LUKE 11
11
Seihā Kasāwui pongli Tamkachithei
(Mat 6.9-13; Mk 7.7-11)
1 #
Mk 1.35; Lk 3.21; 5.16; 6.12; 9.18,28; 5.33; 7.18. Jishuna apam akhali seihā asālaga kupkahaiwui thili sākhangatha̱ akhana ali hānga, “Proho, Johnna awui sākhangatha̱bingli seihā kasā tamkachithei thada ithumlila tamchitheimilu.” 2#Mat 6.9-13. Chieina Jishuna athumli hānga, “Nathumna seihā kasā tharan hithada sālu:
“Avā, naming tharmathengmeiranu. Nawui wungram shokmilu, 3Ithumli thangthangwui kashakazā thangkachida khamilu; 4#Mk 11.25; Mat 18.35. kala ithumli ithumwui morei pheomilu; khikhalajila ithumli khayon kasā mi kachiva̱li ithumna pheomi; kala ithumli kasuili mathānzangmialu.’”
5 #
Lk 18.1-8. Jishuna athumli hānglui, “Chānjam sāda nathumwui ngachaili mi akhana awui ngasotawui shimli ngayāsailung vālaga, itao, khamui kathum khamisālu: 6kharam kazata iwui ngasotnao akha ishili rāzangda ali mizā khavai khikhala maleithuwa da apolaga 7ana ‘Ili masheikhautalu; ara khamongla tākhailaga inao ngarāli thānpili, I mangakarthuirarmara kala nali khikhala mamirarmara’ da shimlungwui eina ngahānkāralā? 8Ina kahāngna, ana ali awui ngasotana kajiwui vang ngakarthuida khikhala mamirarmara jilala ngasotana poshonhaora kajiwui vang ngakarthuilaga awui kapo chi thuikapeomira. 9#Mat 7.7-11. #Mat 18.19; 21.22; Mk 11.24; Jam 1.5-8; 1 Joh 5.14-15; Joh 15.7; 16.23-24. “Chiwui vang eina ina kahāngna; Polu mira, phālu samphangra, shaolu shomira. 10Kaja kapo mi kachiva̱li mira, kaphā mi kachiva̱na samphangra kala kashao mi chili shomira. 11Nathumwui ngachaili avāva̱ khipāna anaomayarana khaih polaga phara̱ mikhala? 12Lha harra̱ polaga seithat mikhala? 13Maphasālala nana naongarāli khamathā ot mitheiakha, kazingramli khalei Avāva̱na ali kapobingli kayākha mataida Manglā Kathara mirakhala?”
Jishu eina Belzebul
(Mat 12.22-30; Mk 3.20-27)
14 #
Mat 12.22-30; 10.25; Mk 3.23-27. #Mat 9.32-34. Chiwui thili Jishuna khak khangasha̱ kameo akha kashamshokmida leisai, kala kameo china shokkahai eina mipā chi tui matuipaihaida mibing chi matakhakhaowa. 15Kha athum kaikhana hānga, “Ana kameobingwui akhavā Belzebulwui mangā eina kameo kashamshoka.” 16#Mat 12.38; 16.1; Mk 8.11; Joh 2.18; 6.30. Khangatei kaikhana ali chāng yangkida “Kazingramwui eina machut akha chitheilu” da poi. 17Kha athumwui kaphaning theihaoda Jishuna athumli hānga, “Wungram chi khalatta ngakaikazamhaiakha shimānhaora, kala shimkhurwui alungli ning mangarumakha kaiphalungra. 18Chithada sāda Satan akhalattala ngakaikazamakha, awui wungram leisarala? Kaja ina Beelzebulwui mangā eina chipee kashamkashokna da nathumna hāngli. 19Ina Beelzebulwui mangā eina chipee kashamkashokna jisi kaja nathumwui thikashurabingna khipāwui mangā eina chipee kashamshokrakhala? Chithākha athumna nathumwui bicharsame ngasāhaora. 20Kha Ina Varewui pangshap eina chipee kashamshokakha Varewui wungram chi nathumwuili rāshunghaira. 21“Kapanga mi akhana khutlai peida shaksālaga awui konung khamayon tharan awui lan mashimānmana, 22kha ali pangkhameia akhana shim rākaida yuihaiakha ana chihānkasa khutlai saikorala ngapaikhuihaora kala ngaponkakhui otla athum ngayarhaora. 23#Lk 9.50. “Ili makazanga mi chi ili makhamayāna, kala ili ngasoda homkakazipli makazanga mi chi kasham kahaiana.
