LUKE 13
13
Ning Mangateiakha Thira
1Chitharan Galileewui mi kaikhawui ashee Pilatena pha̱kaphayāli manatmi kahaiwui pongli mi kaikhana Jishuli rāhānga. 2#Joh 9.1-3.Chieina athumli hānga, “Shaothat kahai Galileenaobing hina khangatei Galileenaobingli morei phungmei kahaiwui vang chithada kachotkachang samkaphangna da nathum phaninglā? 3Maningphutmana! Ina nathumli kahāngna, nathumla ning mangateiakha chithada shimānra. 4Lha Siloamli dolanshim tektāda tākthat kahai mi tharāda chishat chi aja Jerusalemli panda khalei mibingli yonmeikhara da nathum phaninglā? 5Maningphutmana! Ina kahāngna kaja nathumla ning mangateiakha chithada shimānra.”
Athei Makhamathei Khaorārong
6 #
Mat 21.18-20; Mk 11.12-14,20-21. Chieina ana chānjam akhala hāngchithei, “Mi akhana awui yāmguili khaorārong akha lingsanghai, kala athei aphākhavai khavā eina athei akhala masamphangthuwa. 7#Mat 3.10; 7.19; Lk 3.9. Chieina ana yāmgui khamayonapā chili hānga, ‘Yanglu, kum kathum ina khaorārong hiwui athei phākhui khavai rāchinga, kha akhala maphākhuilakranga. Hi ta̱tekhaolu! Khi kannāda hina ngalei hiyākha sāshimān ngasakrakhala?’ 8Kha yāmgui khamayonana ngahānkai, ‘Amei ajakumāng haisāsa, ina arong hili kuimareida chuilaga hār sangmira. 9Chiwui thili zingkuma athei matheiakha phālakhaira, kha kalikha mamatheisaakha ta̱tekhainaolu.’”
Akhum Katek Sha̱naoli Raikhami
10Jishuna sabbaththang synagogue akhali tamchitheida leisai. 11Apam chili zingkum tharāda chishat kameoraih kazā kahai sha̱nao akha leisai; Ava khum tekhaida ngatartei eina manganingrarmana. 12Jishuna ali kathei tharan ali hokhuida hānga, “He sha̱nao, nali nawui kazātwui eina chihomihaira.” 13Ana awuitungli pāng parza̱ya, chieina ngalāngda ngatartei nganingkāda Vareli masot chikata. 14#Sho 20.9-10; Lk 6.6-11; 14.1-6; Joh 5.1-18.Kha Synagoguewui akhavā china sabbaththang Jishuna raikhamiwui vang malungvāthaoda mibingli hānga, “Ot sākhavai zimiksho tharukthang lei, chiwui alungli rālu kala rāraikhuilu kha sabbaththang marālu.” 15#Lk 7.13; 14.5; Mat 12.11. Chieina Prohona ngahānkai, “Phākakhaningbing! Nathumna sabbaththang nathumwui sei lah gadhā seishimwui eina chihomilaga tara̱ shimān khavai mahomvāmala? 16#Lk 19.9. Chithākha Abrahamwui naongalāva̱ kashokva̱li Satanna kum tharāda chishat narkahaiwui eina sabbaththang machihomingayimala?” 17Ana hi kahāng eina awui yangkashebing saikora khayaklakhaowa; kala mi saikorana ana matakhak kahai ot sākahai chiwui vang mathāna.
Kayānghanthāwui Chānjam
(Mat 13.31-32; Mk 4.30-32)
18 #
Mat 13.31-32; Mk 4.30-32. Chieina ana hānga, “Vare wungram hi khi eina ngaraichākhala? Khili ngaheosikhala? 19Hiya mi akhana kayānghanthā apā akha khuida awui yāmguili yaohailaga chi haksangda arong khangasā eina yongkazata vānaobingna aphāngbingli athip rākasā kathāna.”
Kapkachungwui Chānjam
(Mat 13.33)
20 #
Mat 13.33. Ana hāngluishita, “Vare wungram hi ina khili ngaheosikhala? 21Hiya sha̱nao akhana khawok ari khuilaga phazāt kathumwui angarakli manāthailaga katonga chi makapchungranglakha eina tangda haikahai kathāna.”
