A’NPHUTNA 31
31
Jacob Labana Inphut Atlânsōt
1Jacob in Laban sahei ṭonghri kha athei jo: “Nipa ran kaṭha rakip Jacob in alosō jo. Anei leh ahao rakip so nipa ta rōk hei kae,” anti. 2Khan chu Laban kha hma kapōa inthloppui yamak jo ti hi’m amanhret jo. 3Khava pha Rōngpu’n ahnenga, “Naram na-innkōhei omna inle jo roh. Ke’n ka’nṭhōipui sik che,” ati.
4Khava jâra Jacob in Rachel leh Leah hneng akemōng khemna hleipuk a anva’nhmu puina sik ṭong aleimanrôn hei. 5Ama’n anhnenga, “Nanpa hi hma kapōa inthloppui yamak jo ti hi kamanhret jo; tâk kapa Pathen in kei a’nṭhōipui enga kae 6Ke’n kator chenna nanpa ṭōn kaleitlo kha nangni’n nanmanhret. 7Kha’num, kei ahōn enga karatha man vōisôm athleng lelea kae. Tâk-kha Pathen in kei amansuset mak a kae. 8Laban in, ‘Aje kaṭe rik-rak ke seng naṭōn tloman sik kae,’ atina rakip a ranrup rakip in aje kaṭe rōk anhong matet a kae. Khana ama’n, ‘Aje karâng dit-dut kehei naṭōn tloman sik hei kae,’ ati pha ranrup rakip in aje karâng dit-dut anhong matet a kae. 9Pathen in nanpa ran rup-hei kha alosōt a kei apek jo eng.
10“Ranhei jejonglai ke’n rahmang inkhat kaleinei, kechehei kha anje akaṭe rik-rak, akarâng dit-dut leh akaṭe rōk kahmu hei. 11Pathen ngeva khan kahnenga, ‘Jacob!’ tia abek eng. ‘Hôi’ tia kamasôn. 12Ahrisa a, ‘Enroh, keche apui kaje rakip heiso, anje kaṭe rik-rak, karâng dit-dut, kaṭe hrek-hrok hei. Laban in nachunga atlo rakip ke’n kahmu jo, khava jâra hivahi ke’n kamasō kae. 13Kei hi nang in olive thai nasun thlōna mandonsōtna hlung inkhat naleitōkna, khana kahnenga nalei intepna Bethel a nahnenga ale’nlâr Pathen eng kha kae. Tûn nang na’ntetna ram a khan inlena sik a intluk jo roh,’ atipek enga kae.”#Aph 28.18-22
14Rachel leh Leah in Jacob an-masôn, “Kanpa a inphut chen sik karōi heite om mak. 15Ama’n khōhme kapōa arazen ung. Ajōrsōt ung, kanman alei inpek kha’m ahmangsō jo. 16Pathen in kanpa nei alosōt rakip hei hi eini leh nisahei chen jo kae. Pathen in heimo amanthei che kha tlo jo roh.”
17-18Khava jâra Jacob, apa omna Canaan ramting sena sik a intluk jo. Ama’n anuhmei asahei sharîngsei chunga amanchōng heia, Mesopotamia ram a lamsōt heirakip leh aranrup seng ahmating ahe jo hei. 19Laban kha kemōng sam kavo leikase, avōi kathi Rachel in apa innshung pathenhei kha aleimarûk heia kae. 20Jacob in Laban hneng ahōna adahlon sik ṭong leiman theimak. 21Jacob in anei rakip arôna inrangtak a aleidahlon jo. Ama’n Euphrates tuidung re ake leh Gilead tlâng ajōn inphut jo.
Laban in Jacob Ahnong
22Ni 3 sōa Jacob katlân jo ti ṭong hi Laban hneng mi’n anhri pek jo. 23Ama’n amihei leh inṭhōia Jacob kahnung anthlura, ni 7 ning Gilead tlânga anvaphâk. 24Khava ning jân Laban rahmanga Pathen kajōnga, “Nang in Jacob kha heijalai a-enum maṭhit makna sik tlo roh,” atipek. 25Jacob in tlâng chunga khan arephōr amatung, khana Laban in Gilead ram tlânga a-innkōhei leh arephōr amatung.