Makathara Manglā Latungkhalui
(Mat 12.43-45)
24 #
Mat 12.43-45. “Makathar manglā china mi chiwui eina shokkahai eina ngalei kathengli awui ngasām khavai apam phāvai, kala akhala masamphangthuda akhalatta matuiya, ‘Ina pamkasā shim chili latungura’. 25Ana latkhaung tharan shim chi pha̱mathāhaida mathasek eina leisai. 26Chiwui thili ana shokluishitta ali maphākhamei manglā shini thanungda shim chili ungpamma. Chieina mipā chiwui khare mirinli khanaowa mirin china zakshimeikharhaowa.”
Kachangkhat Ringkaphā
27 #
Lk 1.42; 23.29. Ana hi hāngmahunglakha yaruilungwui eina sha̱nao akhana panglāk eina vaoda ali hānga, “Nali pharākakhui kala nganaokakhuiva̱ chi sokhami ngasāranu!” 28#Lk 8.21; Joh 15.14. Kha Jishuna ngahānkai, “Varewui tui nganākhuida chi khamayonbing sokhami ngasāranu.”
Machut Ningkachāng
(Mat 12.38-42; Mk 8.12)
29 #
Mat 12.39-42. #Mat 16.4; Mk 8.12; Lk 11.16; Joh 3.4-5. Mi chungsangmamān kaji eina Jishuna yirphoka, “Thot hi makaphā thotna; thot hina machut phai, kha Jonahwui machut chi maningla machut khangatei mamimara. 30Kaja Jonahna Nineveh mibingwui machut akha khangasā thada miwui Naomayarana thot hiwui machut sāra. 31#1 Wung 10.1-10; 2 Thot 9.1-12. Bichar sathanghon Azingshongwui Philava̱na thot hiwui mibingli ngasoda anganingrumda athumli khayon mira; kaja sha̱nao china Solomonwui thangkhamei nganā khavai okathui akatangawui eina rai. Kha yanglu, Solomonli reikhameia akha hili lei. 32#Mat 12.6. Ninevehwui mibingna thot hili ngasoda bichar sāthanghon anganingrumda athumli khayon mira; kaja athumna Jonahna paokhamathā hākashok chi khuisangda ningkhangatei samphanga, kala yanglu, Jonahli reikhameia akha hili leili.
Phasāwui Kahor
(Mat 5.15; 6.22-23)
33 #
Mat 5.15; Mk 4.21; Lk 8.16. “Mi khipānakha thaomei sharkāhailaga pongrunli mahaimana lah luk eina makhumhaimana; kha rākazangabingna kahor chi theikhavai meishongli hai. 34#Mat 6.22-23. Namikna naphasāwui thaomei na, namik makhamathing tharan naphasāla tangmangting haowa. 35Chiwui vang eina nawuili khalei kahor chi matangmanghai khavai ningngasharlu. 36Naphasā tongtingda tangkhamang maleilakla kahorna pemtinghaiakha thaohmeiwui kahorna horrorkhami thada horchamrihaora.”
Phariseebing eina Ain Kathembing
(Mat 23.1-36; Mk 12.38-40)
37 #
Lk 7.36; 14.1. Jishuna matuikup kahaiwui thili Pharisee akhana phazāt rāngarummi khavai hoi. Chieina Jishuna vāda aphazāngaruma. 38#Mk 7.1-5. Jishuna phazā khavai rida pāng makhamazik chi Phariseepā china theilaga matakhakhai. 39#Mat 23.25-26. #Lk 7.13. Chieina Prohona ali hānga, “Arui nathum Phariseebingna tengkot eina khongpheiwui ayar pheokhaninga, kha nawui alungliva kākharām kala makaphā-makhayāna pemtinghai. 40Mangkhama̱bing! ayar kasaa china alungla kasā maningmalā? 41#Tit 1.15; Mk 7.19. Kha alungli khalei chi kachāmabingli milu, chithākha nathumwui vang ot saikora thara. 42#Mat 23.23-24; Pāng 27.30; Mic 6.8. Kha Phariseebing, nathum kakhanang ringkashi ngasāranu, kaja nathumna suirihan, sāchikom kala hanthothāpwui tithe milaga mashunkasā eina Varewui leikashiliva mahengsangmana; kha khangatateibingla mayansānghaila hibing hi nathum sāphalungki kajina. 43#Mat 23.6-7; Mk 12.38-39; Lk 20.46. “Phariseebing! nathum kakhanang ringkashi ngasāranu! kaja nathumna synagogueli khayākakāpam kala leihngapha̱li khayākashiwui shālam ningchanga. 44#Mat 23.27. Nathum kakhanang ringkashi ngasāranu! Kaja nathum hiya mibingna matheimada naiung-naivā kaje makatheia chikhur kathāna.”
