SHONGZĀ 21
21
Raonaobingli Khayang
(Khal 15.12-18)
1“Mibingli nana hāngchitheiki kaji shiyanbing chi hina: 2#Pāng 25.39-46; Khal 15.12-18. Nathumna raonao sākhavai Hebrewnao lokhuiakha, ana kum tharuk otram ngatha̱mira, kashine kum awui eina khikha makhuila khalem eina chihohaora. 3Amāng raakha amāng shokra; apreiva̱ khuiraakha apreiva̱la ali ngasoshokra. 4Shimva̱na ngalā khuisangmida naola pharākha, preiva̱ eina naomayara chi shimva̱wui sāra, amāng thuimara. 5Kha raonao china iwui akhavāli, ipreiva̱li, inaongarāli leishiya I mathuimara jiakha, 6shimva̱ china Varewui mangāli khuivāra, kala khāmongpheili, lah pākra̱pheili nganing ngasakta shimva̱na borā kapim eina khanā sa̱mira; kala mirin peida ali otram ngatha̱ra.
7“Mi akhana anaongalava̱li raonao sākhavai yorakha, mayarnaoli kachiho thāda ali khalem eina machithotpaimara. 8Ali kapangkakhuia awui shimva̱li apreiva̱ sāda ningyāng maung ngasakrarakha, ali ngatangkhui ngasakpai, yur khangatei mili mayorsangpaimana; kaja ana ning katong maleila sāmi kahaiwui vangna. 9Anaomayarawui vang khuisangmiakha, anaongalava̱li kasā thāda sāki kajina. 10Ana ngalā khangatei khuiakha kharepava̱li awui kashakazā, kashankachon kala preiva̱wui yarla mavātmipaimana. 11Ana ot kathum hi awui vang masāmiakha, raopava̱ china leiman maphungla, pheisā mashānla thuipaira.
12 #
Sho 20.13; Pāng 24.17; Khal 5.17; Mat 5.21. “Kachikathāna mi akhali shaolaga thihaiakha alila shaothatra. 13#Mis 35.10-34; Khal 19.1-13; Jos 20.1-9. Kha ana shongrimda kasā maningla Varena shokkhangasaka otshot ngasasakha, ina nathumwui ayāmsang khavai nathumwui vang apam akha ngaranmira chili yāmvāda mathimara. 14Kha kachikathāna malungvātta mi akhali sāthatphalungkida shaoakha, nathumna ale iwui hanphutwui eina khuilaga shaothatra.
15“Kachikathāna avāva̱li nilala, ava̱va̱li nilala shaoakha chipāli shaothatra.
16 #
Khal 24.7. “Mi khaleeali, yorlapai awuili haisalapai, ali shaothatra.
17 #
Pāng 20.9; Mat 15.4; Mk 7.10. “Kachikathāna avāva̱li nilala, lah ava̱va̱li nilala khonshiakha mi chipāli shaothatra.
18“Ngama̱ ngaroklaga akhana akhapāli ngalung eina nilala, lah pāng ngashumda shaoda mathilala kazāda petli piakha, 19chiwui thili kakazāpa chi khāmshui singda yaothuishapakha kashaopali kashong malāngmara, kha awui ngalangman kala maraichangranglakha eina tangda yangmira.
20“Raonaowui akhavāna awui rao mayarnao nilala, sha̱nao nilala, lijei eina ngaphitta thihaiakha mipa chili kashong lāngra. 21Kha thangkha, khanithanglala ringakha, kashong malāngmara, kaja raonao chi awui lanna.
22“Kalikha mi khangama̱li nao khavai sha̱naoli saza̱da nao tāhailala, kalākashi maleiakha, ali sakaza̱pa chili agaharawui ningkachāng athishurda kashong lāngra; kala bichar mashunwobingna retkhami athishurda miphalungra. 23#Pāng 24.19-20; Pāng 19.21; Mat 5.38. Kalikhada kalākashi shokakha, manglāwui vang manglā, 24#Pāng 24.19-20; Khal 19.21; Mat 5.38. mikwui vang mik, hā wui vang hā, pāngwui vang pāng, pheiwui vang phei, 25mei eina kasa̱wui vang mei eina kasa̱, khamāwui vang khamā, kashirwui vang kashir runra.
