SHONGZĀ 23
23
Mashun eina Lukhamashan
1 #
Sho 20.16; 23.7; Khal 5.20; 19.15-21. “Nathum mikhanam tui mamatuipaimara. Makaphā mili ngasoda mikhanam shākhi masāpaimara. 2Makaphā sākhavai yarui chungkhameili mashurpaimara; lah tuishotli yarui chungkhameiwui michang zangda mashun nguimi khavai shākhi masāpaimara. 3#Pāng 19.15. lah kachāmawui tuishotli mijang masāpaimara.
4 #
Khal 23.4-5; Khal 22.1-4. “Yangkashewui mukkā nilala, gadhā nilala ma̱zatkasa theiakha ali khuiungmilu. 5Nali ningkakachaiya mipa chiwui gadhā otphunna mangakarthukmada leisākha thāda mayanghaialu, kha khāngmathotmilu.
6“Nathum kachāma miwui mashun mamatuikhayeipaimara. 7#Sho 20.16; 23.1. Mikhanamwui kaphenli mazanglakalu; kala khayon makhalei kala khamashung-khangarong mili mashaothatalu; kaja makaphā mili ina machihomara. 8#Khal 16.19. Pheizā makhuipaimara, kaja pheizāna akhavābingli mik ngapeo ngasaka, kala khamashungali yonngasaka.”
9 #
Sho 22.21; Pāng 19.33,34; Khal 27.19. “Nathumna kha̱mili marekharekpaimara, kha̱mi khangasāwui ning kathakhala kaji nathumla thei, kaja nathumla Egypt ngaleili kha̱mi sāsai.
Sabbath Zingkum
10 #
Pāng 25.1-7. “Kumtharukwui vang nathumna lui vāsangda heiun hātkhuira. 11#Sho 20.9-11; 31.15; 34.21; 35.2; Khal 5.13-14. Kha kashine kum nathumna lamphohailaga ngasāmkhui ngasakra. Kaja kachāmnaobingna zākhavai kala athumna katai chi ramsāna shaipaira. Chi tākam eina drakhā yāmguila, olive yāmguila chithāda sāra.
12 #
Sho 20.8-11; 31.15-17; 34.21; 35.2; Khal 5.12-15. “Tharukthang nathumwui ot sāra, kha kashinethang ngasāmkhuida; nathumwui mukkāla, gadhāla ngasāmkhuipaira, kala lokahaia raosha̱naowui naomayarabingla, kha̱minaola ngasāmkhuipaira.
13“Ina hāngkahai saikora nganālu kala khangatei varebingwui ming masinglakalu, chili lāngda nathum khamorwui eina nilala mashāranu.
Khangachā Phanitbing
(Sho 34.18-26; Khal 16.1-17)
14 #
Sho 34.22-24; Pāng 23.1-44; Khal 16.1-17. “Kumkhali kathum shida nathumna iwui phanit sāra. 15Ina hāngkahai thāda khawok makazang khamui phanit sāra; hāngkahai thāda Abib kachāngwui atamli shinithang khawok makazang khamui shaira, kaja chiwui atamli nathumna Egyptwui eina shoka. Khipakha iwui mangāli pāng khamasai eina marāpaimara.
16“Nathumna luili khayao theishiraiwui matheikhare athei chieina ngasoda māhā phanit mayonlu.
“Kumpeili nathumna luiwui eina theishirai kazipkakhui tharan chumpha̱ phanit mayonlu. 17Kumkhali kathum shida mayarnao kachiva̱na Proho Varewui mangāli rānganingra.
18 #
Sho 12.10; 34.25; Pāng 2.11; 7.15. “Ili pha̱phayā khavai ashee chieina ngasoda khawok kazanga khamui machigatpaimara, lah iwui zātkhānwui athao ngathor eina tangda kahaila mahaipaimara.
19 #
Sho 22.29; 34.26; Khal 26.2-11; 14.21. “Nathum ngaleiwui matheikhare athei chi nathumwui Proho Varewui shimli khuirāra.
“Nathumna yaonao awui ava̱wui na̱ra̱ eina mahangshaipaimana.
Israelnaobingli Thānkhavai Kazingrao
20“Yanglu, ina ngarānmi kahai apam chili nathumli thānvāmi khavai kala mayonmi khavai nathumwui mangāli ina kazingrao akha chihora. 21Ali nganāda awui tui khuisanglu; ali mangakaishialu; kaja ana nathumwui khayon mapheomimara kaja iwui ming ali lei. 22Kha nathumna awui tui khuida ina kahāng chi saserakha, nathumwui yangkashe chi iwui yangkashena, nathumli khangasunga chili ina ngasungra. 23Iwui kazingraona nathumli thānmida Amornaobing, Hitnaobing, Periznaobing, Canaannaobing, Hivnaobing kala Jebusnaobingwui apamli vāzangda, kala ina athumli shimān ngasak kahai chitharan, 24athumwui varebingli makhorumpaimara, lah otramla mangatha̱paimara, athumwui kasā thadala masāpaimara, kha saikora chi sākazammiserhaida pākra̱ eina tangda akha̱ sāngasaklu. 25Proho nathumwui Vareli otram ngatha̱lu, ina nathumwui khamui eina tara̱li somira; kala ina nathumwui eina kazāt khuithuimihaora. 26Nathumwui pamli khipashikha nao horkahai maleimara, nao kashumla mavaimara; nathumwui mirin ina chipemmira.
27“Iwui khangachee khangachā mangāli rida chihoda nathumna ngararki kaji mibing saikorali pa̱ngapā ngasakra, kala ina yangkashebing nathumwui eina yāmngasakra. 28Kala ina nathumwui mangāli rida raipao shāngasakta Hivnao, Canaannaobing kala Hitnaobing yāmngasakra. 29Ina athumli kumkhawui alungliva makashammara, kaja ramchohaikha nathumwui vang ramsā chungnahaora. 30Nathumna chungsang mamānda lam chi makhuingakānranglakha eina tangda teomamei eina kasham mamānra. 31Kala nathumwui thari Red Sea eina thuilaga Philistinewui ngayi vāshungda, kala lamhāng eina thuilaga Euphrates eina tangda sāra; kaja lam chiwui mibing nathumwui pāngli horsangmihaida nathumna kashamshokhaora. 32Nathumna athumli nilala, athumwui varebingli nilala tuingashit masāpaimara. 33Athum nathumwui ngaleili mapampaimara, kaja athumna nathumli morei sāngasakpaishina; nathumna athumwui varebingli otram ngatha̱akha, kachangkhat eina chi nathumwui vang khalen ngasāra.”
Currently Selected:
SHONGZĀ 23: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