45Ain kathemabingwui ngachaili akhana ali ngahānkai, “Ojā, hi kahāng hiya nana ithumli khayak khangasakna.” 46#Mat 23.4. Kha Jishuna ngahānkai, “Ain kathemabing, nathumla kakhanang ringkashi ngasāranu! kaja nathumna mibingli maphungkhararra ot chiphuna, kha nathum khalattana kharita ot chili pāngmarengnao einala masāza̱mana. 47#Mat 23.29-32; Ots 7.51-53. Nathum kakhanang ringkashi ngasāranu! kaja nathumna marānbingwui chikhur sakāmi, kha athumli navā ngarāna shaokathatna. 48Chieina nathum hiya navā ngarāwui otsak chili khamayābing kala shākhi khamibingna. Kaja athumna shaothata kala nathumna chikhur sāmi. 49#Mat 23.34-36. #1 Cor 1.24; Col 2.3. Chiwui vang eina Varewui thangmei china hānga, ‘Ina marānbing eina paokazatbing athumwuili shivātvāra, athumna kaikhali shaothatra kala kaikhali rekharekra.’ 50Chiya, okathui haokaphokwui eina thuilaga marān saikorawui ashee tākahai chiwui vang mithot hili kashong rāngra. 51#Hao 4.8; 2 Thot 24.20-21; Zec 1.1. Abelwui eina thuilaga Zechariah tāshungda hanphutpam eina tharkhamathengpamwui ngachaili shaothat kahaiwui vang mithot hili kashong rāngra. Mha, ina nathumli kahāngna, athumwui vang mithot hili tandi mira. 52#Mat 23.13. “Ain kathembing, nathum kakhanang ringkashi ngasāranu! kaja nathumna theishingkakhui aworwui sho khuithuihaida, nathum khalattala kazangla mazang kala zangkida khaleibinglila haphaowa.”
53 #
Mk 12.13. Apam chiwui eina Jishuna zatkathui eina ain kathemabing eina Phariseebingna ali panglāk eina ngayātlaga apong tarākhali khangahānla sai 54kala ana khayon tui khamatui rimkhuilaga tukkhui khavai khalenla sanga.
Currently Selected:
LUKE 11: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
LUKE 11
11
Seihā Kasāwui pongli Tamkachithei
(Mat 6.9-13; Mk 7.7-11)
1 #
Mk 1.35; Lk 3.21; 5.16; 6.12; 9.18,28; 5.33; 7.18. Jishuna apam akhali seihā asālaga kupkahaiwui thili sākhangatha̱ akhana ali hānga, “Proho, Johnna awui sākhangatha̱bingli seihā kasā tamkachithei thada ithumlila tamchitheimilu.” 2#Mat 6.9-13. Chieina Jishuna athumli hānga, “Nathumna seihā kasā tharan hithada sālu:
“Avā, naming tharmathengmeiranu. Nawui wungram shokmilu, 3Ithumli thangthangwui kashakazā thangkachida khamilu; 4#Mk 11.25; Mat 18.35. kala ithumli ithumwui morei pheomilu; khikhalajila ithumli khayon kasā mi kachiva̱li ithumna pheomi; kala ithumli kasuili mathānzangmialu.’”
5 #
Lk 18.1-8. Jishuna athumli hānglui, “Chānjam sāda nathumwui ngachaili mi akhana awui ngasotawui shimli ngayāsailung vālaga, itao, khamui kathum khamisālu: 6kharam kazata iwui ngasotnao akha ishili rāzangda ali mizā khavai khikhala maleithuwa da apolaga 7ana ‘Ili masheikhautalu; ara khamongla tākhailaga inao ngarāli thānpili, I mangakarthuirarmara kala nali khikhala mamirarmara’ da shimlungwui eina ngahānkāralā? 8Ina kahāngna, ana ali awui ngasotana kajiwui vang ngakarthuida khikhala mamirarmara jilala ngasotana poshonhaora kajiwui vang ngakarthuilaga awui kapo chi thuikapeomira. 9#Mat 7.7-11. #Mat 18.19; 21.22; Mk 11.24; Jam 1.5-8; 1 Joh 5.14-15; Joh 15.7; 16.23-24. “Chiwui vang eina ina kahāngna; Polu mira, phālu samphangra, shaolu shomira. 10Kaja kapo mi kachiva̱li mira, kaphā mi kachiva̱na samphangra kala kashao mi chili shomira. 11Nathumwui ngachaili avāva̱ khipāna anaomayarana khaih polaga phara̱ mikhala? 12Lha harra̱ polaga seithat mikhala? 13Maphasālala nana naongarāli khamathā ot mitheiakha, kazingramli khalei Avāva̱na ali kapobingli kayākha mataida Manglā Kathara mirakhala?”
