SHONGZĀ 16
16
Manna Mikazā
1Israelwui ashangva̱ katonga Elimwui eina zatphokta Sinwui lamhāngli vāshunga, chi Elim eina Sinai ngachaili lei; kala Egyptwui eina shokta kachāng khaniwui zimiksho tharāda kaphangā thangna. 2Lamhāngli leilakha Israelwui ashangva̱ katongana Moses eina Aaronli kharopta hānga, 3#Sho 14.12; 17.3. “Egypt ngaleili khaih, sāmāng shaida kashakazā mavātlakla thoting eina pamda Prohowui pāngli thihaisasi kaje phāra; khikhala jila mi hiyākha lamhāngli kathai eina thikhavai nanina ithumli thānkashokna.”
4 #
Joh 6.31. Chieina Prohona Mosesli hānga, “Ina nathumwui vang kazingram eina zāt rotāmira, kala mibingna thangthangwui sharuk akhuiserra; chithāda athumna iwui hāngkachithei athi shurnika mashurnikhala ina athumli chāng yangra. 5Katharukathanga athumna ngathānthang ngamui kakhuili khani shida chungmeida ngamuikhuilaga khangarān sāra.”
6Chieina Moses eina Aaronna Israel saikorali hānga, “Ngazinshong nathumna theira kaja Egyptwui eina thānkashoka chi Prohona, 7kala ngathorshong nathumna Prohowui tekhamatei chi theira, kaja nathumna Proholi kharopta khamatui ana shāhaira. Kaja ini khinida nathumna iniwuitungli kharopkhala?” 8Kala Mosesna hānga, “Nathumli ngazin sā mikashai, ngathor zāt thoting eina mikazā tharan hi Prohona kaji nathumna theira, kaja ali kharopta khamatui Prohona shāhaira—ini khida? Nathumwui kharopta khamatui chi inili maningmana, kha Proholina.”
9Kala Mosesna Aaronli hānga, “Israelwui ashangva̱li hānglu, ‘Prohowui ngalemli rānganaimeilu, kaja ana nathumwui kharopta khamatui shāhaira.’” 10Kala Israel ashangva̱li kazipkhuida Aaronna kahāng atamli athumna lamhāngshong yangvai, kala yanglu, Prohowui tekhamatei muiyālungli rāchithei. 11Kala Prohona Mosesli hānga, 12“Israelnaobingna kharopta khamatui chi ina shāhaira; athumli hānglu, ‘Ngazin nathumna sā shaira, kala ngathor khamui eina thotinghaora, chieina I Proho nathumwui Vare china kaji nathumna theira,’”
13Ngazinshong kongkui yongrāda athumwui rāmrah pema, kala ngathor rāmrah kuimareida ikra̱ tai. 14Kala ikra̱ thengkahai eina lamhāngwui ngaleitungli manaktak kahai akha phāmkok thāda tāngpat eina ngachinga. 15#1 Cor 10.3. Israelnaobingna chi theilaga, “Hi khikhala?” da athum ngahān ngaroka. Kaja athumna chi khikhalada matheimana.
Chieina Mosesna hānga, “Nathumna zākhavai Prohona khami khamui chi hina. 16Prohona hithāda hanghai: ‘Mi kachiva̱ kachichāwui zāshap ngamuikhuilu. Shimkhurli khalei mi mashing athishurda horsaikharip khuilu.’”
17Israelnaobingna angamuikhui, kaikhana chungmeida khui, kaikhana teomeida khui. 18#2 Cor 8.15. Kha horsai eina onkhayang chitharan kachungkha kakhui mila mataimana, kateokha kakhui mila mavātmana; kachichāwui zāshap khuisera. 19Kala Mosesna athumli hānga, “Khipākha ngathorshongwui vang mataipaimana.” 20Kha athumna Moseswui tui makhuila kaikhana ngathorshongwui vang taikahai eina yunghaida mathan zanghairasai, kala Mosesna athumli malungvāthaowa. 21Ngathor kachida kachichāwui zāshap athumna akhuichinga, kha kazingkasā eina menghaowa
22Katharukathang athumna khangachāwui chiyāyā sharuk khani kaja horsai khanirip khui, kala yaruiwui kathānabing china Mosesli vāda kahāng eina Mosesna hānga, 23#Sho 20.8-11. “Prohona hithāda kaso kahaina: akhama chingri eina ngasāmkakhui zimikshona, Prohowui kathara sabbathna, khamui sāki kaji sāhaolu, hangki kaji hanghaolu, kala kataibing chi akhamawui vang haisālu.” 24Mosesna kahāng chi tākam eina athumna akhamawui vang taihaiya; chiya khayungla mayungmana, kala mathanla mazangmana. 25Kala Mosesna hānga, “Hi aja zālu, kaja Prohowui sabbathna, hi aja luili masamphangluimara. 26Tharukthang nathumna ngamuikhuira, kha kashinethang kaja Prohowui sabbaththang masamphangmara.”