26“Mi akhana awui raonao, mayarnaolapai, sha̱naolapai amikli shaoza̱da saphātmihaiakha, amik chiwui vang ningkhān ngasakhaora. 27Kalikha ana, awui raonao mayarnao lah sha̱naoli ahā shirtāmihaiakha, ahāwui vang ningkhān ngasakhaora.
Shimva̱bingwui Otsin
28“Mukkāna mayarnaoli nilala, sha̱naoli nilala thothaiakha sei chi lunggui eina horthathaora, asā mashaipaimara; kha sei akhavāwui khayon maleimara, 29kha ridala thotching kaje, akhavāli hānglaga ana manarhaimada mayarnaoli nilala, sha̱naoli nilala thotkahaina jiakha, sei chi lunggui eina horthatra, kala akhavālila shaothatra. 30Mipa chili ngatangkhuira jiakha, amanglāwui vang hiyākha khuira kaji chi ana miphalungra. 31Miwui naomayaraliranu, naongalava̱liranu, thotakha akhavāpa chi hiwui shiyan hi zatphalungra. 32Mukkāna rao sha̱naoliranu, rao mayarnaoliranu thothaiakha, akhavā china rao chiwui akhavāpali lupāsā thumra mira kala mukkā chi lunggui eina horthathaora.
33“Mi akhana chom kotta maphinhaimada mukkā nilala, gadhā nilala chili tazanghaiakha, 34chom kachuiapa china lupā eina runra, kala kathi sā chi awui sāra. 35Mi akhawui mukkāna khangateiwui mukkā thotthathaiakha, makathe sei chi yorlaga ani ngayarpakra, kala kathi sā chila ani ngalākra. 36Chi maningakha rida mukkā chi thotza̱ra kaji thatheilaga akhavāna manar kahaiwui vangakha, mukkāwui vang mukkā runra, kala kathi sā chi awui sāra.
Currently Selected:
SHONGZĀ 21: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
SHONGZĀ 21
21
Raonaobingli Khayang
(Khal 15.12-18)
1“Mibingli nana hāngchitheiki kaji shiyanbing chi hina: 2#Pāng 25.39-46; Khal 15.12-18. Nathumna raonao sākhavai Hebrewnao lokhuiakha, ana kum tharuk otram ngatha̱mira, kashine kum awui eina khikha makhuila khalem eina chihohaora. 3Amāng raakha amāng shokra; apreiva̱ khuiraakha apreiva̱la ali ngasoshokra. 4Shimva̱na ngalā khuisangmida naola pharākha, preiva̱ eina naomayara chi shimva̱wui sāra, amāng thuimara. 5Kha raonao china iwui akhavāli, ipreiva̱li, inaongarāli leishiya I mathuimara jiakha, 6shimva̱ china Varewui mangāli khuivāra, kala khāmongpheili, lah pākra̱pheili nganing ngasakta shimva̱na borā kapim eina khanā sa̱mira; kala mirin peida ali otram ngatha̱ra.
7“Mi akhana anaongalava̱li raonao sākhavai yorakha, mayarnaoli kachiho thāda ali khalem eina machithotpaimara. 8Ali kapangkakhuia awui shimva̱li apreiva̱ sāda ningyāng maung ngasakrarakha, ali ngatangkhui ngasakpai, yur khangatei mili mayorsangpaimana; kaja ana ning katong maleila sāmi kahaiwui vangna. 9Anaomayarawui vang khuisangmiakha, anaongalava̱li kasā thāda sāki kajina. 10Ana ngalā khangatei khuiakha kharepava̱li awui kashakazā, kashankachon kala preiva̱wui yarla mavātmipaimana. 11Ana ot kathum hi awui vang masāmiakha, raopava̱ china leiman maphungla, pheisā mashānla thuipaira.