Jishu eina Belzebul
(Mat 12.22-30; Mk 3.20-27)
14 #
Mat 12.22-30; 10.25; Mk 3.23-27. #Mat 9.32-34. Chiwui thili Jishuna khak khangasha̱ kameo akha kashamshokmida leisai, kala kameo china shokkahai eina mipā chi tui matuipaihaida mibing chi matakhakhaowa. 15Kha athum kaikhana hānga, “Ana kameobingwui akhavā Belzebulwui mangā eina kameo kashamshoka.” 16#Mat 12.38; 16.1; Mk 8.11; Joh 2.18; 6.30. Khangatei kaikhana ali chāng yangkida “Kazingramwui eina machut akha chitheilu” da poi. 17Kha athumwui kaphaning theihaoda Jishuna athumli hānga, “Wungram chi khalatta ngakaikazamhaiakha shimānhaora, kala shimkhurwui alungli ning mangarumakha kaiphalungra. 18Chithada sāda Satan akhalattala ngakaikazamakha, awui wungram leisarala? Kaja ina Beelzebulwui mangā eina chipee kashamkashokna da nathumna hāngli. 19Ina Beelzebulwui mangā eina chipee kashamkashokna jisi kaja nathumwui thikashurabingna khipāwui mangā eina chipee kashamshokrakhala? Chithākha athumna nathumwui bicharsame ngasāhaora. 20Kha Ina Varewui pangshap eina chipee kashamshokakha Varewui wungram chi nathumwuili rāshunghaira. 21“Kapanga mi akhana khutlai peida shaksālaga awui konung khamayon tharan awui lan mashimānmana, 22kha ali pangkhameia akhana shim rākaida yuihaiakha ana chihānkasa khutlai saikorala ngapaikhuihaora kala ngaponkakhui otla athum ngayarhaora. 23#Lk 9.50. “Ili makazanga mi chi ili makhamayāna, kala ili ngasoda homkakazipli makazanga mi chi kasham kahaiana.
Makathara Manglā Latungkhalui
(Mat 12.43-45)
24 #
Mat 12.43-45. “Makathar manglā china mi chiwui eina shokkahai eina ngalei kathengli awui ngasām khavai apam phāvai, kala akhala masamphangthuda akhalatta matuiya, ‘Ina pamkasā shim chili latungura’. 25Ana latkhaung tharan shim chi pha̱mathāhaida mathasek eina leisai. 26Chiwui thili ana shokluishitta ali maphākhamei manglā shini thanungda shim chili ungpamma. Chieina mipā chiwui khare mirinli khanaowa mirin china zakshimeikharhaowa.”
Kachangkhat Ringkaphā
27 #
Lk 1.42; 23.29. Ana hi hāngmahunglakha yaruilungwui eina sha̱nao akhana panglāk eina vaoda ali hānga, “Nali pharākakhui kala nganaokakhuiva̱ chi sokhami ngasāranu!” 28#Lk 8.21; Joh 15.14. Kha Jishuna ngahānkai, “Varewui tui nganākhuida chi khamayonbing sokhami ngasāranu.”
Machut Ningkachāng
(Mat 12.38-42; Mk 8.12)
29 #
Mat 12.39-42. #Mat 16.4; Mk 8.12; Lk 11.16; Joh 3.4-5. Mi chungsangmamān kaji eina Jishuna yirphoka, “Thot hi makaphā thotna; thot hina machut phai, kha Jonahwui machut chi maningla machut khangatei mamimara. 30Kaja Jonahna Nineveh mibingwui machut akha khangasā thada miwui Naomayarana thot hiwui machut sāra. 31#1 Wung 10.1-10; 2 Thot 9.1-12. Bichar sathanghon Azingshongwui Philava̱na thot hiwui mibingli ngasoda anganingrumda athumli khayon mira; kaja sha̱nao china Solomonwui thangkhamei nganā khavai okathui akatangawui eina rai. Kha yanglu, Solomonli reikhameia akha hili lei. 32#Mat 12.6. Ninevehwui mibingna thot hili ngasoda bichar sāthanghon anganingrumda athumli khayon mira; kaja athumna Jonahna paokhamathā hākashok chi khuisangda ningkhangatei samphanga, kala yanglu, Jonahli reikhameia akha hili leili.