27Kashinethang mi kaikhana angamui khavai vai, kha maleisāthuwa. 28Kala Prohona Mosesli hānga, “Karankha eina tangda nathumna iwui ningkhami kala ain manganāmarakhala? 29Yanglu! Prohona nathumli sabbath mihaira, chieina katharukathang khanithangwui zākhavai mihaira; mi kachiva̱ kachichāwui shimli pamda kashinethang khipākha maraaranu.” 30Chithāda sāda mibingna kashinethang ngasāmkhui.
31 #
Mis 11.7-8. Kala Israel shimkhurna chiwui aming manna hoi; sachikomtha thai, charshihai kala khuira̱ eina kasā khamanaka khamui kashai thai. 32Kala Mosesna hānga, “Prohona hithāda hāngkahaina: ‘Egypt ngaleiwui eina thānshokta lamhāngli leilakha nathumli ina hi mizai kaji theikhavai thot kachida manna horsaikha haichinglu’ ji.” 33#Heb 9.4. Kala Mosesna Aaronli hānga, “Ham akhali manna horsaikha sanglu, kala nawui thot peida Prohowui ngalemli hailu.” 34Prohona Mosesli kahāng thāda Aaronna chi Ningkhami Oko mangāli runghai. 35#Jos 5.12. Israelnaobingna athum pamkapai apam mavāshungranglakha eina tangda kum hangmati manna zai; Canaan ngalei thari mavāshungranglakha eina tangda manna zai. 36(Horsaikha hi khuilui akhawui akhum tharāwui akhum akhali ngaraichai).
Currently Selected:
SHONGZĀ 16: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
SHONGZĀ 16
16
Manna Mikazā
1Israelwui ashangva̱ katonga Elimwui eina zatphokta Sinwui lamhāngli vāshunga, chi Elim eina Sinai ngachaili lei; kala Egyptwui eina shokta kachāng khaniwui zimiksho tharāda kaphangā thangna. 2Lamhāngli leilakha Israelwui ashangva̱ katongana Moses eina Aaronli kharopta hānga, 3#Sho 14.12; 17.3. “Egypt ngaleili khaih, sāmāng shaida kashakazā mavātlakla thoting eina pamda Prohowui pāngli thihaisasi kaje phāra; khikhala jila mi hiyākha lamhāngli kathai eina thikhavai nanina ithumli thānkashokna.”
4 #
Joh 6.31. Chieina Prohona Mosesli hānga, “Ina nathumwui vang kazingram eina zāt rotāmira, kala mibingna thangthangwui sharuk akhuiserra; chithāda athumna iwui hāngkachithei athi shurnika mashurnikhala ina athumli chāng yangra. 5Katharukathanga athumna ngathānthang ngamui kakhuili khani shida chungmeida ngamuikhuilaga khangarān sāra.”
6Chieina Moses eina Aaronna Israel saikorali hānga, “Ngazinshong nathumna theira kaja Egyptwui eina thānkashoka chi Prohona, 7kala ngathorshong nathumna Prohowui tekhamatei chi theira, kaja nathumna Proholi kharopta khamatui ana shāhaira. Kaja ini khinida nathumna iniwuitungli kharopkhala?” 8Kala Mosesna hānga, “Nathumli ngazin sā mikashai, ngathor zāt thoting eina mikazā tharan hi Prohona kaji nathumna theira, kaja ali kharopta khamatui Prohona shāhaira—ini khida? Nathumwui kharopta khamatui chi inili maningmana, kha Proholina.”
