SHONGZĀ 22
22
Kharunwui Ain
1“Mi akhana mukkā nilala, yao nilala leekhuida shaothathailala, yorhailala, mukkā akhawui vang mukkā phangā, yao akhawui vang yao mati khale china runra. Runphalungra, khikha makhalei miakha ali yorhaora. 2Leekakhui sei nilala, gadhā nilala, yao nilala kharing eina awui pāngli leisakha khale china aman akhashida mataida runkāra. 3Khale akhana shim shaokhaizangda ali tukkhuida shaoda thihaiakha, ashee katāwui shongrān maleimana; 4kha chi zimik shoknamhaikha, ashee chiwui vang shongrān leira.
5“Mi akhana khangateiwui luili nilala, drakhā yāmguili nilala, sei hompamakha, lah chihohaida mi khangateiwui lui ashaimihaiakha, awui luiwui kala drakhā yāmguiwui athei mathāmeikap kaji chieina runra.
6“Mei sa̱laga maithuihaida zātshim nilala, māthei nilala, lah lui nilala chuitāmihaiakha mei kasa̱pa china runserphalungra.
7 #
Pāng 5.14—6.7; Mis 5.5-8. “Mi akhana khongnainaoli pheisā nilala, ot nilala haimi ngasakta khongnaipawui shim eina leethuihaiakha, kala khalepa chi kalikha tukkhuihaiakha, khalepa china akha mataisanglaga runra. 8Kha kalikha khalepa chi matukkhuirarakha shimva̱ china khongnaipa chiwui ot chili apāng saza̱ya, masāza̱mana kaji theikhavai Varewui mangali vāra.
9“Shitkasang vātngarokta, mukkā nilala, gadhā nilala, yaonilala, kashankachon nilala, maningakha ot katei shimān kahaiwui vang, akhana ‘Hi iwuina,’ jiakha khaniniwui tuishot chi Varewui mangāli khuirāra; kala Varena khayon khamipa china ali akhashida mataida runra.
10“Mi akhana gadhā nilala, mukkā nilala, yao nilala lah sha̱kei khangatei nilala khongnaiwuili haisālaga kathi, lah khamā kaza̱, kala khipānakha matheila homthuimihaiakha, 11ot chili pāng masāza̱mana kaji theikhavai Prohowui mangāli khanini shākhi sāra; kala akhavāpa china shākhi kasā chi mayāda khikha marunmara. 12Kha kalikhada awui pāng eina leethuihaiakha akhavāli aman runra. 13Kalikhada sāna shaimihaiakha theikhui khavai angun khuiungchitheira; kala shaimi kahai chiwui vang khikha marunmara.
14“Kalikhada mi akhana khongnainaowui sha̱kei khuisālaga akhavā mazangla khamā kaza̱ kala kathi kathā shokhaiakha, ana aman peichaoda runra. 15Kalikhada akhavāla ngasosākha, marunmara; kalikhada chi khamasā ngasāsākha, khamasā chiwui aman mira.
Acham-aram eina Dharmawui Ainbing
16 #
Khal 22.28; 29. “Kalikhada shakzā khavai mangamārang kaji kachingva̱ sha̱naoli mi akhana ngasopimihaiakha, manho milaga ali apreiva̱ sāngasakra. 17Kalikhada ngalava̱ shāvāna mamiphalungmara jihaiakha kachingva̱ ngalānao akhawui manholi ngaraikacha pheisā miphalungra.
18 #
Pāng 20.27; Khal 18.10. “Nathumna laivā kasā sha̱naoli maokthui ngasakpaimara.
19 #
Pāng 18.23; 20.15,16; Khal 27.21. “Sāli phasā khangaso mili shaothatphalungra.
20 #
Pāng 17.2-7. “Proho maningla vare khangateili pha̱kaphayā mili zakshilāk eina shimān ngasakra.
