A’NPHUTNA 30
30
1Rachel in Jacob sa inkhatbek um leinei pek mak, khava jâra a-unu chunga athang leikase, khana Jacob hneng, “Sa amannei roh, achangmak inchu kathi sik eng,” ati.
2Jacob in Rachel hneng kahrânga, “Pathen kha kei chang tor mak eng. Sa anikape mak kha ama kae,” ati.
3Amanu’n, “Hinahin kasōknu Bilhah ka-om, ama’n kei sik sa anineipek theina sik jepui jo roh,” ati. 4Khang’khan asōknu Bilhah kha Jacob hneng apek jo, khana Jacob in amanu a’nchunpui jo. 5Bilhah achung kahrik a Jacob sapa inkhat aneipek jo. 6Rachel in, “Pathen in kei ka-ôa ṭong atanpek jo eng. Kaderna athei pek enga sapa inkhat apek jo eng,” ati; khava jâra asapa rahming Dan tia aphō. 7Rachel sōknu Bilhah kha achung kahrik nôk a Jacob sapa inkhat amatet pek nôk. 8Rachel in, “Ke’n inhnaktak a ka-unu ka’nrepui, tâk ke’n kator jo,” ati; khava jâra asapa rahming Naphtali tia aphō jo.
9Leah khan avonchoi kabâng jo ti amanhret pha asōknu Zilpah kha Jacob nuhmei sik a apek jo. 10Khana Zilpah’n Jacob sapa inkhat aneipek jo. 11Leah’n, “Kamahâm kaṭha jo,” ati; khava jâra ama rahming “Gad” tia aphō jo. 12Zilpah’n Jacob kha 2 tlukna sapa inkhat amatet pek nôk, 13khana Leah’n, “Kei heituk a a’npâk jo eng mo! Tûnchu nuhmei he’n akahōinu anti sik jo eng,” ati; khava jâra ama rahming Asher tia aphō jo.
14Gehu lōk pha Reuben in hleipuk a leikase; ama’n hleia jôrdei-âi avahmu. Ama’n anu Leah hneng jôrdei-âi kha apek. Khava kha ahmu pha Rachel in Leah hneng, “Nasapa tahei choi jôrdei-âi kha kei um ajing apek roh,” ati.
15Leah’n Rachel hneng, “Nang in kapuise nakasut eng kha’m latluk mak mo? Tûnhin kasapa jôrdei-âi kapha inlo rong nalati mo,” ati.
Rachel in, “Nasapa jôrdei-âi napek sik eng inchu Jacob leh tuning kajesap thei sik chei,” atipek.
16Khōhlei ting Jacob hleia inphut ahong inle pha Leah’n Jacob inhmupui sik a kasea, “Nang leh kei tuning chu akajesap sik me kae; ajârchu kasapa tahei choi jôrdei-âi kha Rachel hneng kapek jo kae,” ati. Khang’khan Jacob in Leah kha khava ning jân ale’nchunpui jo.
17Pathen in Leah derna athei pek a achung kahrik a Jacob sapa 5 tlukna aneipek jo. 18Leah’n, “Pathen in tloman apek jo eng, ajârchu kasōknu kha kapuise hneng kaleipek a kae,” ati; khava jâra asapa rahming kha Issachar tia aphō. 19Leah avea sa avon nôk a Jacob sapa 6 tlukna aleinei nôk. 20Amanu’n, “Pathen in kei kutchoi kaṭhatak apek jo eng. Tûnchu kapuise’n arahlâng sik jo eng, ajârchu ke’n sapa 6 kanei pek jo,” ati; khava jâra asapa rahming Zebulun tia aphō. 21Ahnung kakhôrpena sanu inkhat anei, arahming Dinah tia aphō.
22Khava sōa Pathen in Rachel ahong mandonsōt; aderna Pathen in athei pek a sa neitheina sik amantluk pek. 23Ama achung hong kahrik a sapa inkhat anei jo. Ama’n, “Pathen in sapa inkhat apek enga ka’nzakna kha alosōt pek jo eng. 24Rōngpu’n sapa ather apek nôk rasoh,” ati; khava jâra anaite rahming kha Joseph tia aphō.