9Kala Mosesna Aaronli hānga, “Israelwui ashangva̱li hānglu, ‘Prohowui ngalemli rānganaimeilu, kaja ana nathumwui kharopta khamatui shāhaira.’” 10Kala Israel ashangva̱li kazipkhuida Aaronna kahāng atamli athumna lamhāngshong yangvai, kala yanglu, Prohowui tekhamatei muiyālungli rāchithei. 11Kala Prohona Mosesli hānga, 12“Israelnaobingna kharopta khamatui chi ina shāhaira; athumli hānglu, ‘Ngazin nathumna sā shaira, kala ngathor khamui eina thotinghaora, chieina I Proho nathumwui Vare china kaji nathumna theira,’”
13Ngazinshong kongkui yongrāda athumwui rāmrah pema, kala ngathor rāmrah kuimareida ikra̱ tai. 14Kala ikra̱ thengkahai eina lamhāngwui ngaleitungli manaktak kahai akha phāmkok thāda tāngpat eina ngachinga. 15#1 Cor 10.3. Israelnaobingna chi theilaga, “Hi khikhala?” da athum ngahān ngaroka. Kaja athumna chi khikhalada matheimana.
Chieina Mosesna hānga, “Nathumna zākhavai Prohona khami khamui chi hina. 16Prohona hithāda hanghai: ‘Mi kachiva̱ kachichāwui zāshap ngamuikhuilu. Shimkhurli khalei mi mashing athishurda horsaikharip khuilu.’”
17Israelnaobingna angamuikhui, kaikhana chungmeida khui, kaikhana teomeida khui. 18#2 Cor 8.15. Kha horsai eina onkhayang chitharan kachungkha kakhui mila mataimana, kateokha kakhui mila mavātmana; kachichāwui zāshap khuisera. 19Kala Mosesna athumli hānga, “Khipākha ngathorshongwui vang mataipaimana.” 20Kha athumna Moseswui tui makhuila kaikhana ngathorshongwui vang taikahai eina yunghaida mathan zanghairasai, kala Mosesna athumli malungvāthaowa. 21Ngathor kachida kachichāwui zāshap athumna akhuichinga, kha kazingkasā eina menghaowa
22Katharukathang athumna khangachāwui chiyāyā sharuk khani kaja horsai khanirip khui, kala yaruiwui kathānabing china Mosesli vāda kahāng eina Mosesna hānga, 23#Sho 20.8-11. “Prohona hithāda kaso kahaina: akhama chingri eina ngasāmkakhui zimikshona, Prohowui kathara sabbathna, khamui sāki kaji sāhaolu, hangki kaji hanghaolu, kala kataibing chi akhamawui vang haisālu.” 24Mosesna kahāng chi tākam eina athumna akhamawui vang taihaiya; chiya khayungla mayungmana, kala mathanla mazangmana. 25Kala Mosesna hānga, “Hi aja zālu, kaja Prohowui sabbathna, hi aja luili masamphangluimara. 26Tharukthang nathumna ngamuikhuira, kha kashinethang kaja Prohowui sabbaththang masamphangmara.”
27Kashinethang mi kaikhana angamui khavai vai, kha maleisāthuwa. 28Kala Prohona Mosesli hānga, “Karankha eina tangda nathumna iwui ningkhami kala ain manganāmarakhala? 29Yanglu! Prohona nathumli sabbath mihaira, chieina katharukathang khanithangwui zākhavai mihaira; mi kachiva̱ kachichāwui shimli pamda kashinethang khipākha maraaranu.” 30Chithāda sāda mibingna kashinethang ngasāmkhui.
31 #
Mis 11.7-8. Kala Israel shimkhurna chiwui aming manna hoi; sachikomtha thai, charshihai kala khuira̱ eina kasā khamanaka khamui kashai thai. 32Kala Mosesna hānga, “Prohona hithāda hāngkahaina: ‘Egypt ngaleiwui eina thānshokta lamhāngli leilakha nathumli ina hi mizai kaji theikhavai thot kachida manna horsaikha haichinglu’ ji.” 33#Heb 9.4. Kala Mosesna Aaronli hānga, “Ham akhali manna horsaikha sanglu, kala nawui thot peida Prohowui ngalemli hailu.” 34Prohona Mosesli kahāng thāda Aaronna chi Ningkhami Oko mangāli runghai. 35#Jos 5.12. Israelnaobingna athum pamkapai apam mavāshungranglakha eina tangda kum hangmati manna zai; Canaan ngalei thari mavāshungranglakha eina tangda manna zai. 36(Horsaikha hi khuilui akhawui akhum tharāwui akhum akhali ngaraichai).
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.