26Laban in Jacob hneng, “Heisik a mo nang in nahōn enga kasanuhei kha rehring sur kapōa naṭhōisōt hei? 27Heisa mo amantheilo chea marûk a a’nlepsōt che? Nalei manthei eng inchu, nang mathlâna inpâktak a khōng leh serângdâr thōa kalei mathlâ thei chea kae. 28Katu hei kabeng amanjôp mak che, kasanuhei chibei aman pek mak hei che. Khava khachu mikamo ṭōn kae! 29Ke’n nang sukset torna ratha kanei, tâk jâning jân khan napa-Pathen khan karahmanga heijalai a-enum maṭhit makna sik chea ṭong apek eng. 30Na-innting na’nle hnōmhêr jâra akatlân che kae ti kamanhret, tâk heisa mo ka-inn pathenhei namarûk?” ati.
31Jacob in amasôn, “Akinchu nasanuhei hi nakasut sik eng tia kamandon jâra kae. 32Tâk-kha na-pathen hei kha hinna inkhat hneng nahmu’nchu ama kha that sik kae. Hivahin, kamihei hmit-hmua, nahei rakip kha injong jo roh khana nata kha inlo roh,” ati. Rachel in anpa Laban pathenhei aleimarûk kha Jacob in leimanhret mak.
33Laban kasea Jacob rabuk-inna avajong jo; khava sōa Leah rabuk-inn, khan chu sōk nuhmei 2 hei rabuk-inn ajonga apathenhei kha hmumak jo hei. Khava sōa Rachel inna kahlut jo. 34Rachel in apa pathenhei kha aleiloa sharîngsei chunga in-ongna mârsha shunga athōn heia anchunga alei in-ongna jo hei. Laban in rabuk shung kha ajong tâk heite leihmu mak jo. 35Rachel in apa hnenga, “Apa, nahnuk anat pek mak roh, kei ka’n ongna inphut thōi tor mak ning, ajârchu thla pōn kahmua kae,” ati. Laban in a-inn pathenhei kha ajong hei tâk leihmu mak jo hei.
36Khava pha Jacob ahnuk kana reia ader, “Heipen mo katloṭhe aka-oma? Hei dân mo kasuk khōi joa, hingtuk hrep a rehnonga nahnong eng? 37Tûn kaneinâk rakip nakatlok a na-innhlō neinâk heimo nahmu sōt aka-om? Namihei leh kei mihei tahmu sik a heikeisōt roh, tujôk mo akadik me mandon hei rasoh. 38Tûn kum 20 katluk jo, kei nang leh nihong omsōm hi; nake achanga, nakemōng achanga akapung mak om mak, khana nakemōng rup a inphut ache inkhatbek um lasâk mak eng. 39Ramsha he’n kemōng inkhat antha kataia a’nhmang kha ke’n kamale che. Kei ṭhena changmak tia nahnenga hridek mak eng. Sûna a-emak leh jâna a’nhmang seng um kamalena sik nangek eng. 40Pha katamtak, sûn leh akalum, jân leh akadai kade-hla a khōdeng kathei. Kei kaje tor makna’m leikatam. 41Kei leh nang nihong omsōmna kum sômhni katlung bit a khang’khan kalei thōk. Nasanuhei 2 hlōna sik a kum 14 kahlut, ṭōn katlo, kum 6 in ran hlōna kaleitlo. Kha achang pum a vōisôm tak kahlōman nathleng lelea kae. 42Kapa Pathen, Abraham Pathen leh Isaac Pathen in aleiompui mak eng inchu kakarōk hêra nalei tirsōt sik eng kae. Tâk-kha Pathen khan kaṭōntlo leh kakhōdengthei ahmupek eng, khana jâning jân khan aṭong tanna kha jōng katlung jo.”
Jacob leh Laban Inhnōmna
43Laban in Jacob amasôn, “Hiva nuhmeihei hi kasanuhei kae; ansahei hi katu hei kae; khana ran rup-hei hi’m kata hei kae; hinna nahmu rakip hei hi kata hei rōk kae. Achang inum, kasanuhei leh katu hei hi kakhâm tor mak sik hei anchang jâra, 44kei leh nang inhnōmtōna inkhat ninei sik a intluk jo eng. Ni’nhnōmna mandonsōtna sik hlungbuk inkhat syem rih.”
