 7:18-35)
1Jisuna arui asom anita machupi tlakka amo na Galily hulok hana chupi takpi rang akha chu rousam rang thingso weh.
2Johon na raen inn sunga ma amlei ah Khrista lu tullu rou theijuija marui ngei ta amo na hla weta sai pi. 3“Phao ah am nang ha ajou cha meh? phao ang ha, ano lea kani na hakkang adang am song anga meh?”
4“Jisu na sange lea jou oh hana Johon kolla nangei thei rou akha chu nangei mitta ri ha rillo ta. 5Amit cho meekom ri so weh hana kae tik meekom thingthei so ae Raichi ngei kom dam so ae akur set ngei kom thei pha so ae athi sa kom ringthou so ae akha chu sara ringrei ngei kolla ahra rou thar ahra ha theipi so. 6Akha chu atu jong na keita mada no mee lutta ae mee ha jaihra ae.”
7Johon rui ngei na thingsu takka Jisu na wairul riha ngei mai kunga Johon hana rou ram ma ril thou so; “Ram rukka ejongpa ah nangna shukka thinga chau? thirang na ling pi alang ta mo? 8Nangei shukka thing chu ejongpa ri ah chau? ahra pun pai weta apa am ha? Hajong ahra pun pai ngei chu Reng hun taiten chunga am ngei sa ae. 9Anoleh ejongpa an ranga shukka thinga chao? Chungthieng rouphu mee mo? Ow weh keina nangei kolla adiek rou rillinge amo ha chu Chungthieng rouphu ta helle. 10Hiso weh masarukka jiekka shi sa, “Keina na matienga rouchoi mee akha hla ange. Amo na nalampi ha nama tienga tamasha ae pi hakkange. 11Keina nakolla adiek rou rillinge, namei ngei na don sanao lim sunga chu Johon Baptias hekti akharo alok don no songe chuti chun wanram ma sintekti amona makolhai thou wa lok tek kange. 12Johon Baptias na rou ril hai thou atun phao sunga wanram hi ane jaitha na nam ma ol donga am meh, hana nam ma mant mee ngei na shoun na am songe. 13Johon apha phao sunga Chungthieng rou phu ngei na akha chu Moses rouphun na rengram tarang trongsuk phure. 14Chuna ejonga nangna ngeinum ta lea, Johon hi Elija ha ae. 15Akur am malmashi lim na thei shu oh.
16“Chuna ejongpa ngeita keina an hlak kang meh atun rija mee ngeita? Mani ha chu kaithil amunt na onga am unga ngei na adang ngeita au wa am hekti ae. 17‘Kani na nangei taranga hung rasam tum munge nangei na lam no chau, kani na hran hlakna laa sa unge nangei na tap no chau!’ 18Johon na phao juija bakno een no ha mani lim na ril amo chu hralao hlawang chunge? 19Meesonaopa phao juija amona bakka een mani na hita ril, apa hita anno! amo hi karam mee ae akha chu sum hrai ngei mal akha chu pakchel mee ae. Chuti weta Chungthieng lungsing hana mani adiek tullu hana dangpi ae.”
Ngoiring Am Lou Hu Lok
(Luk. 10:13-15)
20Jisu na tamtekti angakpi tullu lu na munt hulok na lunghlong no ae ta lungsha thou so, 21“Korozin taranga ringreipi ae, Bethsaida taranga ringreipi ae rouram chu nangei kolla angakpi lu tullu lim ha Tur akha chu Sidon na ah phur lea chu hana lei apha ah mani na borahao therweta akha chu vokphul chu notweta manilung hlong phur ange. 22Chuna routreem ni ah chu Tur akha chu Sidon na am malmashi ngei ta Chungthieng na hella ringrei thei ange. 23Akha chu Kapharnahum nangchu thangwan phao wang song anga che? Na ha chu sermei kum phao denga hla ange rouram chu nakolla ane anglao tullu eja ae phur ha Sodom ma ae phur lea chu atun phao Sodom amphur ange. 24Keina nakolla adieka rillinge routreem ni rungnie ah Chungthieng na nang hita chu Sodom ta hella ringrei ngei ange!”
Kakolla Solhla Wa Ow
(Luk. 10:21-22)
25Hana apha ah Jisu na ril, “Wan akhu chu aleiram ma Pathieng rengpa keina nangta ariem ma dom minge, rouram chu nangna lungsin lungwar ngei akha chu dang thei ngeita thuppa shiveta theino ngei ta dangno ngeita dangpi so che. 26Oh weh Pathieng nahi ahra nadit sa ae.
27“Ehei lim hi kapa na kakolla pehap so weh akha chu kapa ano wa masanao pa ta atu akhana dangno ae, hana masanao pa akha chu masanaopa na ma kolla takpi num atu jongpa akha ano wa atu nakom mapa ta dang no ae.
28“Tullu olla lu rol ngei akha chu arit pot ron na am nangei lim na kakolla lutto keina nangei ta solhla pi ange. 29Rengkor hi nachunga shi oh akha chu kakol hai thou chu oh, rouram chu keihi shilung dai inge akha chu lung nem inge chuta lea chu nangei na nangei muihla solha pha ange. 30Rouram chu karengkor chu alaite ae akha chu karengkor chu jange.”
Currently Selected:
MITHEW 11: CHOTBSI
Highlight
Share
Copy
Want to have your highlights saved across all your devices? Sign up or sign in
Chothe Naga NT - ATHARKUTHROU
Copyright © The Bible Society of India, 2014.
Used by permission. All rights reserved worldwide.