Phasāwui Kahor
(Mat 5.15; 6.22-23)
33 #
Mat 5.15; Mk 4.21; Lk 8.16. “Mi khipānakha thaomei sharkāhailaga pongrunli mahaimana lah luk eina makhumhaimana; kha rākazangabingna kahor chi theikhavai meishongli hai. 34#Mat 6.22-23. Namikna naphasāwui thaomei na, namik makhamathing tharan naphasāla tangmangting haowa. 35Chiwui vang eina nawuili khalei kahor chi matangmanghai khavai ningngasharlu. 36Naphasā tongtingda tangkhamang maleilakla kahorna pemtinghaiakha thaohmeiwui kahorna horrorkhami thada horchamrihaora.”
Phariseebing eina Ain Kathembing
(Mat 23.1-36; Mk 12.38-40)
37 #
Lk 7.36; 14.1. Jishuna matuikup kahaiwui thili Pharisee akhana phazāt rāngarummi khavai hoi. Chieina Jishuna vāda aphazāngaruma. 38#Mk 7.1-5. Jishuna phazā khavai rida pāng makhamazik chi Phariseepā china theilaga matakhakhai. 39#Mat 23.25-26. #Lk 7.13. Chieina Prohona ali hānga, “Arui nathum Phariseebingna tengkot eina khongpheiwui ayar pheokhaninga, kha nawui alungliva kākharām kala makaphā-makhayāna pemtinghai. 40Mangkhama̱bing! ayar kasaa china alungla kasā maningmalā? 41#Tit 1.15; Mk 7.19. Kha alungli khalei chi kachāmabingli milu, chithākha nathumwui vang ot saikora thara. 42#Mat 23.23-24; Pāng 27.30; Mic 6.8. Kha Phariseebing, nathum kakhanang ringkashi ngasāranu, kaja nathumna suirihan, sāchikom kala hanthothāpwui tithe milaga mashunkasā eina Varewui leikashiliva mahengsangmana; kha khangatateibingla mayansānghaila hibing hi nathum sāphalungki kajina. 43#Mat 23.6-7; Mk 12.38-39; Lk 20.46. “Phariseebing! nathum kakhanang ringkashi ngasāranu! kaja nathumna synagogueli khayākakāpam kala leihngapha̱li khayākashiwui shālam ningchanga. 44#Mat 23.27. Nathum kakhanang ringkashi ngasāranu! Kaja nathum hiya mibingna matheimada naiung-naivā kaje makatheia chikhur kathāna.”
45Ain kathemabingwui ngachaili akhana ali ngahānkai, “Ojā, hi kahāng hiya nana ithumli khayak khangasakna.” 46#Mat 23.4. Kha Jishuna ngahānkai, “Ain kathemabing, nathumla kakhanang ringkashi ngasāranu! kaja nathumna mibingli maphungkhararra ot chiphuna, kha nathum khalattana kharita ot chili pāngmarengnao einala masāza̱mana. 47#Mat 23.29-32; Ots 7.51-53. Nathum kakhanang ringkashi ngasāranu! kaja nathumna marānbingwui chikhur sakāmi, kha athumli navā ngarāna shaokathatna. 48Chieina nathum hiya navā ngarāwui otsak chili khamayābing kala shākhi khamibingna. Kaja athumna shaothata kala nathumna chikhur sāmi. 49#Mat 23.34-36. #1 Cor 1.24; Col 2.3. Chiwui vang eina Varewui thangmei china hānga, ‘Ina marānbing eina paokazatbing athumwuili shivātvāra, athumna kaikhali shaothatra kala kaikhali rekharekra.’ 50Chiya, okathui haokaphokwui eina thuilaga marān saikorawui ashee tākahai chiwui vang mithot hili kashong rāngra. 51#Hao 4.8; 2 Thot 24.20-21; Zec 1.1. Abelwui eina thuilaga Zechariah tāshungda hanphutpam eina tharkhamathengpamwui ngachaili shaothat kahaiwui vang mithot hili kashong rāngra. Mha, ina nathumli kahāngna, athumwui vang mithot hili tandi mira. 52#Mat 23.13. “Ain kathembing, nathum kakhanang ringkashi ngasāranu! kaja nathumna theishingkakhui aworwui sho khuithuihaida, nathum khalattala kazangla mazang kala zangkida khaleibinglila haphaowa.”
53 #
Mk 12.13. Apam chiwui eina Jishuna zatkathui eina ain kathemabing eina Phariseebingna ali panglāk eina ngayātlaga apong tarākhali khangahānla sai 54kala ana khayon tui khamatui rimkhuilaga tukkhui khavai khalenla sanga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.