45Khava jâra Jacob in mandonsōtna inkhat sik a hlung inkhat ahrut a amatung. 46Ama’n amihei hneng hlungpui ṭhahrep antabuk sik a amanse hei. Khava sōa an-hlungbuk panga khan bu anleisâk a kae. 47Khavakha Laban in ‘Jegar Sahadutha’ tia aphō, Jacob inchu ‘Galeed’ tia aphō. 48Laban in Jacob hneng, “Hiva hlungbuk hi eini 2 mandonsōtna inkhat sik a kae,” ati. Khava jâra khava hmun kha Galeed tia anphōa kae. 49Laban in ahri nôk a, “Eini khat leh khat ni’nṭhen pha hin Rōngpu’n nichunga a-entō ṭhak me chang rasoh,” ati. Khava jâra, khava hmun kha Mizpah ti’m anphō. 50Laban in ahri manjōm, “Nang in kasanuhei kahōi kaṭha tlo loa, nuhmei hlop na-ompui he’nchu, ke’n kamanhret phâkmak inum Pathen in nikâra a-en ṭhak me kae ti hi mandonsōt roh. 51Nang leh kei kâra sik hlung kabuk hei kha hin ka-om hei, hinahin mandonsōtna hlungphun kha ka-om. 52Hlung inbuk leh a’nphun hlunghei hi mandonsōtna sik heia kae. Ke’n hiva hlung inbuk hei khehlona nang buhlu mak che ning; nang inum hivahi a-emak leh mandonsōtna hlung khehlona kei abuhlu mak tin che. 53Abraham Pathen leh Nahor Pathen khan eini 2 kâra ṭong tan rasoh.” Khava sōa Jacob in apa Isaac takamuk Pathen rahminga intepna kha juina sik a ka-ôrtak a intepna anei jo. 54Ama’n ran inkhat athat a tlâng chunga inthoina inkhat atōk, khava sâkna khan amihei akasa sik abek hei. Anmani’n ansâksōa, khava jân kha tlâng chunga leikarek hei. 55Ajing jîngkâr hmatak Laban in atu hei leh asanuhei ankabeng amajôp heia, chibei apek heia, a-innlangting aheijōn jo.
Currently Selected:
A’NPHUTNA 31: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
A’NPHUTNA 31
31
Jacob Labana Inphut Atlânsōt
1Jacob in Laban sahei ṭonghri kha athei jo: “Nipa ran kaṭha rakip Jacob in alosō jo. Anei leh ahao rakip so nipa ta rōk hei kae,” anti. 2Khan chu Laban kha hma kapōa inthloppui yamak jo ti hi’m amanhret jo. 3Khava pha Rōngpu’n ahnenga, “Naram na-innkōhei omna inle jo roh. Ke’n ka’nṭhōipui sik che,” ati.
4Khava jâra Jacob in Rachel leh Leah hneng akemōng khemna hleipuk a anva’nhmu puina sik ṭong aleimanrôn hei. 5Ama’n anhnenga, “Nanpa hi hma kapōa inthloppui yamak jo ti hi kamanhret jo; tâk kapa Pathen in kei a’nṭhōipui enga kae 6Ke’n kator chenna nanpa ṭōn kaleitlo kha nangni’n nanmanhret. 7Kha’num, kei ahōn enga karatha man vōisôm athleng lelea kae. Tâk-kha Pathen in kei amansuset mak a kae. 8Laban in, ‘Aje kaṭe rik-rak ke seng naṭōn tloman sik kae,’ atina rakip a ranrup rakip in aje kaṭe rōk anhong matet a kae. Khana ama’n, ‘Aje karâng dit-dut kehei naṭōn tloman sik hei kae,’ ati pha ranrup rakip in aje karâng dit-dut anhong matet a kae. 9Pathen in nanpa ran rup-hei kha alosōt a kei apek jo eng.
