SHONGZĀ 37
37
Ningkhami Oko Kasā
(Sho 25.10-22)
1 #
Sho 25.10-22. Bezalelna oko chi acaciathing eina, asān khuining khani tangkhai; aretna khuining akha tangkhai, kala kajui khuining akha tangkhai da sākhui. 2Kala ana chiwui alung ayar sinā kachanga eina heirora kala sinā kachanga eina heikhuida kuimareida akhamong sāsanga. 3Kala ana achithek matili sināwui akhui mati heikhuida, arāp akhashong khani kala lakhashong khani da sāsangkhui. 4Kala ana acaciathing eina thingphān sākhuilaga sinā eina rommithai, 5kala ngava̱ khavai thingphān chi ningkhami okowui arāp lakharipta akhui chili ruisanghai. 6Kala ana lukhamashan pamkhong chi sinā kachanga eina sākhui; khuining khani tangkhai sānga, kala khuining akha tangkhai pāka, 7kala ana sinā eina shaokhuilaga cherubim khani sākhuida lukhamashan pamkhongwui ayar lakharipli hai, 8cherub akhana ayar akatangli, kala cherub akhapāna ayar lakhavākwui akatangli hai; kala lukhamashan pamkhongli asā akha sāda sāshāna, cherubimbing chi asā akha sāda sāshāna. 9Cherubim khani chiwui angachāng hārkālaga lukhamashan pamkhongli kāhārkhamda mai ngareingasuna; kala lukhamashan pamkhongshong cherubimwui mai ngareivai.
Table Kasā
(Sho 25.23-30)
10 #
Sho 25.23-29. Ana tablela acaciathing eina sākhui, asān khuining khani, aretna khuiningkha, kala kajui khuining akha tangkhai; 11kala ana chi kashenga sinā kachanga eina rommithai, kala akhamong sinā kachanga eina heikhuida sāsanga. 12Kala ana kuimareida akom pangmayā rikha sāsanga, kala chi sinā eina heikhuida akomli kuimareida khuisanga. 13Ana sinā eina akhui mati heikhuilaga aphei mati achithek matili sāshāna. 14Thingphān ruisangda table chi ngava̱ khavai akhuibing chi akom ngalemchangli pānshana. 15Ana ngava̱ khavai thingphān chi acaciathing eina sālaga sinā rommithai. 16Kala ana tabletungli haiki kaji khorkhongbing nganamkaphā yur sangkhavai kala khongphei khongphāngbing, kala ra̱shakshirei heikhavai khokthi khorām ana sinā kachanga eina sākhuisera.
Thaomeishong Kasā
(Sho 25.31-40)
17 #
Sho 25.31-39. Kala thaomeishongla sinā kachanga eina sākhui. Rungkhavai apheila, athingla shaokhanārlaga sākhui; chiwui tengkotla, athingla, kala awonla asā akha sāngasaka. 18Kala chiwui aphāng tharuk thaomeishongwui eina lākhashong kathum, kala lākhashong kathumda shoka; 19athingla, awonla kālaga almond thāda tengkot kathum aphāng akhali kai, kala athingla awonla kālaga almond thāda tengkot kathum aphāng akhali kai, chithāda thaomeishongwui eina aphāng tharuk shokngasaka. 20Thaomeishong chili almond thāda tengkot mati semkhui, chiwui athingla awonla saikora kai, 21aphāng tharuk chi angawor kathum sāda angawor kachiva̱wui eina athing ava̱va̱ shokngasaka. 22Chiwui athingbing kala chiwui aphāngbing asā akha sāngasakta sinā kachanga eina shaokhuida sākhui. 23Kala ana thaomeishong chili tengkotnao thāda thaomei shini kala khanit khavai eina akhongla sinā kachanga eina sākhui. 24Ana khorkhongbing saikora sinā talent akha eina sākhui.
Nganamkaphā Hanphut Kasā
(Khal 30.1-5)
25 #
Sho 30.1-5. Ana nganamkaphā riktā khavai acaciathing eina hanphut sākhui; chiwui asān-aret khuiningkharipa, kala asān khuining khanina; kala chiwui angacheebing akha sāda sāshana. 26Ana chiwui atung, arāpbing kuimareida kala angacheebinglila sinā eina rommithai kala kuimareida sinā heiunga. 27Kala sinākhui khanini heikhuida arāp khaniwui akom azingli hanphut ngava̱ khavai thingphān ruisangda mai ngareingasungda semsanga. 28Kala ana thingphānla acaciathing eina sālaga chili sinā rommithai.
Neokhavai Thao eina Anganam Thao Kasem
29 #
Sho 30.22-38. Ana kathara neokhavai thaola semkhui, kala khangachā kasema mina kasā thāda mathingrik nganamkaphā semkhui.
Currently Selected:
SHONGZĀ 37: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
