LUKE 12
12
Phākakhaningbingli Hāngkhamathin
(Mat 10.26-27)
1 #
Mat 16.6; Mk 8.15. Mi thingthing rākazipta mi akhana akhali naiza̱ ngarokta leilakha, Jishuna rimeikapta awui sākhangatha̱bingli hānga, “Phariseebingwui khawok makazang phākakhaning chili ningngasharlu. 2#Mat 10.26-27; Mk 4.22; Lk 8.17; Eph 5.13. Maphongshoki kaji faror kahai khikha maleimana lah matheiki kaji ngathum kahaila maleimana. 3Nathumna ngayā tangkhamangli khangazek chi ngashun kahor atamli shāsera kala ngathumda shimlung kāli saisaida hāngkasang chila shimtungwui eina vaomalānra.”
Khipāli Ngacheera?
(Mat 10.28-31)
4 #
Joh 15.14-15. #Mat 10.28-33. “Itao ngarā, ina nathumli kahāngna, phasāli shaothatshaplaga chiwui thili khikha masākhararbing chili mangacheealu. 5#Heb 10.31. Kha khipāli ngacheerakhala kaji ina chitheira; chiya, shaothathailaga meifali horsangkashapwui pangshap khalei a chili ngacheelu, mha, ina nathumli kahāngna, ali ngacheelu. 6“Konghi phangāli pheisā khani eina mayormalā? Chithālala Varewui miktāli athum akhalila yangkhei kahai mavaimana. 7#Lk 21.18; Ots 27.34; Mat 12.12. Nathumwui kuisam eina tangda shānkahaina, mangacheealu; konghi kachungkhali nathum aman sakmeikhara.
Khrista Hāngkaphat kala Kakhalan
(Mat 10.32-33; 12.32; 10.19-20)
8“Ina nathumli kahāngna, kachikathāna ili mibingwui mangāli phongshar eina hāngphatakha, miwui Naomayaranala ali Varewui kazingraobingwui mangāli phongshar eina hāngphatra, 9#Mk 8.38; Lk 9.26; 2 Tim 2.12. kha mibingwui mangāli ili kākhalan mi chili Varewui kazingraobingwui mangāli inala khalanra. 10#Mat 12.31-32; Mk 3.28-29. “Miwui Naomayarawuitungli makhamayā tui khamatui saikora pheomira, kha Manglā Katharali kachipata chili mapheomimara. 11#Mat 10.19-20; Mk 13.11; Lk 21.14-15. “Athumna nathumli synagogueli, khamungabing kala khangam khareibingwui mangāli shimen khavā tharan nathumna kathada khi ngahānkārakhala lah khi hāngrakhala da malungmaringalu; 12kaja Manglā Katharana nathumli atam chichangli nathumna hāngkhangayi chi tamchitheimira.”
Kashānga Mangkhama̱wui Chānjam
13Yarui ngachaiwui eina mi akhana ali hānga, “Ojā, ishāvāna haimi kahai shimlui chi ilila ngayarmi khavai ishameili kahāngmilu.” 14Kha Jishuna ali hānga, “Mayara, nani khaniwuitungli bicharwo kala ngayarme sākhavai ili khipāna kapangsanghaikhala?” 15#1 Tim 6.6-10. Chieina ana athumli hānglui. “Ningkhariklu kala khangamarli ningngasharlu; kaja mikumo akhawui mirin hi awui lan tarākha khalei chili khalei maningmana.” 16Ana chānjam akha hānga, “Kashānga akhawui luili heiun tarākha unga; 17kala akhalatta chukmaja̱ya, ‘Iwui heiun hi kazip khavai apam maleithura, kathāusikhala?’ 18Chieina akhalatta phaninga, ‘Ina hithada sāra; ina iwui chum pheihailaga hakkhamei akha sākhuira; kala chili iwui mā kala thongthāngbing kazipra. 19Chiwui thili ina imanglāli hāngra, Manglā, nana zingkum shirakha shichin khavai khamathā ot kachungkha chi kazipsanghaira, leiyālak eina okthuilu, zālu, manglu kala ringphākhuilu.’ 20#Jer 17.11; Job 27.8; Laa 39.6; Lk 12.33-34. Kha Varena ali hānga, ‘Mangkhama̱a! Arui ngayā nawui manglā khuithuihaora’ chithākha ana kazip kahai lan saikora chi khipāwui ngasārakhala?” 21Chi tākam eina akhalattawui vang lan tarākha kazipsanghailaga Varewui miktāli makashāng mi chi chithai” da Jishuna hānga.