Khamashā Khāmong
(Mat 7.13-14,21-23)
22 #
Lk 9.51; 17.11; 18.31; 19.11. Jishuna keinung kala kha̱ kachiva̱li tamchitheimamānda Jerusalemli vai. 23#Mat 7.13-14; Joh 10.7. Chitharan kachikathā mi akhana ali rāngahāna, “Ojā mi kateokhamāng kahui samphangrala?” Jishuna ngahānkai, 24“Nathumna khamasha̱ khamong eina zangkhavai hotnālu, khiwui vangkhala kaja mi kachungkhana chili zangkhavai hotnāra kha mazangrarmara. 25#Mat 25.10-12.Shimva̱na ngakarthuilaga akhashida khamong ta̱kkahai tharan nathumna kayāngli nganingda khamong kakunglaga, ‘Amei, ithumli shomilu’ da hāngra. Chieina ana nathumli ‘Nathum kachiwui eina kharākhala, I matheimana’ da ngahānkāra. 26#Mat 7.21-23; 25.41; Lk 6.46.Chitharan nathumna ngahānkāra, ‘Ithum nali ngasoda phāshak phazāruma; ithumwui keinunglila nana rātamchithei.’ 27Kha ana, ‘Ina kahāngna, nathum kachiwui eina kharākhala da I matheimana; iwui eina thulu, He makaphā makhayā ot kasābing’ da hāngra. 28#Mat 8.11-12. Nathumna Vare wungramli Abraham, Isaac, Jacob kala marān saikora kathei tharan, kha nathumliva horshok kahai tharan nathumna kachapla chapta ahāla tarira. 29Kala mibingna zingsho, zingtun, ato, azewui eina rāda Vare wungramwui nitreili rāzangra. 30#Mat 19.30; Mk 10.31. Chieina yanglu, riki kaje kaikhana naora, naoki kaje kaikhana rira.”
Jerusalemwui vang Kachap
(Mat 23.37-39)
31Atam chichangli Pharisee kaikhana ali rāhānga, “Na apam hiwui eina zatthuimihaolu kaja Herodna nali shaothatngailak eina leili.” 32#Heb 2.10; 7.28. Chieina Jishuna ngahānkai, “Vālu kala ramfa chili ahānglu; ‘Yanglu, ina ajala, akhamala, chipeeli kashamshokra kala kakazāla raimira kala kakathumthang ina sāki kaji ot sākupra. 33Chithālala ina vāphalungki kaji chili ajala, akhamala kala khanaothangla vāphalungra kaja marān akhala Jerusalemli maningla apam khangateili mashimānpaimana. 34#Mat 23.37-39; Lk 19.41. “Iyavo, Jerusalem! Jerusalem! Marānbingli shaokathata keinung, kala nali chihokharābingli lunggui eina horkathata! Ina nawui naongarabingli harva̱na anaobingli angachangzingli kazipkakhui thada kayākhashira, laga chi nana mamayāmana! 35#Jer 22.5; Laa 118.26; Lk 19.38. Yanglu, nathumwui shim choda haimihaira kala ina nathumli kahāngna, nathumna ‘Prohowui mingli kharā mi chi sokhami ngasāranu’ da mahāngranglakha eina tangda nathumna ili matheiluimara.”
Currently Selected:
LUKE 13: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
LUKE 13
13
Ning Mangateiakha Thira
1Chitharan Galileewui mi kaikhawui ashee Pilatena pha̱kaphayāli manatmi kahaiwui pongli mi kaikhana Jishuli rāhānga. 2#Joh 9.1-3.Chieina athumli hānga, “Shaothat kahai Galileenaobing hina khangatei Galileenaobingli morei phungmei kahaiwui vang chithada kachotkachang samkaphangna da nathum phaninglā? 3Maningphutmana! Ina nathumli kahāngna, nathumla ning mangateiakha chithada shimānra. 4Lha Siloamli dolanshim tektāda tākthat kahai mi tharāda chishat chi aja Jerusalemli panda khalei mibingli yonmeikhara da nathum phaninglā? 5Maningphutmana! Ina kahāngna kaja nathumla ning mangateiakha chithada shimānra.”
Athei Makhamathei Khaorārong
6 #
Mat 21.18-20; Mk 11.12-14,20-21. Chieina ana chānjam akhala hāngchithei, “Mi akhana awui yāmguili khaorārong akha lingsanghai, kala athei aphākhavai khavā eina athei akhala masamphangthuwa. 7#Mat 3.10; 7.19; Lk 3.9. Chieina ana yāmgui khamayonapā chili hānga, ‘Yanglu, kum kathum ina khaorārong hiwui athei phākhui khavai rāchinga, kha akhala maphākhuilakranga. Hi ta̱tekhaolu! Khi kannāda hina ngalei hiyākha sāshimān ngasakrakhala?’ 8Kha yāmgui khamayonana ngahānkai, ‘Amei ajakumāng haisāsa, ina arong hili kuimareida chuilaga hār sangmira. 9Chiwui thili zingkuma athei matheiakha phālakhaira, kha kalikha mamatheisaakha ta̱tekhainaolu.’”