12 #
Sho 20.13; Pāng 24.17; Khal 5.17; Mat 5.21. “Kachikathāna mi akhali shaolaga thihaiakha alila shaothatra. 13#Mis 35.10-34; Khal 19.1-13; Jos 20.1-9. Kha ana shongrimda kasā maningla Varena shokkhangasaka otshot ngasasakha, ina nathumwui ayāmsang khavai nathumwui vang apam akha ngaranmira chili yāmvāda mathimara. 14Kha kachikathāna malungvātta mi akhali sāthatphalungkida shaoakha, nathumna ale iwui hanphutwui eina khuilaga shaothatra.
15“Kachikathāna avāva̱li nilala, ava̱va̱li nilala shaoakha chipāli shaothatra.
16 #
Khal 24.7. “Mi khaleeali, yorlapai awuili haisalapai, ali shaothatra.
17 #
Pāng 20.9; Mat 15.4; Mk 7.10. “Kachikathāna avāva̱li nilala, lah ava̱va̱li nilala khonshiakha mi chipāli shaothatra.
18“Ngama̱ ngaroklaga akhana akhapāli ngalung eina nilala, lah pāng ngashumda shaoda mathilala kazāda petli piakha, 19chiwui thili kakazāpa chi khāmshui singda yaothuishapakha kashaopali kashong malāngmara, kha awui ngalangman kala maraichangranglakha eina tangda yangmira.
20“Raonaowui akhavāna awui rao mayarnao nilala, sha̱nao nilala, lijei eina ngaphitta thihaiakha mipa chili kashong lāngra. 21Kha thangkha, khanithanglala ringakha, kashong malāngmara, kaja raonao chi awui lanna.
22“Kalikha mi khangama̱li nao khavai sha̱naoli saza̱da nao tāhailala, kalākashi maleiakha, ali sakaza̱pa chili agaharawui ningkachāng athishurda kashong lāngra; kala bichar mashunwobingna retkhami athishurda miphalungra. 23#Pāng 24.19-20; Pāng 19.21; Mat 5.38. Kalikhada kalākashi shokakha, manglāwui vang manglā, 24#Pāng 24.19-20; Khal 19.21; Mat 5.38. mikwui vang mik, hā wui vang hā, pāngwui vang pāng, pheiwui vang phei, 25mei eina kasa̱wui vang mei eina kasa̱, khamāwui vang khamā, kashirwui vang kashir runra.
26“Mi akhana awui raonao, mayarnaolapai, sha̱naolapai amikli shaoza̱da saphātmihaiakha, amik chiwui vang ningkhān ngasakhaora. 27Kalikha ana, awui raonao mayarnao lah sha̱naoli ahā shirtāmihaiakha, ahāwui vang ningkhān ngasakhaora.
Shimva̱bingwui Otsin
28“Mukkāna mayarnaoli nilala, sha̱naoli nilala thothaiakha sei chi lunggui eina horthathaora, asā mashaipaimara; kha sei akhavāwui khayon maleimara, 29kha ridala thotching kaje, akhavāli hānglaga ana manarhaimada mayarnaoli nilala, sha̱naoli nilala thotkahaina jiakha, sei chi lunggui eina horthatra, kala akhavālila shaothatra. 30Mipa chili ngatangkhuira jiakha, amanglāwui vang hiyākha khuira kaji chi ana miphalungra. 31Miwui naomayaraliranu, naongalava̱liranu, thotakha akhavāpa chi hiwui shiyan hi zatphalungra. 32Mukkāna rao sha̱naoliranu, rao mayarnaoliranu thothaiakha, akhavā china rao chiwui akhavāpali lupāsā thumra mira kala mukkā chi lunggui eina horthathaora.
33“Mi akhana chom kotta maphinhaimada mukkā nilala, gadhā nilala chili tazanghaiakha, 34chom kachuiapa china lupā eina runra, kala kathi sā chi awui sāra. 35Mi akhawui mukkāna khangateiwui mukkā thotthathaiakha, makathe sei chi yorlaga ani ngayarpakra, kala kathi sā chila ani ngalākra. 36Chi maningakha rida mukkā chi thotza̱ra kaji thatheilaga akhavāna manar kahaiwui vangakha, mukkāwui vang mukkā runra, kala kathi sā chi awui sāra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.