Vareli Kachihān
(Mat 6.25-34)
22 #
Mat 6.25-33. Chieina Jishuna awui sākhangatha̱bingli hānga, “Chiwui vang eina ina nathumli kahāngna, nathumwui mirinli khi zāra, naphasāwui vang khi ngavaira da malung maringalu. 23Kaja mirinna kashakazāli mataimei kala phasāna kashankachonli mataimei. 24#Lk 12.6-7. Vānaobingli machukyanglu, athum khayaola mayaomana, kahātla mahātkhuimana, athumna kazip khavai shimla, chumla maleimana, chithālala Varena athumli mizai. Nathumna vānaobingli kayākha sakmataimeikhala? 25Kala nathumwui ngachaili khipāna malungringhaowada awui mirin okthot khuiningkha mataisangkhuishapkhala? 26Nathumna chikathā kateowa ot chi masārarlaga khiwui vang eina khangatei otbingwui vang malungringkhala? 27#1 Wung 10.1-10. Timrāwonbingna kathada rarsangkhala da machukyanglu; athum otla masāmana, sakla masāmana, vatla mashireimana, chithālala ina nathumli kahāngna, Solomonna hekmaheilak eina okthuilala awon akhawui khamathayakkha mangavaimana. 28Kha aja luili wonlaga akhama meili horsanghaoki kaje awonrongbingli Varena chiyākha mathada samiakha nali ana kayākha mataimeida samirakhala? Oh, shitkasang khangazanbing! 29Chieina nathumna khi zāra, khi mangrakhala da maphaalu lah malung maringalu. 30#Mat 6.8. Kaja okathuiwui yur saikorana hikathā otbing hi phai; kha nathumna otbing hi leingayiphalunga da nathumwui Avāna theisera. 31Kha awui wungram pharifalu, chithākha ot saikora nathumli ngarumsangmira.
Kazingramli Lan kakazip
(Mat 6.19-21)
32 #
Joh 21.15-17. “Mangacheealu, he kateowa ashangva̱ kaja wungram chi nathumli khami hi nathumwui Avāva̱wui ringkaphāna. 33#Mat 6.19-21; Lk 18.22. Nathumwui khalalei lan yorhaolu kala kathai-kachāmbingli milu; nathum khalatta kakān makhavai pheisākhao sākhuilu kala nathumwui lan chi kakānla mavailuiki kaji kazingramli phārihailu. Chili khalenala maleethuirarmara kala magungnala mazāmara, 34kaja nathumwui lan khaleipamli nathumwui ningla leira.
Ningkhangashara Raobing
35 #
Eph 6.14; Mat 25.1-13; Mk 13.33-37. “Kharārā kachiva̱li ngasung khavai shaksākhariklu kala thaomei sharkāhailu. 36Akhavāna ngalā shakazāwui eina shimli hankhaung ngaraikapam raobing thada sālu, chithākha ana ungda khamongli kakakung chitharan athumna heng sāda shomira. 37#Joh 13.3-5; Mat 24.42; Lk 21.36. Akhavāna latkhaung tharan ningkharikta honpamkasā raobing ka̱lā mahai; kachangkhat ina nathumli kahāngna, ana shāneira̱ neikhuilaga athumli tableli pamngasakra, kala rāda sheba samira. 38Ana rākakhanelila, rākakathumalila ningkharikta rimpamkasā raobing ka̱lā mahai. 39#Mat 24.43-44; 1 Thes 5.2; Phon 3.3; 16.15; 2 Pet 3.10. Kha hi theikazaklu kaja shimva̱ china khale china katharān rāra̱khala da theisāsi kaja ana mipā chili rimpamda khale chili awui shim makaizang ngasakmara. 40Chieina nathumla ngarānpinghailu; kaja nathumna maphaningkasā pung chili miwui Naomayara rāra.”