Akhum Katek Sha̱naoli Raikhami
10Jishuna sabbaththang synagogue akhali tamchitheida leisai. 11Apam chili zingkum tharāda chishat kameoraih kazā kahai sha̱nao akha leisai; Ava khum tekhaida ngatartei eina manganingrarmana. 12Jishuna ali kathei tharan ali hokhuida hānga, “He sha̱nao, nali nawui kazātwui eina chihomihaira.” 13Ana awuitungli pāng parza̱ya, chieina ngalāngda ngatartei nganingkāda Vareli masot chikata. 14#Sho 20.9-10; Lk 6.6-11; 14.1-6; Joh 5.1-18.Kha Synagoguewui akhavā china sabbaththang Jishuna raikhamiwui vang malungvāthaoda mibingli hānga, “Ot sākhavai zimiksho tharukthang lei, chiwui alungli rālu kala rāraikhuilu kha sabbaththang marālu.” 15#Lk 7.13; 14.5; Mat 12.11. Chieina Prohona ngahānkai, “Phākakhaningbing! Nathumna sabbaththang nathumwui sei lah gadhā seishimwui eina chihomilaga tara̱ shimān khavai mahomvāmala? 16#Lk 19.9. Chithākha Abrahamwui naongalāva̱ kashokva̱li Satanna kum tharāda chishat narkahaiwui eina sabbaththang machihomingayimala?” 17Ana hi kahāng eina awui yangkashebing saikora khayaklakhaowa; kala mi saikorana ana matakhak kahai ot sākahai chiwui vang mathāna.
Kayānghanthāwui Chānjam
(Mat 13.31-32; Mk 4.30-32)
18 #
Mat 13.31-32; Mk 4.30-32. Chieina ana hānga, “Vare wungram hi khi eina ngaraichākhala? Khili ngaheosikhala? 19Hiya mi akhana kayānghanthā apā akha khuida awui yāmguili yaohailaga chi haksangda arong khangasā eina yongkazata vānaobingna aphāngbingli athip rākasā kathāna.”
Kapkachungwui Chānjam
(Mat 13.33)
20 #
Mat 13.33. Ana hāngluishita, “Vare wungram hi ina khili ngaheosikhala? 21Hiya sha̱nao akhana khawok ari khuilaga phazāt kathumwui angarakli manāthailaga katonga chi makapchungranglakha eina tangda haikahai kathāna.”
Khamashā Khāmong
(Mat 7.13-14,21-23)
22 #
Lk 9.51; 17.11; 18.31; 19.11. Jishuna keinung kala kha̱ kachiva̱li tamchitheimamānda Jerusalemli vai. 23#Mat 7.13-14; Joh 10.7. Chitharan kachikathā mi akhana ali rāngahāna, “Ojā mi kateokhamāng kahui samphangrala?” Jishuna ngahānkai, 24“Nathumna khamasha̱ khamong eina zangkhavai hotnālu, khiwui vangkhala kaja mi kachungkhana chili zangkhavai hotnāra kha mazangrarmara. 25#Mat 25.10-12.Shimva̱na ngakarthuilaga akhashida khamong ta̱kkahai tharan nathumna kayāngli nganingda khamong kakunglaga, ‘Amei, ithumli shomilu’ da hāngra. Chieina ana nathumli ‘Nathum kachiwui eina kharākhala, I matheimana’ da ngahānkāra. 26#Mat 7.21-23; 25.41; Lk 6.46.Chitharan nathumna ngahānkāra, ‘Ithum nali ngasoda phāshak phazāruma; ithumwui keinunglila nana rātamchithei.’ 27Kha ana, ‘Ina kahāngna, nathum kachiwui eina kharākhala da I matheimana; iwui eina thulu, He makaphā makhayā ot kasābing’ da hāngra. 28#Mat 8.11-12. Nathumna Vare wungramli Abraham, Isaac, Jacob kala marān saikora kathei tharan, kha nathumliva horshok kahai tharan nathumna kachapla chapta ahāla tarira. 29Kala mibingna zingsho, zingtun, ato, azewui eina rāda Vare wungramwui nitreili rāzangra. 30#Mat 19.30; Mk 10.31. Chieina yanglu, riki kaje kaikhana naora, naoki kaje kaikhana rira.”
Jerusalemwui vang Kachap
(Mat 23.37-39)
31Atam chichangli Pharisee kaikhana ali rāhānga, “Na apam hiwui eina zatthuimihaolu kaja Herodna nali shaothatngailak eina leili.” 32#Heb 2.10; 7.28. Chieina Jishuna ngahānkai, “Vālu kala ramfa chili ahānglu; ‘Yanglu, ina ajala, akhamala, chipeeli kashamshokra kala kakazāla raimira kala kakathumthang ina sāki kaji ot sākupra. 33Chithālala ina vāphalungki kaji chili ajala, akhamala kala khanaothangla vāphalungra kaja marān akhala Jerusalemli maningla apam khangateili mashimānpaimana. 34#Mat 23.37-39; Lk 19.41. “Iyavo, Jerusalem! Jerusalem! Marānbingli shaokathata keinung, kala nali chihokharābingli lunggui eina horkathata! Ina nawui naongarabingli harva̱na anaobingli angachangzingli kazipkakhui thada kayākhashira, laga chi nana mamayāmana! 35#Jer 22.5; Laa 118.26; Lk 19.38. Yanglu, nathumwui shim choda haimihaira kala ina nathumli kahāngna, nathumna ‘Prohowui mingli kharā mi chi sokhami ngasāranu’ da mahāngranglakha eina tangda nathumna ili matheiluimara.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.