Jacob leh Laban Manṭong Inbek
25Rachel in Joseph aneisōa Jacob in Laban hneng, “Ka-inna ka’nle theina sik se jo rong. 26Kanuhmei hei leh kasahei naṭōn kaleitloa kahlō hei seng kha apek jo roh, khana kei se jo rong. Heituk kaṭha karazen jo che mo nang in namanhret,” ati.
27Laban in ahnenga, “Ke’n hivahi kahri hnōm: rathla mantheina eng, Rōngpu’n nang jâra kei um mahâmṭhat apek eng kae ti hi kamanhret jo. 28Naṭōn tloman kha hri roh. Khahei kha kapek sik che,” ati.
29Jacob in ahnenga, “Heituk-hrep a naṭōn kahei tlo khana heikhonga mo kei ensuina thōia naranhei ahong kapung hei nang in namanhret. 30Kahong mak hma ajingte naleinei hei kha kapung hêr jo hei, khana kavasena rakip a Rōngpu’n mahâmṭhat apek jo che. Tûnchu kei sik a hnemna en pha jo kha kae,” ati.
31Laban in, “Ke’n heimo kapek sik che,” tia ader.
Jacob in amasôn, “Tloman heite madu mak eng. Kei ṭōn mantlukna hi nahnōm pek eng inchu ke’n nakemōnghei kalakhem sik hei: 32Tuning nakemōnghei kâra hlut a akaṭe rik-rak kemōnghei, akadum hei leh akaṭe ke rakip hei kha ka’nlo sik hei. Kharōk kae kaṭōn tloman kamadu khachu. 33Kei kamalung intheng kha hnunga kabeitak a nahong manhret sik. Kei tloman hei kha nahong-en manchên pha akaṭe mak kehei leh akadum mak kemōnghei kaserōnga navahmu’n chu kamarûk hei kae tia namanhret sik eng.”
34Laban in amasôn, “Kahnōm jo eng, nang tahri kapōa nitlo sik jo.” 35Tâk-kha khava ning tak khan Laban in akaṭe leh akachek rik-rak keche leh kepui, akaṭe seng khana kemōng kadum rakip aṭhensōt jo hei. Khahei ka-ensui kha asahei amanṭang jo hei, 36khana ama’n akemōnghei leh Jacob hnenga inphut hmun kahlatak a ni 3 hlam a leikase jo. Jacob in a’nhleibanghei kha aleikhem jo hei.
37Jacob in theichang, theipōng, khana khōngma thing kahring bâk atuktana ahok hei ajijing akhok a amanṭe rik-rak hei. 38Khava thing akaṭe rik-rak hei kha ke leh kemōng rup-hei tui inna thlengkông hma adapek hei. Ama’n khana khan ada hei, ajârchu tui in anhong pha leh ke leh kemōnghei kha je anjong ria kae. 39Kehei khan te anrôn pha leh, akaṭe, akarâng anheinei ria kae.
40Jacob in kemōnghei kha ke heia inphut ahlop a aṭhen hei khana Laban serup akaṭe dit-dit hei leh akadum hei langting anhmai kha alei man-en hei. Khang’khan aserup hei kha ahlop a ada heia Laban se heia inphut aṭhen hei.
41Taksa kaṭha ke leh kemōng he’n tui ka-in anhong pha leh je anjong pha thing bâk-hei kha anhmating tui dônna thlengkông hnenga adapek ri hei, hivahi thing bâk kaṭe kâra sa anvonna sik a kae. 42Tâk-kha taksa kaṭhamak ke leh kemōnghei hma khan chu dapek mak hei. Sôt lo jen a Laban khan ran taksa kaṭhamak rōk achen jo hei, khana Jacob inchu akaṭha seng achen jo hei. 43Hing’hin Jacob kha mikahaotak hongkachang jo. Ranrup, sōk, sharîngsei leh sha-kōrtung hingja ahongnei jo.