Kahāng Khanganā eina Makhanganā Rao
(Mat 24.45-51)
41Peterna hānga, “Proho, chānjam hi ithumli kahāngkā mi saikorawui vangkhala?” 42#Mat 24.45-51. #Lk 7.13. Chieina Prohona ngahānkai, “Chithākha atam horzakta kashakazā ngayarmi khavai shimvana pangshap horsangmi kapai ningkhamazinga kala chukhamaja̱ khalei kashina chi khipākhala? 43Shimva̱ china shimli hankhaung tharan ngarakzak eina sākasā rao chi ka̱lā mahai. 44Kachangkhat eina ina nathumli kahāngna, shimva̱ china rao chili awui khalalei lan saikorawui kashina sāngasakra. 45Kha rao china khalatta ‘Iwui akhavā maungfamara’ da phaninglaga rao mayarnaolila, rao sha̱naolila, kashaola shaoda amāng phāshak phazāpamda marippamakha 46rao china maphaningkasa zimiksho kala makathei pungli akhavā china hanungda ali tandi mida mashitkasangbingna kapam apamli haihaora. 47#Khal 25.2-3; Mis 15.29-30; Lk 8.18; 19.26. “Akhavāwui ningkachāng chi thatheilaga chi sākhavai makhangarāna kala akhavāwui ningkachāng athishurda makasā rao chi lijei shaira. 48Kha akhavāwui ningkachāng makatheiwui vang khalāng ot sākahai a china tandi samphanglala teomeira, kachungkha mikahai mi kachiva̱wui eina kachungkha khuishokpapamra kala chungmeida chisin kahaipawui eina chungmeida pora.
Kai Khangasaka Jishu
(Mat 10.34-36)
49 #
Lk 22.15. “Ina okathui hi mei sa̱tā khavai kharāna kala mei chi chuiphokhaira̱sasi kaja teokha phāralā! 50#Mk 10.38-39; Joh 12.27. Kha ina ra̱hikphalungki kaji akha lei kala chi makupkhuiranglakha ining chotlakli! 51#Mat 10.34-36; Lk 21.16; Mic 7.6. Ina kharā hi okathuili chingri kahai mikhavai kharāna, da nathumna phaninglā? Maningmana, chingri kahai mikhavai kharā maningmana, kha ngakaikhai khavai kharāna, 52kaja hiwui eina thuida shimkhur akhali mi phangā khalei chi kaira, kathumna khanili kala khanina kathumli mamayāngarokmara. 53Shimkhur chi kaingarokta avāva̱na anaomayarali, anaomayarana avāva̱li, ava̱va̱na anaongalāva̱li, anaongalāva̱na ava̱va̱li, aniva̱na arihāva̱li, arihāva̱na aniva̱li mamayā ngarokmara.”
Atam Kathei
(Mat 16.1-4; Mk 8.11-13)
54 #
Mat 16.2-3. Jishuna mi kachungkha chili hānga, “Nathumna zingtunshong muiyā kashing chitharan hengsāda, ‘kazing roki jiura’ da hānga; kala rokachanga, 55kala azingshong masi kaphan tharan nathumna ‘kazing kāngmaranglakra’ da hānga, kala chithada shokpapama. 56Phākakhaningbing! nathumna okathuili kala khamasaili kashok chi yanglaga zingyatwui pongli hāngshapa; kha khiwui vang eina aruihon atamwui kakhalat mahāngmirarthukhala?
Kaphena Mili Chamnākakhui
(Mat 5.25-26)
57 #
Mat 5.25-26. “Khi sāda khamashung khangarong ot sākhavai nathumna khalatta bichar masāthukhala? 58Nathumli kaphenapāli ngasoda kārotli vākida zatlakha ali chamnā khavai shongfali hotnālu. Chi maningakha ana nali bicharwoli shimenvāra kala bicharwona nali kārotwui kashina akhavā akhawui pāngli horsangmida ana nali phātopli sangra. 59Ina nathumli kahāngna, nathumna shongrān chi marunngakanranglakha eina tangda nathumli mashok ngasakmara.”