21 #
Sho 23.9; Pāng 19.33,34; Khal 27.19. “Kha̱mili khayon ot masāpaimana, lah marekharekpaimana, kaja nathumla Egypt ngaleili kha̱mi sāsai. 22#Khal 24.17. Ra̱meinaoli lah marānaoli marekharekpaimana; 23nathumna athumli chotngasakta ili athumna ngakaoakha ina athumwui khangakao chi shāmilakra; 24iwui malungkhavāt mei thada chuida ina nathumli raighai eina sāthathaida napreiva̱ ngarā ra̱meihaora, kala nanao ngarā marāhaora.
25 #
Pāng 25.36,37; Khal 23.19; 20. “Nathumwui ngachaili nathumli ngasokapama iwui mi kachāmbingli lupā shināmakha, athumle kashinām thāda masāpaimara, athumwui eina atar makhuipaimara. 26#Khal 24.10-13. Kalikhada nawui khongnainaowui kachon hamda khuilala zimik matunranglakha hanmihaolu; 27Kaja nawui khongnaipa chiwui fasang khavai kachon chimāng sāsāpai; mipa china khangatei khi fapirakhala? Kala nawui khongnaipa china ili ngakaoakha, chi ina shāmira, kaja iya lumashankathana.
28 #
Ots 23.5. “Nathumna Vareli mamashātpaimana kala nathumwui khamungalila makhonshipaimara.
29 #
Sho 23.16,19; Khal 26.2-11; Sho 13.2,11-16. “Nawui mā khamin tharan kala athei-arai minda phākakhui tharan kachigat mahuipaimara.
“Naomayara naochizai ili miphalungra. 30Chi tākam eina seila, yaola: shinithang ava̱li ngasopam ngasakra; kachishata thang nathumna ili miphalungra.
31 #
Sho 19.6; Pāng 11.44; 19.1; 7.24; 17.15. “Nathum iwui vang tharchigat kahai mi sāra; chiwui vang eina khararli sāna sāthat kahai khazursā mashaipaimana, fali hormihaolu.
Currently Selected:
SHONGZĀ 22: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
SHONGZĀ 22
22
Kharunwui Ain
1“Mi akhana mukkā nilala, yao nilala leekhuida shaothathailala, yorhailala, mukkā akhawui vang mukkā phangā, yao akhawui vang yao mati khale china runra. Runphalungra, khikha makhalei miakha ali yorhaora. 2Leekakhui sei nilala, gadhā nilala, yao nilala kharing eina awui pāngli leisakha khale china aman akhashida mataida runkāra. 3Khale akhana shim shaokhaizangda ali tukkhuida shaoda thihaiakha, ashee katāwui shongrān maleimana; 4kha chi zimik shoknamhaikha, ashee chiwui vang shongrān leira.
5“Mi akhana khangateiwui luili nilala, drakhā yāmguili nilala, sei hompamakha, lah chihohaida mi khangateiwui lui ashaimihaiakha, awui luiwui kala drakhā yāmguiwui athei mathāmeikap kaji chieina runra.
6“Mei sa̱laga maithuihaida zātshim nilala, māthei nilala, lah lui nilala chuitāmihaiakha mei kasa̱pa china runserphalungra.
7 #
Pāng 5.14—6.7; Mis 5.5-8. “Mi akhana khongnainaoli pheisā nilala, ot nilala haimi ngasakta khongnaipawui shim eina leethuihaiakha, kala khalepa chi kalikha tukkhuihaiakha, khalepa china akha mataisanglaga runra. 8Kha kalikha khalepa chi matukkhuirarakha shimva̱ china khongnaipa chiwui ot chili apāng saza̱ya, masāza̱mana kaji theikhavai Varewui mangali vāra.
9“Shitkasang vātngarokta, mukkā nilala, gadhā nilala, yaonilala, kashankachon nilala, maningakha ot katei shimān kahaiwui vang, akhana ‘Hi iwuina,’ jiakha khaniniwui tuishot chi Varewui mangāli khuirāra; kala Varena khayon khamipa china ali akhashida mataida runra.