Currently Selected:
A’NPHUTNA 30: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
A’NPHUTNA 30
30
1Rachel in Jacob sa inkhatbek um leinei pek mak, khava jâra a-unu chunga athang leikase, khana Jacob hneng, “Sa amannei roh, achangmak inchu kathi sik eng,” ati.
2Jacob in Rachel hneng kahrânga, “Pathen kha kei chang tor mak eng. Sa anikape mak kha ama kae,” ati.
3Amanu’n, “Hinahin kasōknu Bilhah ka-om, ama’n kei sik sa anineipek theina sik jepui jo roh,” ati. 4Khang’khan asōknu Bilhah kha Jacob hneng apek jo, khana Jacob in amanu a’nchunpui jo. 5Bilhah achung kahrik a Jacob sapa inkhat aneipek jo. 6Rachel in, “Pathen in kei ka-ôa ṭong atanpek jo eng. Kaderna athei pek enga sapa inkhat apek jo eng,” ati; khava jâra asapa rahming Dan tia aphō. 7Rachel sōknu Bilhah kha achung kahrik nôk a Jacob sapa inkhat amatet pek nôk. 8Rachel in, “Ke’n inhnaktak a ka-unu ka’nrepui, tâk ke’n kator jo,” ati; khava jâra asapa rahming Naphtali tia aphō jo.
9Leah khan avonchoi kabâng jo ti amanhret pha asōknu Zilpah kha Jacob nuhmei sik a apek jo. 10Khana Zilpah’n Jacob sapa inkhat aneipek jo. 11Leah’n, “Kamahâm kaṭha jo,” ati; khava jâra ama rahming “Gad” tia aphō jo. 12Zilpah’n Jacob kha 2 tlukna sapa inkhat amatet pek nôk, 13khana Leah’n, “Kei heituk a a’npâk jo eng mo! Tûnchu nuhmei he’n akahōinu anti sik jo eng,” ati; khava jâra ama rahming Asher tia aphō jo.
14Gehu lōk pha Reuben in hleipuk a leikase; ama’n hleia jôrdei-âi avahmu. Ama’n anu Leah hneng jôrdei-âi kha apek. Khava kha ahmu pha Rachel in Leah hneng, “Nasapa tahei choi jôrdei-âi kha kei um ajing apek roh,” ati.
15Leah’n Rachel hneng, “Nang in kapuise nakasut eng kha’m latluk mak mo? Tûnhin kasapa jôrdei-âi kapha inlo rong nalati mo,” ati.
Rachel in, “Nasapa jôrdei-âi napek sik eng inchu Jacob leh tuning kajesap thei sik chei,” atipek.
16Khōhlei ting Jacob hleia inphut ahong inle pha Leah’n Jacob inhmupui sik a kasea, “Nang leh kei tuning chu akajesap sik me kae; ajârchu kasapa tahei choi jôrdei-âi kha Rachel hneng kapek jo kae,” ati. Khang’khan Jacob in Leah kha khava ning jân ale’nchunpui jo.
17Pathen in Leah derna athei pek a achung kahrik a Jacob sapa 5 tlukna aneipek jo. 18Leah’n, “Pathen in tloman apek jo eng, ajârchu kasōknu kha kapuise hneng kaleipek a kae,” ati; khava jâra asapa rahming kha Issachar tia aphō. 19Leah avea sa avon nôk a Jacob sapa 6 tlukna aleinei nôk. 20Amanu’n, “Pathen in kei kutchoi kaṭhatak apek jo eng. Tûnchu kapuise’n arahlâng sik jo eng, ajârchu ke’n sapa 6 kanei pek jo,” ati; khava jâra asapa rahming Zebulun tia aphō. 21Ahnung kakhôrpena sanu inkhat anei, arahming Dinah tia aphō.
22Khava sōa Pathen in Rachel ahong mandonsōt; aderna Pathen in athei pek a sa neitheina sik amantluk pek. 23Ama achung hong kahrik a sapa inkhat anei jo. Ama’n, “Pathen in sapa inkhat apek enga ka’nzakna kha alosōt pek jo eng. 24Rōngpu’n sapa ather apek nôk rasoh,” ati; khava jâra anaite rahming kha Joseph tia aphō.