Currently Selected:
LUKE 12: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
LUKE 12
12
Phākakhaningbingli Hāngkhamathin
(Mat 10.26-27)
1 #
Mat 16.6; Mk 8.15. Mi thingthing rākazipta mi akhana akhali naiza̱ ngarokta leilakha, Jishuna rimeikapta awui sākhangatha̱bingli hānga, “Phariseebingwui khawok makazang phākakhaning chili ningngasharlu. 2#Mat 10.26-27; Mk 4.22; Lk 8.17; Eph 5.13. Maphongshoki kaji faror kahai khikha maleimana lah matheiki kaji ngathum kahaila maleimana. 3Nathumna ngayā tangkhamangli khangazek chi ngashun kahor atamli shāsera kala ngathumda shimlung kāli saisaida hāngkasang chila shimtungwui eina vaomalānra.”
Khipāli Ngacheera?
(Mat 10.28-31)
4 #
Joh 15.14-15. #Mat 10.28-33. “Itao ngarā, ina nathumli kahāngna, phasāli shaothatshaplaga chiwui thili khikha masākhararbing chili mangacheealu. 5#Heb 10.31. Kha khipāli ngacheerakhala kaji ina chitheira; chiya, shaothathailaga meifali horsangkashapwui pangshap khalei a chili ngacheelu, mha, ina nathumli kahāngna, ali ngacheelu. 6“Konghi phangāli pheisā khani eina mayormalā? Chithālala Varewui miktāli athum akhalila yangkhei kahai mavaimana. 7#Lk 21.18; Ots 27.34; Mat 12.12. Nathumwui kuisam eina tangda shānkahaina, mangacheealu; konghi kachungkhali nathum aman sakmeikhara.
Khrista Hāngkaphat kala Kakhalan
(Mat 10.32-33; 12.32; 10.19-20)
8“Ina nathumli kahāngna, kachikathāna ili mibingwui mangāli phongshar eina hāngphatakha, miwui Naomayaranala ali Varewui kazingraobingwui mangāli phongshar eina hāngphatra, 9#Mk 8.38; Lk 9.26; 2 Tim 2.12. kha mibingwui mangāli ili kākhalan mi chili Varewui kazingraobingwui mangāli inala khalanra. 10#Mat 12.31-32; Mk 3.28-29. “Miwui Naomayarawuitungli makhamayā tui khamatui saikora pheomira, kha Manglā Katharali kachipata chili mapheomimara. 11#Mat 10.19-20; Mk 13.11; Lk 21.14-15. “Athumna nathumli synagogueli, khamungabing kala khangam khareibingwui mangāli shimen khavā tharan nathumna kathada khi ngahānkārakhala lah khi hāngrakhala da malungmaringalu; 12kaja Manglā Katharana nathumli atam chichangli nathumna hāngkhangayi chi tamchitheimira.”
Kashānga Mangkhama̱wui Chānjam
13Yarui ngachaiwui eina mi akhana ali hānga, “Ojā, ishāvāna haimi kahai shimlui chi ilila ngayarmi khavai ishameili kahāngmilu.” 14Kha Jishuna ali hānga, “Mayara, nani khaniwuitungli bicharwo kala ngayarme sākhavai ili khipāna kapangsanghaikhala?” 15#1 Tim 6.6-10. Chieina ana athumli hānglui. “Ningkhariklu kala khangamarli ningngasharlu; kaja mikumo akhawui mirin hi awui lan tarākha khalei chili khalei maningmana.” 16Ana chānjam akha hānga, “Kashānga akhawui luili heiun tarākha unga; 17kala akhalatta chukmaja̱ya, ‘Iwui heiun hi kazip khavai apam maleithura, kathāusikhala?’ 18Chieina akhalatta phaninga, ‘Ina hithada sāra; ina iwui chum pheihailaga hakkhamei akha sākhuira; kala chili iwui mā kala thongthāngbing kazipra. 19Chiwui thili ina imanglāli hāngra, Manglā, nana zingkum shirakha shichin khavai khamathā ot kachungkha chi kazipsanghaira, leiyālak eina okthuilu, zālu, manglu kala ringphākhuilu.’ 20#Jer 17.11; Job 27.8; Laa 39.6; Lk 12.33-34. Kha Varena ali hānga, ‘Mangkhama̱a! Arui ngayā nawui manglā khuithuihaora’ chithākha ana kazip kahai lan saikora chi khipāwui ngasārakhala?” 21Chi tākam eina akhalattawui vang lan tarākha kazipsanghailaga Varewui miktāli makashāng mi chi chithai” da Jishuna hānga.
