PĀNGMONSHI 3
3
Ningyatchigat
1 #
Pāng 7.11-18. “Proholi kachigat chi ningyatchigatakha, kachigat chi seishangwui eina sā chi avā nilala lah alāni nilala, achuk kapei chigatra. 2Kala apāng seikuili parda kazip khavai kachonshimwui khāmongli taithatra, kala Aaronwui naomayara pāngmonbingna ashee chi hanphutpam kuimareida ikrorra. 3Kala Proholi mei eina rikkatā ningyatshar kachigat pha̱kaphayā chi eina, ana akharili romkashān athao kala akhariwui athao saikora chi chigatra, 4kala amakei khanili kharoma ahanthao kala amathinli khangathānbing ana amakei eina ngarumda khuithuihaora. 5Chiwui thili Aaronwui naomayarabingna rikkatā kachigat hanphutwui meili, semkahai thingtung chili riktāra; hi mei eina rikkatā kachigat, kala hi Proholi ningyangkhaungwui nganamkaphā otna.
6“Kalikhada awui kachigat chi ningyatshar kachigatwui pha̱kaphayākha, ana yaoshangwui eina kachigat sāyur chi, avā nilala lah alā nilala, ana achuk kapei Prohowui mangāli chigatra. 7Kalikha ana awui kachigatwui vang yaonao chigatakha, chi ana Prohowui mangāli chigatra, 8ana pha̱ki kajiwui kuitungli apāng parda kazip khavai kachonshimwui mangāli taithatra; kala Aaronwui naomayarabingna hanphut kuimareida ashee ikrorra. 9Chieina ningyatchigat mei eina rikkatā Proholi pha̱phayākha, ana chiwui athao, ameikong katatkhuilaga, akharili kharom athao, kala akharili kakā athao saikora, 10kala amakei khani kala chili khangathān athao, amathinli khangathān athao, amakei eina laishokrumlaga chigatra. 11Kala chi kashakazā sāda, pāngmonna Proholi mei eina hanphuttungli chigatra.
12“Awui kachigat chi meakha, Prohowui mangāli chigatra, 13kala awui pāng me kuili parda kazip khavai kachonshimwui mangāli taithatra; kala Aaronwui naomayarabingna ashee chi hanphut kuimareida ikrorra. 14Chiwui eina ana Proholi mei eina riktāda akharili kharom kala akharili kakā athao saikora chigatra, 15kala amakei khanili kharoma ahanthao kala amathinli khangathānbing ana amakei eina ngarumda khuithuihaora. 16Kala chi ningyangkhaungwui nganamkaphā mei eina rikkatā kashakazā kachigat sāda pāngmonbingna hanphutungli riktāra. Athao saikora Prohowuina. 17Nathumwui somkapam apam saikorali, nathum athao nilala ashee nilala mashaipaimana, hi nathumwui naothot kachida katang makhavai shiyan-chikan sāra.”
Currently Selected:
PĀNGMONSHI 3: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.