Jacob leh Laban Manṭong Inbek
25Rachel in Joseph aneisōa Jacob in Laban hneng, “Ka-inna ka’nle theina sik se jo rong. 26Kanuhmei hei leh kasahei naṭōn kaleitloa kahlō hei seng kha apek jo roh, khana kei se jo rong. Heituk kaṭha karazen jo che mo nang in namanhret,” ati.
27Laban in ahnenga, “Ke’n hivahi kahri hnōm: rathla mantheina eng, Rōngpu’n nang jâra kei um mahâmṭhat apek eng kae ti hi kamanhret jo. 28Naṭōn tloman kha hri roh. Khahei kha kapek sik che,” ati.
29Jacob in ahnenga, “Heituk-hrep a naṭōn kahei tlo khana heikhonga mo kei ensuina thōia naranhei ahong kapung hei nang in namanhret. 30Kahong mak hma ajingte naleinei hei kha kapung hêr jo hei, khana kavasena rakip a Rōngpu’n mahâmṭhat apek jo che. Tûnchu kei sik a hnemna en pha jo kha kae,” ati.
31Laban in, “Ke’n heimo kapek sik che,” tia ader.
Jacob in amasôn, “Tloman heite madu mak eng. Kei ṭōn mantlukna hi nahnōm pek eng inchu ke’n nakemōnghei kalakhem sik hei: 32Tuning nakemōnghei kâra hlut a akaṭe rik-rak kemōnghei, akadum hei leh akaṭe ke rakip hei kha ka’nlo sik hei. Kharōk kae kaṭōn tloman kamadu khachu. 33Kei kamalung intheng kha hnunga kabeitak a nahong manhret sik. Kei tloman hei kha nahong-en manchên pha akaṭe mak kehei leh akadum mak kemōnghei kaserōnga navahmu’n chu kamarûk hei kae tia namanhret sik eng.”
34Laban in amasôn, “Kahnōm jo eng, nang tahri kapōa nitlo sik jo.” 35Tâk-kha khava ning tak khan Laban in akaṭe leh akachek rik-rak keche leh kepui, akaṭe seng khana kemōng kadum rakip aṭhensōt jo hei. Khahei ka-ensui kha asahei amanṭang jo hei, 36khana ama’n akemōnghei leh Jacob hnenga inphut hmun kahlatak a ni 3 hlam a leikase jo. Jacob in a’nhleibanghei kha aleikhem jo hei.
37Jacob in theichang, theipōng, khana khōngma thing kahring bâk atuktana ahok hei ajijing akhok a amanṭe rik-rak hei. 38Khava thing akaṭe rik-rak hei kha ke leh kemōng rup-hei tui inna thlengkông hma adapek hei. Ama’n khana khan ada hei, ajârchu tui in anhong pha leh ke leh kemōnghei kha je anjong ria kae. 39Kehei khan te anrôn pha leh, akaṭe, akarâng anheinei ria kae.
40Jacob in kemōnghei kha ke heia inphut ahlop a aṭhen hei khana Laban serup akaṭe dit-dit hei leh akadum hei langting anhmai kha alei man-en hei. Khang’khan aserup hei kha ahlop a ada heia Laban se heia inphut aṭhen hei.
41Taksa kaṭha ke leh kemōng he’n tui ka-in anhong pha leh je anjong pha thing bâk-hei kha anhmating tui dônna thlengkông hnenga adapek ri hei, hivahi thing bâk kaṭe kâra sa anvonna sik a kae. 42Tâk-kha taksa kaṭhamak ke leh kemōnghei hma khan chu dapek mak hei. Sôt lo jen a Laban khan ran taksa kaṭhamak rōk achen jo hei, khana Jacob inchu akaṭha seng achen jo hei. 43Hing’hin Jacob kha mikahaotak hongkachang jo. Ranrup, sōk, sharîngsei leh sha-kōrtung hingja ahongnei jo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.