Vareli Kachihān
(Mat 6.25-34)
22 #
Mat 6.25-33. Chieina Jishuna awui sākhangatha̱bingli hānga, “Chiwui vang eina ina nathumli kahāngna, nathumwui mirinli khi zāra, naphasāwui vang khi ngavaira da malung maringalu. 23Kaja mirinna kashakazāli mataimei kala phasāna kashankachonli mataimei. 24#Lk 12.6-7. Vānaobingli machukyanglu, athum khayaola mayaomana, kahātla mahātkhuimana, athumna kazip khavai shimla, chumla maleimana, chithālala Varena athumli mizai. Nathumna vānaobingli kayākha sakmataimeikhala? 25Kala nathumwui ngachaili khipāna malungringhaowada awui mirin okthot khuiningkha mataisangkhuishapkhala? 26Nathumna chikathā kateowa ot chi masārarlaga khiwui vang eina khangatei otbingwui vang malungringkhala? 27#1 Wung 10.1-10. Timrāwonbingna kathada rarsangkhala da machukyanglu; athum otla masāmana, sakla masāmana, vatla mashireimana, chithālala ina nathumli kahāngna, Solomonna hekmaheilak eina okthuilala awon akhawui khamathayakkha mangavaimana. 28Kha aja luili wonlaga akhama meili horsanghaoki kaje awonrongbingli Varena chiyākha mathada samiakha nali ana kayākha mataimeida samirakhala? Oh, shitkasang khangazanbing! 29Chieina nathumna khi zāra, khi mangrakhala da maphaalu lah malung maringalu. 30#Mat 6.8. Kaja okathuiwui yur saikorana hikathā otbing hi phai; kha nathumna otbing hi leingayiphalunga da nathumwui Avāna theisera. 31Kha awui wungram pharifalu, chithākha ot saikora nathumli ngarumsangmira.
Kazingramli Lan kakazip
(Mat 6.19-21)
32 #
Joh 21.15-17. “Mangacheealu, he kateowa ashangva̱ kaja wungram chi nathumli khami hi nathumwui Avāva̱wui ringkaphāna. 33#Mat 6.19-21; Lk 18.22. Nathumwui khalalei lan yorhaolu kala kathai-kachāmbingli milu; nathum khalatta kakān makhavai pheisākhao sākhuilu kala nathumwui lan chi kakānla mavailuiki kaji kazingramli phārihailu. Chili khalenala maleethuirarmara kala magungnala mazāmara, 34kaja nathumwui lan khaleipamli nathumwui ningla leira.
Ningkhangashara Raobing
35 #
Eph 6.14; Mat 25.1-13; Mk 13.33-37. “Kharārā kachiva̱li ngasung khavai shaksākhariklu kala thaomei sharkāhailu. 36Akhavāna ngalā shakazāwui eina shimli hankhaung ngaraikapam raobing thada sālu, chithākha ana ungda khamongli kakakung chitharan athumna heng sāda shomira. 37#Joh 13.3-5; Mat 24.42; Lk 21.36. Akhavāna latkhaung tharan ningkharikta honpamkasā raobing ka̱lā mahai; kachangkhat ina nathumli kahāngna, ana shāneira̱ neikhuilaga athumli tableli pamngasakra, kala rāda sheba samira. 38Ana rākakhanelila, rākakathumalila ningkharikta rimpamkasā raobing ka̱lā mahai. 39#Mat 24.43-44; 1 Thes 5.2; Phon 3.3; 16.15; 2 Pet 3.10. Kha hi theikazaklu kaja shimva̱ china khale china katharān rāra̱khala da theisāsi kaja ana mipā chili rimpamda khale chili awui shim makaizang ngasakmara. 40Chieina nathumla ngarānpinghailu; kaja nathumna maphaningkasā pung chili miwui Naomayara rāra.”