10“Mi akhana gadhā nilala, mukkā nilala, yao nilala lah sha̱kei khangatei nilala khongnaiwuili haisālaga kathi, lah khamā kaza̱, kala khipānakha matheila homthuimihaiakha, 11ot chili pāng masāza̱mana kaji theikhavai Prohowui mangāli khanini shākhi sāra; kala akhavāpa china shākhi kasā chi mayāda khikha marunmara. 12Kha kalikhada awui pāng eina leethuihaiakha akhavāli aman runra. 13Kalikhada sāna shaimihaiakha theikhui khavai angun khuiungchitheira; kala shaimi kahai chiwui vang khikha marunmara.
14“Kalikhada mi akhana khongnainaowui sha̱kei khuisālaga akhavā mazangla khamā kaza̱ kala kathi kathā shokhaiakha, ana aman peichaoda runra. 15Kalikhada akhavāla ngasosākha, marunmara; kalikhada chi khamasā ngasāsākha, khamasā chiwui aman mira.
Acham-aram eina Dharmawui Ainbing
16 #
Khal 22.28; 29. “Kalikhada shakzā khavai mangamārang kaji kachingva̱ sha̱naoli mi akhana ngasopimihaiakha, manho milaga ali apreiva̱ sāngasakra. 17Kalikhada ngalava̱ shāvāna mamiphalungmara jihaiakha kachingva̱ ngalānao akhawui manholi ngaraikacha pheisā miphalungra.
18 #
Pāng 20.27; Khal 18.10. “Nathumna laivā kasā sha̱naoli maokthui ngasakpaimara.
19 #
Pāng 18.23; 20.15,16; Khal 27.21. “Sāli phasā khangaso mili shaothatphalungra.
20 #
Pāng 17.2-7. “Proho maningla vare khangateili pha̱kaphayā mili zakshilāk eina shimān ngasakra.
21 #
Sho 23.9; Pāng 19.33,34; Khal 27.19. “Kha̱mili khayon ot masāpaimana, lah marekharekpaimana, kaja nathumla Egypt ngaleili kha̱mi sāsai. 22#Khal 24.17. Ra̱meinaoli lah marānaoli marekharekpaimana; 23nathumna athumli chotngasakta ili athumna ngakaoakha ina athumwui khangakao chi shāmilakra; 24iwui malungkhavāt mei thada chuida ina nathumli raighai eina sāthathaida napreiva̱ ngarā ra̱meihaora, kala nanao ngarā marāhaora.
25 #
Pāng 25.36,37; Khal 23.19; 20. “Nathumwui ngachaili nathumli ngasokapama iwui mi kachāmbingli lupā shināmakha, athumle kashinām thāda masāpaimara, athumwui eina atar makhuipaimara. 26#Khal 24.10-13. Kalikhada nawui khongnainaowui kachon hamda khuilala zimik matunranglakha hanmihaolu; 27Kaja nawui khongnaipa chiwui fasang khavai kachon chimāng sāsāpai; mipa china khangatei khi fapirakhala? Kala nawui khongnaipa china ili ngakaoakha, chi ina shāmira, kaja iya lumashankathana.
28 #
Ots 23.5. “Nathumna Vareli mamashātpaimana kala nathumwui khamungalila makhonshipaimara.
29 #
Sho 23.16,19; Khal 26.2-11; Sho 13.2,11-16. “Nawui mā khamin tharan kala athei-arai minda phākakhui tharan kachigat mahuipaimara.
“Naomayara naochizai ili miphalungra. 30Chi tākam eina seila, yaola: shinithang ava̱li ngasopam ngasakra; kachishata thang nathumna ili miphalungra.
31 #
Sho 19.6; Pāng 11.44; 19.1; 7.24; 17.15. “Nathum iwui vang tharchigat kahai mi sāra; chiwui vang eina khararli sāna sāthat kahai khazursā mashaipaimana, fali hormihaolu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.