10“Ranhei jejonglai ke’n rahmang inkhat kaleinei, kechehei kha anje akaṭe rik-rak, akarâng dit-dut leh akaṭe rōk kahmu hei. 11Pathen ngeva khan kahnenga, ‘Jacob!’ tia abek eng. ‘Hôi’ tia kamasôn. 12Ahrisa a, ‘Enroh, keche apui kaje rakip heiso, anje kaṭe rik-rak, karâng dit-dut, kaṭe hrek-hrok hei. Laban in nachunga atlo rakip ke’n kahmu jo, khava jâra hivahi ke’n kamasō kae. 13Kei hi nang in olive thai nasun thlōna mandonsōtna hlung inkhat naleitōkna, khana kahnenga nalei intepna Bethel a nahnenga ale’nlâr Pathen eng kha kae. Tûn nang na’ntetna ram a khan inlena sik a intluk jo roh,’ atipek enga kae.”#Aph 28.18-22
14Rachel leh Leah in Jacob an-masôn, “Kanpa a inphut chen sik karōi heite om mak. 15Ama’n khōhme kapōa arazen ung. Ajōrsōt ung, kanman alei inpek kha’m ahmangsō jo. 16Pathen in kanpa nei alosōt rakip hei hi eini leh nisahei chen jo kae. Pathen in heimo amanthei che kha tlo jo roh.”
17-18Khava jâra Jacob, apa omna Canaan ramting sena sik a intluk jo. Ama’n anuhmei asahei sharîngsei chunga amanchōng heia, Mesopotamia ram a lamsōt heirakip leh aranrup seng ahmating ahe jo hei. 19Laban kha kemōng sam kavo leikase, avōi kathi Rachel in apa innshung pathenhei kha aleimarûk heia kae. 20Jacob in Laban hneng ahōna adahlon sik ṭong leiman theimak. 21Jacob in anei rakip arôna inrangtak a aleidahlon jo. Ama’n Euphrates tuidung re ake leh Gilead tlâng ajōn inphut jo.
Laban in Jacob Ahnong
22Ni 3 sōa Jacob katlân jo ti ṭong hi Laban hneng mi’n anhri pek jo. 23Ama’n amihei leh inṭhōia Jacob kahnung anthlura, ni 7 ning Gilead tlânga anvaphâk. 24Khava ning jân Laban rahmanga Pathen kajōnga, “Nang in Jacob kha heijalai a-enum maṭhit makna sik tlo roh,” atipek. 25Jacob in tlâng chunga khan arephōr amatung, khana Laban in Gilead ram tlânga a-innkōhei leh arephōr amatung.
26Laban in Jacob hneng, “Heisik a mo nang in nahōn enga kasanuhei kha rehring sur kapōa naṭhōisōt hei? 27Heisa mo amantheilo chea marûk a a’nlepsōt che? Nalei manthei eng inchu, nang mathlâna inpâktak a khōng leh serângdâr thōa kalei mathlâ thei chea kae. 28Katu hei kabeng amanjôp mak che, kasanuhei chibei aman pek mak hei che. Khava khachu mikamo ṭōn kae! 29Ke’n nang sukset torna ratha kanei, tâk jâning jân khan napa-Pathen khan karahmanga heijalai a-enum maṭhit makna sik chea ṭong apek eng. 30Na-innting na’nle hnōmhêr jâra akatlân che kae ti kamanhret, tâk heisa mo ka-inn pathenhei namarûk?” ati.
31Jacob in amasôn, “Akinchu nasanuhei hi nakasut sik eng tia kamandon jâra kae. 32Tâk-kha na-pathen hei kha hinna inkhat hneng nahmu’nchu ama kha that sik kae. Hivahin, kamihei hmit-hmua, nahei rakip kha injong jo roh khana nata kha inlo roh,” ati. Rachel in anpa Laban pathenhei aleimarûk kha Jacob in leimanhret mak.
33Laban kasea Jacob rabuk-inna avajong jo; khava sōa Leah rabuk-inn, khan chu sōk nuhmei 2 hei rabuk-inn ajonga apathenhei kha hmumak jo hei. Khava sōa Rachel inna kahlut jo. 34Rachel in apa pathenhei kha aleiloa sharîngsei chunga in-ongna mârsha shunga athōn heia anchunga alei in-ongna jo hei. Laban in rabuk shung kha ajong tâk heite leihmu mak jo. 35Rachel in apa hnenga, “Apa, nahnuk anat pek mak roh, kei ka’n ongna inphut thōi tor mak ning, ajârchu thla pōn kahmua kae,” ati. Laban in a-inn pathenhei kha ajong hei tâk leihmu mak jo hei.
