SHONGZĀ 17
17
Lunghārwui eina Tara̱ Kashok
1 Prohona kakaso athishurda Israelwui ashangva̱na Sin lamhāngwui eina mathang mathang zata, kala Rephidimli apisanga; kha chili mibingna mangkhavai tara̱ masamphangthuwa. 2Chiwui vang eina mibingna Mosesli khayon phāda hānga, “Ithumli tara̱ mangkhavai milu.”
Mosesna athumli hānga, “Ili khisāda khangui phenkhala? Khisāda Proholi chāng yangkhala?”
3 #
Sho 14.12; 16.3. Kha mibingna ra̱changnā kahaiwui vang Mosesli kharopta hānga, “Ithumla, naongarāla, sha̱keila ra̱kachang eina thikhavai khisāda Egyptwui eina thānshoksākhala?”
4Chieina Mosesna Proholi ngakaoda hānga, “Mibing hili ina khisāurakhala? Athumna ili lunggui eina horthatki jihaira.”
5Kala Prohona Mosesli hānga, “Nile kongli nana ngaphit khavai khāmshui chi khuiphungda, Israel ararbing kaikhali thānlaga mangāshong vālu. 6Yanglu, Horeb lunggui pamli ina nawui mangāli nganingra; lunghār chili ngaphitlu, chiwui eina mangkhavai tara̱ shokrāsāra.” Israel ararbingwui mangāli Mosesna chithāda sai.
7Ana apam chili Massah kala Meribah hoi, kaja Israelnaobingna khayon phāngarokta kala Proholi chāng yangda “Prohona ithumli ngasolika mangasomakhala?” da kahāngwui vangna.
Amaleknaobingna Israelnaobingli Raikatā kala Maishi kahai
(Hao 14.7; Mis 13.29; 14.25)
8Rephidimli leilakha Israelnaobingli Amaleknaona rai rātai. 9Kala Mosesna Joshuali hānga, “Ithumwui vang mi kapangkhuida Amaleknaobingli angararlu, akhama ina Varewui khāmshui singlaga kaphungtonli kānganingra.” 10Mosesna kahāng athishurda Joshuana Amaleknaobingli angarara; kala Moses, Aaron, Hur athumna kaphungtonli kai. 11Mosesna apāng katinglakha eina tangda Israelnaona yui, kala apāng haizangkhaleoda Amaleknaobingna yui. 12Kha Moseswui pāng chothaoda, lunggui akha khuilaga ana chili pama, Aaron eina Hurna apāng lākharipta singlaga khāngngachona; chithāda zimik matunranglakha eina tangda zungpama, 13kala Joshuana Amaleknaoli kala awui mibingli raighai eina ngararda yuikhui.
14 #
Khal 25.17-19; 1 Sam 15.2-9. Kala Prohona Mosesli hānga, “Hi mamalai khavai lairik akhali kapisanglu, kala chi Joshuawui khanākhurli hāngsanglu kaja okathuili Amaleknaobingli maphaningunglak khavai ina shimitmichaohaora.” 15Mosesna hanphut akha sākhui kala chiwui aming, Proho iwui philānna da phokmida, 16hānga, “Prohowui philāntungli pāng akha! Thot kachida Amaleknaoli Prohona rai ngararchingra.” da hānga.
Currently Selected:
SHONGZĀ 17: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
SHONGZĀ 17
17
Lunghārwui eina Tara̱ Kashok
1 Prohona kakaso athishurda Israelwui ashangva̱na Sin lamhāngwui eina mathang mathang zata, kala Rephidimli apisanga; kha chili mibingna mangkhavai tara̱ masamphangthuwa. 2Chiwui vang eina mibingna Mosesli khayon phāda hānga, “Ithumli tara̱ mangkhavai milu.”
Mosesna athumli hānga, “Ili khisāda khangui phenkhala? Khisāda Proholi chāng yangkhala?”
3 #
Sho 14.12; 16.3. Kha mibingna ra̱changnā kahaiwui vang Mosesli kharopta hānga, “Ithumla, naongarāla, sha̱keila ra̱kachang eina thikhavai khisāda Egyptwui eina thānshoksākhala?”
4Chieina Mosesna Proholi ngakaoda hānga, “Mibing hili ina khisāurakhala? Athumna ili lunggui eina horthatki jihaira.”
5Kala Prohona Mosesli hānga, “Nile kongli nana ngaphit khavai khāmshui chi khuiphungda, Israel ararbing kaikhali thānlaga mangāshong vālu. 6Yanglu, Horeb lunggui pamli ina nawui mangāli nganingra; lunghār chili ngaphitlu, chiwui eina mangkhavai tara̱ shokrāsāra.” Israel ararbingwui mangāli Mosesna chithāda sai.
7Ana apam chili Massah kala Meribah hoi, kaja Israelnaobingna khayon phāngarokta kala Proholi chāng yangda “Prohona ithumli ngasolika mangasomakhala?” da kahāngwui vangna.
Amaleknaobingna Israelnaobingli Raikatā kala Maishi kahai
(Hao 14.7; Mis 13.29; 14.25)
8Rephidimli leilakha Israelnaobingli Amaleknaona rai rātai. 9Kala Mosesna Joshuali hānga, “Ithumwui vang mi kapangkhuida Amaleknaobingli angararlu, akhama ina Varewui khāmshui singlaga kaphungtonli kānganingra.” 10Mosesna kahāng athishurda Joshuana Amaleknaobingli angarara; kala Moses, Aaron, Hur athumna kaphungtonli kai. 11Mosesna apāng katinglakha eina tangda Israelnaona yui, kala apāng haizangkhaleoda Amaleknaobingna yui. 12Kha Moseswui pāng chothaoda, lunggui akha khuilaga ana chili pama, Aaron eina Hurna apāng lākharipta singlaga khāngngachona; chithāda zimik matunranglakha eina tangda zungpama, 13kala Joshuana Amaleknaoli kala awui mibingli raighai eina ngararda yuikhui.
14 #
Khal 25.17-19; 1 Sam 15.2-9. Kala Prohona Mosesli hānga, “Hi mamalai khavai lairik akhali kapisanglu, kala chi Joshuawui khanākhurli hāngsanglu kaja okathuili Amaleknaobingli maphaningunglak khavai ina shimitmichaohaora.” 15Mosesna hanphut akha sākhui kala chiwui aming, Proho iwui philānna da phokmida, 16hānga, “Prohowui philāntungli pāng akha! Thot kachida Amaleknaoli Prohona rai ngararchingra.” da hānga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.