Kahāng Khanganā eina Makhanganā Rao
(Mat 24.45-51)
41Peterna hānga, “Proho, chānjam hi ithumli kahāngkā mi saikorawui vangkhala?” 42#Mat 24.45-51. #Lk 7.13. Chieina Prohona ngahānkai, “Chithākha atam horzakta kashakazā ngayarmi khavai shimvana pangshap horsangmi kapai ningkhamazinga kala chukhamaja̱ khalei kashina chi khipākhala? 43Shimva̱ china shimli hankhaung tharan ngarakzak eina sākasā rao chi ka̱lā mahai. 44Kachangkhat eina ina nathumli kahāngna, shimva̱ china rao chili awui khalalei lan saikorawui kashina sāngasakra. 45Kha rao china khalatta ‘Iwui akhavā maungfamara’ da phaninglaga rao mayarnaolila, rao sha̱naolila, kashaola shaoda amāng phāshak phazāpamda marippamakha 46rao china maphaningkasa zimiksho kala makathei pungli akhavā china hanungda ali tandi mida mashitkasangbingna kapam apamli haihaora. 47#Khal 25.2-3; Mis 15.29-30; Lk 8.18; 19.26. “Akhavāwui ningkachāng chi thatheilaga chi sākhavai makhangarāna kala akhavāwui ningkachāng athishurda makasā rao chi lijei shaira. 48Kha akhavāwui ningkachāng makatheiwui vang khalāng ot sākahai a china tandi samphanglala teomeira, kachungkha mikahai mi kachiva̱wui eina kachungkha khuishokpapamra kala chungmeida chisin kahaipawui eina chungmeida pora.
Kai Khangasaka Jishu
(Mat 10.34-36)
49 #
Lk 22.15. “Ina okathui hi mei sa̱tā khavai kharāna kala mei chi chuiphokhaira̱sasi kaja teokha phāralā! 50#Mk 10.38-39; Joh 12.27. Kha ina ra̱hikphalungki kaji akha lei kala chi makupkhuiranglakha ining chotlakli! 51#Mat 10.34-36; Lk 21.16; Mic 7.6. Ina kharā hi okathuili chingri kahai mikhavai kharāna, da nathumna phaninglā? Maningmana, chingri kahai mikhavai kharā maningmana, kha ngakaikhai khavai kharāna, 52kaja hiwui eina thuida shimkhur akhali mi phangā khalei chi kaira, kathumna khanili kala khanina kathumli mamayāngarokmara. 53Shimkhur chi kaingarokta avāva̱na anaomayarali, anaomayarana avāva̱li, ava̱va̱na anaongalāva̱li, anaongalāva̱na ava̱va̱li, aniva̱na arihāva̱li, arihāva̱na aniva̱li mamayā ngarokmara.”
Atam Kathei
(Mat 16.1-4; Mk 8.11-13)
54 #
Mat 16.2-3. Jishuna mi kachungkha chili hānga, “Nathumna zingtunshong muiyā kashing chitharan hengsāda, ‘kazing roki jiura’ da hānga; kala rokachanga, 55kala azingshong masi kaphan tharan nathumna ‘kazing kāngmaranglakra’ da hānga, kala chithada shokpapama. 56Phākakhaningbing! nathumna okathuili kala khamasaili kashok chi yanglaga zingyatwui pongli hāngshapa; kha khiwui vang eina aruihon atamwui kakhalat mahāngmirarthukhala?
Kaphena Mili Chamnākakhui
(Mat 5.25-26)
57 #
Mat 5.25-26. “Khi sāda khamashung khangarong ot sākhavai nathumna khalatta bichar masāthukhala? 58Nathumli kaphenapāli ngasoda kārotli vākida zatlakha ali chamnā khavai shongfali hotnālu. Chi maningakha ana nali bicharwoli shimenvāra kala bicharwona nali kārotwui kashina akhavā akhawui pāngli horsangmida ana nali phātopli sangra. 59Ina nathumli kahāngna, nathumna shongrān chi marunngakanranglakha eina tangda nathumli mashok ngasakmara.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.