36Khava pha Jacob ahnuk kana reia ader, “Heipen mo katloṭhe aka-oma? Hei dân mo kasuk khōi joa, hingtuk hrep a rehnonga nahnong eng? 37Tûn kaneinâk rakip nakatlok a na-innhlō neinâk heimo nahmu sōt aka-om? Namihei leh kei mihei tahmu sik a heikeisōt roh, tujôk mo akadik me mandon hei rasoh. 38Tûn kum 20 katluk jo, kei nang leh nihong omsōm hi; nake achanga, nakemōng achanga akapung mak om mak, khana nakemōng rup a inphut ache inkhatbek um lasâk mak eng. 39Ramsha he’n kemōng inkhat antha kataia a’nhmang kha ke’n kamale che. Kei ṭhena changmak tia nahnenga hridek mak eng. Sûna a-emak leh jâna a’nhmang seng um kamalena sik nangek eng. 40Pha katamtak, sûn leh akalum, jân leh akadai kade-hla a khōdeng kathei. Kei kaje tor makna’m leikatam. 41Kei leh nang nihong omsōmna kum sômhni katlung bit a khang’khan kalei thōk. Nasanuhei 2 hlōna sik a kum 14 kahlut, ṭōn katlo, kum 6 in ran hlōna kaleitlo. Kha achang pum a vōisôm tak kahlōman nathleng lelea kae. 42Kapa Pathen, Abraham Pathen leh Isaac Pathen in aleiompui mak eng inchu kakarōk hêra nalei tirsōt sik eng kae. Tâk-kha Pathen khan kaṭōntlo leh kakhōdengthei ahmupek eng, khana jâning jân khan aṭong tanna kha jōng katlung jo.”
Jacob leh Laban Inhnōmna
43Laban in Jacob amasôn, “Hiva nuhmeihei hi kasanuhei kae; ansahei hi katu hei kae; khana ran rup-hei hi’m kata hei kae; hinna nahmu rakip hei hi kata hei rōk kae. Achang inum, kasanuhei leh katu hei hi kakhâm tor mak sik hei anchang jâra, 44kei leh nang inhnōmtōna inkhat ninei sik a intluk jo eng. Ni’nhnōmna mandonsōtna sik hlungbuk inkhat syem rih.”
45Khava jâra Jacob in mandonsōtna inkhat sik a hlung inkhat ahrut a amatung. 46Ama’n amihei hneng hlungpui ṭhahrep antabuk sik a amanse hei. Khava sōa an-hlungbuk panga khan bu anleisâk a kae. 47Khavakha Laban in ‘Jegar Sahadutha’ tia aphō, Jacob inchu ‘Galeed’ tia aphō. 48Laban in Jacob hneng, “Hiva hlungbuk hi eini 2 mandonsōtna inkhat sik a kae,” ati. Khava jâra khava hmun kha Galeed tia anphōa kae. 49Laban in ahri nôk a, “Eini khat leh khat ni’nṭhen pha hin Rōngpu’n nichunga a-entō ṭhak me chang rasoh,” ati. Khava jâra, khava hmun kha Mizpah ti’m anphō. 50Laban in ahri manjōm, “Nang in kasanuhei kahōi kaṭha tlo loa, nuhmei hlop na-ompui he’nchu, ke’n kamanhret phâkmak inum Pathen in nikâra a-en ṭhak me kae ti hi mandonsōt roh. 51Nang leh kei kâra sik hlung kabuk hei kha hin ka-om hei, hinahin mandonsōtna hlungphun kha ka-om. 52Hlung inbuk leh a’nphun hlunghei hi mandonsōtna sik heia kae. Ke’n hiva hlung inbuk hei khehlona nang buhlu mak che ning; nang inum hivahi a-emak leh mandonsōtna hlung khehlona kei abuhlu mak tin che. 53Abraham Pathen leh Nahor Pathen khan eini 2 kâra ṭong tan rasoh.” Khava sōa Jacob in apa Isaac takamuk Pathen rahminga intepna kha juina sik a ka-ôrtak a intepna anei jo. 54Ama’n ran inkhat athat a tlâng chunga inthoina inkhat atōk, khava sâkna khan amihei akasa sik abek hei. Anmani’n ansâksōa, khava jân kha tlâng chunga leikarek hei. 55Ajing jîngkâr hmatak Laban in atu hei leh asanuhei ankabeng amajôp heia, chibei apek heia, a-innlangting aheijōn jo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.